Երևան
19 °C
Երեւանի Կոմիտասի անվան պետական կոնսերվատորիայի ռեկտոր Շահեն Շահինյանը հեռացել է զբաղեցրած պաշտոնից եւ ռեկտորի ժամանակավոր պաշտոնակատար է նշանակվել Սոնա Հովհաննիսյանը: Նա «Հովեր» երգչախմբի հիմնադիր-ղեկավարն է, ՀՀ արվեստի վաստակավոր գործիչ:
Շահինյանը Կոնսերվատորիան ղեկավարում էր արդեն 7 տարի: Երկրորդ անգամ ռեկտոր էր ընտրվել 2016 թվականին: Երեկ նրա հետ զրուցեցինք ռեկտորի պաշտոնը թողնելու պատճառների եւ ոչ այնքան դրանց շուրջ:
- Պարոն Շահինյան, ինչո՞ւ ազատվեցիք զբաղեցրած պաշտոնից:
- Ես ինքս դիմում եմ ներկայացրել եւ իմ դիմումի համաձայն ազատվել եմ աշխատանքից: Անձնական որոշում է:
- Ընդամենը 2016 թվականին էիք վերընտրվել:
- Այո: ...Չեմ կարծում, որ 6-7-8 տարուց ավելի կարող են մարդկանց մեջ նորարարական մտքեր առաջանալ: Կարծում եմ՝ այդքան տարիները հերիք են, որ մարդ որպես առաջին դեմք աշխատի: Իմ դեպքում ես այդպես որոշեցի:
- Երբ 2016 թվականին առաջադրվում էիք, այն ժամանա՞կ էլ մտածում էիք, որ ընդամենը երկու տարով եք առաջադրվում, դրանից հետո նորարական միտքը կսպառվի:
- Իհարկե ոչ, աշխատանքի օրերը, կյանքը, ժամանակը, աշխարհի վիճակը, այդ ամեն ինչը հաշվի առնելով՝ հանգեցի այս որոշմանը, որովհետեւ գնալով աշխարհը շատ ավելի սրընթաց զարգացում է ապրում: Եվ այդ զարգացման հետեւից ինչքան որ կարող ես հասցնել ու արդյունավետ աշխատել, կարծեմ այդքան պետք է մնաս աշխատես:
- Այսինքն՝ դուք չկարողացա՞ք հասցնել ժամանակի հետեւից, տենդենցներին համահունչ չկարողացա՞ք քայլել:
- Ես չեմ ուզում այնպես լիներ, որ հանկարծ չկարողանայի: Դրա համար դիմում գրեցի, որպեսզի նոր, երիտասարդ մարդիկ գան եւ շարունակեն այն ավանդույթները, որոնք ստեղծվել են Կոնսերվատորայի 95 տարվա պատմության ընթացքում: Ես որոշեցի, որ ավելի լավ է արդեն ինձ նվիրեմ մանկավարժությանը եւ իմ կատարողական արվեստին, որով որ եկել եմ: Դա ավելի հետաքրքիր է ինձ համար հիմա:
- Ձեզ առաջարկ, ակնարկ եղե՞լ է, որ լավ կլինի՝ դիմում գրեք: Կամ գուցե դուք եք գտնում, որ չեք կարող աշխատել նոր ղեկավարության հետ:
- Անկոռեկտ հայտարարություններ եւ առաջարկություններ չեն եղել: Երեւի տրադիցիա չէ, որ մարդը իր կամքով ազատվի աշխատանքից՝ իր դիմումի համաձայն: Բայց ինչպես ընտրվել եմ, դարձել եմ ռեկտոր առանց տարբեր միջնորդությունների, այնպես էլ դուրս եմ եկել:
- Անկուսակցական ընտրվեցիք, անկուսակցական էլ գնո՞ւմ եք:
- Այո:
- Եթե ամփոփելու լինեք այս ընթացքում կատարած ձեր աշխատանքը, ինչպես կգնահատեք, ինչ հաջողվեց եւ ինչ չհաջողվեց:
- Ժամանակի առումով ես չեմ կարող համեմատել իմ աշխատանքը ենթադրենք Խորհրդային ժամանակների ռեկտորների աշխատանքի հետ, որովհետեւ այն ժամանակ ռեկտորները նախաձեռնողականության իրավունք չունեին, երկիրն էր որոշում ամեն ինչ իր փոխարեն: Բայց ես կարծում եմ, որ այդ գնահատականը պետք է այն մարդիկ տան, ովքեր ինձ հետ աշխատել են, իմ գնահատելը մի քիչ ճիշտ չէ, բայց նորմալ, այսպես ասեմ՝ իմ կարծիքով վատ չի եղել: Օրինակ ուզում էինք, որ աշխատավարձերը բարձրանան: Մեզ հաջողվեց բարձրացնել: Իհարկե, շատ ավելիի անհրաժեշտություն կար: Այդքանը չհաջողվեց: Սա՝ կենցաղային մակարդակում: Իսկ կրթական մակարդակում օրինակ մենք դարձանք Եվրոպայի կոնսերվատորիաների ասոցիացիայի լիիրավ անդամ, ունեցանք բազմաթիվ միջազգային մրցույթների դափնեկիր, ի վերջո մասնագիտական առումով դա է կարեւոր: Եվ ունենք դասախոսներ, որոնց համար այլ երկրներից գալիս են այստեղ սովորելու:
- Պարոն Շահինյան, երբ դուք առաջադրվեցիք, ուրիշ թեկնածու չկար (եթե չեմ սխալվում՝ երկու անգամն էլ): Մյուս բուհերի դեպքում էլ նույննն էր: Հիմա՝ հետ նայելով, չկա՞ր այն միջավայրրը, որ մրցակցություն լիներ, բուհի ռեկտորն ընտրվեր մրցակցային պայմաններում, որովհետեւ քիչ հավանական է, չէ՞, որ ուրիշ ոչ մեկը չուզենար ռեկտոր դառնալ:
- Ես ձեզ ասեմ, դա էլ է ինձ համար որոշակի ցուցանիշ է. ես շատ ուրախ եմ, որ այս ընթացքում շատ թեկնածությունների անուններ լսեցի, որ կուզենան ռեկտոր աշխատեն: Ես զարմանում եմ, որովհետեւ ես ամենակարող մարդ չեմ եղել այս աշխարհում, որ հերիք չէ՝ իմ հարցերը լուծեմ, մի հատ էլ այնպես անեմ, որ ուրիշների առաջադրումները խոչընդոտեմ: Եղել է այն, ինչ որ եղել է: Համենայնդեպս այն բոլոր թեկնածուները, որ այն ժամանակ ուզել են առաջադրվել, հետո վերջին րոպեին չեն առաջադրվել: Այդպիսի դեպքեր շատ եղան: Այդ մարդկանց հետ շատ լավ աշխատել ենք: Նույնիսկ անձնական մոտ հարաբերություններ են մինչեւ այսօր: Օրինակ հնարավոր թեկնածուներից Ռուբեն Տերտերյանը, որի հետ մինչեւ այսօր ընկերներ ենք, ասաց՝ գաղափարապես նույն բանն ես ասում, ինչ որ ես եմ ուզում, դրա համար էլ չեմ առաջադրվում: Այն մարդիկ, ովքեր որ գիտեն աշխատանքի ծանրությունը, վերջին րոպեին հրաժարվում են, որովհետեւ իսկապես ծանր ու դժվար է ռեկտորի աշխատանքը:
Հ.Գ.-1 Առաջիկայում կհայտարարվի Կոմիտասի անվան կոնսերվատորիայի ռեկտորի թափուր պաշտոնի մրցույթ եւ բուհի խորհուրդը կիրականացնի ընտրություն: Մինչ այդ, սակայն, կփոփոխվի կառավարման այդ մարմնի կազմը: Դրանում մինչեւ այժմ ընգրկված են նաեւ նախորդ իշխանության ներկայացուցիչներ, ինչպես օրինակ մշակույթի նախկին նախարար Հասմիկ Պողոսյանը:
Հ.Գ. -2 Նոր նշանակման մասին Ֆեյսբուքյան իր էջում գրառում է արել ՀՀ կրթության եւ գիտության նախարար Արայիկ Հարությունյանը: «Այսօր իմ հրամանով դիրիժոր, «Հովեր» երգչախմբի հիմնադիր-ղեկավար, արվեստի վաստակավոր գործիչ, պրոֆեսոր Սոնա Հովհաննիսյանը նշանակվել է Երեւանի Կոմիտասի անվան պետական կոնսերվատորիայի ռեկտորի ժամանակավոր պաշտոնակատար: Շնորհավորում եմ Սոնա Հովհաննիսյանին: Անվերապահ վստահությունս՝ ռեկտորի ժամանակավոր պաշտոնակատարին: Լավագույն փոփոխությունները շարունակվում են»,- գրել է նա։
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
Անթույլատրելի է Եկեղեցու՝ ինքնիշխանության դեմ քաղաքական պայքարի «թամադայությունը» ստանձնելու կարգավիճակը. Վարդապետյան
Նիկոլ Փաշինյանը ժամանել է Մոսկվա (տեսանյութ)
Կրեմլում անհրաժեշտ և սպասված են անվանել Պուտինի և Փաշինյանի առաջիկա բանակցությունները
Մայր Աթոռում քանի՞սն են պատրաստ բարոյական պատասխանատվություն կրել հակապետական քաղաքականության համար. Չախոյան
Ստամբուլի օդանավակայանում արտակարգ դեպք է գրանցվել (տեսանյութ)
«Անկախություն» ու «ազատություն» բառերը քանի՞ անգամ են օգտագործվել. Բաբաջանյանը՝ Գերագույն հոգևոր խորհրդին
Սերբիայի ԱԳ նախարարը լավատես է Հայաստանի հետ համագործակցության հեռանկարների առումով
Ռուսաստանի և Վրաստանի սահմանին անբարենպաստ եղանակի պատճառով մի քանի հարյուր բեռնատար է կուտակվել
Աստծո անունը քաղաքական կապիտալի վերածելը աստվածահաճո գործ չէ. Ռուբեն Ռուբինյանը՝ Միքայել արքեպիսկոպոս Աջապահյանին
Որոշ շրջաններում կդիտվի -1, -2 աստիճան ցուրտ, անձրևն ու ամպրոպը ՀՀ մի հատվածում կվերածվի կարկուտի
Պուտինը շնորհավորական ուղերձ է հղել Նիկոլ Փաշինյանին
Շվեդիայի եկեղեցու Վեստերիսի եպիսկոպոսն այցելել է Հայոց ցեղասպանության հուշահամալիր
17-ամյա անչափահասին դանակահարել են, հափշտակել ոսկյա թևնոցը. կալանավորվել է նրա համադասարանցին
Միասնական ջանքերով կարող ենք զարգացնել համագործակցությունը․ Միրզոյանը՝ Սերբիայի ԱԳ նախարարին
Փոփոխություններ երեխաներին հանրակրթության մեջ ընդգրկելու և տեղափոխելու կարգում. ԿԳՄՍՆ
Դատախազության կողմից պետությանը վերադարձված 1 հա մակերեսով երկու հողամասն ամրացվել է Պետգույքի կառավարման կոմիտեին
Գողացել է փողոցում նվագողի՝ մետաղադրամներով լցված արկղը և դիմել փախուստի
Վրաստանի պետական անվտանգության ծառայությունը նախազգուշացրել է՝ ցուցարարների շարքում կան «վճարվող սադրիչներ»
Մայիսյան հաղթանակներով ոգեշնչված՝ մենք կրկին կապրենք ազգային վերելքներ․ Սասուն Միքայելյան
Կառավարությունը 1 միլիարդ 12 միլիոն դրամ գումար հատկացրեց 21 սուբվենցիոն ծրագրերի իրականացման համար
Ժաննա Անդրեասյանը մեկնել է Իսպանիա
Զինծառայողը մահացու վիրավորումը ստացել է կզակի հատվածում, հարցաքննվել են բոլորը, նախաձեռնվել է վարույթ
1 օրում ՀՀ տարածքում արձանագրվել է 10 տրանսպորտային պատահար. տուժել է 17 մարդ
Քաջարանից Սիսիան 118 կիլոմետր ճանապարհը կկրճատվի, այն կդառնա 60 կիլոմետր. Սանոսյան
Որքան զբոսաշրջիկ է ապրիլին այցելել Հայաստան
Կսահմանվի որոշակի դասընթացների ցանկ, որոնց մասնակցելը պարտադիր կդառնա բուժաշխատողների համար (տեսանյութ)
Փակ բաժնետիրական ընկերությանը պատճառվել է 80 մլն դրամի վնաս (տեսանյութ)
Նիկոլ Փաշինյանը մեկնել է Մոսկվա. նախատեսվում է հանդիպում Պուտինի հետ
Մեքենան դուրս է եկել ճանապարհի երթևեկելի գոտուց և ընկել հարակից ձորակը. կան տուժածներ
Բագրատ սրբազանը «ազատության, արդարության, համերաշխության» փոխարեն առաջարկում է «Աստված, եկեղեցի, թագավոր» կոնցեպտը
Խոշոր չափի մեթամֆետամին՝ ներծծված գուլպաների մեջ. դատապարտյալին այցի եկած անձը ներկայացվել է քննությանը
Շարժման առաջնորդները կարող է հարցնեն՝ ինչո՞ւ են որոշ մարդիկ երես թեքել եկեղեցուց և աղանդավոր դարձել. Բաբկեն Թունյան
Պատկերացում կա՞, թե ինչ հարված է հասցվում Հայ եկեղեցուն. Բաբաջանյան
ՀՀ վարչապետ Նիկոլ Փաշինյանի մամուլի ասուլիսը պարունակում էր հայեցակարգային շեշտադրումներ. Մարգարյանը մանրամասնել է
Հայկ Սարգսյանն ակտիվորեն աջակցում է Բագրատ արքեպիսկոպոս Գալստանյանի գլխավորած շարժմանը
© 2024 Հայկական ժամանակ