Կենդանի պատնեշ Բաղրամյան պողոտայում

24/06/2015 schedule10:20

Նախօրեի լուսադեմին ոստիկանությունը բիրտ ուժով ցրեց էլեկտրաէներգիայի սակագնի թանկացման դեմ պայքարող խաղաղ ցուցարարներին: Երեկ գիշերը Բաղրամյան պողոտայում կրկին լարված իրավիճակ էր: Ժամը 18:30-ին Ազատության հրապարակում հայտարարված միտինգից հետո տասնյակ հազարավոր մարդիկ երթով կրկին շարժվեցին դեպի Բաղրամյան պողոտա եւ այս անգամ շատ ավելի ագրեսիվ էին տրամադրված, քան նախորդ օրը: Կեսգիշերվա դրությամբ մեծ թվով քաղաքացիներ, ովքեր տարածքում գտնվող աղբամաններով բարիկադներ էին կառուցել, շարունակում էին նստացույցը Բաղրամյան պողոտայի սկզբնամասում: Ոստիկանական ուժերը նախորդ օրվա նման մի քանի շարքով պատ էին կազմել, նրանց հետեւում փշալարեր էին, ջրցան մեքենաներ եւ այլ տեխնիկա: Հնարավոր բախումները կանխելու նպատակով ԱԺ պատգամավոր Նիկոլ Փաշինյանը ֆեյսբուքյան իր էջում հանդես եկավ հետեւյալ հայտարարությամբ.

«Այսօր ժամը 00:45-ին խնդրում ենք Ձեզ գալ Ազատության հրապարակ, Հովհաննես Թումանյանի արձանի հարակից տարածք՝ միասին գնալու Բաղրամյան պողոտա՝ ցուցարարների եւ ոստիկանների միջեւ կենդանի պատ կազմելու համար:

Պատը կազմվում է մեկ նպատակով եւ մեկ կարգախոսով. բռնությունը պետք է բացառվի, կողմերից որեւէ մեկը բռնություն չպետք է կիրառի: Այս հայտարարություն-կոչը, որն ուղղված է ԱԺ նախկին ու ներկա պատգամավորներին, մտավորականներին, շոու բիզնեսի ներկայացուցիչներին, փաստաբաններին, լրագրողներին, հոգեւորականներին անում եմ՝ դերասան Հայկ Մարությանի, դերասան Հովհաննես Ազոյանի, ԱԺ պատգամավորներ Ալեքսանդր Արզումանյանի, Թեւան Պողոսյանի, Նիկոլ Փաշինյանի, Զարուհի Փոստանջյանի, Էդմոն Մարուքյանի, Լյուդմիլա Սարգսյանի, Տիգրան Ուրիխանյանի, ԱԺ նախկին պատգամավոր Սասուն Միքայելյանի, երգահան Եղիշե Պետրոսյանի, հեղինակ-կատարող Վահան Արծրունու, փաստաբան Հայկ Ալումյանի, լրագրող Արամ Աբրահամյանի, դերասան Աշոտ Ադամյանի, երգիծաբան Սերգեյ Դանիելյանի, Վիտամին ակումբի անդամներ Արամ MP3-ի, Գարիկ Պապոյանի, Վաչե Թովմասյանի, Արման Խաչատրյանի, Տիգրան Գեւորգյանի, Տիկնիկային թատրոնի տնօրեն Ռուբեն Բաբայանի անունից: 00:45-ին Երեւանի Ազատության հրապարակում, Թումանյանի արձանի մոտ»:

Ժամը 1:00-ի սահմաններում Բաղրամյան պողոտա ժամանեցին մեծ թվով հասարակական, քաղաքական գործիչներ, ներկա եւ նախկին պատգամավորներ, մշակույթի եւ արվեստի գործիչներ, այդ թվում՝ Աշոտ Ադամյանը, Վահան Արծրունին, Սերգեյ Դանիելյանը, Հովհաննես Ազոյանը, Արամ MP3-ին, Կարինե Խոդիկյանը, Վասակ Դարբինյանը, Արա Շիրինյանը, Գարիկ Պապոյանը, Արամ Աբրահամյանը, Ռուբեն Բաբայանը, մեծ թվով հոգեւորականներ: Քաղաքական դեմքերից Բաղրամյան պողոտայում էին Արծվիկ Մինասյանը, Աղվան Վարդանյանը, Հեղինե Բիշարյանը, Իշխան Խաչատրյանը, Խաչատուր Սուքիասյանը, Սասուն Միքայելյանը, Նիկոլ Փաշինյանը, Ալեքսանդր Արզումանյանը, Խաչատուր Քոքոբելյանը, Լյուդմիլա Սարգսյանը, Թեւան Պողոսյանը, Էդմոն Մարուքյանը, Միքայել Մելքումյանը, Վահե Էնֆիաջյանը: Շատ հանրաճանաչ դեմքեր շարունակում էին ժամանել, որոնց բոլորի անունները ֆիզիկապես հնարավոր չէ թվարկել: Ավելի ուշ՝ Բաղրամյան պողոտա ժամանեց նաեւ կրթության եւ գիտության նախարար Արմեն Աշոտյանը, ում դիմավորեցին սուլոցներով, ժողովուրդը վանկարկում էր՝ Աշոտյան, հեռացիր: Չնայած սուլոցներին՝ նախարարը համառորեն չէր հեռանում տարածքից: Գիշերվա ժամը 2:00-ի դրությամբ իրավիճակը շարունակում էր լարված մնալ, վերոնշյալ մարդիկ շարունակում էին կենդանի պատնեշ մնալ ցուցարարների եւ ոստիկանների միջեւ: 

Տպել
1402 դիտում

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան