Երեխային սպանել են լացելու պատճառո՞վ. երեխայի հայրը չի ընդունում կասկածանքը, նա փոքրիկի խորթ հայրն էր

Սեպտեմբերի 29-ին դաժան ու սահմռկեցուցիչ դեպք է տեղի ունեցել Արմավիրի մարզում. գիշերը՝ ժամը 1-ի սահմաններում, ոստիկանության Արմավիրի բաժին բժշկական կենտրոնից ահազանգ է ստացվել, որ իրենց մոտ է տեղափոխվել մեկամյա տղա երեխայի դի։

Նախնական տվյալներով՝ մանկահասակ երեխայի նկատմամբ բռնություն է գործադրել հայրը. վերջինս 2018թ. սեպտեմբերի 28-ին՝ ժամը 21-ի սահմաններում, հանդամասում գտնվող իրենց բնակության վայրում, ծեծել է մանկահասակ որդուն՝ ծնված 18.12.2017թ., որի հետեւանքով ստացած մարմնական վնասվածքներից փոքրիկը տեղում մահացել է: Բացի այդ, ըստ տուժողի մոր հայտարարության, նույն օրը ընտանիքի հայրը բռնություն է գործադրել նաեւ կնոջ նկատմամբ։ Ըստ պաշտոնական հաղորդագրության՝ ոստիկանության աշխատակիցների հետ համատեղ կատարվել են մի շարք անհետաձգելի քննչական եւ դատավարական այլ գործողություններ, հարցաքննվել տարբեր անձինք։ Մանկահասակ երեխայի մոր մասնակցությամբ կատարվել է դեպքի վայրի զննություն, որի ժամանակ պարզվել է, որ փոքրիկի դին նախ փորձել են թաքցնել փոսի մեջ՝ սպանությունը քողարկելու համար, բայց երեխայի մայրը, վերցնելով նրան, դիմել է փախուստի եւ տեղափոխել բժշկական կենտրոն, որտեղ բժիշկներն արձանագրել են մահը։

Երեխայի հայրը՝ Ռուստամ Մանուկյանը, ձերբակալվել է. ըստ պաշտոնական տեղեկության՝ նա ալկոհոլի ազդեցության տակ է եղել. նրա մոտ հայտնաբերվել է բարձր խմածություն: Ըստ նախնական տեղեկությունների՝ Ռուստամ Մանուկյանը նախ ծեծի է ենթարկել երեխային. նա բռունցքով մի քանի հարվածներ է հասցրել մեկամյա երեխայի մարմնի տարբեր մասերին՝ դեմքի, մեջքի եւ գլխի շրջանում: Իսկ երբ Ռուստամ Մանուկյանի կինը՝ 30-ամյա Օվսաննա Գրիգորյանը, փորձել է պաշտպանել երեխային, ամուսինը սկսել է հարվածներ հասցնել նաեւ հղի կնոջը՝ սկզբում հարվածելով գլխին, ապա ապտակել նրան:

Տեղեկացանք, որ Ռուստամ Մանուկյանը սպանված փոքրիկի խորթ հայրն է: Թե ինչ վնասվածքներ են հայտնաբերվել երեխայի մոր մոտ կպարզվի դատաբժշկական փորձաքննությամբ: Առայժմ պարզ չէ, թե որն է եղել երեխային սպանելու դրդապատճառը: Պաշտպանական կողմը պնդում է, թե երեխային ծեծի է ենթարկել մայրը, իսկ իրավապահները հակառակի մասին են պնդում:

Ռուստամ Մանուկյանին այսօր մեղադրանք է առաջադրվել ՀՀ քրեական օրենսգրքի 104 հոդված 1-ին մասի (դիտավորյալ սպանություն) եւ ՀՀ ՔՕ 118 հոդվածի (ծեծ) հատկանիշներով: Նախաքննական մարմինը որոշել է նրան կալանավորելու միջնորդություն ներկայացնել դատարան:

Ռուստամ Մանուկյանը հարցաքննվել է կասկածյալի կարգավիճակով: Նրա հանրային պաշտպան Համլետ Ստեփանյանը պատասխանել է մեր մի քանի հարցերին: Նրա հետ զրուցել էինք մինչ Մանուկյանին մեղադրանք առաջադրելը:

- Պարոն Ստեփանյան, ձեր պաշտպանյալը ընդունո՞ւմ է իրեն առաջադրված կասկածանքը:

- Կասկածյալը մեղքը չի ընդունում, ինքը չի կատարել արարքը:

- Այսինքն՝ ինքը չի՞ երեխային ծեծի ենթարկել:

- Այո, էնտեղ մայր կա, եւ այլն:

- Պարոն Ստեփանյան, այսինքն՝ մայրն է երեխային ծեծի ենթարկե՞լ:

- Դա իր դիրքորոշումն է (նկատի ունի Ռուստամ Մանուկյանի,-հեղ.) որպես կասկածյալ հարցաքննվել է, ցուցմունքում այդպիսի բան է հայտնել նախաքննական մարմնին: Նշել է, որ մայրն է երեխային ծեծի ենթարկել:

- Պարոն Ստեփանյան, քննչական կոմիտեն հաղորդագրություն էր տարածել՝ նշելով, որ փոքրիկի դին նախ փորձել են թաքցնել փոսի մեջ՝ սպանությունը քողարկելու համար: Էս դրվագի մասին ի՞նչ է հայտնել ձեր պաշտպանյալը:

- Ոչ թե փորձել են թաքցնել, այլ երբ տեսել են երկուստեք, որ այդպիսի բան կա, փորձել են հուղարկավորության ենթարկել, հետո դա մինչեւ վերջ չի իրականացվել: Հիմա դրանք մանրուքներ են, ես չեմ ուզում խորանալ, որովհետեւ կարող է որոշ բաներ փոխվեն, դրա համար ես կխնդրեի հիմա այդ հարցերով չխորանայինք, չեմ կարող միանշանակ բաներ ասել, ես չգիտեմ՝ ոնց են զարգանալու դեպքերը, չեմ կարող միանշանակ բաներ ասել: Հիմա ինչ-որ բաներ ասելը չի բխում իմ պաշտպանյալի շահերից: Թողենք նախաքննությունը ընթանա, տեսնենք՝ ինչով է ավարտվում:

- Ի վերջո, ո՞րն է եղել երեխային սպանելու դրդապատճառը:

- Խիստ արտահայտված որեւէ վարկած չկա, երեխան լաց է եղել, պարզապես փորձել են հանգստացնել, դա է եղել պատճառը, ուրիշ պատճառ չկա:

- Բայց կինն էլ իրավապահներին հայտնել է, որ ամուսինն իրեն էլ է ծեծի ենթարկել:

- Ես իրավունք չունեմ ծանոթանալ իր ցուցմունքներին: Հիմա եկեք պայմանավորվենք, որ ես չեմ կարող այդպիսի տեղեկություններ տարածել:

- Իրավապահները նշում են, որ ձեր պաշտպանյալը ալկոհոլի ազդեցության տակ է եղել:

- Ոչ, ալկոհոլի ազդեցության տակ չի եղել...: Ես նոր եմ մտել գործի մեջ, ամբողջ ծավալով մասնակցություն դեռ չունեմ:

- Ձեր պաշտպանյալը աշխատո՞ւմ էր մինչ դեպքը:

- Անասնապահությամբ էր զբաղվում:

ՀՀ քննչական կոմիտեի նախահագի խորհրդական Սոնա Տռուզյանից փորձեցինք ճշտել, թե արդյո՞ք մոր կողմից երեխային ծեծի ենթարկելու վարկած կա, թե՞ ոչ: Ի պատասխան Տռուզյանը նշեց, որ այս պահին նախնական քննության ընթացքում ձեռք բերված ապացույցների համադրությամբ փոքրիկի մահը վրա է հասել նրա նկատմամբ կիրառված բռնության հետեւանքով. հարվածները հասցվել են հոր կողմից:

Նշենք, որ Ռուստամ Մանուկյանը հաշվառված է Գյումրի քաղաքում, իսկ կինը՝ Օվսաննա Գրիգորյանը, Վանաձորում: Նրանք, սակայն բնակվելիս են եղել Արմավիր քաղաքում:

Մեր տեղեկություններով, Ռուստամ Մանուկյանը նախկինում դատապարտված է եղել, մեզ սակայն չհաջողվեց պարզել, թե ինչ հանցանքի համար է նա դատապարտվել:

Տպել
5084 դիտում

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

102-րդ ռազմաբազայի ներկայությունը Հայաստանի ինքնիշխանության միակ իրական երաշխիքն է․ ՌԴ ԱԳՆ

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում