Մենք ամաչում ենք, որ ունենք բռնապետական հոգեւոր իշխանություն. Կարեն Պետրոսյան

Արդեն տեւական ժամանակ է՝ ստեղծվել է «Նոր Հայաստան, Նոր Հայրապետ» նախաձեռնությունը՝ ընդդեմ Ամենայն Հայոց կաթողիկոս Գարեգին Բ-ի: Նախաձեռնությունը մի քանի անգամ բողոքի ցույցեր է կազմակերպել: Ուրբաթ օրը նախաձեռնության կազմակերպած հերթական ցույցի ժամանակ քահանաների հետ կրկին անգամ վիճաբանություն է եղել: Իսկ շաբաթ օրը նախաձեռնությունը փակել էր կաթողիկոսի ավտոմեքենայի ճանապարհը: ՀԺ-ն զրուցեց «Նոր Հայաստան, Նոր Հայրապետ» նախաձեռնության անդամ Կարեն Պետրոսյանի հետ՝ պարզելու համար նախաձեռնության հիմնական պահանջները եւ նպատակները: Ի դեպ, Կարեն Պետրոսյանը հանդիսանում է նաեւ «Կոմպաս» ՀԿ-ի ձեռներեցության պատասխանատուն, ինչպես նաեւ վերջերս դարձել է Գյումրու ԵՊՏՀ մասնաճյուղի տնօրենը:

- Պարոն Պետրոսյան, ուրբաթ առավոտյան հերթական անգամ ցույց էիք կազմակերպել՝ ընդդեմ Գարեգին Բ-ի, իսկ շաբաթ օրը փակել էիք նրա ավտոմեքենայի ճանապարհը, մանրամասներ կներկայացնե՞ք, թե ինչ եղավ:

- Ամբողջ հարցն այն է, որ Մայր Աթոռը՝ ի դեմս Գարեգին Գեղարդագողի եւ իր կլանի, սկսեցին ստեր եւ կեղծիքներ տարածել ամբողջ էլեկտրոնային հարթակում` ԶԼՄ-ների միջոցով, եւ մենք արդեն առավել քան վստահ ենք, որ իրենք նաեւ տարբեր կոռուպցիոն սխեմաների մեջ են որոշ ԶԼՄ-ների հետ, նամանավանդ հին իշխանության հայտնի ԶԼՄ-ների տիրակալների հետ:

Ոստիկանությունը դեպքերի մասին հայտարարություն չի անում, բայց իրենք կեղծ ինֆորմացիա են սկսում տարածել: Օրինակ` թմրանյութի հանգամանքը, երբ որ ոստիկանությունը որեւէ բան չի ասել եւ դեռ  փորձաքննությունը չի էլ սկսվել կամ ավարտվել, եպիսկոպոս կոչված՝ ասում է, որ թմրանյութի ազդեցության տակ ենք մտել եւ դա իրենց ասել է ոստիկանությունն` ըստ իր խոսքի:

Այսինքն, իրենք ոստիկանությանը վատ իրավիճակի մեջ են դնում եւ ոստիկանության բերանով, որ դեռ նախաքննությունը չի ավարտվել, իրենք շահարկում են ոստիկանությանը: Նույն կերպ էլ մնացած բոլոր հանգամանքներում, օրինակ` «Կոմպաս» հետազոտական կազմակերպությունը, Բաց հասարակության ինստիտուտի միջոցներով գումար էր ստացել՝ Շիրակի բյուջեն հետազոտելու, թվայնացնելու եւ հրապարակելու համար: Ամբողջ այդ հոգեւորականները սկսում են տարածել, որ մենք համասեռամոլության հետ կապ ունենք, չգիտեմ ինչերի հետ կապ ունենք: Այսինքն, այսպիսի փակ համակարգ են իրենք ստեղծել:

Մենք գնացել էինք այնտեղ, որ ասենք, որ դեմ ենք այս բռնապետությանը, այս կոռուպցիոն սխեմաներին եւ ժողովրդի շրջանում ապատեղեկատվություն տարածելուն, որովհետեւ քիչ ԶԼՄ-ներ են մեզ լուսաբանում` իրենց թեթեւ ձեռքով: Իրենք արդեն ինչ ուզում են, անդրադառնում են, մենք փաստաբաններ ենք վերցրել, որպեսզի բոլոր հրապարակումները իրավական գնահատականի արժանանան:

Մենք ներկայացնում էինք փաստերը, որ  Գարեգին կաթողիկոս Գեղարդագողը Գեղարդն է գողացել, կին երեխա, ունի, որը կարգին դեմ է, բիզնեսներ ունի, տարբեր ներկրման սխեմաների մեջ ինքը կա:

Տարբեր տարիներին հոգեւորականները իրենց փաստերով մեղադրել են տարբեր կոռուպցիոն սխեմաների մեջ լինելու, ինքնագործունեության համար: Այսինքն, ինքը ստեղծել է կոռուպցիոն բռնապետական համակարգ, որը մեր երկրի փիլիսոփայությունից դուրս է:

Մեր վարչապետը, որը ժողովրդի կողմից այդքան սիրելի է, այդքան տանջվում է, որ այս համակարգերը չլինեն, բայց մեր անկախ Հայաստանի սրտում մի հատ գերկոռումպացված համակարգ կա:

- Ի՞նչ եք պատրաստվում առաջիկայում ձեռնարկել, մինչեւ վերջ պատրաստվում եք գնալ, որ հասնեք Գարեգին Բ-ի հրաժարականի՞ն:

- Անշուշտ, կաթողիկոսը, ով կին, երեխաներ ունի, ով ստեղծել է բռնապետական համակարգ, ով կարող է քրիստոնյաների գրպանը թմրանյութ գցել`իրենց ասածով եմ ասում, ով այսքան լկտի ստի եւ կեղծիքի մեջ է, ինչպե՞ս նա կարող է արդարության եւ միաբանության երաշխավոր լինել:

Ինքը եղել է Սերժ Սարգսյանի կաթողիկոսը, որովհետեւ ընտրությունները դեռ չհրապարակված, ԿԸՀ-ն դեռ արդյունքները չհայտարարած, նա վազում եւ շնորհավորում է Սերժ Սարգսյանին: Սա ի՞նչ է, եթե ոչ ընտրության արդյունքների վրա ազդեցություն եւ լեգիտիմացում: Ես, որպես ՀՀ քաղաքացի, այսպես եմ հասկանում, ո՞ւր էր այդ Գարեգին Բ-ն Մարտի 1-ին:

- Տեր Կորյունին կարգալույծ անելու հարցն ի՞նչ եղավ:

- Կաթողիկոսը հերթական շանտաժին գնաց, ասեց, որ հանձնաժողովը իրեն կարգալույծ է հռչակել, բայց ինքը 1 շաբաթ ժամանակ է տալիս, որ ուղղվի: Այսինքն, կաթողիկոսը բառացի ասում է՝ ես թքած ունեմ հանձնախմբի որոշման վրա, ես բռնապետ եմ եւ կարող եմ ներում շնորհել: Այսինքն, ասում է՝ օրենքը ոչ թե եկեղեցու կարգն է այլ ես, կուզենամ 1 շաբաթ ժամանակ կտամ, չեմ ուզենա՝ չեմ տա: Նա վերջնագրով է խոսում իր զավակների հետ եւ սա ծայրագույն բռնապետական համակարգի դրսեւորում է:

- Իսկ ինչո՞ւ շարժումը դեռ այդքան մեծ ակտիվություն չի առաջացնում, ինչո՞ւ են շարժման անդամներն այդքան քիչ:

- Ես ձեզ հավաստիացնում եմ, որ անչափ շատ են դժգոհողները: Միայն մեր ֆեյսբուքյան էջը, որը մենք այդքան էլ շատ չենք տարածում, այսքան կարճ ժամանակում արդեն ունի մոտ 8 հազար հետեւորդ, սա քիչ թիվ չէ: Ավելին ասեմ, ես ինքս Գյումրիից եմ եւ չի եղել մինչեւ օրս մի մարդ, որ ինձ չողջունի եւ չասի՝ դրա քոքը կտրեք այս երկրից, դա այս երկրի համար չարիք է: Այդպես է մտածում ՀՀ բնակչության 90 տոկոսը:

- Մի քանի օր առաջ իրականացրած ձեր ցույցի ժամանակ մենք տեսանք, որ դուք քահանաներին վիրավորում էիք, մասնավորապես ասում էիք՝ «կթրաշեմ քեզ»:

- Մեր կողմից քահանաներին վիրավորանք չի եղել: Դա ընդունված պրակտիկա է հայ եկեղեցու մեջ, այն քահանաները, ովքեր չեն որդեգրի քահանայի կեցվածքը, չեն լինի այն տեսակը, որը մատնանշված է Սուրբ գրքում, նրան թրաշել են: Այսինքն, իր մորուքից կտրել են, ցույց տալով, որ այս քահանան խարան ունի իր վրա եւ չի համապատասխանում հոգեւորականին ներկայացվող պահանջին: Դա վիրավորանք չէ, սա ուղղակի իրենց սթափության կոչ է:

- Սոցցանցերում խոսվում է, որ «Կոմպաս» ՀԿ-ն, որտեղ դուք աշխատում եք, ֆինանսավորում է ստանում եվրոպական կազմակերպություններից, որոնք էլ դրդում են, որ նմանատիպ ցույցեր կազմակերպեք, դա ճի՞շտ է:

- «Կոմպաս» կազմակերպությունը գիտահետազոտական կազմակերպություն է, որն իրականացնում է ծրագրեր, այդ թվում նաեւ դրամաշնորհային: Մենք դրամաշնորհներ ստացել ենք ե՛ւ ՀՀ բյուջեից, ե՛ւ միջազգային տարբեր կազմակերպություններից:

Մենք 3 ուղղություն ունենք եւ մեր բոլոր հետազոտությունները եւ գործունեությունը 3 ուղղության մեջ է, դա համայնքային զարգացումն է, գործարարության զարգացումն է եւ սոցիալ-տնտեսական հիմնախնդիրներն են: Այսինքն, մենք բացառապես այս 3 ուղղության մեջ ենք մեր գործունեությունը կազմակերպել եւ որեւէ անգամ մենք մեր առաքելությունից չենք շեղվել: Ավելին ասեմ՝ «Կոմպաս» գիտահետազոտական կազմակերպությունը Հայաստանում գործող միակ հասարակական կազմակերպություններից է, որը հրապարակային հայտարարել է, որ իր արժեհամակարգը քրիստոնեական է:

- Ո՞րն էր պատճառը, որ հենց այս շրջանում սկսեցիք պահանջել կաթողիկոսի հրաժարականը:

- Մենք քաղաքացիական հասարակություն ենք եւ մենք ասում ենք, որ առողջ մարմնում չի կարող լինել ոչ առողջ հոգի: Այն պետությունը, որ մենք հիմա կերտում ենք, ունենք սիրված իշխանություն, բայց մենք ամաչում ենք, որ ունենք բռնապետական հոգեւոր իշխանություն այդ համակարգում: Ինքը ստեղծել է խիստ կլանային համակարգ: Չկա աշխարհում մի եկեղեցի, որտեղ մի փոքր գյուղից 5 եպիսկոպոս լինի, իսկ հիմա կաթողիկոսի գյուղը` Ոսկեհատը, տվել է 5 եպիսկոպոս: Էջմիածնի դիվանապետը` Արշակ եպիսկոպոսը, Ոսկեհատ գյուղից է, իր եղբայր` Եզրասը, Ոսկեհատ գյուղից է, որն աշխարհի ամենամեծ թեմերից մեկի առաջնորդն է:

Անգլիայի թեմի առաջնորդը` Հովակիմ սրբազանը, նորից իր համագյուղացին է: Իր քրոջ որդին` Մկրտիչ սրբազանը, նույնպես այդ գյուղից է: Շատ նաեւ աբեղաներ, վարդապետներ, քահանաներ ունենք այդ գյուղից: Այսինքն, հիմա ստացվում է իրավիճակ, որ մեր երկիրը, որը հիմա կերտում ենք` կլանային համակարգ կա: Փաստերի հանգամանքը այնքան շատ է, որ մենք ստիպված եղանք դրանք համադրել: Նույնիսկ Երուսաղեմի պատրիարքը ասաց, որ Գարեգին Բ-ն եւ լուսավորչական գահը անհամատեղելի են: Այսինքն, մեր հոգեւոր առաջնորդը պետք է լինի արդարության երաշխավորը, մինչդեռ այսօրվա հոգեւոր առաջնորդը ճիշտ հակառակն է:

Տպել
5253 դիտում

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կդառնան պատգամավոր

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները

ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Մի վաճառեք ձեր ձայնը․ այս ընտրությունները պետք է լինեն լավագույնը Հայաստանում․ Սվիտալսկի

Արտակարգ դեպք Երեւանում․ կրակոցներ են արձակել ՊՆ գնդապետի մեքենայի ուղղությամբ

Մեծ կարեւորություն ենք տալիս վերականգնվող էներգետիկայի ներուժի օգտագործմանը․ Տիգրան Ավինյան

«Արզնու տոհմային ԹՏԽ» ընկերությունը տուգանվել է 20 միլիոն դրամով․ կարագում բացակայել է կովի կաթը

ՀՀ եւ Իրանի գլխավոր դատախազները ստորագրել են երկու համագործակցության ծրագիր

Դավիթ Սանասարյանի բացած դուռը փակվել է. Մարալիկում բողոքի ակցիան ընդդեմ Արտակ Գեւորգյանի վերսկսվել է

«Գազպրոմ Արմենիա»-ում բացահայտվել են խոշոր չափերով հարկային պարտավորություններ չվճարելու դեպքեր․ ՊԵԿ

ՀՀ-ում երկրորդ կյանք են տալիս պոլիէթիլենից տոպրակներին, պլաստիկին եւ կենցաղային այլ թափոններին (տեսանյութ)

Ինձ համար ցավոտ թեմա է. Մարտիրոսյանը դոպինգ սկանդալի ու օլիմպիական բրոնզից զրկվելու մասին

ՀՀ բնակիչները կասկածվում են Մեծ Բրիտանիայում կրիպտո-խարդախության համար

Թաղային հեղինակություն ասելով՝ նկատի ունեմ թաղում հեղինակություն ունեցող մարդ. Արայիկ Աղաբաբյան

ՀՅԴ համամասնական ցուցակի առաջին եռյակը հաստատվել է