Երևան
12 °C
Պատկերացրեք՝ տեղի է ունեցել մեծ կողոպուտ, իրավապահներն ինչ-որ մեկին բռնել են, իսկ իրական կողոպտիչները, որ տարիներ շարունակ ազատության մեջ վայելում էին գողոնը, հանկարծ հեռուստացույցով տեղեկանում են, որ այդ «ինչ-որ մեկին» բաց են թողել: Բնականաբար, առաջին արձագանքը կլինի խուճապը: Որովհետեւ ակնհայտ է, որ դրանից հետո իրական կողոպտիչների որոնումները շարունակվելու են նոր թափով:
Ըստ երեւույթին հենց այդ վիճակում էլ հայտնվեցին Սերժ Սարգսյանն ու նրան սպասարկող լրատվամիջոցները՝ տեղեկանալով, որ ապրիլյան պատերազմի ժամանակ ՀՀ զինված ուժերի հետախուզությունը ղեկավարած եւ հետագայում պաշտոնանկ արված Արշակ Կարապետյանը նշանակվել է վարչապետի խորհրդական: Չէ՞ որ ապրիլյան պատերազմից հետո Սերժ Սարգսյանը մի քանի գեներալների պաշտոնանկ էր արել ու համարել, որ այդպիսով «գլխավոր մեղավորները» բացահայտված են, թեման փակված է, եւ իրեն այդ հարցով այլեւս չեն անհանգստացնելու: Դրա համար էլ անմիջապես ահավոր աղմուկ բարձրացրեցին՝ իբր «այդ ի՞նչ խայտառակ նշանակում էր, մոռացե՞լ եք, որ նա ապրիլյան պատերազմի հիմնական մեղավորներից մեկն էր»:
Նախ՝ ապրիլյան պատերազմի մասին: Չգիտես ինչու՝ «կադրային հետեւություններ արվեցին» միայն բանակի մասով, թեեւ ակնհայտ էր, որ մեղավորների ցանկում բանակն ամենավերջինն է /եթե ընդհանրապես մեղավոր է/: Ապրիլյան պատերազմին Ադրբեջանը նախապատրաստվում էր տարիներ շարունակ՝ միլիարդավոր դոլարների ժամանակակից սպառազինություն էր ձեռք բերում, միջազգային հարթակներում հիմնավորում էր ռազմական ճանապարհով խնդիրը լուծելու իր «իրավունքը» եւ այլն, իսկ Հայաստանի իշխանություններն այդ ընթացքում մտածում էին միայն այն մասին, թե ոնց փոխեն Սահմանադրությունը, որ Սերժ Սարգսյանը շարունակի միանձնյա ղեկավարել երկիրը: Մեր արտգործնախարարությունն էլ այդ ընթացքում իր հիմնական գործառույթը համարում էր արտաքին աշխարհի առաջ այդ «անհրաժեշտությունը» հիմնավորելը: Արդյունքում եղավ ապրիլյան պատերազմը, ու եթե չլինեին մեր բանակի բացառիկ տոկունությունն ու համաժողովրդական աջակցությունը, հետեւանքներն աղետալի կլինեին: Այսինքն՝ ապրիլյան պատերազմի ժամանակ բանակը ոչ թե ձախողվել է, այլ բոլորիս փրկել է կատարյալ ձախողումից: Ձախողում, որին հետեւողականորեն հասցրել էին արտաքին քաղաքականության պատասխանատուները՝ Սերժ Սարգսյանի գլխավորությամբ:
Վերցնենք թեկուզ հետախուզության տվյալները: Լավ, ենթադրենք՝ մեր հետախուզությունը, Արշակ Կարապետյանի ղեկավարությամբ, լավ չի աշխատել: Բայց ե՛ւ Ռուսաստանի, ե՛ւ ԱՄՆ արբանյակային հետախուզությունները գիշեր-ցերեկ վերահսկում են մեր տարածաշրջանը եւ ի վիճակի են արձանագրել ցանկացած շարժ՝ եթե անգամ ճանճը ադրբեջանական սպայի ուսադիրից ցատկում է մեկ այլ սպայի ուսադիրի վրա: Հասկանալի է, չէ՞, որ ադրբեջանական տանկային զորամասերի տեղաշարժերն աննկատ չէին մնա: Ուրեմն ինչո՞ւ ոչ Ռուսաստանը, ոչ ԱՄՆ-ը մեզ չեն նախազգուշացրել: Համաձայնվեք՝ սա արդեն բանակի խնդիրը չէ, սա պետության քաղաքական ղեկավարության խնդիրն է եւ վկայում է այդ ղեկավարության կատարյալ ձախողման մասին: Բայց Սերժ Սարգսյանին պետք էր ինչ-որ մեկի վրա բարդել «ընդամենը 800 հեկտարի» կորստյան մեղքը, ու ամենահարմարը զինվորականներն էին: Էլ չենք խոսում «80-ական թվականների զենքերի» մասին /կարծես թե, իրենք բանակին հսկայական գումարներ էին հատկացրել, իսկ գեներալներն այդ գումարներով ժամանակակից սպառազինության փոխարեն մաշված անվադողեր ու պահածոների դատարկ տուփեր էին գնել/:
Հիմա Սերժ Սարգսյանը, ըստ երեւույթին, հասկացել է, որ ոչ ապրիլյան պատերազմը, ոչ Նախիջեւանի ուղղությամբ ադրբեջանական աշխուժացմանը չհակազդելը վաղեմության ժամկետներ չունեն, եւ մի քանի գեներալների մեղավոր նշանակելու մարտավարությունը չի աշխատելու: Այստեղից էլ՝ «կանխարգելիչ» աղմուկ-աղաղակը:
Ինչպես միշտ՝ առանց հետեւանքների մասին մտածելու:
«Հայկական Ժամանակ»-ը Telegram-ում
Ոստիկանները ձերբակալել են գիշերվա ժամը 3:40-ին դրիֆթ կատարած երիտասարդին. տեսանյութ
Դավիթ Ղազինյանը ձերբակալվել է
Այն ուժը, որն ասում է՝ մենք 29.743 քկմ-ով չպետք է բավարարվենք, հայտարարում է պատերազմ հարևաններին. Փաշինյան
ԿԸՀ-ն Քոչարյանի նկատմամբ քրեական հետապնդում հարուցելու համաձայնություն է տվել
Ո՞ւմ ձայնն է կեղծված. տանը վեր ընկած լիդերներին կոչ եմ անում դուրս գալ փողոց․ ինչի՞ են ձեր դրած դրոշները անտեր
Ռոբերտ Քոչարյանի և իր շրջապատի հարսը, փեսան, աներձագը, բոլորը դատավորներ են ՀՀ-ում մինչև հիմա. Փաշինյան
Քոչարյան, կալուգացի օլիգարխ, բելառուսամետ օլիգարխ, ջախջախելու եմ. ովքեր համաձայն չեն, թող հեղափոխություն անեն
ՎՏԲ-Հայաստան Բանկ․ ակնթարթային փոխանցումները դեպի Ռուսաստան դառնում են առավել պահանջված
2021-ից հետո ընտրակաշառքի գործերով ոչ մի մեղադրյալ բանտում չէ․ դատաիրավական համակարգը պիտի սրա պատասխանը տա
Moody’s Ratings-ը վերահաստատել է Յունիբանկի B1 վարկանիշը՝ կայուն հեռանկարով
Դպրոցական երեխաներին էքսկուրսիա տանող ավտոբուսի վթարի դեպքի առթիվ նախաձեռնվել է քրեական վարույթ
ՀԾԿՀ-ն ազատականացնում է 6(10) կՎ լարմամբ սպառման համակարգերի, բազմաբնակարան շենքերի՝ ցանցին միացման գործընթացը
Ընդդիմությանը դաժան իրականություն է սպասվում, բայց տուրուդմփոց չի լինելու. Հովհաննիսյան
Ընդդիմադիր պատգամավորները գին են ունենալու, գինը մեխվելու է նրանց ճակատին, սուպերմարկետի բաժիններ են լինելու
Դավիթ Ղազինյանը զրկվեց անձեռնմխելիությունից
Հայաստանում ազդարարվել է «Արծիվ գործընկեր-2026» զորավարժության մեկնարկը․ տեսանյութ
Վերականգնվել է Լոռի Բերդ համայնքի սեփականության իրավունքը Կողեսի 1,3 հա մակերեսով հողամասի նկատմամբ․ վարչապետ
ԱԱԾ շենքի վրա պայթուցիկ նետելու գործով հարցաքննվել է Ալիկ Ալեքսանյանը
Վերանայել և խստացնել գործող կարգավորումները․ ՔԿՀ-ներում արգելված իրերի շրջանառության կանխարգելման նոր նախագիծ
Ստոկհոլմի արբիտրաժային տրիբունալը բավարարել է ՀԷՑ-ի գործով Հայաստանի Կառավարության առանցքային միջնորդությունը
Դպրոցականներին տեղափոխող ավտոբուսը կողաշրջվել է. ՆԳՆ-ն մանրամասներ է հայտնել պատահարից
Ալեք Մանուկյան փողոցում մեքենա է այրվում․ տեսանյութ
Էքսկուրսիա տանող ավտոբուսի վթարի հետևանքով բուժօգնության է դիմել 30 երեխա և 6 մեծահասակ․ ինչ վիճակում են նրանք
Օնլայն շահումով խաղերը ծայրահեղ հասանելի են դարձել․ առաջարկվում է ներդնել պաշտպանության եռաստիճան համակարգ
Վթարի է ենթարկվել «Տելակ» ամառային ճամբարից երեխաներին էքսկուրսիա տանող ավտոբուսը․ տեսանյութ
Հողը փչացնելու հետևանքով պետությանը պատճառվել է 104 մլն դրամի վնաս. քրվարույթի նախաքննությունն ավարտվել է
Սրբուհի Գալյանը կգործուղվի Ռուսաստանի Դաշնություն
Հայրերը ևս կարող են օգտվել «ծնողական ժամ»-ից, օրական մինչև 30 րոպե կամ 1 ժամ բացակայել աշխատանքից․ Թորոսյան
Խախտումներ են հայտնաբերվել «Արարատցեմենտ»-ին 458 հա մակերեսով հողամասը վարձակալությամբ տրամադրման գործընթացում
Մայք Թայսոնը մեր Ներքին Չարբախի այգում․ Արթուր Աբրահամը լուսանկարներ է հրապարակել
«Արմավիր» ՔԿՀ-ում անօդաչու թռչող սարքի միջոցով փորձել են ազատազրկված անձանց արգելված իրեր փոխանցել
Առաջարկվում է ավելացնել մեկ տոն ևս՝ Նավասարդ, լուծում գտնել ՀԱԵ տաղավար տոներին հաջորդող հիշատակի օրերի համար
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում․ ժամանակացույց
Eurosatory 2026․ Ֆրանսիայի ԶՈՒ և վետերանների հարցերով լիազոր նախարարն այցելել է ՀՀ միասնական տաղավար
Երևան-Մեղրի ճանապարհին ավտոմեքենաներ են բախվել․ զոհ և տուժածներ կան
Առաջարկվում է օրինապահ հարկ վճարողի հավաստագիրը տրամադրել անժամկետ՝ գործողության դադարեցման հնարավորությունով
Մի դիմում էլ մենք ներկայացրինք. Ալեն Սիմոնյանը տեսանյութ է հրապարակել
Ասի կարող ա գան խուզարկության, էն թղթի կեսը վառեցի, կեսը ճղեցի․ ընտրակաշառքի նոր ձայնագրություն ԲՀԿ-ից
ԵՄ-ն արագացված միջոցառումների փաթեթ է մշակում Հայաստանի հետ առևտրային կապերը բարելավելու համար
Էլեկտրոնային ՀԴՄ-ների կիրառությունը կընդլայնվի․ նախագիծ է ներկայացվել
