Երևան
20 °C
Հայաստանի, Ռուսաստանի եւ Ադրբեջանի փոխվարչապետների մակարդակով ձեւավորված աշխատանքային խումբը մինչեւ 2021 թ. մարտի 1-ը պետք է ամենաբարձր մակարդակով հաստատման ներկայացնի ապաշրջափակման համար իրականացվելիք միջոցառումների ցանկն ու ժամանակացույցը:
2021 թ. հունվարի 11-ին ՀՀ վարչապետի, ՌԴ նախագահի եւ Ադրբեջանի նախագահի կողմից ընդունված համատեղ հայտարարությունից հետո 3 երկրների փոխվարչապետերի համանախագահությամբ ձեւավորվեց եռակողմ աշխատանքային խումբ: Այն իր հերթին ստեղծել է փորձագիտական ենթախմբեր: Հայկական կողմում այդ նպատակով ստեղծվել են 2 փորձագիտական ենթախմբեր, որոնցից մեկը՝ երկաթուղային, ավտոտրանսպորտային եւ համակցված փոխադրումների հարցերով, ղեկավարում է Արմեն Սիմոնյանը: Փոխնախարարի հետ մեր զրույցը՝ ստորեւ.
- Պարո՛ն Սիմոնյան, եռակողմ աշխատանքային խումբը արդեն շուրջ 20 օր է՝ ձեւավորվել է: Ի՞նչ աշխատանքներ է իրականացվել այս ընթացքում տրանսպորտային ապաշրջափակման հարցով:
- Եռակողմ աշխատանքային փորձագիտական ենթախումբը ստեղծվել է, որ ի մի բերվեն գոյություն ունեցող բոլոր ուղղությունները, թե՛ երկաթուղային, թե՛ ավտոմոբիլային ճանապարհների առումով: Ներկայացվի դրանց տեխնիկական վիճակը, հնարավոր վերականգնման ժամկետները եւ ֆինանսական միջոցները, որոնք անհրաժեշտ են այդ վերականգնումն իրականացնելու համար: Այսինքն՝ այդ փորձագիտական խմբերի աշխատանքը զուտ տեխնիկական է: Մենք պետք է ներկայացնենք համապատասխան տեղեկատվությունը աշխատանքային խմբի համանախագահներին՝ փոխվարչապետներին եւ այդ մակարդակով արդեն կընտրվեն այն ուղղությունները, որոնցով ապաշրջափակումը տեղի կունենա:
Կա նաեւ փորձագիտական 2-րդ ենթախումբ, որը զբաղվում է անվտանգային, մաքսային, ֆիտոսանիտարական եւ այլ հարցերով, որոնք անհրաժեշտ են սահմանազատումն ու փոխադրումներն իրականացնելիս: Այդ 2 ենթախմբերի փորձագիտական տեղեկատվությունն ուղարկվում է ավելի բարձր մակարդակ ու այդ մակարդակով արդեն որոշում է կայացվում, թե որոնք են ապաշրջափակման օպտիմալ ճանապարհները:
Ընդհանուր առմամբ, օնլայն ռեժիմով 2 անգամ ենք հանդիպել: Նախ քննարկել ենք երկաթուղով բոլոր գոյություն ունեցող ուղղությունները՝ Երասխի ուղղությունը, Մեղրիի հատվածով անցնող երկաթգիծը, Իջեւանից Ղազախ գնացող հատվածը եւ մեր հիմնական գիծը, որը գնում է դեպի Վրաստան: Մենք գնահատել ենք, թե այդ ուղիներն ինչ վիճակում են, գծերի վերականգնումը ինչ ժամկետներում կարող է լինել եւ ինչ ֆինանսներ են պահանջում:
Նույնը՝ նաեւ ճանապարհների առումով: Ճանապարհները շատ-շատ են, որոնք կապ ունեն Ադրբեջանի հետ: Կան մեծ ճանապարհներ, որոնք երկաթուղու գծերին զուգահեռ են գնում, օրինակ՝ Իջեւանից Ղազախ, Երասխից Մեղրի: Երբ որ կլինի հանդիպումը՝ կքննարկենք դա, կտեսնենք մյուս կողմերն ինչ աշխատանքներ են իրականացրել:
Այս փուլում չի քննարկվում, թե ինչ միջոցներով են այդ հարցերը կարգավորվելու:
- Քննարկումներն ի՞նչ մթնոլորտում են տեղի ունենում, կոնսենսուս ձեւավորվո՞ւմ է կողմերի միջեւ, թե՞ կոնֆլիկտներ կան:
- Կարող են լինել անհամաձայնություններ, որոնք իհարկե, պետք է հիմնավորվեն, բայց, ընդհանուր առմամբ, փորձագիտական մակարդակով մենք փորձում ենք լինել կառուցողական:
- Մինչեւ նախատեսված ժամկետի ավարտը՝ մարտի 1-ը վերջնական պատրաստ կլինի՞ իրականացվելիք միջոցառումների ցանկն ու ժամանակացույցը:
- Այս պահին մենք գրեթե բոլոր ուղղություններով ունենք մոտավոր հաշվարկներ եւ դա եռակողմ փորձագիտական հերթական նիստին կքննարկենք եւս մեկ անգամ: Դա երեւի թե մոտ ժամանակահատվածում տեղի կունենա: Դրանից հետո ինֆորմացիան կտեղափոխենք ավելի բարձր մակարդակ,եւ ենթադրում եմ, որ մինչեւ մարտի 1-ը հանդիպում տեղի կունենա:
- Ապաշրջափակումը որքա՞ն ժամանակում պետք է տեղի ունենա:
- Եթե համապատասխան ուղղություններն ընտրվեն, թե՛ երկաթուղային, թե՛ ավտոմոբիլային առումով եւ այդ համաձայնությունը եռակողմ ընդունվի, ապա մեր ներկայացրած տեղեկատվության հիման վրա մոտավոր ժամկետներով արդեն կան, թե կոնկրետ ուղղության համար ինչքան ժամանակահատված է անհրաժեշտ:
- Տրանսպորտային ապաշրջափակման վերաբերյալ տարբեր քննարկումներում նշվում էր անվտանգության խնդրի մասին, այս հարցին ի՞նչ լուծում է առաջարկվում:
- Նոյեմբերի 9-ի հայտարարության 9-րդ կետում նշված է, որ անվտանգությունը մեր տարածքում ապահովում է ՀՀ-ն: Դա մյուս ենթախմբի գործունեության փորձագիտական հարցերի մեջ է ներառված, ու ճիշտ չեմ համարում, որ ես դրա մեջ մտնեմ:
- Որպես տրանսպորտի գծով փոխնախարար՝ ի՞նչ եք կարծում, տրանսպորտային ապաշրջափակումը Հայաստանին ի՞նչ կտա, թե՛ դրական, թե՛ բացասական առումով: Շատ էր խոսվում, որ Հայաստանը սրանից պետք է փորձի առավելագույնը քաղել, ո՞րն է այդ առավելագույնը:
- Նախ մենք կունենանք երկաթուղային կապ թե՛ Իրանի Իսլամական Հանրապետության հետ, թե՛ մեր հիմնական դաշնակցի՝Ռուսաստանի Դաշնության հետ: Հաշվի առնելով այն բեռների ծավալները, որոնք տարանցիկ կարող են անցնել մեր երկրով, ապա բավականին դրական ազդեցություն կարող է ունենալ մեր երկրի տնտեսության վրա:
- Ամիսներ առաջ քննարկման էր դրվել ծանր մեքենաների համար ճանապարհի հարկի վերաբերյալ նախագիծը, այս համատեքստում դիտարկե՞լ եք ապաշրջափակման ազդեցությունը:
- Այդ նախագիծն իրականում ԵՄ-ի հետ կնքված համապարփակ համաձայնագրի շրջանակներում է, որում պահանջ կա հավասար պայմաններով ապահովել ճանապարհային հարկի մեխանիզմի ներդրումը: Մենք դա մշակել էինք դեռ նախորդ տարի մարտ-ապրիլ ամիսներին: Եթե այդ համակարգը ներդրվի, իհարկե 12 տոննա եւ ավելի զանգված ունեցող ավտոմոբիլները պետք է 1 կիլոմետրի համար վճարեն համապատասխան վճար:
- Ապաշրջափակումը Հայաստանի՞ վրա ավելի դրական կազդի, թե՞ այլ երկրների:
- Անկեղծ ասած՝ ես մտածում եմ, թե մե՛ր երկրի համար ինչպիսի ազդեցություն կունենա, այլ ոչ թե հարեւանների: Ես հետաքրքրված եմ, որ այլընտրանքային ճանապարհներ լինեն, եւ Հայաստանի տրանսպորտային կապակցվածությունը մեր գործընկեր երկրների հետ ավելի մեծ լինի: Գնահատական չկա, թե ում վրա ավելի շատ կանդրադառնա: Հայաստանը այս պահին չունի երկաթուղային կապ Իրանի եւ ՌԴ-ի հետ, այն կապը, որը կար նախկինում, Վրաստանով էր անցնում, որը հիմա չկա: Չնայած քաղաքականության մեջ եթեներով չեն խոսում, բայց եթե ապաշրջափակումը տեղի ունենա, ապա մենք այդ կապը կստանանք ու նաեւ տարանցիկ բեռնափոխադրումներ կլինեն Իրանից ՌԴ, Վրաստան:
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում
Ucom-ի ֆիքսված ցանցը արդեն գործում է Արտաշատում
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
Անթույլատրելի է Եկեղեցու՝ ինքնիշխանության դեմ քաղաքական պայքարի «թամադայությունը» ստանձնելու կարգավիճակը. Վարդապետյան
Նիկոլ Փաշինյանը ժամանել է Մոսկվա (տեսանյութ)
Կրեմլում անհրաժեշտ և սպասված են անվանել Պուտինի և Փաշինյանի առաջիկա բանակցությունները
Մայր Աթոռում քանի՞սն են պատրաստ բարոյական պատասխանատվություն կրել հակապետական քաղաքականության համար. Չախոյան
Ստամբուլի օդանավակայանում արտակարգ դեպք է գրանցվել (տեսանյութ)
«Անկախություն» ու «ազատություն» բառերը քանի՞ անգամ են օգտագործվել. Բաբաջանյանը՝ Գերագույն հոգևոր խորհրդին
Սերբիայի ԱԳ նախարարը լավատես է Հայաստանի հետ համագործակցության հեռանկարների առումով
Ռուսաստանի և Վրաստանի սահմանին անբարենպաստ եղանակի պատճառով մի քանի հարյուր բեռնատար է կուտակվել
Աստծո անունը քաղաքական կապիտալի վերածելը աստվածահաճո գործ չէ. Ռուբեն Ռուբինյանը՝ Միքայել արքեպիսկոպոս Աջապահյանին
Որոշ շրջաններում կդիտվի -1, -2 աստիճան ցուրտ, անձրևն ու ամպրոպը ՀՀ մի հատվածում կվերածվի կարկուտի
Պուտինը շնորհավորական ուղերձ է հղել Նիկոլ Փաշինյանին
Շվեդիայի եկեղեցու Վեստերիսի եպիսկոպոսն այցելել է Հայոց ցեղասպանության հուշահամալիր
17-ամյա անչափահասին դանակահարել են, հափշտակել ոսկյա թևնոցը. կալանավորվել է նրա համադասարանցին
Միասնական ջանքերով կարող ենք զարգացնել համագործակցությունը․ Միրզոյանը՝ Սերբիայի ԱԳ նախարարին
Փոփոխություններ երեխաներին հանրակրթության մեջ ընդգրկելու և տեղափոխելու կարգում. ԿԳՄՍՆ
Դատախազության կողմից պետությանը վերադարձված 1 հա մակերեսով երկու հողամասն ամրացվել է Պետգույքի կառավարման կոմիտեին
Գողացել է փողոցում նվագողի՝ մետաղադրամներով լցված արկղը և դիմել փախուստի
Վրաստանի պետական անվտանգության ծառայությունը նախազգուշացրել է՝ ցուցարարների շարքում կան «վճարվող սադրիչներ»
Մայիսյան հաղթանակներով ոգեշնչված՝ մենք կրկին կապրենք ազգային վերելքներ․ Սասուն Միքայելյան
Կառավարությունը 1 միլիարդ 12 միլիոն դրամ գումար հատկացրեց 21 սուբվենցիոն ծրագրերի իրականացման համար
Ժաննա Անդրեասյանը մեկնել է Իսպանիա
© 2024 Հայկական ժամանակ