Երևան
13 °C
searchclose
today
menuclose
Երևան
13 °C
«Հրանտ Մաթեւոսյան» մշակութային կենտրոն-թանգարանը, որի շինարարական աշխատանքները սկսվել էին դեռեւս 2015 թվականին եւ պետք է ավարտվեին 2-2.5 տարում՝ ավարտվել են, բայց շենքը փաստացի կիսատ է: «Հրանտ Մաթեւոսյան» մշակութային կենտրոն-թանգարանի վիճահարույց երրորդ հարկն այդպես էլ չկառուցվեց: Ճարտարապետ Տիգրան Բարսեղյանի հեղինակած նախագծով կենտրոնը պետք է եռահարկ լիներ, բազմաթիվ բանակցություններից հետո այն այդպես էլ չշարունակվեց:
ՀՀ մշակույթի նախարարությունից հայտնում են, որ հարցը ներկայացրել են ՀՀ կառավարություն եւ ՀՀ քաղաքաշինության կոմիտե` առաջարկելով, հնարավորության դեպքում, կենտրոնի վերանորոգման հարցը ներառել ՀՀ 2019 թվականի պետական բյուջեի նախագծում:
Նշում են, որ ՀՀ ֆինանսների նախարարությունում 2019 թվականի պետական բյուջեի քննարկումների ժամանակ եւս բարձրաձայնվել է կենտրոնի վերնահարկի կառուցման անհրաժեշտությունը: Սակայն, նախագծա-նախահաշվային փաստաթղթերի փորձագիտական եզրակացության բացակայության պատճառով այն չի ներառվել 2019 թվականի պետական բյուջեում:
«Հայկական ժամանակ»-ը բազմիցս անդրադարձել է «Մաթեւոսյան կենտրոն-թանգարան»-ի խնդրին, եւ, ըստ մեզ տրամադրված պատասխանների, այն պետք է ավարտվեր 2018 թվականի վերջին, սակայն այսօր պարզվում է, որ անգամ 2019 թվականի բյուջեով նախատեսված չէ շենքի շինարարության ավարտը: Մեկ միլիոն ԱՄՆ դոլար կապիտալ ներդրմամբ կառուցված շենքի շինարարությունն անժամկետ դադարեցված է եւ այն անտեր է:
«Հրանտ Մաթեւոսյան հիմնադրամ»-ի ներկայացուցիչ եւ Մաթեւոսյանի ժառանգ, մշակույթի նախարարի խորհրդական Դավիթ Մաթեւոսյանը շինարարության սկզբնական փուլում բավականին ակտիվ ներգրավվածություն ուներ: Մաթեւոսյանի ժառանգը ոգեւորված սպասում էր շենքի կառուցման վերջնական ավարտին, սակայն վերջին շրջանում բավականին պասիվ է:
«Հայկական ժամանակ»-ի հետ զրույցում Դավիթ Մաթեւոսյանը հայտնեց, որ մինչեւ այս պահը, իր պասիվությունը պայմանավորված էր մշակույթի նախարարի խորհրդական լինելով: «Հեղափոխության հաղթանակից հետո համոզում ունեի, որ չի կարելի հնարավոր բոլոր կապերն ու ազդեցություններն օգտագործել, եւ պետք էլ չէ օգտագործել, որովհետեւ պետության եւ մեր երկրի կայացման համար կան շատ ավելի ծանր հրամայականներ»,-ասաց նա:
Վերջինիս խոսքով՝ մինչեւ վերջերս լիահույս է եղել, որ մշակութային կենտրոն-թանգարանի կառուցումը մինչեւ հեղափոխությունը վստահված է եղել ՀՀ կառավարության հոգածությանն ու որոշակի ընթացք է ունեցել եւ այսուհետ էլ շարունակվելու ու իր տրամաբանական ավարտին է հասցվելու: Դավիթ Մաթեւոսյանը մեր զրույցում հայտնեց, որ 2018 թվականի մարտից մինչ օրս քաղաքաշինության կոմիտեն ՀՀ կառավարության հանձնարարությամբ հանդես է եկել որպես Հրանտ Մաթեւոսյան կենտրոնի պատվիրատու, սակայն զլացել է իր լիազորությունները կատարելու մեջ:
«Մարտ ամսից մինչեւ այսօր մենք «չլոցու» վկա ենք, կամ ֆուտբոլի, որը տեղի է ունենում կառավարության աշխատակազմի, քաղաքաշինության կոմիտեի եւ մշակույթի նախարարության միջեւ: Նրանք հարցը լուծելու փոխարեն գերադասում են բյուրոկրատական նամակագրությամբ հեռացնել իրենց պատասխանատվության դաշտից»,- ասաց Դավիթ Մաթեւոսյանը՝ հայտնելով, որ 1 միլիոն դոլար կապիտալ ներդրմամբ կառուցված շենքն այս պահին անտեր է:
Մաթեւոսյանը նկատում է, որ վերը նշված գերատեսչություններն իրավունք չունեին այդ մշակութային կենտրոնի հետ նման կերպ վարվելու եւ «կառավարելու» այն: Հայտնում է, որ շենքի մասին ինքն է հոգ տանում՝ ոչ պաշտոնապես: Գազի, լույսի, ջրի եւ երկու պահակների գումարը եւս ինքն է վճարում, որպես Հրանտ Մաթեւոսյան հիմնադրամի տնօրեն:
«Հրանտ Մաթևոսյան» մշակութային կենտրոնի շինարարական աշխատանքները վերսկսելու ժամկետի վերաբերյալ Քաղաքաշինության կոմիտեից «Հայկական ժամանակ»-ին հայտնում են, որ կենտրոնի կառուցման աշխատանքներն ավարտվել են սահմանված կարգով եւ ժամկետում: Լրացուցիչ նախագծման թույլտվություն ստանալու համար ՀՀ քաղաքաշինության կոմիտեն 2018-ի մարտի 30-ին ձեռք է բերել օբյեկտի ճարտարապետա-հատակագծային նոր առաջադրանք, որի համաձայն՝ հեղինակ-նախագծողի կողմից իրականացվել են վերնահարկի նախագծային աշխատանքներ:
Քաղաքաշինության կոմիտեից նաեւ հայտնում են, որ մշակույթի նախարարությանն առաջարկվել է «Հրանտ Մաթեւոսյան» մշակութային կենտրոնի վերնահարկի կառուցման ֆինանսավորման եւ կենտրոնի հետագա շահագործումն ապահովելու նպատակով, հարցը ներկայացնել ՀՀ կառավարության քննարկմանը:
Դավիթ Մաթեւոսյանը ցավով հայտնեց նաեւ, որ քաղաքաշինության կոմիտեի նախագահ Ավետիք Էլոյանն անգամ նախքան նախագահ դառնալն էր խնդրին քաջատեղյակ, սակայն բավարար չափով «զինված» լինելով հանդերձ՝ կուլ է գնացել բյուրոկրատական համակարգին:
«Նույնը տեղի է ունենում կառավարությունում եւ մշակույթի նախարարությունում: Նրանք դառնում են աշխատավարձ ստացող եւ ոչինչ չանողներ: Եվ բոլոր այն պաշտոնյաները, որոնք ի պաշտոնե կոչված էին հարցին լուծում տալ կամ ելքեր գտնել՝ իրենց բոլորի ոչ պաշտոնական հորդորն ինձ եղել է՝ դիմել Նիկոլ Փաշինյանին: Իմ համառ խուսափումը եղել է Փաշինյանին չդիմելը: Հանրապետության վարչապետի առջեւ դրված են եւ դրված են լինելու շատ ավելի կարեւոր հարցեր եւ նա չպիտի միկրոմենեջմենտով զբաղվի»,- ասաց Մաթեւոսյանը:
Նշեց, որ կառավարության նիստի ժամանակ կարող էին քննարկման դնել եւ մտցնել հաջորդ՝ 2019 թվականի բյուջե: «Դեկտեմբերի 13-ի քննարկմանը մենք ունեցանք բյուջեի մնացորդի վերաբաշխում: 17 միլիոն դրամ հատկացվեց ռուսալեզու «խիստ ինտելեկտուալ» խաղին եւ բազմաթիվ նմանատիպ ծրագրերի, որոնք ունեն կոմերցիոն հնարավորություններ, մինչդեռ կենտրոն-թանգարանին հատկացվող 50 միլիոն դրամը հարցը վաղուց կարող էր լուծած լինել»:
Անդրադառնալով մշակույթի նախարարության այն պատճառաբանությանը, թե փորձագիտական եզրակացություն չի տրվել, նամակով խնդրել են փորձագիտական եզրակացությունն ապահովել Մաթեւոսյանին: «Սա ընդամենը սեփական լիազորությունների եւ պարտականությունների չիմացության կամ գիտակցաբար գործընկերներին շփոթության մեջ գցելու վարքագիծ է»,- ասաց նա: Ըստ Դավիթ Մաթեւոսյանի՝ 20 րոպե պահանջվող գործընթացի համար քաղաքաշինության կոմիտեից պահանջվել է 9 ամիս:
Ավելի ուշ, երբ «Հայկական ժամանակ»-ը գրավոր պատասխաններ էր ստացել մշակույթի նախարարությունից եւ քաղաքաշինության կոմիտեից, Մաթեւոսյանին իր գործընկերներից մեկը՝ մշակույթի փոխնախարար Տիգրան Գալստյանը, կենտրոնի հետ կապված նամակ է տրամադրել: «Ցավում եմ» բանավոր արտահայտությամբ Գալստյանը Մաթեւոսյանին է փոխանցել հետեւյալ բովանդակությամբ գրություն.
«ՀՀ 2019 թվականի պետական բյուջեում եւ ՀՀ կառավարության 2018 թվականի հուլիսի 10-ի N 797-Ն որոշմամբ հաստատված 2019-2021 թթ. ՄԺԾ-ծրագրում «Հրանտ Մաթեւոսյան» մշակութային կենտրոն-թանգարանի ստեղծման նպատակով համապատասխան գումարներ նախատեսված չեն»:
«Ինչպես պիտի այդ գումարները նախատեսվեին, եթե իրենք, որպես լիազոր մարմին, այդ հարցը չեն բարձրաձայնել: Որտեղից պիտի ֆինանսների նախարարությունն այդ ծրագիրը ներկայացներ կառավարությանը, եթե իրենք զլացել են դա անել»,- ասաց Մաթեւոսյանը:
Նամակում գրված է նաեւ, որ ՀՀ ֆինանսների նախարարության հետ քննարկումների արդյունքներով, ՊՈԱԿ-ի ստեղծման նպատակահարմարությունը կարող է դիտարկվել այն դեպքում, երբ համայնքին կամ այլ անձանց մատուցվող ոչ առևտրային բնույթի ծառայությունները իրենց բնույթով բացառիկ են, չպետք է եւ չեն կարող մատուցվել մասնավորի կողմից՝ անկախ մասնավորի կողմից այդ ծառայության մատուցման հնարավորությունից:
Այս հատվածին անդրադառնալով՝ Դավիթ Մաթեւոսյանը նշեց. «Սա դեմագոգիայի, սոփեստության պրիմիտիվ օրինակ է: Ուզում եմ հասկանալ, թե ինչ է նշանակում՝ իրենց բնույթով բացառիկ ծառայություններ: Օրինակ, Ցեղասպանության ինստիտուտ-թանգարանը կամ Կոմիտասի անվան թանգարանը, որպես ոչ առեւտրային գործառույթ, ինչով են բացառիկ: Սրանք էլ անընդհատ մասնավորի կողմից վերարծարծվում են. եկեք փակենք այդ թանգարանները, իրենք բացառիկ չեն իրենց ֆունկցիաներով»,- ասաց նա:
Մաթեւոսյանին տրված նամակում նաեւ ասվում է, որ ՀՀ մշակույթի նախարարությունը դիմել է ՀՀ քաղաքաշինության կոմիտեին՝ խնդրելով «Հրանտ Մաթեւոսյան» մշակութային կենտրոնի վերնահարկի կառուցման նախագծա-նախահաշվային աշխատանքների ֆինանսավորման հարցը, որի արժեքը կազմում է 55 միլիոն դրամ, ներառել ՀՀ 2019 թվականի պետական բյուջեի նախագծում:
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
ՌԴ-ն նույն խաղն է անում Հայաստանում, ինչ՝ ԼՂ-ում, սահմանազատմանը դեմ ուժերը հովանավորվում են 1 կենտրոնից․ Արամ Սարգսյան
Վիճաբանություն, ծեծկռտուք, կրակոց՝ Ամերիկյան համալսարանի մոտ․ հայտնաբերվել են արնանման հետքեր, կրակված գնդակ, կա վիրավոր
Հայտնի է Երևանում մեկնարկած ֆուտզալի Չեմպիոնների լիգայի եզրափակչի առաջին մասնակիցը
Թուրքիան մտադիր չէ ռուսական S-400-ները փոխանցել Ուկրաինային
Տավուշում ակցիա իրականացնողները չունեն աջակցություն, նրանց գործողությունները կդադարեն. Էդգար Առաքելյան
Գնել Սանոսյանը ծանոթացել է Մեծամոր-ՀԱԷԿ հանրապետական նշանակության ավտոճանապարհի հիմնանորոգման աշխատանքներին
Երևան-Արմավիր ճանապարհին բախվել են «Վազ 2106»-ն ու «ԿԻԱ»-ն․ տուժածները հոսպիտալացվել են
Քելբաջարում վթարի հետևանքով մեկ զինծառայող է մահացել․ կան տուժածներ
Բեռլինում այրվում է պաշտպանական-արդյունաբերական ընկերության գործարանը. ծխի թունավոր ամպ է տարածվում (տեսանյութ)
Սա ժողովրդավարություն չէ, այլանդակություն է, որը պետք է ամենակոշտ ձևով իշխանությունը կասեցնի. Ռուբեն Մեհրաբյան
Ծաղկահովիտ-Ալագյազ ճանապարհին մեքենաներ են բախվել․ կան տուժածներ
Փաշինյանի գլխավորությամբ քննարկվել են ջրային ոլորտի խնդիրներն ու դրանց լուծման քայլերը․ ինչ է հանձնարարել վարչապետը
Կիրանց տանող ճանապարհը բացվել է․ «Ազատություն»
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
