Արցախցին դիմում է ՀՀ վարչապետ Նիկոլ Փաշինյանին՝ ակնկալելով նրանից արդարության վերականգնում

Այսօր «Հայկական ժամանակ» օրաթերթի խմբագրություն էր այցելել Արցախի Հանրապետության քաղաքացի Ռաֆիկ Անանյանը: Նա մեզ ներկայացրեց Արցախում իր դեմ կատարված ապօրինությունները, հայտնեց, որ դիմել է տեղի իշխանություններին, սակայն իր հարցերին լուծում չի տրվել, ինչից ելնելով էլ ցանկանում է դիմել ՀՀ վարչապետին:

2005 թվականի մարտի 18-ին ԼՂՀ Մարտակերտի շրջանի Մարաղա համայնքում գտնվող 209 հա մակերեսով հողամասը վարձակալության հիմունքներով հատկացվել է Անանյանի ընտանիքին եւ ձեւակերպվել է մոր` Լաուրա Աբրահամյանի անունով:

Անանյանի խոսքով՝ ընտանիքը մեծ ներդրում է ունեցել գյուղի կայացման եւ զարգացման գործում, մասնավորապես` սեփական միջոցներով նպաստել է գյուղում դպրոց հիմնելու, փողոցների բարեկարգման եւ ականազերծման աշխատանքներին:

Անանյանի ընտանիքը զբաղվում էր սերմացուի ներկրմամբ եւ ամեն տարի բերքահավաքից հետո բերքը հանձնում էր «Ալրաղաց» ՍՊԸ-ին: «Վերջին անգամ «Ալրաղաց» ՍՊԸ-ին հանձնեցի 110 տոննա բերք, սակայն նշված ընկերությունը սնանկացավ, ինչից հետո ԼՂՀ կառավարությունն իր վրա վերցրեց «Ալրաղաց» ՍՊԸ-ի ունեցած պարտավորությունները»,- նշեց Անանյանը:

Անանյանի խոսքով, ԼՂՀ կառավարությունը, ելնելով այն հանգամանքից, որ «Ալրաղաց» ՍՊԸ-ն հանդիսացել է պետական սեփականություն, դրամական պահանջներ է ներկայացրել «Ալրաղաց» ՍՊԸ-ի նկատմամբ՝ թվով 3 պահանջատերերի բավարարման համար, որոնց մեջ չի եղել Անանյանը:

Դրանից հետո բոլոր պարտատերերի նման Անանյանը դիմել է ԼՂՀ կառավարությանը, որպեսզի իրեն նույնպես փոխհատուցում տրամադրվի, սակայն նրանից պահանջել են ներկայացնել պարտավորության առկայության վերաբերյալ դատական ակտ:

Անանյանի ներկայացրած փաստաթղթերից պարզ դարձավ, որ ԼՂՀ ընդհանուր իրավասության դատարանը հաստատել է պարտավորության առկայության հանգամանքը:

Սակայն դրանից հետո, նույնական փաստական հանգամանքներում, նույնատիպ պահանջի իրավունքի առկայության դեպքում անհասկանալի կերպով ԼՂՀ կառավարությունը փոխհատուցում է տրամադրել բոլոր պահանջատերերին, բացի Ռաֆիկ Անանյանից, այդպիսով չկատարելով դատարանի օրինական ուժի մեջ մտած վճիռը:

Անանյանը նշեց, որ պետությունն իրենց ընտանիքի դեմ ուղղված քայլերը շարունակվել է այլ հարթության վրա: Իրենց գյուղապետը, խախտելով 2005 թվականի մարտի 18-ի վարձակալությամբ Անանյանների ընտանիքին հատկացված հողամասի պայմանագրի դրույթները, ներկայացրել է 8 մլն դրամի պահանջ: Անանյանի խոսքով՝ պահանջը եղել է առանց որեւէ իրավական հիմքի, ինչի արդյունքում զրկվել է հողամասից:

Անանյանը նշեց, որ գյուղապետը նպատակ է ունեցել այդ հողամասի մի մասը անձամբ յուրացնել, իսկ մյուս մասը հատկացնել ԱՀ ԱԺ պատգամավոր Ռուդիկ Հյուսնունցին:

Արցախցու խոսքով՝ դատահաշվապահական փորձաքննությունը պարզել է, որ իր կողմից վճարվել է 4 մլն դրամ, ինչը գյուղապետը թաքցրել է: «Դատարանը պարզել է, որ իմ պարտքը ընդհանուր կազմում է 700 հազար դրամ, այսինքն՝ 700 հազար դրամի դիմաց իմ հողամասը վերցվել է, իսկ դատական գործի քննությունը անհարկի հետաձգվում է»,- նշեց Անանյանը:

Անանյանի խոսքով՝ Ռուդիկ Հյուսնունցը ցանկանում է 150 մլն դրամի վարկ վերցնել այդ հողի գրավադրմամբ, որպեսզի նռան այգի հիմնի, իսկ այդ պարագայում Անանյանի լիազորությունները լիովին կվերանան եւ նա չի կարողանա իր հողամասը հետ վերցնել:

«27 տարի զբաղվելով գյուղատնտեսությամբ, երբեւէ նմանօրինակ խոշոր վարկի հատկացումներ չի եղել, որեւէ գյուղացու համար», - ասաց Անանյանը:

«Տարիներ շարունակ գյուղապետը մեզանից գումարներ էր կորզում, տարեկան վերցնելով 600 հազար դրամից ավել գումար: ԼՂՀ ղեկավարության վարած նման քաղաքականության հետեւանքով հայտնվել ենք ծայրահեղ իրավիճակում: Ապօրինաբար զրկված լինելով գյուղատնտեսական գործունեությամբ զբաղվելու հնարավորությունից, հարկադրված վաճառել եմ գյուղատնտեսական ամբողջ տեխնիկան»,- պատմեց Ռաֆիկ Անանյանը:

Անանյանը, դիմելով ՀՀ վարչապետ Նիկոլ Փաշինյանին, նշում է, որ իր իրավունքների պաշտպանության համար դիմել է բոլոր հնարավոր ատյաններին, սակայն ապարդյուն. «Դատարանի օրինական ուժի մեջ մտած վճիռը չկատարելը, իմ յուրաքանչյուր դիմումի անարձագանք մնալը եւ գոյություն ունեցող անպատժելիության մթնոլորտը արտահայտում են արդարադատության նկատմամբ ԼՂՀ իշխանությունների վերաբերմունքը, ուստի, խնդրում եմ անտարբեր չմնալ իմ նկատմամբ կատարվող անարդարությունից», - եզրափակեց իր խոսքը Անանյանը, հույս ունենալով, որ ՀՀ վարչապետը կկարողանա օգնել իրեն:

Տպել
12397 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)