Երևան
26 °C
Երեւանի փոքր կենտրոնում գտնվող հին շենքերից մեկը երկու օրվա ընթացքում հողին է հավասարեցվել: Աբովյան-Արամի փողոցների խաչմերուկում` Հայաստանի պատմության թանգարանի ետնամասում գտնվող կարմիր տուֆից միհարկանի այդ կառույցը սկսել են քանդել շաբաթ գիշերը` գողեգող, թաքուն:
Դեպքի վայրում մեզ ասացին, որ ապամոնտաժված շենքում (հասցե` Արամի 30) մի խանութ էր գործում, որն ամիսներ առաջ տեղափոխվել է` չգիտեն, թե ուր: Տեղեկացրին նաեւ, որ քանդման իր հերթին է սպասում հարեւանությամբ գտնվող երկհարկանին: Նախատեսվում է, որ այդ տարածքում վեր է խոյանալու հերթական հյուրանոցը` լրացնելու արդեն իսկ կառուցված կամ կառուցվող շինությունների համալիրը: Մեր հարցումներին ի պատասխան այստեղ նկատում էին, որ այդ ամբողջը ոչ թե մեկ, այլ մի քանի սեփականատեր ունի, բայց մատնանշում էին միայն ՀՀ ֆինանսների նախարար Գագիկ Խաչատրյանի անունը:
Սակայն հին Երեւանից մեզ հասած եւ այլեւս գոյություն չունեցող շենքի տարածքում որեւէ գրություն, ցուցանակ չէր հուշում, թե կառույցն ով է ոչնչացնում, ինչու այն իրեն հանգիստ չի տալիս եւ ինչով են պատրաստվում փոխարինել քանդածը: Կառուցապատումն իրականացնող «Ավո ՖՄՀ» ընկերությունում մեզ ասացին, որ տնօրեն Ավետիս Կարագյուլյանն աշխատավայրում կլինի միայն երեկոյան, իսկ նրա հեռախոսահամարն անհասանելի էր:
Տարածքում արդեն իսկ կառուցված շենքերից որոշների, ինչպես նաեւ կառուցվելիք հյուրանոցի նախագծերի հեղինակը ճարտարապետ Աշոտ Ալեքսանյանն է: «Հյուրանոցի նախագիծն ընթացքի մեջ է: Վերջնական տեսք կունենա առաջիկայում: Մենք քաղաքաշինության նախարարության հետ քննարկել ենք Հանրապետության հրապարակի կոնցեպցիայի հարցը, որովհետեւ Հրապարակի անմիջապես հարեւանությամբ է գտնվելու հյուրանոցը, որպեսզի այն չխաթարի հրապարակի մասշտաբը եւ հրապարակին լինի հարազատ: Այդ խնդիրը շատ դժվար լուծվող խնդիր է, որին մենք մոտենում ենք ամենայն պատասխանատվությամբ»,- ասաց ճարտարապետը:
Ինչ վերաբերում է Արամի 30 հասցեի մեկհարկանի շենքի ապամոնտաժմանը, նա նշեց, որ շենքն այդտեղ գոյություն ունենալ ուղղակի չէր կարող. «Այդ շենքը իր ծավալով գտնվում էր քաղաքաշինական այնպիսի միջավայրում, որտեղով անցնում է փողոց: Այն գոյություն ունենալ չէր կարող, մանավանդ որ հուշարձան չէ: Շենքը գտնվում էր ճիշտ նույն ճանապարհի մայթի բորդյուրի վրա, որը թանգարանի թիկունքում միացնում է աջ ու ձախ` Նալբանդյան-Աբովյան փողոցները: Բացի այդ, փողոցի անկյունում այդպիսի շենք գտնվել չէր կարող, որովհետեւ տրանսպորտային երթեւեկության կանոններըը դա թույլ չեն տալիս»:
Աշոտ Ալեքսանյանը հայտարարեց, թե ապագա հյուրանոցը չի գրավելու ապամոնտաժված շենքի տեղը, այլ կառուցվելու է մի քիչ ավելի հեռու` դեպի նորակառույցները: «Հյուրանոցի հետ դրա քանդվելը բացարձակ կապ չունի: Հյուրանոցը գտնվում է դրանից ավելի հետ: Այսօրվա կառուցված շենքերի պարագծից դուրս էր գտնվում Արամի 30 շենքը: Այն գտնվում էր քաղաքաշինական այն միջավայրում, որտեղով փողոց պետք է անցնի: Եւ դրա համար ապամոնտաժվել է: Պատվիրատուին նույնիսկ ձեռնտու էր դա պահպանելը: Քաղաքաշինական խնդիրներից ելնելով իրենից պահանջել են մաքրել տարածքը, եւ նա էլ մաքրել է: Դա իր սեփականությունն է հանդիսանում` որպես իր տարածքից դուրս գտնվող մակերեսների իրացման գոտի»:
Ճարտարապետ Ալեքսանյանը հաստատեց, որ Արամի 30 հասցեի շենքին կից երկհարկանին նույնպես պետք է ապամոնտաժվի: Նման հրահանգների իրավասություններն, ըստ նրա, քաղաքապետարանինն են: «Դրանք այն շենքերն են, որոնք հարիր չեն հրապարակի հարեւանությամբ գործելու: Դրանք ոչ հուշարձան են, ոչ էլ պատմական շերտ են»,- ասաց նա: Հավաստիացրեց, որ կառուցվելիք հյուրանոցը չի լինելու շատ բարձր եւ չի աղճատելու Հանրապետության հրապարակի տեսքը, ինչն այդքան մտահոգում է քաղաքաշինության ներկայիս նախարար Նարեկ Սարգսյանին: «Հյուրանոցի հարկայնությունը չի գերազանցելու այն հարկայնությունը, որը այսօր արդեն կողքը կառուցված է: Դա 9 հարկանի շենք է` Արամի փողոցի վրա, որ Աբովյան փողոցի նկատմամբ դառնում է 8 հարկանի: Գտնվում է թանգարանի թիկունքում, իր ծավալի հզորության համապատասխան: Այն նույնիսկ դուրս չի գալիս հրապարակի վրա: Եթե ինչ-որ կետեր էլ հանկարծակի երեւում եմ, դրանք այնքան բարեկիրթ են նախագծվում, որպեսզի հրապարակին լինի հարիր, լինի հարազատ թիկունք: Իմ կողմից նախագծվող շենքերը ոչ թե աղճատելու են հրապարակի տեսքը, այլ ընդհակառակը, դարձնելու են ավելի կուռ»,- ասաց ճարտարապետը` նաեւ ավելացնելով, որ նոր շենքերի ու Գագիկ Խաչատրյանի կապի մասին իրեն ոչինչ հայտնի չէ:
Երեւանի քաղաքապետարանից խնդրի վերաբերյալ մեր հարցմանն ի պատասխան հայտնել են. «ՀՀ կառավարության 25.01.2007 թ. 108-Ն որոշմամբ Արամի փողոց հ. 30 եւ հարեւանությամբ գտնվող մի շարք այլ շինությունների զբաղեցրած հողամասերը ճանաչվել են բացառիկ գերակա հանրային շահ տարածքներ: Տարածքի ձեռք բերող է հանդիսանում «ԱՎՈ Ֆ. Մ. Հ.» ՍՊ ընկերությունը, որը Աբովյան, Արամի, Պուշկինի եւ Նալբանդյան փողոցներով պարփակված հատվածում իրականացնում է բնակելի եւ առեւտրահասարակական համալիրի շինարարական աշխատանքներ: Ըստ Կենտրոն վարչական շրջանի համար հաստատված գոտիավորման, ինչպես նաեւ Երեւանի քաղաքապետարանի կողմից բնակելի եւ առեւտրահասարակական համալիրի կառուցման նպատակով համաձայնեցված նախագծերի՝ Արամի եւ Աբովյան փողոցների քննարկվող հատվածների մայթերը նախատեսվում է ընդլայնել եւ հ. 30 շենքի տեղում այլ կառույց չի նախատեսվում»:
Հավելենք, որ դեռեւս 2011 թվականին, երբ հայտնի էր դարձել Արամի 30 շենքը քանդելու մտադրության մասին, հանրային բողոքի ալիք էր առաջ եկել: Պատասխանատուներն այն ժամանակ հավաստիացրել էին, որ կարմիր տուֆից այդ շենքը չի քանդվի: Բայց հետո քանդեցին գիշերով:
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
Բարեկարգվել է Երևանի այգիներից ևս մեկը (տեսանյութ)
Մի քանի ժամով կհոսանքազրկվեն Երևանի ու 7 մարզի բազմաթիվ հասցեներ
Հացատանը բռնկված հրդեհի հետևանքով մասամբ այրվել են ավտոտնակն ու անասնագոմը
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
© 2024 Հայկական ժամանակ