Երևան
22 °C
«Իմ էլածն այլևս էս ա ու ես»:
Փոքր սև պայուսակում ինչ-որ բան փնտրող փոքրամարմին, խառը մտքերի մեջ ընկած մի պապիկ է համաձայնում զրուցել: Շատ բան չի խոսում, խորը շունչ է քաշում ու ասում. «Գյումրի մեկ էլ 88-ի երկրաշարժին էի եկել, մարդկանց էի օգնում: Հիմա ես եմ ավեր»:
Լեռնային Ղարաբաղի Ասկերանի շրջանի Հովսեփավան գյուղում տուն ու այգի, հողամաս, կյանքի ողջ վաստակը թողած՝ Կոնստանտին պապիկը, հենց այդ մեկ պայուսակն ուսին, հասել է Գյումրի:
Քաղաքն իր ընտրությունը չի եղել: «Հայկական ժամանակ»-ի հետ զրույցում ասում է՝ Գորիսից են ուղարկել, հետո էլ իր համար միևնույն է, թե իր տուն ու տեղից զրկվելուց, բռնի տեղահանվելուց հետո ուր կգնա:
Պապիկն աղջկա ու 5 թոռների հետ է եկել, նրանց կեցության վայրն արդեն որոշված է, մնում է՝ իր խնդրանքն էլ հաշվի առնեն և աղջկա ընտանիքի հետ բնակեցնեն:
«Էլ ուրիշ ուզելիք չունիմ, էլ ինչ: Գոնե կարողանամ ծնողական պարտքս կատարեմ, երեխեքին մի բանով օգուտ տամ, հեր չունին, մենակ են: Մեր գյուղում հեշտ էր, ամեն ինչ ունեի, ապրում էինք մեր համար, ոչ մինից մի բան էլ էսքան ժամանակ չենք ուզել: Ամեն բան անորոշ է հիմա»,- ասում է Կոնստանտինն ու անշտապ, արցունքոտ աչքերն անընդհատ թաքցնելով՝ փոխում ճամփեքին փոշոտված կոշիկները:
Նրա նման հարյուրավոր բռնի տեղահանվածներ են գալիս Գյումրի, հաշվառվում, գույքագրում կարիքներն ու բնակեցվում քաղաքի տարբեր հատվածներում:
Քաղաքապետարանում այս հարցերը կարգավորելու, համակարգելու համար ձևավորված հանձնաժողովի նախագահ, Գյումրու փոխքաղաքապետ Վահագն Մկրտչյանը մեզ հետ զրույցում ասում է՝ Շիրակի մարզը ներկայացրել է տվյալ, թե քանիսին կարող է ընդունել:
Մկրտչյանի խոսքով, սակայն, սխալ հաշվարկ է արվել:
«Առկա բազան են միանգամից ուղարկել Կոռնիձորի ու Վարդենիսի կետեր, բայց չեն հաշվել, թե իրականում քանի ազատ տեղ կա այս պահին: Օրինակ՝ հյուրանոցն ունի 100 տեղ, բայց այդ 100-ից 10-ն է ազատ: Սա էր մեր ամենամեծ խնդիրը: Մարդիկ հասնում էին Գյումրի, բայց մենք չունեինք համապատասխան թվով սենյակներ»,- նկատում է փոխքաղաքապետը:
Սա միակ խնդիրը չի եղել: Ըստ Մկրտչյանի՝ զգուշացրել են, որ ընտանիքներին ուղղորդելուց և նրանց՝ դեպի Գյումրի ճանապարհելուց առաջ պարտադիր պետք է զանգեն իրեն: Քչերն են զանգել, եկել են միանգամից ու դժվարություններ առաջացրել նախ՝ իրենց, հետո՝ նաև աշխատանքային խմբի համար:
«Ճիշտ է, սուղ են մեր հյուրանոցային համարներն ու հյուրատները, բայց փորձում էինք համակարգված աշխատել: Ովքեր զանգում էին, նախքան իրենց դուրս գալը մենք արդեն Գյումրիում ամրագրում էինք իրենց տեղը՝ ընտանիքի կազմն ու կարիքը նախապես իմանալով: Բայց երբ մարդկանց զգալի մասն արդեն առանց զանգի ուղղակի մեքենայով եկել, հասել էին քաղաքապետարան, դա արդեն մի տեսակ քաոսի պատճառ դարձավ»,- նշում է Մկրտչյանը:
Գյումրի եկած արցախահայերը գյուղական բնակավայրեր գնալ չեն ուզում: Փոխքաղաքապետը նկատում է՝ նախընտրում են մնալ կա՛մ Գյումրիում, կա՛մ տեղափոխվել Երևան:
«Օրինակ՝ գնացել, հասել են Արթիկ, տեղը դուր չի եկել, հետ են եկել Գյումրի: Նույնը եղել է Աշոցքի ու Ամասիայի դեպքում: Մենք իմացել ենք, որ ընտանիքները մեկնում են այդ բնակավայրեր, սակայն հետո անակնկալ հայտնվել են Գյումրիում: Շիրակի մարզում հարվածային ուժն ամբողջությամբ Գյումրին իր վրա է վերցրել, բայց արդեն մեր հյուրանոցային ու հյուրատնային ազատ համարները սպառվել են: Չկան: Սկսում ենք արդեն համայնքներում տեղավորել մարդկանց»,- ասում է Վահագն Մկրտչյանը:
Գյումրու քաղաքապետ Վարդգես Սամսոնյանն էլ մեզ հետ զրույցում նշում է՝ քաղաքն իր ունեցած ողջ ներուժը կենտրոնացրել է, ինչքան համայնքապատկան շենք-շինություն կա, որ հնարավոր է արագ կարգի բերել, կանեն, կտրամադրեն Գյումրի եկած ընտանիքներին: Քննարկում են նախկին զորամասի, նախկին «Սամարթիեր», «Ինֆեկցիոն» և «Ճերմակ» հիվանդանոցների տարածքներն օգտագործելու հարցը:
Գյումրու քաղաքապետարանն իր ունեցած հնարավորությունը մեկտեղել է բարերարների, հիմնադրամների ու կազմակերպությունների հարցում նաև:
Տնակներում բնակեցնելը քաղաքապետը նպատակահարմար չի համարում. շարքից դուրս եկած են դրանք:
ԿԽՄԿ-ն դրամական աջակցություն է հատկացնելու վարձակալված բնակարանների համար: Տրամադրելու է սննդի պարկեր, նաև որոշակի առումով բուժօգնության խնդիր է լուծելու: Հայորդաց տունը սննդի պարկեր ու հագուստ է տրամադրում:
Անհատ բարեգործների պակաս ևս չկա: Փոխքաղաքապետն ասում է՝ բոլորն իրենց հետ համագործակցությամբ են աջակցությունները ցուցաբերելու, որպեսզի և՛ համաչափ գործեն, և՛ նպատակային:
Հանձնաժողովը արդեն երկրորդ գիշերն է աշխատում: 300-ից ավելի բռնի տեղահանված է ապահովվել կեցավայրով: Սննդի հարցը ևս լուծված է: Եթե հյուրանոցում ու հյուրատներում են, պայմանավորվածություն կա, որ հենց տեղում կսնվեն մարդիկ: Իսկ այլ տարածքներում տեղավորված ընտանիքներին վաղ առավոտից սնունդ է մատակարարվել:
Լուսանկարները՝ «Հայկական ժամանակ»-ի
Տևական ժամանակ կդադարեցվի Քասախ բնակավայրի գազամատակարարումը
Լևոն Քոչարյանը միացել է Բագրատ արքեպիսկոպոսի գլխավորած շարժմանը
Հանրապետության հրապարակը 17։30-ի դրությամբ
Կոռուպցիայի դեմ պայքարը ՀՀ կառավարության գերակա ուղղություններից է․ Կարեն Կարապետյան
Թուրքիան ուշադիր հետևում է Ուկրաինայում տիրող իրավիճակին. Էրդողան
Հանրապետության հրապարակը 16։45-ի դրությամբ
Թունավորումից Աստրախանում 5 մարդ է մահացել, ևս 14-ը հիվանդանոցում է
Փոխվարչապետն ու Թանոս Արվանիտիսը քննարկել են ՀՀ կառավարության կողմից իրականացվող հարկաբյուջետային քաղաքականությունը
Ովքեր են միացել Բագրատ արքեպիսկոպոսի գլխավորած շարժմանը. անուններ
Խժդժությունը ընդդեմ ՀՀ-ի, իհարկե, մուրազին չի հասնի, և չի մոռացվի, թե ով էր պատրաստ հետ շրջել պատմության անիվը․ Ոսկանյան
Որ դեպքում ոստիկանությունը ուժ կկիրառի. փոխոստիկանապետը պարզաբանել է
Ոստիկաններն Աբովյանում ճանապարհներ չեն փակել․ ՆԳՆ-ն կոչ է անում չհրապարակել չճշտված տեղեկություններ
Հայտարարեք, թե որն է ՀՀ քաղաքացիներին և հայ ժողովրդին առաջարկած հայրենիքի ձեր տարբերակը․ Արուսյակ Ջուլհակյան
Եռաբլրի հարակից հողատարածքները հանցավոր սխեմայով օտարվել են․ փողերի լվացման՝ ՊՊԾ նախկին պաշտոնյայի գործը դատարանում է
Ինչ փոփոխություններ է արձանագրել տարադրամի շուկան մայիսի 9-ին
Բագրատ արքեպիսկոպոսի քայլերթի ընթացքում մեքենան հարվածեց երթը ուղեկցող ոստիկանին
Ինչպես քվեարկել «Լադանիվա» խմբի օգտին
Անհրաժեշտ է եկեղեցու բարեփոխման խնդիրը, որը հնարավորություն կտա չլինել իշխանության կամ օլիգարխների կցորդը. Բաբաջանյան
Թուրքիայում վայրէջքի ժամանակ պայթել է ինքնաթիռի անիվը. տարհանվել է 190 մարդ
Սահմանադրությունը գրելիս բլեֆ են արել, հիմա էլ կղերին հանել են պայքարի պետության դեմ. Լևոն Շիրինյան
«Լադանիվա»-ն այսօր վառ ելույթով կներկայանա «Եվրատեսիլ 2024»-ին․ բեմադրության մեջ կլինի նաև հայկական վիշապագորգը
Նոր նշանակում քննչական կոմիտեում
Անհապաղ մեկուսացնել հավաքի՝ զենքով մասնակիցներին․ Իոաննիսյանը դիմել է իրավապահներին
Հուսով եմ՝ այս լուրը շատ չի տխրեցնի վերջին օրերի հավաքի կազմակերպիչներին․ Արթուր Հովհաննիսյան
Անձրև, ամպրոպ, հնարավոր է՝ կարկուտ․ ինչ եղանակ է սպասվում առաջիկա օրերին
Բագրատ արքեպիսկոպոսի երթին Երևանում մասնակցում է 1450 մարդ
Ռուս սահմանապահների դուրսբերումը համաձայնեցվել է Պուտին-Փաշինյան հանդիպմանը, նրանք կմնան 2 կետում. Պեսկով
Վահագն Խաչատուրյանը Կալիֆորնիայի նահանգապետին հրավիրել է Հայաստան
ՀՀ ՊՆ ղեկավար կազմն այցելել է «Հաղթանակ» զբոսայգի, ծաղիկներ խոնարհել Անհայտ զինվորի հուշարձանին
Ժիրայր Սեֆիլյանը միացել է Բագրատ Գալստանյանի գլխավորած երթին
Ռոբերտ Քոչարյանի հարսը կոչ է անում միանալ Բագրատ Գալստանյանի շարժմանը
Պատմության մեջ առաջին անգամ մայիսի 9-ի Հաղթանակի շքերթն ընթացել է ձյան տեղումներով (տեսանյութ)
Սահմանադրական դատարանը մերժել է Թագուհի Թովմասյանի անհատական դիմումը
Ընդունակ են ամեն տիպի ու ձևի քայլերի գնալ. ինչ կլինի, և ինչ հայտարարություններ կհնչեն
Դաշտամիջյան հատվածում մեքենայից իջել է կարիքները հոգալու, անծանոթ տղամարդը դիտողություն է արել և կրակել նրա վրա
Նրանց համար միակ սփոփանքը կլինի, որ «հոգեհանգստի» կարգ անողն իրենց միջից է ու միգուցե զեղչով դա անի. Առաքելյան
Բողոքի ակցիաների ընթացքում հանցավոր արարքների համար քրեական հետապնդում է հարուցվել 16 անձի նկատմամբ․ ՔԿ-ն ամփոփել է
Համբարձման տոնին եկեղեցիներում պատարագ մատուցելու փոխարեն որոշ հոգևորականներ քաղաքական հայտ են ներկայացնում. Դավոյան
Մալաթիայում գործող «Սուրբ Աստվածածին» եկեղեցու պահակը տարածքում գտել է 5 օրական երեխայի
«Հավաքվելու ենք, թաքուն զենք բերենք»․ ՔԿ-ն՝ «Տավուշը հանուն հայրենիքի» երթի մասնակցի կողմից հրապարակված տեսանյութի մասին
© 2024 Հայկական ժամանակ