Ազատամուտի համայնքապետը հրաժարական տալու բացարձակ ցանկություն չունի. Տավուշի մարզպետ

Արդեն մի քանի օր է՝ Տավուշի մարզի Ազատամուտ համայնքի բնակիչները բողոքի ցույցեր են իրականացնում: Այս պահին էլ Ազատամուտ համայնքում բնակիչները փակել են Իջեւան-Բերդ ավտոճանապարհը, նրանք պահանջում են համայնքապետ Ժորա Մարտիրոսյանի հրաժարականը, նաեւ պահանջում են, որ այնտեղ գնա ՀՀ վարչապետ Նիկոլ Փաշինյանը:

Ակցիայի մասնակիցները նշում են, որ արդեն 10 տարի է՝ նրանք ապրում են վախի ու սարսափի մթնոլորտում: Ցուցարարների խոսքով՝ համայնքապետը չարաշահումներ եւ կեղծիքներ է կատարել, ուրիշների անուններով սոցիալական աջակցություն է ձեւակերպել, բայց հասցեատերերը չեն ստացել համապատասխան օգնությունը: Ժորա Մարտիրոսյանը հայտարարել է, որ հրաժարական չի տա, քանի որ ընտրվել է համայնքի բնակիչների կողմից: Իսկ մարզպետ Վահե Ղալումյանն առաջարկել է հարցը լուծել տեղական հանրաքվեի միջոցով:

«Համայնքապետը հրաժարական տալու բացարձակ ցանկություն չունի: Ժողովուրդն էլ իր պահանջից բացի ոչ մի պահանջ չի ներկայացնում»,- այս մասին մեր զրույցում ասաց Տավուշի մարզպետ Վահե Ղալումյանը, որն այժմ ցուցարարների մոտ է:

- Պարոն Ղալումյան, ի՞նչ խնդիր կա Ազատամուտում, ինչո՞ւ են համայնքի բնակիչները գյուղապետի հրաժարականը պահանջում:

- Իրենց համայնքապետի հետ կապված վաղուց խնդիր է եղել, մի քանի օր առաջ էլ դպրոցում կոնֆլիկտ է եղել իր ընտանիքի եւ դպրոցականների միջեւ, սրվել է եւ դրա համար էլ հրաժարականը պահանջում են:

- Չե՞ք կարողանում խնդրին ինչ-որ կերպ լուծում տալ, որ բանը չհասնի ճանապարհ փակելուն:

- Օրենքի տեսանկյունից ոչ մի ձեւով լուծում չունի: Ընտրովի մարմին է, ընտրովի մարմնին հետ կանչելու մեխանիզմ օրենքով նախատեսված չի:

- Ի՞նչ քայլեր եք ձեռնարկել, որ խնդիրը գոնե ինչ-որ չափով լուծում ստանա:

- Տեղական ինքնակառավարման մարմինը ամբողջությամբ առանձնացված համակարգ է: Միջամտելու ոչ մի լծակ չունենք: Փորձում ենք մարդկային հարաբերություններով, խոսելու միջոցով:

- Իսկ ի՞նչ է ձեզ ասում համայնքապետը, հրաժարական չի՞ ցանկանում տալ:

- Համայնքապետը հրաժարական տալու բացարձակ ցանկություն չունի: Ժողովուրդն էլ իր պահանջից բացի ոչ մի պահանջ չի ներկայացնում: Կոմպրոմիսային ոչ մի տարբերակ չկա:

- Ո՞րն է պատճառը, որ հրաժարականն են պահանջում, կոռումպացվա՞ծ է:

- Բազմաթիվ քրեական գործեր կան հարուցված` նախաքննության փուլում են: Նա նախօրոք, երեւի մի տարի առաջ, ավագանու լիազորություններ էր դադարեցրել, ավագանին ցրել էր, նոր ընտրություններ էր անցկացրել:

- Ամեն դեպքում գյուղացիները ճանապարհ են փակում եւ խնդիր են բարձրացնում, ինչպե՞ս եք պատկերացնում խնդրի լուծումը որպես մարզպետ:

- Ճանապարհ փակելու հետ մի քիչ համաձայն չեմ, որովհետեւ սահմանից մի քանի կիլոմետր հեռավորության վրա են փակում ճանապարհը: Համայնքապետն էլ հրաժարականի ցանկություն չունի:

- Այսինքն՝ խնդրին լուծում տալու տարբերակներ այս պահին չունե՞ք:

- Այս պահին եկել ենք, համայնքապետին ենք սպասում, խոսենք, տեսնենք:

- Իսկ համայնքապետը ինչո՞ւ չի ցանկանում հրաժարական տալ՝ այսքան մեծ բողոքի ալիքը տեսնելով:

- Չի ընդունում, որ մեծամասնությունն է իր հրաժարականը ուզում, բայց մեկուկես օրվա մեջ 1300-1400 ընտրողից 940 ստորագրություն կա իր դեմ:

Տպել
1131 դիտում

Թափառող կենդանիների վնասազերծմամբ զբաղվող ընկերության ընտրության նոր մրցույթ կհայտարարվի

Արցախի ՄԻՊ Արտակ Բեգլարյանը շնորհավորել է արցախյան եռատոնի առթիվ

Զոհրաբ Մնացականյանն ընդունել է միջազգային դիտորդական առաքելությունների ներկայացուցիչներին

Շնորհավորում ենք խորհրդարան անցած երեք քաղաքական ուժերին. «Օրինաց երկիր»

Հայաստանը չի ձգտում դառնալ ՆԱՏՕ-ի անդամ. Նիկոլ Փաշինյան

Ուկրաինայի իշխանությունների որոշումն անխոհեմ է. Պեսկով

Շնորհավորանք ու եռագույն սրտիկ՝ ԱՄՆ դեսպանատնից հայ ժողովրդին

Սուրեն Շահվերդյանը հրաժարական է տալիս Համազգային թատրոնի գեղարվեստական ղեկավարի պաշտոնից

Մեյը հետաձգել է Brexit-ի հարցով քվեարկությունը

Սա աննախադեպ իրադարձություն է, կարևոր նվաճում 3-րդ հանրապետության պատմության մեջ (տեսանյութ)

Անվավեր քվեաթերթիկների վրա այս անգամ հումորներ համարյա չկային․ դրանք անցել էին համացանցի տիրույթ

Մարդու իրավունքների պաշտպանության օրվան նվիրված միջոցառումներ ՊՆ-ում (լուսանկարներ)

Ինչպես են բաշխվել քվեները 2-րդ ընտրատարածքում

Ունեցանք միաբևեռ Ազգային ժողով. «Մենք» դաշինքը՝ ընտրությունների մասին

Գյումրեցի Ջուլիետա Ղուկասյանի սպանությունից 8 օր անց դեռ կասկածյալ չկա

«Սասնա ծռերը» ճանաչել է ԱԺ արտահերթ ընտրությունների արդյունքները, մաղթել արգասաբեր աշխատանք

Ի՞նչ հաջորդականությամբ են ձայները բաշխվել 4-րդ ընտրատարածքում

Ռուսաստանի հետ բարեկամության և համագործակցության համաձայնագիրը դադարեցվում է Պորոշենկոյի որոշմամբ

Ինձ պասիվ էի պահում, որ նախընտրական այս շրջանում չքաղաքականացվեր. Հ. Գալստյանն արդեն 8-րդ օրն է՝ հացադուլի մեջ է

Թեկնածուներից մեկի օգտին քվեարկելուն հարկադրելու առերևույթ դեպք է արձանագրվել. հարուցվել է քրգործ