Ընդդիմությունը 2008թ. չհաղթեց, քանի որ Ռուսաստանը դավաճանեց Լևոն Տեր-Պետրոսյանին

12/10/2016 schedule20:20

Իշխանություններին զուգահեռ՝ ընդդիմությունն էլ է պատրաստվում 2017թ. խորհրդարանական ընտրություններին:

Ընդդիմադիր կուսակցությունների ներկայացուցիչները քննարկում են համագործակցելու եւ դաշինքներ կազմելու հնարավորությունը: Նման քննարկում է կազմակերպել նաեւ «Հանրապետություն» կուսակցության ղեկավար Արամ Զ. Սարգսյանը, որի հետ էլ զրուցեցինք հետագա քաղաքական գործընթացներից:

- Պարոն Սարգսյան, արդեն ակնհայտ է, որ ձեր կուսակցությունը ցանկանում է մասնակցել խորհրդարանական ընտրություններին: Դրան ընդառաջ ի՞նչ քայլեր եք անելու, համախմբման ի՞նչ հնարավորություն եք տեսնում:

- Ընտրություններին միանշանակ մասնակցելու ենք: Կա մասնակցության երկու տարբերակ. մեկ, որ կուսակցությունը գնում է ինքնուրույն եւ միայնակ փորձելու է առավելագույն քվե վերցնել ու ՀՀԿ-ի «հովանու» ներքո Ազգային ժողովում գործունեություն ծավալել: Եվ երկրորդը, որը այս ընտրություններին հաղթելու հստակ հնարավորություն կարող է տալ, համախմբումն է: Սա միայն խորհրդարանական ընտրություն չէ, իր բնույթով երկրի ղեկավարի ընտրություն է, իմ կարծիքով՝ նաեւ քաղաքակրթական ընտրություն է:

Մենք պիտի որոշենք, թե կեցության ինչպիսի կանոններում ենք ուզում ապրել, որ պետությունները պետք է լինեն մեր շրջապատում, ում պետք է մենք նմանվենք եւ ում չպետք է նմանվենք: Իսկ այս ընտրությունների համար մենք հակված ենք համախմբման: Համախմբումն է, որ իշխանափոխության հնարավորություն կընձեռի եւ մեր երկրում իրական համակարգային փոփոխություններ կբերի: Այսինքն, մենք հակված ենք համախմբվել բոլոր այն ուժերի հետ, որոնց հետ ունենք գաղափարական ընդհանրություն: Իսկ ում հետ գաղափարական ընդհանրություններ չունենք, բայց նրանց իրական ընդդիմադիր ենք համարում, պատրաստ ենք համագործակցել:

- Դուք թեեւ անուններ չեք տալիս, բայց հավանաբար համագործակցության քննարկումներ եք ունենում Րաֆֆի Հովհաննիսյանի, Հրանտ Բագրատյանի, Խաչատուր Քոքոբելյանի, Արարատ Զուրաբյանի, այսինքն, հավանաբար արեւմտյան արժեքներ դավանող գործիչների հետ:

- Մենք չենք համագործակցելու այն ուժերի հետ, որոնք մարտի 1-ից հետո համարեցին, որ դա բնական գործընթաց է, որ կարելի է 10 մարդ սպանելով՝ իշխանության գալ: Այս ուժերին ես քաղաքական չեմ համարում, համարում եմ քրեաօլիգարխիկ դաշտից եւ նրանց հետ համագործակցելու եզր չեմ տեսնում: Ես անուններ չեմ տալիս, թե ում հետ եմ հնարավոր համարում համագործակցել ոչ թե նրա համար, որ դեռ անունները չգիտեմ, այլեւ չեմ գտնում, թե դա ճիշտ է այս փուլում: Կան շատ ավելի ուժեր կամ մարդիկ, քան դուք եք նշում կամ գիտեք: Կան հասարակական կառույցներ, անհատներ, ովքեր կուսակցության կշիռ ունեն, արվեստի գործիչներ, որոնք նույնպես կմտնեն այդ գործընթացի մեջ ու իրենց ներդրումը կբերեն:

Այս ենթատեքստում խնդիրն աշխատելու է երկրաչափական պրոգրեսիայի սկզբունքով: Ես տեսել եմ, թե մեկ-երկուսով սկսելով՝ ինչպես ենք դարձել տասնյոթ- տասնութ: Այդ միությունները շատ դժվար են վերածվում դաշինքների, եւ այդ մասին հայտարարվում է ցուցակները ներկայացնելուց ոչ շուտ, քան մեկ-երկու օր առաջ: Բայց առայժմ պետք չէ այդ մարդկանց անունները տալ: Քաղաքական առումով ճիշտ չէ: Պետք է ամեն ինչ մանրամասն քննարկվի, ու ճիշտ ժամանակին ճիշտ շեշտադրումներով քայլեր արվեն: Ես հավատում եմ այդ հաջողությանը եւ այդ ուղղությամբ աշխատում եմ:

- Ընդդիմությունը համապետական ընտրություններից առաջ միշտ էլ հայտարարում է, որ հավատում է իր հաջողությանը, բայց արդյունքում ԱԺ-ում շատ քիչ ներկայացվածություն է ունենում: Այդ առումով ի՞նչ հնարավորություններ եք տեսնում առաջիկա խորհրդարանական ընտրություններին, որոնք այս անգամ արդեն նախագահականի նշանակություն ունեն:

- Մեր ժողովուրդը միշտ նախագահական ընտրություններն է կարեւորել ու փողոց դուրս եկել: Ս. Սարգսյանն էլ, վախենալով նախագահական ընտրությունների հետընտրական գործընթացներից՝ սահմանադրական փոփոխություններով վերացրեց նախագահական ընտրությունները: Դա Ս. Սարգսյանի ամենակոպիտ սխալն էր նրա քաղաքական գործունեության մեջ: Այս ընտրությունները լինելու են անհամեմատ ավելի ծանր ու բուռն ՀՀԿ-ի համար: Համենայնդեպս ինքս այդ ուղղության վրա լուրջ աշխատանք տանելու եմ:

- Ձեզանից բացի պատրաստվում են նաեւ իշխանությունները, նոր կուսակցություններ են բացվում, վարչապետ ու նախարարներ են փոխվում: Այս գործընթացն աշխատում է ընդդիմության դեմ: Ինչպե՞ս եք հակադարձելու դրանց:

- Ես այս ընտրությունները միանշանակ դիտարկում եմ որպես քաղաքագիտական, եւ իշխանության շրջանակներում գործող ուժերը գործելու են միանշանակ ռուսական ուղեծրում: Օրինակ, ես չեմ հասկանում, թե «Բարգավաճ Հայաստանը» կամ «Oրինաց երկիրը» եւ Հանրապետականը ինչու մի կուսակցություն չեն դառնում:

Ո՞րն է նրանց տարբերությունը: Տարբերությունն ա՞յն է, որ Արթուր Բաղդասարյանն ասում է, թե Պուտին, ես քեզ ավելի լավ կծառայեմ, քան Սերժ Սարգսյա՞նը: Իսկ ես ասում եմ, որ եթե քո շրջապատում Նազարբաեւը, Լուկաշենկոն եւ Պուտինն են, դու նմանվելու ես նրանց: Այսօր աշխարհաքաղաքական գործոնը շատ մեծ է մեր իրականության մեջ, եւ դա մեր փոխարեն էլ են ընտրում: Այդ ընտրությունը Սիրիայում պատերազմի է վերածվել, այդ ընտրությունը Թուրքիայում ապստամբության գնաց:

- Այդ ընտրությունը Հայաստանում ի՞նչ է անելու:

- Նույն Արեւմուտքը տեսնում է, որ այստեղ իր կողմնակիցների թիվը ավելանում է ու հակված է նրանցից մի ձայն անգամ չկորցնել: Եթե, իհարկե, այդ կողմնակիցները հակված են հանդես գալ միասնական եւ իրենց հասանելիք քվեների գոնե 70 տոկոսը պահել: ՌԴ-ն էլ տեսնում է, որ Արեւմուտքն այս մրցակցության մեջ Վրաստանից, Ուկրաինայից ու Մոլդովայից հետո Հայաստան է մտել: ՌԴ-ի քայլն էլ նոր ստեղծվող կուսակցություններն են, նոր վարչապետը, «Եդինայա Ռոսիայի» հետ կապ ունեցող նախարարներն են: Դրան էլ Ս. Սարգսյանը համարում է ազգային համաձայնության կառավարություն, որը, սակայն, մեր ազգի հետ համաձայնեցված չէ:

Հավատացնում եմ, որ թե 2003թ., թե 2008թ. մեր հավաքած մարդկանց քանակը անհամեմատ ավելի մեծ էր, քան Սահակաշվիլու Վարդերի հեղափոխության ժամանակ էր: Իսկ ինչո՞ւ փոփոխություն չեղավ, որովհետեւ արտաքին քաղաքական այն գործոնը, որի վրա հույս էին դրել, դավաճանեց: Լեւոն Տեր-Պետրոսյանի պարագայում կար եւ վարչական ռեսուրս, եւ հանրային, լրատվական դաշտի ահռելի աջակցություն, նյութական ռեսուրսի խնդիր չուներ: Եթե քաղաքագիտական այս կատեգորիաներից այս չորսը ունես ու պարտվում ես, նշանակում է դրանցից մեկը քեզ դավաճանել է: Ժողովուրդը չի դավաճանել, մարդիկ լքեցին իրենց պաշտոնները: Մնում է արտաքին քաղաքական ռեսուրսը:

- Ռուսաստա՞նը:

- Այո, ՌԴ-ն ուզում է առաջին տեղում ունենալ ՀՀԿ-ին, երկրորդ եւ երրորդ տեղերում ԲՀԿ-ին կամ ՕԵԿ-ին: Ու եթե ներսում ուզում է իշխանություններից ինչ-որ բան պոկել, այս թիրախները մեծ սիրով ու նվիրվածությամբ են նրան ծառայում:

Տպել
3683 դիտում

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների դրանք կուղղվեն

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում

Մոսկվայում պայթյունի սպառնալիքի պատճառով տարհանվել է «Щука» առևտրի կենտրոնը (տեսանյութ)

Գոշ գյուղի լճի մոտակայքում ավտոմեքենան բախվել է ծառին և արգելափակվել ցեխակույտի մեջ

Crocus City Hall-ի ահաբեկչությունից հետո նույնականացվել է 84 զոհի մարմին․ նրանց թվում 9-16 տարեկան 5 երեխա կա

Նիկոլ Փաշինյանի՝ հունական Kathimerini օրաթերթի հարցազրույցը հրապարակվել է ամերիկյան The New York Times-ում (լուսանկար)

Սկզբում վիճաբանել են աշխատավայրում, հետո՝ այլ հասցեում են հանդիպել․ դանակահարվել է սուպերմարկետի 20-ամյա գանձապահը