Եկել է կոստյումներով դավաճանների հատուցման պահը. նոր իրականություն Հայաստանում

28/04/2016 schedule10:04

Ապրիլի լույս 2-ի գիշերը Ղարաբաղի շփման գծում ծավալված 4-օրյա պատերազմական գործողությունները Հայաստանին կանգնեցրին բազմաթիվ նոր իրողությունների առաջ:

Խոսքը ոչ միայն արտաքին, այլեւ ներքին քաղաքական եւ բարոյահոգեբանական իրողությունների մասին է: Պատերազմը բազմաթիվ անսպասելի բացահայտումներ արեց, ինչպես նաեւ արձանագրեց մինչ այժմ տարիներ շարունակ ասված ճշմարտություններ: Օրինակ` ժողովուրդը հանկարծ հայտնաբերեց, որ 90-ականների հաղթանակած պատերազմից հետո այս 25 տարիների ընթացքում Հայաստանի ներսում կատարված բազմաթիվ ցնցումները, մեղմ ասած, ոչ այնքան շահեկան վիճակները, մեծ հաշվով ոչինչ չեն փոխել. նորից պատերազմ է եւ նորից ինքնամոռաց նվիրում:

Գնահատականներ հնչեցին նույնիսկ, որ այս պատերազմի ժամանակ նվիրումը, վճռականությունն ու ոգին շատ ավելի մեծ էր, քան 88-ին, ինչը, իհարկե, ունի իր բացատրությունը. այս տարիներին արմատավորվել են անկախության եւ պետականության  զգացումները,  հասարակությունն ու քաղաքացին հզորացել են, բարձրացել է նրանց ինքնագիտակցության, կրթական մակարդակը: Եթե ապրիլի լույս 2-ի գիշերը վրա հասներ 10 տարի առաջ, դժվար է ասել, թե ինչպես կարձագանքեր հասարակությունը դրան:

Մյուս կողմից, այս պատերազմի արդյունքում պարզապես աչք ծակելու աստիճան վեր հանվեցին երկար տարիներ մեր երկրի ներսում տիրող բազմաթիվ արատավոր երեւույթներ, որոնց մասին  ընդդիմադիր մամուլն ու քաղաքական գործիչները տարիներ շարունակ անհոգնել խոսում են: Բայց մի բան է դրանց մասին խոսել խաղաղության տարիներին, մեկ այլ բան, երբ այդ խոսքերը, ապացույցները  իրենք իրենց մատուցում են ամենաանհարմար պահին ամենաանսպասելի ձեւով:

«Ինչու են պատերազմական գործողությունների ժամանակ զոհված 50-ին հասնող զինվորները բացառապես աղքատ ընտանիքների երեխաներ», «Ինչու բանակը անհրաժեշտ մակարդակի տեխնիկական հագեցվածություն չունի», «Ինչու պետական պաշտոնյաներն ունեն միլիոնների հասնող կարողություն, տների փոխարեն պալատներ, մեքենայի փոխարեն ամենավերջին արտադրության տասնյակ մեքենաներ, իսկ զինված ուժերում նորմալ մեքենա չկա դիրքեր հաց ու ջուր կամ փամփուշտ հասցնելու համար», «Ինչու պետք է Հայաստանի եւ աշխարհասփյուռ հայ ժողովուրդը փող հավաքի ԼՂՀ ՊԲ-ի համար կամ ինչու պետք է նորագույն զենքեր գնելու փող Հայաստանը չունենա, այն դեպքում, երբ ամենաբարձր պաշտոններ զբաղեցնող կամ զբաղեցրած մեկ ձեռքի մատների վրա հաշվվող պաշտոնյաների եւ նրանց ընտանիքի անդամներին «թափ տալու դեպքում» այնքան փող կընկնի, որ նույնիսկ Ամերիկայի բանակը զինելուն կբավականացնի», այս հարցադրումները շատ են, եւ համառորեն շրջանառվում են, մարելու կամ մոռացվելու որեւէ միտում ցույց չտալով:

Ու սա այն դեպքն է, երբ իշխանությունը մանեւրելու, դրանք չնկատելու տալու որեւէ շանս չունի: Նրանք ստիպված են պատասխանել այս հարցադրումներին, եւ այդ պատասխանները ենթադրում են կոնկրետ գործողություններ: Նախօրեին, օրինակ, շատ կոնկրետ պատասխան եղավ հարցերին, թե ինչու ապրիլի լույս 2-ի գիշերվանից առաջ հայկական բանակը պատշաճ չափով տեղեկացված չի եղել ծրագրվող հարձակման մասին, եւ դրա պատճառով ունեցել է կորուստներ, որոնցից կարող էր խուսափել: Աշխատանքից ազատվեց զինված ուժերի գլխավոր շտաբի հետախուզության վարչության պետ, գեներալ-մայոր Արշակ Կարապետյանը:

«Արշակ Կարապետյանը հեռացվել է պաշտոնից իր ենթակաների հաշվեսխալների պատճառով, որոնք չէին կարողացել նախօրոք տեղեկացնել բարձրագույն ղեկավարությանը Ադրբեջանի կողմից շփման գծում ծանր սպառազինությունների տեղակայման մասին (մասնավորապես, TOC-1A հրանետ համակարգերի): Դրանց կիրառումից հետո հայ զինծառայողները լուրջ կորուստներ են կրել»,- հղում անելով հավաստի աղբյուրների, երեկ գրել էր «Կոմերսանտը»:

Կոնկրետ պատասխան եղավ նաեւ հարցին, թե ինչու զինվորները ապահովված չէին առաջին անհրաժեշտության տարբեր պարագաներով: Աշխատանքից ազատվեց ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետ Ալիկ Միրզաբեկյանը: Նույն «Կոմերսանտը» այս կապակցությամբ գրել է. «Լեռնային Ղարաբաղի հիվանդանոցներում տուժածների համար չկային հակաայրվածքային միջոցներ, որոնք արտահերթ կարգով բերվել են Մոսկվայից եւ Ալիկ Միրզաբեկյանին աշխատանքից ազատել են հայ զինծառայողների ապահովման հաշվեսխալների պատճառով»:

Պատասխան հնչեց նաեւ հարցին, թե ինչու պատերազմական գործողությունների ժամանակ զինվորները կապի միջոցների խնդրի առաջ կանգնեցին: Աշխատանքից ազատվեց ՀՀ զինված ուժերի կապի զորքերի պետ-կապի եւ ավտոմատացված կառավարման համակարգերի վարչության պետ գեներալ-մայոր Կոմիտաս Մուրադյանը: Ըստ «Կոմերսանտի», վերջինս ազատվել է  «զորքերում խնդիրների պատճառով, որոնք բացահայտվել են հակամարտության բռնկման ժամանակ»: Սա կարծում ենք, սակայն, միայն սկիզբն է:

Առաջ եկած հարցերը, կամ ավելի ճիշտ տարիներ շարունակ բարձրաձայնվող երեւույթների «ապացույցները» «պատասխանների» երկար շղթա են ենթադրում: Այս պահին այնքան էլ հեշտ չէ նշված ուղղությամբ օպերատիվ գործողություններ անել, հաշվի առնելով մի շարք նուրբ եւ փխրուն հանգամանքներ: Օրինակ, դեռեւս հայտնի չէ, թե վերոնշյալ բարձր ռանգի զինվորականներին ովքեր են փոխարինելու այդ կարեւոր պաշտոններում: Երեկ մամուլում գրվեց, որ քննարկվել է նրանց հետ մեկտեղ նաեւ պաշտպանության նախարարին պաշտոնանկ անելու հարցը:

Պաշտպանության նախարարին, թերեւս, կարելի է «կիսով չափ» պաշտոնանկ արված համարել, որովհետեւ թե՛ վերոնշյալ պաշտոնյաների գործողությունների, եւ թե՛ ամբողջ բանակում տիրող իրավիճակի առաջին պատասխանատուն նա է: Սակայն պատերազմական գործողությունների ընթացքում պաշտպանության նախարար փոխելը ռիսկային քայլ է: Դրա համար առնվազն պետք է պատրաստի փոխարինող ունենալ աչքի առաջ, որը ոտքի վրա կվերցնի բոլոր պարտականությունները եւ այդ ընթացքում բանակը ցնցումների չի ենթարկի:

Այս պատերազմից հետո թեւավոր խոսք է դարձել ազատամարտիկներից մեկի հետեւյալ հորդորը. «Մենք բուշլատներով հաղթեցինք, հանկարծ կոստյումներով մեզ չդավաճանեք»: Իրականությունն այն է, որ կոստյումներով դավաճանությունները մինչեւ հիմա են կատարվել եւ կատարվել են ամեն օր, պետական բոլոր գերատեսչություններում, դա եղել է կյանքի ոճ, սովորական երեւույթ: Հիմա պարզապես այդ դավաճանությունների համար պատասխան պահանջելու եւ «մեղքերի քավության» համար պատմական հնարավորություն է ստեղծվել:

«Հայկական Ժամանակ»-ը Telegram-ում
Տպել
15930 դիտում

Ոստիկանության բարեփոխումները կոնկրետ արդյունքներ են արձանագրում. Արայիկ Հարությունյան

ԱՄՆ-ը ՄԱԿ-ի գլխավոր ասամբլեային կոչ է արել հետ կանչել Ուկրաինայի վերաբերյալ հակառուսական բանաձևը

Ձնագնդին դիպել է մի աղջկա. նրա մայրը և քույրը գնացել են հարվածող երեխայի տուն, ծեծել, երկաթե ձողով խփել գլխին

Ինչո՞ւ է դաշնակցությունը վախենում Թուրքիայի հետ ուղիղ շփումներից, ով է նրանց արգելում. տեսանյութ

Հարժիս-Շինուհայր ճանապարհին բուք է. Թթուջուր-Նավուր հատվածը փակ է

Քննարկվել են ՀՀ-Իրան համագործակցության ռազմավարական ուղղությունները

Ամփոփվել են Աջափնյակ և Դավթաշեն վարչական շրջանների դատախազության 2024-ի աշխատանքները

ԵՄ-ՀՀ խորհրդարանական գործընկերության կոմիտեի պատվիրակությանն է ներկայացվել Իրական Հայաստանի ռազմավարությունը

Էմանուել Մակրոնը ժամանել է Սպիտակ տուն. Թրամփը չի դիմավորել Ֆրանսիայի նախագահին

Շաբաթվա ուրախ տրամադրությունն ապահովեց Մարությանը, Պեդրոն նամակ է ստանալու. մամուլի տեսություն 4. Սիմոնյան

Երևանում և մարզերում իրականացվում են սառցալեզվակների և գոյացած սառույցի հեռացման աշխատանքներ

Դեբեդի ափին հայտնաբերվել է որպես անհետ որոնվող 32-ամյա տղամարդու դին և վթարված «Մերսեդես»-ը

Ինչ իրավիճակ է հանրապետության ճանապարհներին

Նոր պատրվակ. Թրամփը պատրաստվում է ԱՄՆ-ից վտարել «վարակիչ հիվանդություններ ունեցող» միգրանտներին

Իբր «խոստովանում է», թե ադրբեջանցիների է սպանել. «Լևոն արքա» անունով անձը՝ Ադրբեջանի քարոզչության գործիք

Համընդհանուր հայտարարագիր լրացրած 2486 քաղաքացի ետ է ստացել 232 մլն դրամ սոցիալական կրեդիտ. վարչապետ

ՀՀ-ն պատրաստակամ է թշնամանքի էջը շրջել և հաստատել ինստիտուցիոնալիզացված խաղաղություն, չենք շեղվելու. Միրզոյան

Բաթումիի միջազգային օդանավակայանից փետրվարի 24-ին նախատեսված բոլոր չվերթերը հետաձգվել են

Հայաստանը որդեգրել է ժողովրդավարական ինստիտուտների կայացման քաղաքականություն, որից չի նահանջելու. ՀՀ նախագահ

Պետությանը պատճառված 2 մլն 342 հզր դոլար վնասի վերականգնում. ամփոփվել է Երևանի դատախազության 2024-ի աշխատանքը

Պարեկների կողմից վարչական իրավախախտման ավելի քան 280 կեղծ արձանագրություն կազմելու շուրջ 50 դեպք է բացահայտվել

Հանդիպեցինք, քննարկեցինք. ինչի մասին են խոսել ՀՀ վարչապետն ու Երևանի կոնսերվատորիայի ուսանողը. տեսանյութ

Արարատ Միրզոյանը և Իրանի ԱԳ նախարարը մտքեր են փոխանակել տարածաշրջանային զարգացումների շուրջ. տեսանյութ

Յունիբանկը թողարկել է 3.9 մլրդ դրամի բաժնետոմսեր

Դոլարն էժանացել է. ինչ փոփոխություններ է արձանագրել տարադրամի շուկան փետրվարի 24-ին

Ավտովթարի հետևանքով մեքենան հարվածել է գազատարին, որը պոկվել, ընկել է «BMW»-ի վրա. կա տուժած

Նախագիծը ստեղծում է ներդրումային հնարավորություններ՝ հայկական ստարտափերը մղելով միջազգային շուկաներ. նախարար

Փորձ է արվել մաքսային հսկողությունից թաքցնել դեղորայք, բրենդային ժամացույց, խմիչքներ

Դերասանուհի Ջուլիետա Բաբայանը պարգևատրվել է ԿԳՄՍՆ մեդալով

Ժնևում կայացել է Հայաստանի և Իրանի արտգործնախարարների հանդիպումը. տեսանյութ

ՏԿԵ նախարարն ու Բելգիայի դեսպանը քննարկել են տրանսպորտի և ավիացիոն ոլորտին առնչվող հարցեր

Դպրոցներին հանձնարարվել է «Վերջին դաս»-ը կազմակերպել հատուկ ձևաչափով. նախարարությունը մանրամասնում է

Լրանում է Ուկրաինայում պատերազմի 3-րդ տարին. օտարերկրյա առաջնորդները ժամանել են Կիև. տեսանյութ

Իրանը լայնամասշտաբ զորավարժություն է սկսել, որն իր տեսակով եզակի է. Հովհաննիսյան

ՀՀ վաստակավոր արտիստ Ջուլիետա Բաբայանը նշում է ծննդյան 80-ամյակը. նախարարը շնորհավորել է նրան

Դատավոր Արմինե Սաֆարյանին տրվել է խիստ նկատողություն

Տարօրինակ բան է ստացվում․ Պետրոս Ղազարյանը՝ Ադրբեջանում «Սպուտնիկ»-ի ծառայության սահմանափակման մասին

Բլոգեր 222Lava-ին հնարավոր է՝ կալանավորեն․ ՔԿ-ից մանրամասնում են

Մենք գնահատում ենք մեր ամուր կապերը. ՀՀ ԱԳՆ-ն շնորհավորական ուղերձ է հղել Էստոնիային

Երևանին է նվիրաբերվել 19-րդ դարի աշխարհի եզակի ատլաս-քարտեզներից մեկը. տեսանյութ