Երևան
27 °C
searchclose
today
menuclose
Երևան
27 °C
Օրերս «Միսիս Եվրոպա 2022» գեղեցկության մրցույթին մասնակցած 27-ամյա Վերա Սաֆարյանը, չնայած երիտասարդ տարիքին, անսովոր ու բարդ ճանապարհ է անցել․ ուսում, ծառայություն, պատերազմ ու «Միսիս Եվրոպա 2022» մրցույթ:
Հադրութցի աղջիկը սկզբում սովորել է Արցախի պետական համալսարանում, ռուսաց լեզու և գրականություն բաժնում, ավարտելուց հետո, սակայն, իր մասնագիտությամբ ընդամենը մեկ տարի է դասավանդել դպրոցում, հետո ճանապարհը տարել է դեպի զինվորական ծառայություն։ Դպրոցին ու գնահատման մատյանին, աշակերտական ժպիտներին փոխարինել են զինվորական հագուստով հասուն տղամարդիկ, սահմանն ու զենքը։ Տնային հոգսերն ու խնդիրները փոխարինվել են հայրենիքի ունեցած ցավով ու վերքերով:
«Հայկական ժամանակ»-ի հետ զրույցում Վերան պատմում է՝ Արցախյան 1-ին պատերազմում զոհված հոր հանդեպ ունեցած պարտքի զգացումն ու հայրենիքի հանդեպ սերն են, որ իրեն տարել են դեպի զինվորական կյանք:
«Ծնվել, մեծացել ու ապրել եմ Հադրութում։ Իմ ուսուցումը ռազմական չի եղել, բայց որոշեցի աշխատանքի անցնել Արցախի ՊԲ-ում՝ որպես օպերատիվ աշխատող։ Պատերազմի ընթացքում բոլոր կին զինծառայողներին տեղափոխեցին դիրքեր։ Քանի որ իմ հայրը եղել է արցախյան պատերազմի ակտիվ մասնակից, ունի «Մարտական խաչ» կոչում, ու այն փաստը, որ ես ու հայրս իրար չենք տեսել, որովհետև նա զոհվել է իմ ծնվելուց 6 ամիս հետո, նրա հանդեպ ունեցած սերն ու հարգանքը ստիպեցին շարունակել հորս զինվորական ուղին»,- ասում է 27-ամյա կինը:
Զինվորական դառնալու որոշմանը սկզբում մայրն է դեմ եղել, դստերը խրատել է՝ ասելով. «Կնոջ համար դա դժվար ճանապարհ է»: Սակայն այդ դժվար ճանապարհն է, որ Վերային ստիպել է մյուս բարդությունների միջով անցնել ավելի հեշտ ու միշտ պայքարել։ Խոստովանում է՝ ծառայությունն իր կյանքի մի փուլն է եղել, որտեղ անցկացրել է ծանր ու դժվար օրեր, բայց և՝ լավագույն պահեր։
Պատերազմի ընթացքում եղել է Վարանդայում (Ֆիզուլի), հետո պայթյունների ու կրակոցների ձայների ուղեկցությամբ՝ տեղափոխվել Հադրութ, որտեղից էլ՝ Ստեփանակերտ։
«Ինձ համար կյանքի դպրոց էր, որը ես անցել եմ ու ուրախ եմ, որ ունեցել եմ այդպիսի փորձ։ Հայրենիքիս կարողացել եմ օգտակար լինել։ Պատերազմի ընթացքում հրամայեցին սահմանից իջեցնել բոլոր կին զինծառայողներին, քանի որ ամեն ինչ արդեն շատ էր վտանգավոր դարձել։ Մեքենա չկար, որովհետև վիրավորներին էին շտապում օգնություն ցուցաբերել, մի կերպ կարողացանք հասնել Հադրութ, բայց սեպտեմբերի 30-ին արդեն մեզ շրջափակել էին. գյուղից մի կերպ դուրս եկանք»,- վերհիշում է Վերան։
Հոկտեմբերի 10-ին գյուղից դուրս գալով՝ շարժվել են մեկ այլ գյուղ, այնտեղից էլ՝ Ստեփանակերտ։ Վերան 7-ամյա որդուն մայրիկի հետ ճանապարհել է Երևան, ինքը՝ շարունակել մնալ Արցախում՝ մինչև պատերազմի ավարտը։ Պատերազմի ավարտից հետո տեղափոխվել է Երևան։
«Պատերազմից հետո մեղքի զգացում ունեմ․ ես էլ եմ կորուստ ունեցել, զոհվել են իմ բարեկամները, դասընկերները։ Ամեն անգամ «Եռաբլուր» բարձրանալով՝ մեղքի զգացում եմ ունենում, որ ես ապրում եմ, մայրս ինձ գրկում է, իսկ շատերը դեռ իրենց տղայի ճակատագրի մասին ոչինչ չգիտեն։ Ես էլ չեմ մտածում, որ հայրենիքս ու տունս, հորս գերեզմանն է մնացել թշնամուն, այլ ցավում եմ այդքան երիտասարդ կորուստների համար»,- նշում է Վերան։
Երևանում արդեն 27-ամյա կնոջ կյանքը դրականորեն փոխվել է։ Պատմում է՝ մայրաքաղաքում քայլելիս իրեն մոդելային գործակալությունների աշխատակիցները շատ են նկատել, առաջարկել գովազդային համագործակցություններ, այսպես էլ նախասիրությունները փոխվել են:
Եվ ահա, այս փոփոխությունների շնորհիվ էլ մասնակցել է «Միսիս Եվրոպա 2022» գեղեցկության մրցույթին․ «Որոշեցի գնալ, մոդելային դպրոցում սովորել, ձեռք բերեցի շատ ունակություններ, ու այնտեղ էլ խոսվեց մրցույթի մասին։ Իմ մասնակցությունը հաստատվեց։ Մի փոքր դժվար էր, քանի որ հովանավոր ու աջակից չունեի, որ կկարողանային ֆինանսապես աջակցել, բայց որոշեցի գնալ։ Պետք է իմ երկիրը ներկայացնեի 35 երկրների կողքին, որոնք պետք է լսեին իմ հայրենիքի մասին»։
Գեղեցկության մրցույթում Վերան սկզբում ներկայացրել է հայկական տարազը, վիդեոհոլովակի միջոցով պատմել Արցախի ու Հայաստանի մասին։ Ասում է՝ իր ելույթի շնորհիվ շատերը ճանաչեցին մեր երկիրը։
«Տեսնում էի իրենց զարմացած աչքերը։ Մարդ կար, որ մտածում էր՝ Հայաստանն է ագրեսիա հրահրում Ադրբեջանի նկատմամբ, ու իմ պատմածի շնորհիվ փոխվեց նրանց կարծիքը»,- ասում է նա:
Մրցույթի պայմաններից է եղել, որ մասնակիցները լինեն մայրացած. Վերան ունի 7-ամյա որդի։ Նրա խոսքով՝ տղան էլ իր նման աշխույժ է։ Ասում է՝ իր օրինակով որդուն փորձում է ցույց տալ, որ եթե ձգտում ես, ապա կարող ես հասնել բարձունքների։
Արցախցի գեղեցկուհին այժմ նոր աշխատանքի առաջարկներ ունի. ուզում է շարունակել մոդելային կարիերան։
Քիմ Քարդաշյանն այցելել է Սպիտակ տուն և հանդիպել ԱՄՆ փոխնախագահին (լուսանկարներ)
Մեկնարկել է ՀՀ ԱԳ նախարար Արարատ Միրզոյանի պաշտոնական այցը Կատար
Ալեն Սիմոնյանը մեկնում է արձակուրդ
Շվեդիայում կրկին հրապարակայնորեն այրել են Ղուրանը (լուսանկարներ)
Կիևը գերմանական ընկերությունից պահանջել է ավելի քան 800 Vector անօդաչու թռչող սարք
Սպասվում է անձրև, ամպրոպ, առանձին հատվածներում՝ կարկուտ և քամու ուժգնացում. կցրտի 7-9 աստիճանով
Սյունիքի մարզպետը և Կապանում Իրանի գլխավոր հյուպատոսը տեսակցել են ավտոբուսի վթարի հետևանքով տուժած քաղաքացիներին
Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ
Մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը
Սպորտային մարմնամարզության ԵԱ. Արթուր Դավթյանն արծաթե մեդալ է նվաճել
Բլինքենն ուղևորվելու է Մերձավոր Արևելք
Քաղաքացին Գութանասար բարձրանալիս կոտրել է ոտքը. փրկարարները մոտ 6 կմ-ից իջեցրել են, օգնել հոսպիտալացվել
Վրաստանից էլեկտրաէներգիայի արտահանումն աճել է 14 անգամ. որքան է վաճառվել Հայաստանին
Գետափնյա գյուղի մոտակա կամրջով երթևեկությունը դեռևս փակ է
Մահացել է ազատամարտի մասին երգեր կատարող Սահակ Սահակյանը
Պահեստազորի գնդապետ Միհրան Մախսուդյանի որդուն մեղադրանք է առաջադրվել
Գրեթե ռեկորդային. Սուրենյանը հայտնել է Երևանում այսօր սպասվող մինչև +32 աստիճան տաքության մասին
Մահացել է Պարույր Սևակի որդին` ոստիկանության գնդապետ Արմեն Ղազարյանը
Նիկոլ Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին
Սյունիքում ձորն ընկած ավտոբուսի վթարի հետևանքով զոհերի թիվը հասել է 5-ի
Հենց գալիս են՝ ապրանքը հավաքում, շենքերի բակ ենք փախչում». քաղաքապետարանի և փողոցային առևտրականների «հակամարտությունը»
Գյումրու պատմական «Վառեմ-մարեմի շենքի» փրկության հերթական ծրագիրը․ ով է այս անգամ պատրաստվում վառել Սիրանուշի տան լույսը
4 զոհ և 9 տուժած․ Սյունիքում ձորն ընկած ավտոբուսի վթարի հետևանքով զոհերի թիվն աճել է
Քաղաքացու օրվա կապակցությամբ մարզերում և Երևանում անցկացվել են մի շարք միջոցառումներ
Ցուցարարները կանգնեցրել են «Մերսեդես» մակնիշի ավտոմեքենան և դանակով ծակել ավտոմեքենայի անվադողը. մանրամասներ
Ռուսաստանում կփոխվեն օտարերկրացիների գտնվելու պայմանները
3 զոհ և 6 տուժած․ մանրամասներ Սյունիքում ձորն ընկած ավտոբուսի վթարից
Ողբերգական ավտովթար Սյունիքում․ ավտոբուսը կողաշրջվել, հայտնվել է ձորում, կան զոհեր և վիրավորներ
Ռուբեն Վարդանյանն առևանգվել է Լաչինից, ԼՂ մյուս ղեկավարներին հանձնել են ռուս խաղաղապահները․ Տիգրան Բալայան
Որոշ շրջանակներ, այդ թվում՝ ԶԼՄ-ներ, սոցհարթակներում համակարգված եղանակով թիրախավորում են Ոստիկանությանը․ ՆԳՆ
Հայաստանից շատերն են արտագաղթել հենց խաղաղության բացակայության պատճառով, խաղաղության օրակարգը դրա մասին է․ վարչապետ
Գրիգոր Գրիգորյանը ակցիայի վայրից բերման է ենթարկվել
Կռունկով տնակը տեղափոխելիս 59-ամյա բետոնագործը մոտ 5 մետր բարձրությունից վայր է ընկել և հիվանդանոցում մահացել
Շուշիի շրջանում ականի պայթյունի հետևանքով ադրբեջանցի սակրավորը վիրավորում է ստացել
Ակնկալում եմ ավելի ընդլայնել մեր օրակարգը․ Արարատ Միրզոյանը շնորհավորել է Նիդերլանդների ԱԳ նախարարին
Սյունիքում մեքենաներ են բախվել․ կա տուժած
Հայաստանին և Նիդերլանդների միջև առկա են ակտիվ քաղաքական երկխոսություն և սերտ գործընկերություն․ ՀՀ նախագահի ուղերձը
Դուք փրկի՞չ եք, թե՞ խուլիգան՝ ձեր «սրբազաններով» հանդերձ, հը՞, Բգո․ Էդգար Առաքելյան
Համակարգված, ստուգված տեղեկությունների համաձայն՝ ուղղորդված որոշ շրջանակներ, ԶԼՄ-ներ, թիրախավորում են ԶՈՒ-ն․ ՊՆ
Բացի, տեսնենք մեջն ինչ ա. Կիրանցում ակցիայի մասնակիցը ծակել է մեքենայի անվադողը
