ԲՀԿ թեկնածուի որդուն կհուղարկավորեն 2 օրից. Գյումրիում դեռ չի փակվել զառերի թեման

Հոկտեմբերի 2-ին կայանալիք ընտրություններում Գյումրու քաղաքապետի ԲՀԿ-ական թեկնածու Վարդեւան Գրիգորյանի որդու առեղծվածային մահվանից հետո Գյումրիում քաղաքական իմաստով լռությունը պահպանվում է:

Այսօր եւս որեւէ կուսակցություն քարոզարշավ չիրականացրեց: Ենթադրվում է, որ այս լռությունը կպահպանվի մինչեւ 25-ամյա Արշակ Գրիգորյանի հուղարկավորությունը, որը տեղի կունենա սեպտեմբերի 23-ին:

Ու, թեեւ Գյումրին քաղաքականապես լուռ է, անգամ որոշ իմաստով՝ շոկի մեջ, մարդիկ շարունակում են շշուկով խոսել երիտասարդի մահվան պատճառների մասին: Ինչպես տեղեկացրել ենք՝ շրջանառվող լուրերից մեկի համաձայն Վարդեւան Գրիգորյանի որդու մահը կապ ունի Գյումրու կենտրոնական փողոցներից մեկում տեղադրված գովազդային պաստառի հետ, որի վրա զառեր են պատկերված: Գյումրիում խոսում էին, որ այս պաստառն իր մեջ ակնարկ-նախազգուշացում է պարունակել՝ ուղղված մոլախաղերի նկատմամբ հակվածություն ունեցող Վարդեւան Գրիգորյանին:

ՀՀԿ-ական պատգամավոր, գյումրեցի Սուքիաս Ավետիսյանը մեզ հետ զրույցում տեղեկացրեց, որ գովազդային վահանակը տեղադրվել էր «Գյումրեցու ոգի» կուսակցության կողմից: Այս կուսակցությունը, ինչպես հայտնի է, հիմնել է Գյումրու գործող քաղաքապետ Սամվել Բալասանյանը, որն առաջիկա ընտրություններում ՀՀԿ-ի թեկնածուն է: Ներկայացնենք Ավետիսյանի հետ մեր զրույցը.

- Պարոն Ավետիսյան, ՀՀԿ-ն այսօր քարոզարշավ չի՞ իրականացրել:

- Ոչ, երեկվանից դադարեցրել են դեպքի հետ կապված: Ես կարծում եմ՝ շատ ճիշտ քայլ են արել:

- Երեկ որոշ մարդիկ կասկածներ էին հայտնում, որ տեղի ունեցածն ինքնասպանություն է: Ձեզ նոր մանրամասներ, հիմնավորումներ հայտնի դարձե՞լ են:

- Ինքնասպանություն է նախնական վարկածով, իրավապահ մարմիններն իրենց վերջնական կարծիքը կասեն:

- Երեկ Գյումրու կենտրոնական փողոցներից մեկից հեռացնում էին մի պաստառ, որի վրա զառեր էին պատկերված...

- Էդ պաստառները-բաները մոռացեք: Էդ պաստառը ի՞նչ կապ ունի իր հետ, պլակատի պատմությունը ինչո՞ւ եք բերում, կապում:

- Ո՞վ էր տեղադրել պաստառը:

- Դրել է կուսակցությունը, բոլորն էլ գիտեն, ընտրական հանձնաժողովն է թույլ տվել:

- Ո՞ր կուսակցությունը, «Գյումրեցու ոգի՞ն»:

- Այո:

- Ի՞նչ էր դա նշանակում, ինչո՞ւ հեռացվեց:

- Հիմա դրա ժամանակը չէ, ես չգիտեմ, ամեն մարդ մի բան է հասկանում:

- Ի՞նչ եք կարծում ինչո՞ւ պիտի երիտասարդ տղան ինքնասպանություն գործեր:

- Դրդապատճառը ոչ ոք էլ չգիտի, չի էլ կարող հասկանալ, թե ինչն է պատճառը:

Հարցեր ուղղեցինք նաեւ Գյումրու նախկին քաղաքապետ, առաջիկա ընտրություններում «Հայկական վերածնունդ» կուսկացությանը սատարող Վարդան Ղուկասյանին: Վերջինս չի կարողանում հավատալ ինքնասպանության վարկածին եւ ահա թե ինչու.

- Եթե մեկն ինքնասպանություն է գործում, պետք է պատճառներ ունենա, բայց երբ որ նայում ես, էդ մարդու հոգեկանը խանգարված չի եղել, նա շատ նորմալ երիտասարդ է եղել եւ չորս բոլորը հարգանք է վայելել իր ընտանիքում եւ դրսում...վերջին րոպեին էլ մարդիկ, որ տեսել են՝ նորմալ վիճակում են տեսել: Այլ ասելիք չունեմ, դա ամբողջ քաղաքի տրամաբանությունն է: Հետո ամենավատը գիտե՞ք որն է, 100 հազար բնակչություն ունեցող քաղաքում 420 ավագանու թեկնածուն որ առաջադրել են իրենց թեկնածությունը, դա աբսուրդ է: էս երկիրն այնքան փոքր է, որ էսքան խառնաշփոթ սարքել...աշխարհում կա՞ նման օրինակ:

- Կարծում եք կապ կա՞ ձեր նշածի եւ Արշակ Գրիգորյանի մահվան միջեւ:

- Այդտեղից գալիս է ամեն ինչ: Ինձ սազական չէ, որ ես նման բաներ խոսեմ, ամբողջ քաղաքը խոսում է, հարցրեք՝ կասեն: Մի բան գիտեմ, որ 2007 թվականին 10 մարդու նկատմամբ մահափորձ կատարվեց, 4-ը մահացավ, մենք էլ չգիտեմ ինչ կարգի հաշմանդամ դարձանք: Եվ այդպես շարունակական: Երբ ընտրությունները գալիս են՝ նմանատիպ բաներ են կատարվում. մեկը հոգեկան խանգարում է ստանում, մեկը ինքնասպան է լինում, մեկը սիրուց դրդված մեկին խփում է: Տարօրինակ ինչ-որ բաներ են տեղի ունենում:

- Երեկ խոսվում էր մի պաստառի մասին, որի վրա զառեր էին պատկերված: Ձեր տեղեկություններով այն ի՞նչ կապ ունի Վարդեւան Գրիգորյանի որդու մահվան հետ:

- Կապ դուք պետք է տեսնեք եւ մնացածները:

- Ձեզ ինչ-որ բան հայտնի՞ է այդ պաստառի հետ կապված:

- Ամբողջ երկիրն անգիր գիտի, թե ինչն է պատճառը: Որ պտտվեք ժողովրդի մեջ՝ ձեզ կասեն, թե ում վրա...: Հետո իրավապահները թող ասեն, ծնողները, որոնց ես հարգում եմ, ես ի՞նչ կարող եմ ասել:

- Ասում են Սամվել Բալասանյանն է նշված պաստառը տեղադրել: Ըստ ձեզ ինչ-որ բա՞ն է ցանկացել հասկացնել...

- Ես էդ անունը չեմ ուզում, ընդհանրապես, լսել: Ես հեչ բան չգիտեմ, էդ զառերը- մառերը որ գրված է կայքերում, մենք տեսել ենք, գիտենք: Մարդիկ են, էլի, կողքից նայում են, բոլորը գիտեն ինչ է, ոնց է: Տեսե՞լ եք բարոյահոգեբանական մթնոլորտը քաղաքի, ինչ գեղեցիկ բարոյահոգեբանական մթնոլորտ է տեղի ունենում քաղաքում, տեսնո՞ւմ եք, 4-5 տարի ինչ գեղեցիկ մթնոլորտ է, 40-50 հազար մարդ արտագաղթել է քաղաքից: Բայց իմ ասածները ո՞ւմ է պետք, ժողովուրդն ամեն ինչ տեսնում, լսում է:

Նշենք, որ քննչական կոմիտեից այսօր հնարավոր չեղավ մանրամասներ ստանալ Վարդեւան Գրիգորյանի որդու մահվան դեպքով հարուցված քրգործի ընթացքից՝ օրվա ոչ աշխատանքային լինելու պատճառով:

Արշակ Գրիգորյանի մահվան դեպքին այսօր լրագրողների հետ հանդիպմանն անդրադարձել է գլխավոր դատախազ Արթուր Դավթյանը: Նա ընդգծել է, որ երիտասարդի մահվան մեջ քաղաքական միտում չկա: «Այս պահին ակտիվ քննչական գործողություններ են կատարվում եւ նրա մերձավորների, ընտանիքի անդամների հարցաքննությունից պարզ է դարձել, որ կատարվածը որեւէ առնչություն չունի Գյումրիում ընթացող քաղաքական պրոցեսների հետ: Կատավածը, այս պահի տվյալներով, ինքնասպանություն է»,- ասել է Արթուր Դավթյանը:

Հիշեցնենք, որ երեկ Գյումրու քաղաքապետի ԲՀԿ-ական թեկնածու Վարդեւան Գրիգորյանի որդին՝ Արշակ Գրիգորյանը գլխի շրջանում ստացած հրազենային վնասվածքով տեղափոխվել էր հիվանդանոց, սակայն նրա ստացած վնասվածքը անհամատեղելի էր եղել կյանքի հետ: Ոստիկանությունից հայտնեցին, որ Գրիգորյանը հայտնաբերվել է իրենց տան նկուղում։ Նկուղից հայտնաբերվել էր նաեւ ատրճանակ: Քննչական կոմիտեում քրգործ էր հարուցվել «ինքնասպանության հասցնելը» հոդվածի հատկանիշներով:

Տպել
7693 դիտում

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա