Համայնքապետերի խայտառակ ընտրություններ

09/09/2010 schedule15:27

Սակայն միայն վերջին 2-ում մեծ աժիոտաժ եղավ` այն պարզ պատճառով, որ այդտեղ առաջադրվել էին ընդդիմադիր թեկնածուներ։ Ու թեեւ մինչեւ ընտրությունները արդեն իսկ ակնհայտ էր, որ մարդիկ ավելի շատ հակված են ընտրել ընդդիմադիրներին, այնուամենայնիվ, խայտառակ ընտրությունների պաշտոնական արդյունքներով «ընտրվել» են իշխանական թեկնածուները։ Արաբկիր համայնք. իշխանական թեկնածուները իրար միս էին կրծում Այստեղ առաջադրվել էր 4 թեկնածու` գործող թաղապետ Հովհաննես Շահինյանը, գործարար Ալբերտ Երիցյանը, «Ժառանգություն» կուսակցության անդամ Զոյա Թադեւոսյանն ու Հայաստանի առաջադիմական կուսակցության անդամ Աշոտ Մնացականյանը։ Այստեղ օրը սկսվել է դանակահարությամբ. Ա.Երիցյանի` Շտիրլեց Աբոյի կողմնակիցները դանակահարել էին Հ.Շահինյանի վստահված անձին։ Դեպքը տեղի է ունեցել առավոտյան ժամը 9-ի սահմաններում` թիվ 4/02 ընտրատեղամասի հարեւանությամբ, որը գտնվում է Քանաքեռ Գես թաղամասի Թբիլիսյան խճուղի 7 հասցեի շենքի բակում։ Ըստ ականատեսների` մի քանի Ջիփ մեքենաներով այստեղ են եկել տասնյակ երիտասարդներ եւ վիճաբանություն են սկսել այնտեղ խմբված այլ երիտասարդների հետ։ Ըստ լուրերի` վիճաբանությունը սկսել է Հ.Շահինյանի հայրը։ Իսկ դա ավարտվել է ծեծկռտուքով, ինչի արդյունքում Երիցյանի թիմակիցներից մեկը, (ըստ որոշ լուրերի` Երիցյանի որդին` Ռոբերտը) դանակահարել է Շահինյանի վստահված անձ, 32-ամյա Մհեր Քերոբյանին։ Վերջինս ծանր վիճակում տեղափոխվել է «Էրեբունի» բ/կ։ Երեկ մեզ հետ զրույցում «Էրեբունի» բ/կ-ի գործադիր տնօրեն Արթուր Ռոստոմյանը նշեց, որ Քերոբյանի վիճակը միջին ծանրության է` դեպի բավարար։ Իսկ ոստիկանությունը արդեն տարածել է հայտարարություն, թե դեպքի առնչությամբ հարուցվել է քրեական գործ, կատարվում է նախաքննություն։ Ավելի ուշ ոստիկանությունը մեկ այլ հայտարարություն է տարածել, թե երեկ մեղայականով ոստիկանության Արաբկիրի բաժին են ներկայացել 1977 թ. ծնված Ս. Սերոբյանն ու 1968 թ. ծնված Տ. Թադևոսյանը եւ հայտնել են, թե իբր իրենք են դանակահարել Քերոբյանին։ Նշենք, սակայն, որ ըստ լուրերի` նախօրեի ուշ երեկոյան Ա.Երիցյանի նախընտրական շտաբ են այցելել ԱԱԾ աշխատակիցները` Ռ. Երիցյանին ձերբակալելու։ Վերջինս, սակայն, արդեն փախուստի մեջ էր։ Իսկ դանակահարությունից հետո Շահինյանի եւ Երիցյանի կողմնակիցների հարաբերությունները այնքան էին սրվել, որ ողջ Արաբկիրը կիրակի օրը լցվել է հատուկ ջոկատայիններով։ Ավելին, ըստ ականատեսների, Արաբկիրում են եղել նաեւ փոխոստիկանապետ Ալեքսանդր Աֆյանն ու Երեւանի ոստիկանապետ Ներսիկ Նազարյանը։ Բայց, չնայած դրան, տեղ-տեղ իրավիճակը, միեւնույն է, դուրս էր գալիս վերահսկողությունից։ Օրինակ` 4/39 տեղամաս էին եկել մի քանի սափրագլուխներ եւ դուրս հանելով ՏԸՀ նախագահին` հայհոյել ու ըսպառնացել էին վերջինիս։ Ուշագրավն այն է, որ վստահված անձինք այդպես էլ չեն կարողացել կողմնորոշվել, թե ովքեր էին դրանք` Շահինյանի՞, թե՞ Երիցյանի տղաները։ Միջադեպից հետո ՏԸՀ նախագահը հրաժարվել է արձանագրություն կազմել, իսկ տեղամաս այցելած «Ժառանգություն» խմբակցության պատգամավորներին ասել է, թե իրեն ոչ հայհոյել են, ոչ` սպառնացել։ Հանձնաժողովի անդամներից ոմանք, սակայն, շարունակել են պնդել, որ իրենք ականատես են եղել այդ ամենին, եւ միայն պատգամավորների այն հիշեցումից հետո, որ արձանագրությունը չգրանցելը քրեորեն պատժելի արարք է, վերջինս համաձայնել է արձանագրությունը գրանցել մատյանում։ Մեկ այլ` 4/45 տեղամասում, կեսօրն անց պարզվել է, որ 2 քվեաթերթիկ է անհետացել։ Նույն տեղամասում բավականին մեծ աղմուկ էր բարձրացրել նաեւ թիվ 4 ԸԸՀ անդամ Վահե Էլոյանը։ Վերջինս տեղամասում անընդհատ գոռգոռում էր, սպառնում դուրս հանել Զոյա Թադեւոսյանի վստահված անձին, խոչընդոտում էր լրագրողների աշխատանքին։ Իսկ երբ նրան խնդրեցինք մատնանշել օրենքի այն կետը, որով նա խոչընդոտում էր մեր աշխատանքը, նա ոչ ավել, ոչ պակաս հայտարարեց. «... ենք ընկե՞լ օրենքի ձեռը»։ Իրավիճակն ավելի խայտառակ էր տեղամասերից դուրս։ Այստեղ գծերից հանել էին մի քանի երթուղայիններ, որոնք ընտրողներ էին տեղափոխում տեղամասեր, ահազանգեր էին ստացվում, որ Երիցյանի կողմնակիցները համատարած փող են բաժանում, իսկ ողջ Արաբկիրով մեկ, բացի հատուկ ջոկատայիններից, մեքենաներով շրջում էին նաեւ բազմաթիվ քրեականներ, այդ թվում` Տէցի կռուգի «ռազբորկայի» մասնակիցներ։ Խայտառակ ձեւով է ընթացել նաեւ ձայների հաշվարկը, իսկ Երիցյանն էլ, ընտրությունների արդյունքները դեռ պաշտոնապես չհրապարակված, ուշ երեկոյան հրավառություն էր կազմակերպել։ Ըստ պաշտոնական նախնական տվյալների` Ա. Երիցյանը ստացել է 16591 քվե, Հ.Շահինյանը` 7172 քվե, Զ.Թադեւոսյանը` 5608 քվե, Ա. Մնացականյանը` 181 քվե։ Քանաքեռ-Զեյթուն. Արայիկ Քոթանջյանը Հակոբ Մեղապարտի դերում Այստեղ առաջադրվել էր 3 թեկնածո` գործող թաղապետ Արայիկ Քոթանջյանը, ԺՈւԿ համակարգող Մանուել Գասպարյանն ու անկուսակցական Վարուժան Մկրտչյանը։ Ընտրությունները սկսվեցին եւ ավարտվեցին խայտառակ կեղծիքներով։ Մեր տեղեկություններով` այդ օրը բազմաթիվ ոստիկաններ այցելել են քաղաքացիների տները եւ սպառնացել, թե «կգնաք ընտրությունների միայն մեր ասելուց հետո»։ Բայց, չնայած դրան, Քոթանջյանը կարողացավ «ընտրվել» միայն ակնհայտ կեղծիքներով։ 3/10 տեղամասում քվեարկության արդյունքների արձանագրության քաղվածքի` վավեր քվեաթերթիկների թիվը նշված է եղել 595, իսկ քվեատուփում առկա սահմանված նմուշի ծրարների թիվը` 519։ Տարբերությունը` 76 թերթիկ, այնքան, որքան Գասպարյանի եւ Քոթանջյանի ձայների տարբերությունը։ 3/08 տեղամասում թաղապետի ընտրությունների քվեաթերթիկներից 107-ի հետեւի կողմի վրա 3-ի փոխարեն եղել է 2 ստորագրություն. դրանք համարվել են վավեր։ Երբ այս առնչությամբ մեկնաբանություն խնդրեցինք թիվ 3 ԸԸՀ նախագահ Վանուշ Զեյնալյանից, ով, ի դեպ, տեղամասեր էր եկել խմած, նա հայտարարեց, թե իբր կատարվածը անօրինական չէ։ Իսկ երբ խնդրեցինք ցույց տալ օրենքի այդ կետը, նա մատնացույց արեց ԸՕ-ի 58-րդ հոդվածի 5-րդ կետը. «Քվեաթերթիկը համարվում է անվավեր, եթե այն ստորագրված չէ»։ Ըստ Զեյնալյանի` եթե քվեաթերթիկը ստորագրված է, ապա վավեր է։ Նշենք, սակայն, որ ԸՕ-ի 11-րդ գլխի 53-րդ հոդվածի 1-ին կետը հստակ ասում է. «Քվեարկության նախորդ օրը տեղամասային ընտրական հանձնաժողովն իր նիստում վիճակահանությամբ որոշում է քվեաթերթիկները ստորագրող հանձնաժողովի 3 անդամներին, որոնք պարտավոր են մինչեւ ժամը 24-ը ստորագրել բոլոր քվեաթերթիկները»։ Սա` ի գիտություն պարոն Զեյնալյանի։ Ի դեպ, վերջինս նաեւ փայլել է փողոցային բառերի իր իմացությամբ. նրա թույլտվությամբ հաշվարկի ժամանակ Մ. Գասպարյանի վստահված անձինք փորձել են փոխարինել իրար, բայց 3/21 ՏԸՀ-ի նախագահի բարձրացրած աղմուկից հետո Զեյնալյանը հայհոյել եւ քաշքշել է Գասպարյանի վստահված անձին։ 3/22 տեղամասում առավոտյան կնիքը արդեն թանաքոտված ու խոնավ է եղել, կնիքի պահարանի ճեղքի վրա դրված ստորագրությունը խախտված, դրսից եկած ինչ-որ անձնավորություններ հանձնաժողովի նախագահին ընտրողների ցուցակներ են ներկայացրել, ինչից հետո նախագահը հանձնարարություններ է տվել հանձնաժողովի անդամներին։ 3/24 տեղամասում նույն անձին մի քանի անգամ տեսել են քվեախցիկների մոտ։ Գասպարյանի վստահված անձը նրան փորձել է դուրս հրավիրել, սակայն վերջինս հայտարարել է, թե ինքը նախագահի թույլտվությամբ օգնում է քվեարկողներին։ Դրանից հետո վստահված անձը նրան տեսել է քվեաթերթիկները ձեռքին, իսկ ստուգելուց հետո պարզվել է, որ այդ անձնավորությունը դրանք ստացել է առանց գրանցվելու։ 3/21-ում քվեարկության արդյունքները ամփոփելուց առաջ հանձնաժողովի նախագահ Աստղիկ Խաչատրյանը հարվածել եւ շուռ է տվել քվեատուփը` գետնին թափելով քվեաթերթիկները։ Նա նաեւ արգելել է «ՀԺ», «ՉԻ», «Առավոտ» օրաթերթերթերի թղթակիցների մուտքը տեղամաս, եւ միայն ԿԸՀ քարտուղար Աբրահամ Բախչագուլյանի զանգից հետո է հարցը հարթվել։ Ի դեպ, նույն Խաչատրյանի տեղամասում միայն անճշտությունների թիվը կազմել է 2709։ Քոթանջյանի մարդիկ խլել են «ՉԻ» եւ «Առավոտ» օրաթերթերի ֆոտոլրագրող Գագիկ Շամշյանի ֆոտոխցիկը. վերադարձրել են առանց չիպի։ Ամենախայտառակ դեպքը կապված է քվեաթերթիկների հետ։ Դեռ շաբաթ առավոտյան, հանձնաժողովի անդամները նըկատել են, որ քվեաթերթիկների մի մասը գույնով եւ չափսով չեն համապատասխանում սահմանված նմուշի քվեաթերթիկներին։ Գասպարյանը այդ մասին ահազանգել է ԿԸՀ, սակայն` ապարդյուն։ Արդեն ձայները հաշվելիս մեծ թվով նման քվեաթերթիկներ են հայտնաբերվել 3/01, 3/27 եւ 3/28 տեղամասերում։ Ինչպես երեկ լրագրողների հետ հանդիպման ժամանակ հայտարարեց Մ. Գասպարյանը, իր թիմակիցները զանգել են «Տիգրան Մեծ» տպարան, որտեղ սովորաբար տպագրվում են քվեաթերթիկները, այնտեղ, սակայն, բացառել են, որ քվեաթերթիկները կարող են ունենալ տարբեր երանգներ։ Իսկ ինչպես մեզ հետ զրույցում շեշտեցին մասնագետները, նման բան հնարավոր է միայն այն դեպքում, երբ այդ քվեաթերթիկները տպագրվեն այլ տպարանում։ Այդ դեպքում հնարավոր չի լինում ստանալ ներկի այն նույն խտությունը, արդյունքում ստացվում է երանգների տարբերություն։ Եւ ի դեպ, Զեյթունում շրջանառվում են լուրեր, որ Քոթանջյանը ընտրություններից առաջ քվեաթերթիկների համար նախատեսված «Օվսեթ» թուղթ է ձեռք բերել։ Հիշեցնենք, որ Քոթանջյանը սեփական տպարան ունի, եւ այդ պարագայում լրացուցիչ քվեաթերթիկներ տպագրելը բարդ գործ չէ։ Իսկ երբ թիվ 3 ԸԸՀ նախագահին խնդրեցինք պարզաբանել նաեւ այս հարցը, վերջինս հայտարարեց, թե ինքը «ժամանակ չունի պարզաբանում տալու համար, քանի որ առավոտվանից պարզաբանումներ է տալիս»։ Իսկ Մ. Գասպարյանը երեկ հայտարարեց նաեւ, որ ընտրություններում գործել է նաեւ կարուսելի մեխանիզմը, եղել են կրկնակի քվեարկության, ուրիշի փոխարեն քվեարկելու եւ կեղծ անձնագրերով քվեարկելու դեպքեր։ Գասպարյանը հայտարարեց նաեւ, որ ինքը երեկ դիմել է ԸԸՀ եւ դատախազություն։ ԸԸՀ-ից Գասպարյանը պահանջել է կատարել վերահաշվարկ, ինչպես նաեւ անվավեր ճանաչել ընտրությունների արդյունքները։ Իսկ դատախազությանը Գասպարյանը ներկայացրել է կատարված խախտումները, կից` նաեւ դրանց տեսագրությունները։ Գասպարյանը խոստացել է մինչեւ վերջ պայքարել իր քվեների համար, նաեւ այնպես անել, որ Արայիկ Քոթանջյանը կատարած խախտումների համար ենթարկվի պատասխանատվության։ Ըստ պաշտոնական նախնական տվյալների` գործող թաղապետ Արայիկ Քոթանջյանը «ստացել է» 12040 քվե, Մանուել Գասպարյանը` 8046, Վարուժան Մկրտչյանը` 682 քվե։ Հ.Գ. Ըստ նախնական պաշտոնական տվյալների` Նուբարաշեն համայնքում վերընտրվել է գործող թաղապետ ԲՀԿ-ական Մհեր Հովհաննիսյանը, ով միակ թեկնածուն է եղել. վերջինս ստացել է 3290 կողմ եւ 42 դեմ քվե։ Էրեբունի համայնքում եւս ղեկավար է ընտրվել առաջադրված միակ թեկնածուն` ՀՀԿ-ական Արմեն Հարությունյանը, ստանալով` 21184 քվե։ Հարությունյանին դեմ է քվեարկել 1215 քաղաքացի։

Տպել
1773 դիտում

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար