Երևան
12 °C
Սերժ Սարգսյանը շարունակում է «անօթեւանի» կարգավիճակում մնալ եւ աջ ու ձախ ընկած իրեն հարմար առանձնատուն է փնտրում: Սերժ Սարգսյանի ընտրած տունը պետությունն անհատույց պետք է տրամադրի նրան կամ գնի, եթե այն պետության հաշվեկշռում չի գտնվում:
Սերժ Սարգսյանը պետության հաշվեկշռում առկա առանձնատները ուսումնասիրելուց հետո այժմ էլ մասնավոր սեկտորում է սկսել տուն փնտրել: Մեր տեղեկություններով՝ Սերժ Սարգսյանի գրասենյակի աշխատակիցներն օրերս նրա համար առանձնատուն են փնտրել «Վահագնի» թաղամասում: Սակայն Սարգսյանը մեկ նախապայմանով է ցանկություն հայտնել այնտեղ տեղափոխվել եւ բնակության հաստատել: Բանն այն է, որ նա ուզում է այն առանձնատունը, որը կգնի իր համար պետությունը, նաեւ պարսպապատվի եւ առանձնացվի թաղամասում առկա մյուս առանձնատներից: Նրա գրասենյակի աշխատակիցները «Վահագնի» թաղամասը տակն ու վրա անելուց հետո գտել են այնպիսի մի առանձնատուն, որը գտնվում է թաղամասի անկյունային հատվածներից մեկում: Ցանկության դեպքում այն կարելի է ցանկապատել, սակայն «Վահագնի» թաղամասի ադմինիստրացիան մերժել է Սերժ Սարգսյանի գրասենյակի ներկայացուցիչների նման պահանջը՝ նշելով, որ դա թաղամասում սահմանված կարգի կոպիտ խախտում է:
«Հայկական ժամանակ»-ին «Վահագնի» թաղամասի վաճառքի բաժնից փոխանցեցին, որ հնարավոր չէ թաղամասի որեւէ հատվածում առանձնատունը պարսպապատել:
«Պարսպապատելը լրիվ արգելված է: Տունն ում համար ուզում է լինի՝ մեզ մոտ պարիսպ կառուցելը լրիվ արգելված է»,- ասաց վաճառքի բաժնի Արշալույս անունով աշխատակիցը:
Նա նշեց, որ մի քանի առանձնատներ կան, որոնք գտնվում են թաղամասի անկյունային հատվածներում: Մեզ առաջարկեցին հստակ նշել, թե որ տան մասին է խոսքը, որպեսզի կարողանան հիմնավոր ներկայացնել, թե ինչու չի կարելի այն պարսպապատել: Միաժամանակ վաճառքի բաժնից փոխանցեցին, որ վերջին շրջանում, մասնավորապես, մեկ շաբաթվա ընթացքում եղել է առաջարկ առանձնատունը գնելու եւ այն պարսպապատելու հետ կապված: «Վահագնի» թաղամասից չմանրամասնեցին, թե ովքեր են նման առաջարկությամբ հանդես եկել, քանի որ, ըստ նրանց, դա համարվում է գնորդի անձնական տվյալների հանրայնացում է:
Սերժ Սարգսյանի գրասենյակից այս տեղեկությունը հնարավոր չեղավ ճշտել, քանի որ գրասենյակի ղեկավար Նաիրի Պետրոսյանն ամբողջ օրվա ընթացքում մեր հեռախոսազանգերին չպատասխանեց:
ՀՀ կառավարության աշխատակազմի ղեկավար Էդուարդ Աղաջանյանը «Հայկական ժամանակ»-ին փոխանցեց, որ Սերժ Սարգսյանի գրասենյակից «Վահագնի»-ի թաղամասում առանձնատուն գնելու շուրջ քննարկումներ չեն եղել: Սերժ Սարգսյանի գրասենյակից այս տարբերակի շուրջ կառավարությանը որեւէ բան չեն առաջարկել հավանաբար այն պատճառով, որ «Վահագնի» թաղամասից մերժել են պարիսպ կառուցելու նրանց ցանկությունը:
Մեր հարցին, թե որքա՞ն գումար է նախատեսվում հատկացնել պետական բյուջեից Սերժ Սարգսյանի բնակարանի համար, ՀՀ կառավարությունից պատասխանեցին, որ հարցը քննարկումների փուլում է:
Հիշեցնենք, Սերժ Սարգսյանը, որպես պաշտոնաթող ՀՀ 3-րդ նախագահ, ցանկանում էր, որ իրեն տրամադրվի Մոնումենտում՝ Բաբայան փողոցում գտնվող Ազգային անվտանգության ծառայության ընդունելությունների քառահարկ տունը: Վարչապետ Նիկոլ Փաշինյանը դեմ էր եղել նրա այս ցանկությանը, քանի որ կառույցը նախ օգտագործվում է պետության կարիքների համար եւ հետո այն իր չափերով ավելի մեծ, թանկարժեք է, քան նախորդ երկու պաշտոնաթող նախագահներին տրված առանձնատները:
«Հայկական ժամանակ»-ն ԱԱԾ-ից փոխանցված գրավոր պատասխանի հիման վրա արդեն տեղեկացրել է, որ ԱԱԾ-ի ընդունելությունների տունն իր հարակից յոթ շինություններով ու հողամասով արժի մոտ 2 միլիոն ԱՄՆ դոլար: Ի դեպ, կառավարությունը ԱԱԾ ընդունելությունների տան մոտակայքում գտնվող մեկ այլ առանձնատուն է առաջարկել Սերժ Սարգսյանին, բայց վերջինս հրաժարվել է՝ պատճառաբանելով, որ հնարավոր չէ ապահովել իր անվտանգությունը:
«Հայկական Ժամանակ»-ը Telegram-ում
Հայտնաբերվել է զինծառայողի դի․ ընթանում է քննություն․ ՊՆ
Դիլիջանի ոլորաններում խիտ մառախուղ է, տեսանելիությունը՝ 10-20 մետր․ երթևեկել բացառապես ձմեռային անվադողերով
Ռուսաստանն ամեն քայլի կգնա. փորձում են վերադարձնել իշխանությունը, որ տասնամյակներով ունեցել են․ տեսանյութ
Վարչապետն ու Լեհաստանի Սենատի նախագահը մտքեր են փոխանակել տարածաշրջանային զարգացումների և այլ հարցերի շուրջ
Նիկոլ Փաշինյանը հանդիպում է ունեցել Լեհաստանի նախագահի հետ․ լուսանկարներ, տեսանյութ
Ընթանում են Սպորտային հրաձգության Եվրոպայի մեծահասակների առաջնության նախապատրաստական վերջին աշխատանքները
Վարչապետը Վարշավայում այցելել է Անհայտ զինվորի հուշահամալիր
Խաղաղությունը առաջնահերթ կետ է, բարդ ճանապարհ է․ Փաշինյանը և Տուսկը հանդես են եկել հայտարարություններով
Ցնցումների մեջ են. երբ քաղաքացու թոշակը 17 հազար դրամ էր, ինչո՞ւ որևէ մեկը չէր մտածում բարձրացնել
Բարձր ենք գնահատում Լեհաստանի աջակցությունը մեր տարածաշրջանում տեղի ունեցող խաղաղության գործընթացին․ վարչապետ
Կառավարությունը շահագրգիռ է քննարկել ՀՀ-Ֆրանսիա ներդրումների, առևտրատնտեսական կապերի խորացման ուղղությունները
Որոշ տարածաշրջաններում ձյուն ու անձրև է․ Տավուշի ավտոճանապարհներին՝ մառախուղ
ՀՀ-Թուրքիա պետական սահմանի «Ախուրիկ» անցման կետում ծառայություն են իրականացնում միայն ՀՀ ԱԱԾ ՍԶ զինծառայողները
Հռոմում ընդունվել է ՄԱԿ-ի Պարենի համաշխարհային ծրագրի՝ Հայաստանի 2026-30թթ. ծրագիրը
Երևանի համայնքային մանկապարտեզների աշխատողների աշխատավարձերը կբարձրանան․ Ավինյանն ասել է՝ երբ և որքանով
Զգուշորեն բաց ենք ԵՄ-ն ընդլայնելու ժողովրդավարությունը, անկախությունը, խաղաղությունը ընտրող երկրների համար
«Կիա»-ի օրինազանց վարորդը հայտնաբերվել է․ մեքենան տեղափոխվել է պահպանվող հատուկ տարածք․ տեսանյութ
Հայաստանի և Լեհաստանի միջև ռազմատեխնիկական համագործակցության համաձայնագիր է ստորագրվել․ տեսանյութ
Բարի օր, և սիրում ենք բոլորիդ․ սրտիկ՝ Լեհաստանի վարչապետից․ տեսանյութ
Լեհաստանը շահագրգիռ է ՀՀ-ի հետ փոխգործակցության ամրապնդման հարցում․ Փաշինյան-Տուսկ առանձնազրույց է կայացել
Նիկոլ Փաշինյանն առանձնազրույց է ունեցել Լեհաստանի վարչապետի հետ․ տեսանյութ
Պարույր Հովհաննիսյանը ՄԱԿ-ի պատասխանատուին է հանձնել հունիսի 9-ին ստորագրված համաձայնագրի ՀՀ վավերագիրը
Դիմավորման պաշտոնական արարողություն Լեհաստանի վարչապետի կեցավայրում. Փաշինյանը տեսանյութ է հրապարակել
80 մլրդ դրամ կհատկացվի թոշակների բարձրացումն ապահովելու համար, գումարն ունենք. Թորոսյան
Երեկոյան ժամերից ցիկլոնը կակտիվանա. կցրտի, սպասվում են տեղումներ ձյան ու ձնախառն անձրևի տեսքով, բուք
Կհստակեցվեն ճանապարհների գովազդային վահանակների պատշաճ տեսքի համար գովազդակիրների պարտականությունները
Կառավարությունը սահմանել է հայտարարագրման ոչ ենթակա եկամուտների նոր տեսակներ ու շեմեր
ԱԺ հանձնաժողովը դրական եզրակացություն է տվել ջրի և ոռոգման ծառայությունների բարելավման ծրագրի նախագծին
Կոչ եմ անում ՀԷՑ-ի տնօրենների խորհրդի նախագահին՝ չանսալ ղազինյանական խեղված ապատեղեկատվությանը. Պետրոսյան
Արաբկիրի «Երևան սիթի»-ի հարևանությամբ հայտնաբերվել է տղամարդու մարմին
Գազաբալոնների վկայագրման գործընթացը պարտադիր պետք է տեսագրվի
Ոստիկանները հայտնաբերել են Նշավան գյուղի բնակչի այգին հրկիզած տղամարդկանց
Իրանը հայտարարել է NOTAM՝ փակելով օդային հաղորդակցությունը Ադրբեջանի հետ սահմանի գոտու ողջ երկայնքով
Մինչև 1 միլիոն դրամ անձնական փոխանցումներն այլևս հայտարարագրման ենթակա չեն լինի. ֆինանսների նախարար
Սամվել Կարապետյանը չի կարող լինել պատգամավորի կամ վարչապետի թեկնածու. ո՞ւմ համար է նա փորձում ձայներ հավաքել
ԿԳՄՍ նախարարը և Ղազախստանի դեսպանը քննարկել են սպորտի ոլորտում իրականացված համագործակցության հարցեր
Վենսի այցը Հայաստան և Ադրբեջան պայմանավորված էր խաղաղություն հաստատելու ձգտմամբ. Բոճորիշվիլի
Ժաննա Անդրեասյանը հանդիպել է «Գիտուժ» նախաձեռնության ներկայացուցիչների հետ
Կենսաթոշակ ստանալու համար բանկային քարտ չունեցողներին մինչև ապրիլի 1-ը քարտը կառաքվի սուրհանդակային առաքմամբ
Իրանը շարունակում է ներդրումներ անել հեռահար հրթիռների արտադրության մեջ. սա լուրջ սպառնալիք է. Ռուբիո
