Հոգեբուժարանի հաշվին ջրից օգտվել են մոտակա կահույքի արտադրամասն ու պահածոների գործարանը

Հոգեկան առողջության պահպանման ազգային կենտրոնում (Նուբարաշենի հոգեբուժարան) տեւական ժամանակ ջրի հսկայական գերածախս է եղել: Հաստատության նոր ղեկավարությունը պարզել է, որ ջրատար խողովակները հասնում են մինչեւ մոտակայքում գործող կահույքի արտադրամաս ու պահածոների գործարան: Այսինքն՝ վերջիններս գործունեություն են ծավալել, ջուր ծախսել, իսկ դրա դիմաց վճարել է հոգեկան առողջության պահպանման կենտրոնը՝ փաստորեն պետության ու պացիենտների հաշվին:

ՀԱՊԱԿ-ի նոր ղեկավարից՝ տնօրենի ժամանակավոր պաշտոնակատար Նարեկ Վանեսյանից, տեղեկացանք, որ բուժհաստատության նախահաշվում ջրի ծախսի համար տարեկան նախատեսվել է մոտավորապես 9 միլիոն դրամ: Բայց ընթացիկ տարվա ընդամենը կեսին 11 միլիոն դրամի ջուր է օգտագործվել: Նախորդ տարվա ցուցանիշը եղել է 17 միլիոն դրամ՝ դարձյալ 9 միլիոն դրամի փոխարեն: «Սա կատաստրոֆիկ ցուցանիշ է. սկսեցինք փորփրել: Տարածքը ուսումնասիրվեց, թե ջրագծերը ուր են գնում առհասարակ»,- ասաց Նարեկ Վանեսյանը: Արդյունքում կենտրոնի աշխատակիցները հայտնաբերել են այն հատվածը, որտեղով ջուրը հասնում է արտադրամաս ու գործարան: Փաստի առթիվ հարուցվել է քրեական գործ:

«Նախկին ղեկավարները, որոնք ավելի երկար են աշխատել այս հաստատությունում, քան ես, վստահաբար կիմանային, որ այդ խողովակները գնում են այնտեղ, որովհետեւ մեզ դրանց հայտնաբերման հարցում օգնել են աշխատակիցները: Եթե աշխատակիցը դրա մասին տեղյակ է, ինչպես ինձ է գալիս, ասում, որպես նոր տնօրենի, այնպես էլ նախկիններին կարող էր ասել, ու վստահաբար ասվել է»,- համոզմունք հայտնեց ՀԱՊԱԿ տնօրենի պաշտոնակատարը: Հարցին, թե եթե բուժհաստատությունը ստիպված է եղել ջրի ծախսի դիմաց վճարել նախատեսվածից այդքան մեծ գումար, ապա հատկապես ինչի՞ հաշվին է դա արել, պացիենտների ի՞նչ զրկանքների գնով, Նարեկ Վանեսյանը դժվարացավ պատասխանել՝ նշելով, որ կենտրոնում ֆինանսական կառավարումն իրականացվել է խառը ձեւով:

«Ես հիվանդանոցն ընդունել եմ 82 միլիոն դրամ պարտքով: Քանի որ խառը ձեւի ֆինանսական կառավարում է գնացել, այսինքն՝ ըստ առաջնահերթությունների տվել են վարձերը, այլ հիմնարկներից պարտքեր են վերցրել, ինչ-որ ընթացիկ հարցեր լուծել, դրա համար ես կոնկրետ չեմ կարող ասել, թե ոնց են վճարել իրենք: Ես փաստացի տեսնում եմ, որ յոթ ամսվա դեպքում հինգ ամսվանը եղել է վճարած, երկու ամսվանը՝ ոչ: Հիմա այս պահին պարտքի գրեթե կեսը չկա, օպտիմալ կառավարման արդյունքում դրանք մարել ենք: Եվ ավելին, մենք կարողացել ենք նաեւ երկու բաժանմունքի վերանորոգում սկսել: Այս հիվանդանոցում, ստեղծման 1970 թվականից մինչեւ օրս վերանորոգման որեւէ աշխատանք արված չի եղել»,- ասաց Նարեկ Վանեսյանը:

Նա միեւնույն ժամանակ տեղեկացրեց, որ եւս մեկ քրեական գործ հարուցվել է պացիենտներին հասանելիք թխվածքաբլիթները նրանց չհասնելու փաստի առիթով: Դրանց գումարային արժեքը կազմում է 59 միլիոն դրամ եւ վերաբերում է 2015-2016 թվականներին: «Պացիենտների սննդակարգի մեջ մտնում է, որ իրենք պետք է նաեւ թխվածքաբլիթներ ստանան: Դրանք եկել են, հասել ճաշարանի տակ գտնվող սննդամթերքի պահեստ, ցույց է տրվել, թե հասել են պացիենտին, բայց որքանով ես տեղյակ եմ, հենց գործը հարուցվել է այն մասով, որ պացիենտին չի հասել»,- ասաց Հոգեկան առողջության պահպանման ազգային կենտրոնի տնօրենի պաշտոնակատարը:

Պահածոների գործարանի ղեկավարության հետ հանդիպելու հնարավորություն Նարեկ Վանեսյանը չի ունեցել, իսկ կահույքի արտադրամասի ներկայացուցիչների հետ զրուցել է. «Կահույքի արտադրամասը պատրաստակամություն է հայտնել իրենց կողմից առաջացրած վնասը փոխհատուցել: Իրենք եկել են, հանդիպել ենք, խոսել ենք: Ես այնպես չէ, որ դատավոր եմ կամ դատախազ, որ ինչ-որ մեղադրանքներ ներկայացնեմ. իմ կոչն է եղել, որ այն վնասը, որը կրել է կետրոնը այս տարիների ընթացքում, հետ փոխանցվի: Փաստացի մենք տուժող կողմ ենք, ես այդ տուժող կազմակերպության ղեկավարն եմ, ինձ համար այս պահին ոչ թե կարեւոր է, որ մարդիկ դատվեն կամ ինչ-որ քրեական գործերի արդյունքում ազատությունից զրկվեն, այլ այն, որ այդ գումարները վերադառնան ՀԱՊԱԿ եւ ՀԱՊԱԿ-ը կարողանա ըստ նպատակայնության դա ծախսել իր վերանորոգման, պացիենտների պայմանների բարելավման նպատակով եւ այլն: Իսկ մյուս հիմնարկի ներկայացուցիչներին առհասարկ չեմ տեսել, որեւէ շփում չի եղել, ու չեմ էլ կարծում, որ կլինի, որովետեւ խնդրով զբաղվում են իրավապահները եւ քրեական գործի հարուցումից հետո որեւէ մասնակցություն չունեմ այդ գործընթացներին»:

Երեւանի Նուբարաշեն վարչական շրջանում գտնվող հոգեկան առողջության այս կենտրոնին առնչվող չարաշահումների վերաբերյալ Հայաստանի քննչական կոմիտեի լրատվական ծառայությունից տեղեկություններ փոխանցեցին առայժմ միայն ջրի կորստի վերաբերյալ: Քրեական գործ է հարուցվել Քրեական օրենսգրքի 179-րդ հոդվածի 2-րդ մասի 3-րդ կետով (Յուրացնելը եւ վատնելը՝ խոշոր չափերով): «Քրեական գործի նախաքննության ընթացքում «Հոգեկան առողջության պահպանման ազգային կենտրոն» ՓԲ ընկերության տարածքում ջրագծերի ցանցի, ջրասպառման մեխանիզմի պարզման նպատակով հարցաքննվել են «Հոգեկան առողջության պահպանման ազգային կենտրոն» ՓԲ ընկերության աշխատակիցներ, կատարվել են մի քանի քննչական փորձարարություններ, այդ թվում «Վեոլիա Ջուր» ՓԲ ընկերության մասնագետի մասնակցությամբ եւ տեխնիկական միջոցների օգտագործմամբ, կազմվել են սխեմաներ, կատարվել են հարցումներ, որոնց արդյունքում պարզվել է, որ «Հոգեկան առողջության պահպանման ազգային կենտրոն» ՓԲ ընկերության ջրագծերն անցնում են «Առողջ սպասարկում» ՍՊ ընկերությանը պատկանող «Վուդ Լենդ» կահույքի գործարանի տարածքով, որի պատճառը հանդիսացել է այն հանգամանքը, որ դեռեւս խորհրդային միության տարիներին «Առողջ սպասարկում» ՍՊ ընկերության տարածքը պատկանել է «Հոգեկան առողջության պահպանման ազգային կենտրոն» ՓԲ ընկերությանը, իսկ մասնավորեցումից հետո ջրագծերի արդիականացում եւ առանձնացում տեղի չի ունեցել»,- փոխանցեցին Քննչական կոմիտեից:

Ինչ վերաբերում է պահածոների գործարանին, ապա ըստ մեզ հայտնի դարձած տեղեկությունների, այդտեղ արտադրվում է մսի պահածո՝ զինված ուժերին մատակարարելու համար եւ այդ պահածոների տարաների վրա գրված է՝ «Զինվորի համար»:

Տպել
7419 դիտում

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին