Կառավարության կեցվածքը, իրավապահների պահվածքը մտահոգիչ է. մտավորականների հայտարարությունը

Լրագրողներ, խմբագիրներ, պատգամավորներ, կուսակցապետեր, ՀԿ ներկայացուցիչներ, մանկավարժներ, գրողներ, հասարակական-քաղաքական գործիչներ եւ 88 այլ մասնագետներ ստորագրել են համատեղ հայտարարության տակ՝  «Նոր Հայաստան, նոր Հայրապետ» շարժման ու կառավարության, իրավապահների գործողությունների մասին: Հայտարարության մեջ ասվում է.

ՀՀ Սահմանադրության 18-րդ հոդվածի 1-ին կետով սահմանված է, որ Հայաստանի Հանրապետությունը ճանաչում է Հայաստանյայց Առաքելական Սուրբ Եկեղեցու՝ որպես ազգային եկեղեցու բացառիկ առաքելությունը հայ ժողովրդի հոգևոր կյանքում, նրա ազգային մշակույթի զարգացման և ազգային ինքնության պահպանման գործում:

Խիստ մտահոգիչ ենք համարում և դատապարտում ենք Հայաստանյայց Առաքելական Սուրբ Եկեղեցու և Ամենայն Հայոց Կաթողիկոսի դեմ «Նոր Հայաստան, նոր Հայրապետ» նախաձեռնության կողմից 2018 թ. հունիսի 6-ից ի վեր իրականացվող գործողությունները, որոնք օրեցօր ավելի ու ավելի ագրեսիվ և հակաօրինական բնույթ են ստանում։ Հայաստանում նոր քաղաքական, սոցիալական ու մշակութային իրականություն ստեղծելու կառավարության փորձերը խեղվում են սիրո ու հանդուրժողականության կոչերի ներքո ազգային ինքնության ակունքները խարխլող այս նախաձեռնության կողմից։

Ս.թ. հուլիսի 6-ին «Նոր Հայաստան, նոր Հայրապետ» նախաձեռնության անդամները բռնի կերպով ներխուժեցին և զավթեցին Մայր Աթոռի Դիվանատունը: Օրենքի լեզվով սա ոչ այլ ինչ է, եթե ոչ մարդու իրավունքների և ազատությունների կոպիտ ոտնահարում: Եվ միայն 4 օր անց, ՀՀ քաղաքացիների և Սփյուռքի մեր հայրենակիցների բազմաթիվ բողոքներից հետո, ՀՀ ոստիկանությունը Դիվանատունը զավթած անձանց դուրս հանեց Մայր Աթոռի տարածքից։

Հուլիսի 11-ին Ոստիկանության կողմից տարածվեց հաղորդագրություն առ այն, որ Դիվանատուն ներխուժածներից մեկի պայուսակից հայտնաբերվել է թմրանյութի նմանվող զանգված: Ու թեև տրված հաղորդումից անցել է 15 օր, ոստիկանությունը մինչ օրս չի ներկայացրել նշված զանգվածի փորձաքննության արդյունքները։

Հուլիսի 12-ին տեղի ունեցած Գերագույն հոգևոր խորհրդի նիստում, Գարեգին Բ Ամենայն Հայոց Կաթողիկոսի առաջարկով, որոշվեց «Նոր Հայաստան, նոր Հայրապետ» նախաձեռնության  ղեկավարներից Կորյուն աբեղային տալ մեկ շաբաթ ժամանակ` ուղղվելու և ապաշխարելու համար։

Սակայն, հուլիսի 13-ին «Նոր Հայաստան, նոր Հայրապետ» խմբի անդամները կրկին  մուտք գործեցին Մայր Աթոռի տարածք, վիրավորական արտահայտություններ հնչեցրեցին Ամենայն Հայոց Հայրապետի և հոգևորականների հասցեին: Տարածքի հսկողությունն իրականացնող ոստիկանների ու առանձին հոգևորականների ջանքերով միայն հնարավոր եղավ խուսափել ավելի մեծ բախումից:

Մեկ օր անց՝ հուլիսի 14-ին, Գնդեվանքում Գարեգին Բ Ամենայն Հայոց Կաթողիկոսի հանդեպ ֆիզիկական հաշվեհարդարի փորձ կատարվեց, որի կադրերը, առանց լրագրողական մեկնաբանության, տարածեցին նաև որոշ լրատվական կայքեր ու գործակալություններ: ՀՀ քննչական կոմիտեի Վայոց ձորի քննչական բաժնից դեռևս հայտնի չէ, թե ինչ ընթացք են ստացել Վեհափառ Հայրապետի նկատմամբ հարձակման վերաբերյալ նախապատրաստվող նյութերը:

Վերոնշյալ միջադեպի առթիվ իրենց զայրույթն ու մտահոգությունը հայտնեցին ՀՀ մարդու իրավունքների պաշտպան Արման Թաթոյանը և Արցախի մարդու իրավունքների պաշտպան Ռուբեն Մելիքյանը, ՀՀ բազմաթիվ քաղաքացիներ, կուսակցություններ, հասարակական-քաղաքական կազմակերպություններ, մտավորականներ, Սփյուռքի մեր հայրենակիցները, լրագրողներ, եկեղեցու հազարավոր զավակներ:

Հակառակ նախաձեռնության հեղինակների հայտարարությունների, թե իրենց աջակցում են նաև հոգևորականներ, այս ամբողջ ընթացքում արվել են բազում հայտարարություններ թե՛ առանձին հոգևորականների, թե՛ հայաստանյայց ու սփյուռքյան թեմերի առաջնորդների կողմից՝ ի պաշտպանություն Եկեղեցու և Վեհափառ Հայրապետի։

Իրադարձությունների զարգացման տրամաբանությունը ցույց է տալիս, որ տեղի ունեցած միջադեպերի վերաբերյալ ՀՀ կառավարության կրավորական կեցվածքը, իրավապահ մարմինների ոչ համարժեք և պասսիվ գործելաոճը, Քննչական կոմիտեի կողմից իրականացվող գործողությունների անհամարժեքությունը, հանրային լայն հնչեղություն ունեցած միջադեպերին արագ և արդյունավետ չարձագանքելն անուղղակի նպաստում են «Նոր Հայաստան, նոր Հայրապետ» նախաձեռնության անդամների գործողությունների ավելի ու ավելի ագրեսիվ դառնալուն և նոր սադրանքներ իրականացնելուն:

Մեր գնահատմամբ՝ «Նոր Հայաստան, նոր Հայրապետ» նախաձեռնության անդամների գործողությունները ոտնձգություն են Հայաստանյայց Առաքելական Սուրբ Եկեղեցու դեմ և միտված են հայության հոգևոր անվտանգության խարխլմանը: Այդ ամենը ձեռնտու է միայն հայ ժողովրդի ու Հայաստանի Հանրապետության թշնամիներին։

Այն, ինչ կատարվում է Եկեղեցու ներսում, պետք է լուծվի եկեղեցական իրավունքի նորմերին համապատասխան, բայց սա արդեն ներեկեղեցական հարց չէ: Վերոնշյալ նախաձեռնության անդամները դուրս են դրվել Հայ Եկեղեցուց, Եկեղեցու նվիրապետական բարձրագույն աստիճան ունեցողների՝ եպիսկոպոսների բանադրանքի տակ են ու չեն կարող ներկայանալ իբրև Եկեղեցու զավակներ ու որևէ մասնակցություն ունենալ Եկեղեցու կյանքին: Հետևաբար՝ շարժումը ներեկեղեցական չէ և արտաքին ճնշում է Հայ Եկեղեցու վրա:

Վերը ներկայացված իրավիճակը պահանջում է պետության կողմից Հայաստանյայց Առաքելական Սուրբ Եկեղեցու և Հայոց Հայրապետի դեմ իրականացվող ոտնձգության անհապաղ կասեցում ու իրավական ճանապարհով հարցի հանգուցալուծում։ Նման անօրինական գործողությունները ստվեր են գցում աշխարհում առաջին քրիստոնյա երկրի վարկանշի վրա և հեռու են ժողովրդավար երկիր կառուցելու նկրտումներից: Հակառակ դեպքում, պաշտպանված չլինելով պետության կողմից, հազարավոր հավատացյալներ կարող են պարտադրված լինել սեփական ուժերով պաշտպանել հայ ժողովրդի ազգային ինքնության պահապան Հայ Առաքելական Սուրբ Եկեղեցին և իր հոգևոր առաջնորդին։

Երևան

26 հուլիսի, 2018 թվական            

1. Հայկ Նահապետյան – «Քրիստոնեական արժեհամակարգի և ավանդական ընտանիքի պաշտպանության» նախաձեռնության համակարգող, պահեստազորի գնդապետ
2. Հայկ Բաբուխանյան - ԱԺ պատգամավոր,  «Սահմանադրական Իրավունք Միություն» կուսակցության նախագահ
3. Վահրամ Բաղդասարյան - ԱԺ պատգամավոր, ՀՀԿ խմբակցության ղեկավար
4. Արտաշես Գեղամյան - ԱԺ պատգամավոր,  «Ազգային Միաբանություն» կուսակցության նախագահ
5. Շուշան Պետրոսյան – ՀՀ ժողովրդական արտիստ, ԱԺ պատգամավոր
6. Խաչիկ Ասրյան - «Հայոց Արծիվներ. Միասնական Հայաստան» կուսակցության նախագահ
7. Վահան Բաբայան - «Ռեֆորմիստներ» կուսակցության նախագահ
8. Սարգիս Ավետիսյան - «Համերաշխություն» կուսակցության նախագահ
9. Հայկ Այվազյան – «Լույս» տեղեկատվական-վերլուծական կենտրոնի ղեկավար
10. Գեղամ Գրիգորյան - «Իրավունք» թերթի եւ www.iravunk.com կայքի տնօրեն
11. Հրանտ Սարաֆյան – «Իրավունք» թերթի լրագրող
12. Կարինե Եսայան – «Հանուն ինքնիշխանության վերականգնման» նախաձեռնության համանախագահ, պատմական գիտությունների թեկնածու
13. Հարությունյան Ավագ – ՀԱԱ կինոֆոտոֆոնո մասնաճյուղի վարիչ, պատմական գիտությունների թեկնածու
14. Լիա Ավետիսյան – «Համահայկական ծնողական կոմիտե» ՀԿ-ի համահիմնադիր, գրող-հրապարակախոս
15. Արթուր Հովհաննիսյան – «Նոյյան Տապան» լրատվական կենտրոնի վերլուծաբան, հրապարակախոս
16. Արմինե Սիմոնյան – «Հայ ձայն» լրատվական կայքի խմբագիր
17. Փիրուզա Մելիքսեթյան – «Իրատես» թերթի և համանուն կայքի գլխավոր խմբագիր
18. Արտակ Մովսիսյան – «Արարատ» հեռուստաընկերության լրատվական ծառայության ղեկավար
19. Զառա Գևորգյան – «Գոլոս Արմենիի» թերթի լրագրող
20. Քերոբ Սարգսյան - «Իրավունք» թերթի բաժնի վարիչ, վերլուծաբան
21. Արմեն Մանվելյան – «Հայ ձայն» լրատվական կայքի հոդվածագիր, պատմական  գիտությունների թեկնածու
22. Վարդան Աստվածատրյան - «Կոմսոմոլսկայա Պրավդա վ Արմենիի» եւ « Արգումենտի նեդելի Արմենիի» թերթերի տնօրեն
23. Հասմիկ Ղազարյան – magnis.news կայքի թարգմանիչ
24. Հասմիկ Բակունց – «Եվրասիական Ինֆորմացիոն լիգա» կայքի խմբագիր
25. Տիգրան Սիմոնյան – «Փաստարկ» ակումբի ղեկավար
26. Արման Վանեսքեհյան – «Սպուտնիկ Արմենիա» լրատվական գործակալության քաղաքական մեկնաբան
27. Իրինա Աբրոյան – «Ռեպուբլիկա Արմենիա» թերթի մշակույթի և կրթության գծով պատասխանատու
28. Լիլիթ Եղիազարյան - «Իրավունք» թերթի մշակույթի բաժնի վարիչ
29. Պանդուխտ Սյունի – «Ոսկանապատ» հայկական վերլուծաբանական կենտրոնի առաջատար մասնագետ
30. Ալմաստ Մուրադյան - «Դիալոգ» ՀԿ նախագահ
31. Վահագն Չախալյան - «Միասնական Ջավախք» Ժողովրդավարական Դաշինք, նախագահ
32. Խաչիկ Ստամբոլցյան – «Քրիստոնյաներն ընդդեմ համարակալման» միավորման նախագահ
33. Սևան Աղաջանյան – «Ազգային արժեքների պահպանման ճակատ» ՀԿ նախագահ
34. Մամիկոն Խուրշուդյան - «Եռամիասնություն հանուն զարգացման» հկ նախագահ 
35. Անի Կարապետյան – «Զորակցություն հայրենյաց պաշտպանին» ՀԿ նախագահ
36. Դավիթ Ալեքսանյան – «Արծվաբույն Զեյթուն» հայրենակցական միության նախագահ
37. Էդուարդ Փոլադով- Հայաստանի և Արցախի հույների «Պատրիդա» միության նախագահ
38. Դավիթ Սահակյանց – «Ռոբերտ Սահակյանց» փրոդաքշն ստուդիայի ղեկավար, ռեժիսոր
39. Արամ Սաֆարյան - «Եվրասիական փորձագիտական ակումբ»-ի համակարգող, բանասիրական գիտությունների թեկնածու, ԵՊՀ դոցենտ
40. Արման Բոշյան – Երևանի աշխարհաքաղաքական ակումբի խորհրդի նախագահ
41. Զարուհի Բաբուխանյան - «Տարածաշրջանային գիտակրթական կենտրոնների միավորման» ՀԿ նախագահ
42. Արման Ղուկասյան - «Միջազգային հումանիտար զարգացում» հկ նախագահ
43. Ծովինար Կոստանյան - Հայրենանվեր երիտասարդների միավորում (ՀԱՅԵՄ) հկ նախագահ
44. Կարեն Բալայան - «Կիլիկիա» նավարկության ակումբի նախագահ
45. Վալերի Թունյան– պատմական գիտությունների դոկտոր, պրոֆեսոր, ՀՊՃՀ դասախոս
46. Ավետիս Հարությունյան – պատմ. գիտ. թեկնածու, ՀՊՄՀ և Գևորգյան ճեմարանի դասախոս
47. Նիկոլայ Հովհաննիսյան - արևելագետ, ԱԳԱ թղթակից-անդամ
48. Տիգրան Քոչարյան – Մեդիա փորձագետ
49. Արշակ Արզիկյան – տնտեսագետ
50. Գևորգ Մկրտչյան- փիլիսոփա, սոցիոլոգ
51. Սերգեյ Շաքարյանց - քաղաքական փորձագետ
52. Գրիգոր Բալասանյան - ԵՊՀ միջազգային հարաբերությունների և դիվանագիտության ամբիոնի դոցենտ, պատմական գիտությունների թեկնածու
53. Արա Մարտիրոսյան – ՀՊՄՀ լրագրության բաժնի դասախոս, պատմաբան, լրագրող
54. Հայկ Սահակյանց - «Ռոբերտ Սահակյանց» փրոդաքշն ստուդիայի տնօրեն
55. Ասլան Մխիթարյան - ճարտարապետ
56. Ազատ Սարգսյան – ֆիզիկա-մաթեմատիկական գիտությունների թեկնածու
57. Լալա Հակոբյան- բանասեր, մանկավարժ
58. Արփինե Նավասարդյան- Կենսաբանական Գիտությունների թեկնածու
59. Արմեն Պապյան  - փորձագետ, վերլուծաբան
60. Բակուր Կարապետյան -գրող, հրապարակախոս
61. Վահրամ Սահակյան - գրող, թատերագիր
62. Մարգարիտ Իգիթյան - երաժշտագետ
63. Սվետլանա Գուլյան - արվեստագետ
64. Արամ Սարգսյան - մանկաբարձ-գինեկոլոգ
65. Աշոտ Սարգսյան – պատմության ուսուցիչ
66. Սերգեյ Կոնակով – ծրագրային ապահովման ինժեներ
67. Վահե Ավետիսյան – պատմական գիտությունների թեկնածու
68.  Գրիգոր Ծատուրյան- ճարտարապետ
69. Արամ Գրձելյան- մաթեմատիկոս,
70. Սեդա Ավետիսյան- երաժիշտ
71. Մարինա Շահբազյան- մանկավարժ
72. Արմեն Բլբուլյան- Մանկաբարձ, Հանրապետական ծննդատան փոխտնօրեն
73. Արսեն Սարգսյան- Ինժեներ, «Մարս» ՓԲԸ փոխտնօրեն
74. ՀՌիփսիմե Գրիգորյան- Ժողովրդական նկարիչ
75. Գրիգոր Բրուտեան- աստղագետ
76. Արամ Մկրտչյան - հասարակական-քաղաքական գործիչ, Գերմանիա
77. Կարինե Հայրապետյան - մշակութաբան, մանկավարժ, Գերմանիա
78. Վահե Մեսրոպյան - գրող, հասարակական-քաղաքական գործիչ, ԱՄՆ
79. Գևորգ Նուրումյան - հասարակական-քաղաքական գործիչ, Ֆրանսիա
80. Անուշ Մկրտչյան Ցայլեր - քաղաքագետ, արվեստաբան, Գերմանիա
81. Տաթեւ Մկրտչյան Նուցցո - Սոցիոլոգ, սոցիոլոգիական գիտությունների թեկնածու, Գերմանիա
82. Էդուարդ Ցայլեր - «Կապիտոլ» «Պալատին» կինոտան տնօրեն, Գերմանիա
83. Անի Մենուա - փիլիսոփայական գիտությունների թեկնածու, մագիստրոս, Արտիում Գերմանիա
84. Լարիսա Հովհաննիսյան - հասարակական-քաղաքական գործիչ, Իսպանիա
85. Պապին Պողոսյան - երգիչ, ԱՄՆ
86. Արմեն Բարսեղյան - «Տեսակետ» հաղորդաշարի հեղինակ, ԱՄՆ
87. Գայանե Գադուկյան – Ճարտարագետ, Ֆրանսիա
88. Աշխեն Նուրումյան – մշակութաբան, Ֆրանսիա