Երևան
14 °C
searchclose
today
menuclose
Երևան
14 °C
2021 թվականի ապրիլ ամսվա հարկային եկամուտները, ներառյալ՝ դրոշմանիշային վճարումները, կազմել են շուրջ 180 մլրդ դրամ, ինչը 1 ամսվա ընթացքում հարկային եկամուտների պատմական ռեկորդ են ՀՀ-ի համար: Այս մասին այսօր ՀՀ կառավարության նիստում հայտարարեց վարչապետի պաշտոնակատար Նիկոլ Փաշինյանը:
«Ճիշտ է, այստեղ կա մի փոքր խորամանկություն այն առումով, որ անցյալ տարի, կորոնավիրուսով պայմանավորված, մենք կարգավորումներով հնարավորություն տվեցինք շահութահարկի կանխավճարներ չվճարել: Այս որոշումը նույնպես որոշակի ազդեցություն ունեցել է հավաքագրումների վրա, ինչը ոչ թե վատ է, այլ լավ, քանի որ արդարացվել է նախկինում կայացրած մեր որոշումը»,- ասաց Փաշինյանը՝ հավելելով, որ դժվար ժամանակներում հնարավորություն են տվել, որ գումարները, որոնք պետք է բիզնեսը վճարեր, մնան շրջանառության մեջ եւ օգնեն ճգնաժամի պայմաններում ավելի բարենպաստ վիճակում գտնվել:
Վարչապետի պաշտոնակատարը հիշեցրեց, որ բյուջեի եկամտային մասը առաջին եռամսյակում գերակատարվել է շուրջ 22 մլրդ դրամով՝ հույս հայտնելով, որ այս տեմպը ոչ միայն կկարողանան պահպանել, այլեւ ավելացնել:
«Հաջորդ շատ կարեւոր ցուցանիշը հետեւյալն է. Հայաստանում պատմականորեն միշտ խնդրահարույց է եղել ավելացված արժեքի հարկի վերադարձի պրոցեսը, եւ 100 միլիարդավոր դրամների անհույս պարտքեր են եղել կուտակված: Ուզում եմ ասել, որ ապրիլի դրությամբ մենք բիզնեսին հարկերի վերադարձման գծով ունենք պարտքերի պատմական մինիմում: Ապրիլ ամսվա արդյունքներով պարտքը կազմել է 67.4 մլրդ դրամ, ընդ որում, մենք գերազանցել ենք մեր իսկ ռեկորդը: 2020 թվականի օգոստոսին պարտքը դարձյալ պատմական մինիմում է եղել՝ 69.4 մլրդ դրամ, ինչը նույնպես շատ կարեւոր է»,- ասաց Փաշինյանը:
Նա հիշեցրեց, որ 2018 թվականի դրությամբ մոտավորապես 276 մլրդ դրամի պարտք ունեին բիզնեսին. «Պատկերացնո՞ւմ եք՝ 3 տարվա ընթացքում մենք 200 մլրդ-ի չափ գումար ենք վերադարձրել բիզնեսին: Ուզում եմ հիշեցնել, որ այս գործընթացի հանգրվանները հետեւյալն են. նախ՝ մենք օրենսդրական կարգավորումներ իրականացրինք եւ ԱԱՀ-ի վերադարձի ցիկլը 6 ամսից դարձրինք 3 ամիս, վերջերս էլ 3 ամսից դարձրինք 1 ամիս, ինչը 2018 թվականին մեր տված խոստումների շրջանակներում էր: Բայց կար պարտքի որոշակի դրամագլուխ, մոտավորապես՝ 50 մլրդ դրամի չափով, որը կարգավորված չէր: 2019-ի պետական բյուջեի եկամտային մասի գերակատարման արդյունքներով մենք մոտավորապես 50 մլրդ դրամ վերադարձրինք բիզնեսին»:
Վարչապետի պաշտոնակատարն ընդգծեց՝ սրանք այն գումարներն էին, որոնք կուտակվել էին շատ երկար ժամանակներում, եւ որոնց վերադարձի հույս որեւէ մեկը չուներ:
Հաջորդ ցուցանիշը, որին անդրադարձավ Նիկոլ Փաշինյանը, 2021 թվականի ապրիլին տեղի ունեցած դրամաշրջանառության ծավալներն էին:
Նա ներկայացրեց, որ ապրիլ ամսվա ընթացքում կատարված գործարքները 8.8 մլն հատով կամ 24 տոկոսով ավելի են 2019-ի ապրիլից, իսկ դրանով արձանագրված շրջանառության ծավալները 130 մլրդ դրամով կամ 26.4 տոկոսով ավելի են 2019 թվականից:
«Իհարկե, այստեղ ծավալի առումով որոշակի ազդեցություն գնաճը կունենա, բայց ուզում եմ ուշադրություն դարձնեք, որ գործարքների թիվը 8.8 մլն հատով ավելի է, ինչը բավականին լավ եւ էական ցուցանիշ է: Կարծում եմ՝ այս ցուցանիշները վկայում են, որ մեր տնտեսական դինամիկան վերականգնման փուլում է: Շատ կարեւոր եմ համարում, որ Կենտրոնական բանկը հայտարարեց՝ տնտեսական գործերի ընթացքն ավելի լավ էր, քան նախկինում կանխատեսում էր: Պետք է մենք անպայման այս տեմպը ոչ միայն պահենք, այլեւ ավելացնենք հնարավոր ամենալայն ծավալով»,- ասաց վարչապետի պաշտոնակատարը:
Նա, դիմելով ՊԵԿ նախագահ Էդվարդ Հովհաննիսյանին, հետաքրքրվեց, թե ի՞նչ ունի ավելացնելու այս ամենին:
Ի պատասխան՝ Հովհաննիսյանն ասաց. «Հավելեմ միայն, որ ապրիլ ամսվա արդյունքներով հավաքագրված եկամուտներով հանդերձ՝ 4 ամիսների հարկային հավաքագրումները կազմում են 513 մլրդ դրամ, որը նախորդ տարվա համադրելի ցուցանիշներից ավելի է 12.3 մլրդ դրամով, իսկ 2019-ի 4 ամիսներից՝ 46.5 մլրդ դրամով: Այստեղ մի փոքր համեմատություն ենք արել 2021 թվականի 4 ամիսների եւ 2020-ի ու 2019-ի 4 ամիսներին կատարված գործարքների եւ դրամաշրջանառության ցուցանիշները»:
Հովհաննիսյանի խոսքով՝ 4 ամիսների կտրվածքով՝ 2021 թվականը 2019-ից գործարքների քանակով ավելի է 35.7 մլն հատով, իսկ դրամաշրջանառության առումով՝ 372 մլրդ դրամով:
«Ուզում եմ տեղեկացնել նաեւ, որ 4 ամիսների ընթացքում բիզնեսին վերադարձված փոխհատուցման ենթակա գումարները կազմել են 54 մլրդ դրամ, նախորդ տարի այն կազմել է 46.5 մլրդ դրամ, իսկ 2019-ին՝ 38.3 մլրդ դրամ»,- ասաց ՊԵԿ նախագահը:
Լարսը փակ է բեռնատարների համար
Հայաստանի պետական սիմֆոնիկ նվագախումբը հյուրախաղերով հանդես կգա ԱՄՆ-ում
Միրզոյանը Հունգարիայի ԱԺ փոխխոսնակի հետ մտքեր է փոխանակել տարածաշրջանային անվտանգային հարցերի շուրջ
ԱԱՏՄ-ն ստացել է տեղեկություններ, որ որոշ գործատուներ աշխատողներին պարտադրում են մասնակցել երթերի. ինչ պետք է իմանալ
Ոսկեպարի եկեղեցին գտնվում է ՀՀ ինքնիշխան տարածքում. Փաշինյանը՝ սահմանազատման արդյունքների մասին
Վարչապետը IWF նախագահին վստահեցրել է՝ կարվի ամեն ինչ՝ ծանրամարտի առաջնությունը բարձր մակարդակով կազմակերպելու համար
Խոշոր ավտովթար Շիրակի մարզում. հոսպիտալացվել է 6 քաղաքացի
Թուրքիայում ավելի քան 6 տարի ժամկետով 13 քուրդ քաղաքական գործիչ է դատապարտվել
Սրբազանի գլխավորած քարավանը 2 տարի առաջ «ցրցամ են տվել», հիմա կոորդինացնում են «նախկինները». Հարություն Մկրտչյան
Վեհափառն ասաց՝ գործող վարչապետը պետք է հեռանա, Ռոբերտ Քոչարյանը՝ ստանձնի պաշտոնը. Բաբաջանյանը զրույց է բացահայտել
Հայտնի են 4-րդ, 9-րդ և 12-րդ դասարանների աշակերտների ավարտական քննությունների օրերը
Վենետիկի հանձնաժողովի ներկայացուցիչների հետ քննարկվել է «Ազգային փոքրամասնությունների մասին» օրենքի նախագիծը
Ծանրամարտի աշխարհի 2027-ի առաջնությունն առաջինն է օլիմպիական մարզաձևից, որն անցկացվելու է Հայաստանում. Հարությունյան
Այո՛, ասել եմ՝ ձեռքերս կկտրեմ, այդ վերսիայով փաստաթուղթը չեմ ստորագրի, հիմա շատ կարևոր՝ էական բան է փոխվել. Փաշինյան
Զենքի գործադրմամբ խուլիգանություն Ամերիկյան համալսարանի մոտ. նախաձեռնվել է քրեական վարույթ, հայտնի է մեղադրվողը
Մհեր Գրիգորյանը և Իվանա Ժիվկովիչը քննարկել են Հայաստանում ՄԱԶԾ կողմից իրականացվող ծրագրերը
Մենք որդեգրել ենք Հայաստանում ինստիտուցիոնալ բարեփոխումների քաղաքականություն. Սիմոնյանը՝ Իվանա Ժիվկովիչին
ՀՀ-ում ԵՄ դիտորդական առաքելության կարգավիճակի մասին համաձայնագիրը մտել է ուժի մեջ
Պուտինը հինգերորդ անգամ պաշտոնապես ստանձնեց Ռուսաստանի Դաշնության նախագահի պաշտոնը (լուսանկարներ)
Սահմանագծման արդյունքում հայկական կողմին է անցնում 3 հեկտար տարածք. Կիրանցի վարչական ղեկավարը մանրամասներ է հայտնել
Շարժման առաջնորդը կաթողիկոսն է, թիվ մեկ շահառուն՝ Ռոբերտ Քոչարյանը. վարչապետ
Ռուսաստանի կառավարությունը հրաժարական է տվել
Քաղաքական հայտ ներկայացնում են այն հոգևորականները, որոնք հոգևոր առաջնորդությունն են ձախողել. Փաշինյան
Լեռնային մարզերում գիշերը օդում սպասվում է մինչև -1․․․-2 աստիճան ցուրտ․ առանձին շրջաններում նաև անձրև ու կարկուտ կլինի
Ո՞վ է ասել, որ ամբողջ ձայնագրությունն են հրապարակել․ Փաշինյանը՝ Վանեցյանին որպես գործակալ օգտագործելու մասին
Բագրատ արքեպիսկոպոս Գալստանյանին աջակցություն հայտնելուց հետո Արթուր Վանեցյանը գնացել է երկրից
Որ դեպքում իշխանությունը ուժ կկիրառի ցուցարարների նկատմամբ. Նիկոլ Փաշինյանը հստակ մատնանշեց
Լին Թրեյսին ժամանակավորապես լքել է Ռուսաստանը․ երբ է հայտնի դարձել ԱՄՆ դեսպանի բացակայությունը
Ովքեր են աջակցում բողոքի շարժմանը. օտար երկրում ծվարած նարկոբարոններ, կրիմինալներ, նախկին պաշտոնյաներ. Փաշինյան
Բագրատ արքեպիսկոպոս Գալստանյանի գլխավորությամբ շարունակվում է Տավուշից սկսած քայլերթը
Երիտասարդն ատրճանակը պահել է կնոջ դեմքին, հափշտակել պայուսակն ու փախել․ մանրամասներ ավազակային հարձակման դեպքից
Մարդիկ, ովքեր Կիրանցում խաղում են մարդկանց հույզերի հետ, փորձում են քաղաքական որևէ գործընթաց գեներացնել․ Հովհաննիսյան
Կիրանցից լսում եմ ամեն ինչ, բացի սահմանազատման և սահմանագծման վերաբերյալ հարցերից․ Վլադիմիր Վարդանյան
Նիկոլ Փաշինյանը սահիկաշարի միջոցով ներկայացրեց ՀՀ զարգացման տեսլականը (տեսանյութ)
Սահմանային սյուները անվտանգային երաշխիք են Ոսկեպարի, Կիրանցի, Բերքաբերի, Բաղանիսի և ընդհանրապես ՀՀ-ի համար. Փաշինյան
Տավուշյան շարժումն ուղղորդվո՞ւմ է ՌԴ-ի կողմից․ Արթուր Հովհաննիսյանը մանրամասնել է
Վլադիմիր Պուտինը 5-րդ անգամ կստանձնի Ռուսաստանի նախագահի պաշտոնը․ Կրեմլում տեղի կունենա երդմնակալության արարողությունը
«ԱՌ-ԲԵ Ռետէլի» ընկերության իրացման կետերում ժամկետանց սննդամթերք է հայտնաբերվել
Միրզոյանը Հունգարիայի փոխվարչապետին է ներկայացրել «Խաղաղության խաչմերուկ» ծրագիրն ու դրա ընձեռած հնարավորությունները
Շտապօգնության բժիշկը 20-ամյա աղջկան սեփական մեքենայում ներարկում է կատարել, միացրել է կաթիլային և բռնի համբուրել
