Ամուսնուս գլխին սարքել են, նա Ժիրայր Սեֆիլյանին չի էլ ճանաչում. Ներսես Պողոսյանի կին

28/06/2016 schedule14:30

«Նոր Հայաստան» հանրային փրկության ճակատի առաջնորդ Ժիրայր Սեֆիլյանի գործով 8 մեղադրյալների ինքնությունը հայտնի է:

Վերջիններս, սակայն, հանրությանը հայտնի անձինք չեն: Այսպիսով՝ այս քրեական գործի շրջանակներում մեղադրանք է առաջադրվել Ներսես Պողոսյանին, Հովհաննես Պետրոսյանին, Աշոտ Գուգուշյանին, Գալուստ Գրիգորյանին, Սասունիկ Կիրակոսյանին, Հրայր Թոփչյանին (6-ն էլ կալանավորված են), Արթուր Մովսիսյանին (վերջինս գտնվում է  հետախուզման մեջ) եւ Սմբատ Գալոյանին (նա ստորագրությամբ ազատ է արձակվել):

Նրանց մեղադրանք է առաջադրվել ՀՀ քրեական օրենսգրքի 235 հոդվածի 2-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որոնք կատարվել են մի խումբ անձանց կողմից նախնական համաձայնությամբ):

Երեկ մեզ հաջողվեց զրուցել գործով մեղադրյալներից մեկի, Ներսես Պողոսյանի կնոջ՝ Լիա Պողոսյանի հետ:

- Լիա, ձեր ամուսինը ի՞նչ կապ է ունեցել Ժիրայր Սեֆիլյանի հետ:

- Ներսեսը բացարձակ ոչ մի կապ չի ունեցել Սեֆիլյանի հետ: Գնացել է հավաքների, այդքան բան: Ինքը բոլոր ընդդիմադիրների հավաքներին գնացել է, էնպես չի, որ միայն Սեֆիլյանի կազմակերպած հանրահավաքներին է գնացել: Մենք ընտանիքով միշտ էլ գնացել ենք: Ամուսինս Սեֆիլյանի հետ անձնական ոչ մի կապ չի ունեցել,  ոչ էլ ճանաչել է, նույնիսկ անձնապես իրենք չեն հանդիպել: 2008-ից նա մասնակցում էր հավաքներին:

- Ըստ պաշտոնական հաղորդագրության, Սեֆիլյանը մի խումբ անձանց հետ ծրագրել էր զենքերով շենք-շինություններ գրավել: Սրա մասին ի՞նչ կասեք: Այսինքն, ձեր ամուսինը խմբի հետ կապ չի՞ ունեցել:

- Ինձ թվում է՝ ուղղակի սարքել են ամուսնուս գլխին: Բոլորն էլ գիտեն, որ իմ ամուսինն ընդդիմադիր էր, ֆեյսբուքում էլ էր բավականին ակտիվ: Դեկտեմբերի 1-ի Սեֆիլյանի հանրահավաքից հետո խորը հիասթափված էր Սեֆիլյանից: Այդ օրը մարդկանց տարան ու էլի ոչ մի քայլ չարեցին իշխանափոխության համար: Դրանից հետո իմ ամուսինը ոչ գնացել է այդ հավաքներին, ոչ էլ: Ներսեսի հայրը հունվարին մահացավ, որից հետո մարտ-ապրիլ-մայիս ամիսներին նա եղել է Նոյեմբերյանում, դրա ապացույցներն էլ կան: Ինքը ոչ կարող էր մասնակցել որեւէ գործողության, ոչ էլ կարծում եմ նման բան պլանավորված եղել է: Մինչ այդ քառօրյա պատերազմի ժամանակ գնաց կամավոր գրվեց, որ գնա Ղարաբաղ, բայց իր հերթը հետ գցեցին՝ ասելով, որ երեք երեխայի հայր ես, եթե շատ պետք լինի՝ նոր կտանենք: Սրա ապացույցներն էլ կան:

- Ներսես Պողոսյանին ե՞րբ են ձերբակալել:

- Մայիսի 31-ին:  Ես այդ ժամանակ նույնիսկ մի քանի լրատվամիջոցների դիմեցի, բայց այդ ժամանակ ոչ մի արձագանք չեղավ, ես չէի էլ մտածում, որ այսպիսի մեծ գործ է եւ այսպիսի հնչեղություն պետք է ստանա: Ես ուղղակի չեմ հասկանում, թե իմ ամուսինը սրա հետ ինչ կապ ունի:

- Ձեր տանը խուզարկություն կատարվե՞լ է:

- Այո, կատարվել է,  բնականաբար՝ ոչ մի բան չեն գտել, ու չէր էլ կարող որեւէ բան լինել:

- Ի՞նչ եք կարծում, նպատակը ո՞րն էր ձեր ամուսնուն ձերբակալելու:

- Կարծում եմ, քաղաքական հայացքների համար: Բացի դա, այս գործով կալանավորվածներից  երկուսը մեր տուն պարբերաբար գնացել-եկել են, ես կասկածում եմ, որ իրենք են ինչ-որ բանի մեջ ներքաշված:

- Նրանց անունները կասե՞ք:

- Այո, Գալուստ Գրիգորյանը եւ Հովիկ Պետրոսյանը:

- Նրանք ձեր ամուսնու ընկերնե՞րն են եղել:

- Ես իրենց մոտ ընկեր չեմ համարել, ուղղակի գնացել-եկել են մեր տուն: Վաղուցվա ծանոթ չեն, Բաղրամյանի ակցիաների ժամանակ են ծանոթացել:

- Ներսես Պողոսյանը ինչո՞վ է զբաղվում, աշխատո՞ւմ էր:

- Այո, շինարարական աշխատանքներ էր կատարում:

- Ընտանիքում միայն նա՞ էր աշխատում:

- Այո, ես չեմ աշխատում, քանի որ երեխաներս փոքր են: Փաստաբանը քննիչներին միջնորդություն էր ներկայացրել ֆինանսական աջակցության համար, քննիչը մերժել է այդ միջնորդությունը: Ոչ ապացույց են ներկայացնում, թե ինչի պետք է ամուսինս կալանքի տակ մնա, ոչ էլ...:

- Հնարավո՞ր է, որ ընկերները նրա դեմ ցուցմունք տված լինեն:

- Դե, ինչ-որ մեկը տվել է, բայց չեմ կարող ասել՝ ով: Ես մի բան հստակ գիտեմ, որ իմ ամուսինը ցուցմունք չի տվել:

- Քանի՞ երեխա ունեք:

- Երեք երեխա, երեքն էլ տղա, էս անտեր երկրի համար զինվոր ենք մեծացնում:

Զրուցեցինք նաեւ Ներսես Պողոսյանի պաշտպան Արայիկ Պապիկյանի հետ:

- Պարոն  Պապիկյան, Ներսեսը ի՞նչ դիրքորոշում է հայտնել առաջադրված մեղադրանքի շուրջ, ընդունո՞ւմ է, թե՞ ոչ:

- Ներսես Պողոսյանը առաջադրված մեղադրանքը չի ընդունում, նա հայտարարեց, որ մեղադրանքը շինծու է եւ հրաժարվեց ցուցմունք տալուց: Ես ուզում եմ հատուկ սա նշել, որովհետեւ որոշ լրատվամիջոցներ նշեցին, որ Սեֆիլյանը ձերբակալվել է նաեւ Ներսես Պողոսյանի ցուցմունքով: Ես պետք է շեշտեմ, որ Ներսես Պողոսյանը ցուցմունք չի տվել, ո՛չ Ժիրայր Սեֆիլյանի, ո՛չ էլ գործով անցնող այլ անձանց դեմ: Քանի որ մեզ համար մեղադրանքի էությունը անհասկանալի է, ուղղակի չենք կարող ոչինչ ասել:

- Իր մասնակցությամբ ի՞նչ քննչական գործողություններ են կատարվել:

- Իրեն առերեսման են ներկայացրել գործով մեղադրյալներից մեկի հետ, առերեսումից, սակայն, իմ պաշտպանյալը հրաժարվել է:

- Այդ մեկը Հովհաննես Պողոսյա՞նն է:

- Թույլ տվեք այդ հարցին չպատասխանել:

- Ներսեսը զենքերի մասով որեւէ տեղեկություն չի՞ հայտնել:

- Նա  չգիտի՝ ինչ զենքերի մասին է խոսքը, բայց եթե մամուլի հրապարակմանը նայենք, երկու ինքնաձիգ է եղել, ես չգիտեմ՝ դրանով ի՞նչ պետք է անեին, երկու ինքնաձիգով հեռուստաաշտարակը ինչպե՞ս էին գրավելու: Առաջադրված մեղադրանքի բովանդակության մեջ տարբեր ձեւակերպումներ կան: Մի դեպքում զենք-զինամթերք պահել, տեղափոխել, մյուս դեպքում՝ խմբի կազմում լինել: Հիմա մենք  չգիտենք, սրանից կոնկրետ ո՞րն է մեղսագրվում Ներսես Պողոսյանին: Մենք խնդրել ենք, որ գոնե ասեն՝ ո՞րն է մեղադրանքի էությունը, որպեսզի ինքը պաշտպանվի: Ինքը չգիտի՝ ինչում է մեղադրվում:

- Պարոն Պապիկյան, բողոքարկե՞լ եք Ներսես Պողոսյանին կալանավորելու՝ դատարանի որոշումը:

- Այո, բողոքարկել ենք, բայց Վերաքննիչ դատարանը առանց հիմնավորման մերժել է մեր բողոքը:

- Ձեր պաշտպանյալը ո՞ր Քրեակատարողական հիմնարկում է պահվում:

- «Նուբարաշեն» ՔԿՀ-ում:

Նշենք, որ երեկվա դրությամբ սույն գործով մեղադրյալ Ժիրայր Սեֆիլյանի մասնակցությամբ որեւէ քննչական գործողություն չի կատարվել: Այսօր այս գործի ընթացքի մասի ասուլիս են հրավիրել Սեֆիլյանի պաշտպանները:

Լուսանկարում՝ Ներսես Պողոսյանը

Տպել
13681 դիտում

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)