Այսօր մահացած զինվորն ընտանիքի միակ զավակն էր. ինչու է ՊՆ-ն թաքցրել նրա վիրավորվելու լուրը

«Մուրացան» զինվորական հոսպիտալում այսօր մահացած 20-ամյա զինծառայող Նարեկ Ասատրյանը Կոտայքի մարզի Կարենիս գյուղից է, ընտանիքի միակ զավակը: Այս մասին մեզ հետ զրույցում տեղեկացրեց Կարենիսի գյուղապետ Արմեն Բաղդասարյանը:

Վերջինս հայտնեց, որ Նարեկն ականի պայթյունից գլխի շրջանում վիրավորումը ստացել էր Մատաղիսում՝ իր զորացրվելու նախորդ օրը (հունիսի 18-ին): Թե ինչպես է եղել դեպքը՝ հարազատները մինչ օրս չեն կարողանում հասկանալ: Ինչպես եւ չեն կարողանում հավատալ, որ իրենց միակ զավակը այլեւս չկա, թեկուզ կոմայի մեջ, անշարժ պառկած վիճակում:

«Խելոք, հարգված մարդիկ են, Նարեկը բարի տղա էր: Մասնակցեց ապրիլյան թեժ մարտերին, կարողացավ ողջ մնալ ու զորացրվելու նախորդ օրը էդպիսի դեպք պատահեց: Գլխի շրջանում էր վնասվածքը, Ստեփանակերտում շատ լավ վիրահատել էին, ամեն ինչ արել էին, բերեցին Երեւան, այդպես էլ կոմայից դուրս չեկավ: 4-5 ամիս է հիվանդանոցում էր երեխան, խեղճ հայրն ամեն օր ուտելիք էր տանում...Հարեւաններն էին օգնում: Խեղճ, չքավոր ընտանիք են: Նա պետք է վերադառնալուց հետո աշխատեր եւ լիներ միակ կերակրողը: Մայրը հիվանդ է, այս սթրեսներից ավելի վատացավ, հայրն էլ չունի աշխատանք»,- նկատեց Բաղդասարյանը:

Հարցին, թե իր տեղեկություններով փորձե՞լ են տղային արտասահման տանել՝ գյուղապետը պատասխանեց, որ հայրն ու նրա եղբայրն ամեն ինչ արել են դրան հասնելու համար, բայց իրենց ասել են, որ եթե տեղաշարժեն՝ կմահանա:

«Կոմայից դուրս էր գալիս, ընկնում էր ցնցումների մեջ: 6 ամիս հույս ունեին, որ կոմայից դուրս կգա: Հայրը պայքարեց, որ դուրս տարվի, բայց ոչ մի հույս չէին տալիս: Գլխի մեջ բեկորներ կային»,- ասաց նա:

Բաղդասարյանը նշեց, որ Նարեկի մարմինը դեռ գյուղ չեն տարել. ասաց, որ ինքը նրանց տանն է, մարդիկ հավաքվել են՝ սգալու եւ ցավակցելու զինվորի հարազատներին: Թե երբ կլինի հոգեհանգիստն ու հուղարկավորությունը՝ դեռ պարզ չէ:

Նշենք, որ Նարեկ Ասատրյանի վիրավորվելու մասին հայտնի դարձավ միայն այսօր՝ նրա մահվան լուրի կապակցությամբ: Մինչ այժմ ՀՀ ՊՆ-ն չէր տվել տեղեկատվություն, թե ինչ պայմաններում է վիրավորվել տվյալ զինծառայողը կամ որ ընդհանրապես վիրավորվել է:

NEWS.am-ի հարցին՝ ինչու ՀՀ պաշտպանության նախարարությունը զինծառայողի վիրավորվելու մասին պաշտոնական հաղորդագրություն չի տարածել, պաշտպանության նախարարի մամուլի խոսնակ Արծրուն Հովհաննիսյանը պատասխանել է, որ բոլոր վիրավորների մասին հաղորդագրություն տարածելը պարտադիր պայման չէ. «Ես բազմիցս ասել եմ, որ պարտադիր չէ բոլոր վիրավորների մասին հաղորդագրություն տարածելը»,- նշել է նա:

Տպել
13124 դիտում

Նիկոլ Փաշինյանը Սեւանի ոստիկանության բաժնում է

Ֆլեշմոբ. կանայք կաթսաներով ու շերեփներով նվագեցին Սերժ Սարգսյանի վերջին զանգը (տեսանյութ)

Հրատապ. Գյումրիում քիչ առաջ բերման ենթարկեցին Կարեն Պետրոսյանին

Ս. Սարգսյանը պետք է ստորագրի հրաժարականի դիմումը ու պետք է դա արվի խաղաղ. Աննա Հակոբյան

Վանաձորցիները ոստիկաններին թույլ չտվեցին բերման ենթարկել քաղաքացիներին. բախում (տեսանյութ)

Մտավորականներ, եկեք կանգնենք մեր ժողովրդի կողքին, որ վաղը մեր խիղճը չտանջի. Հրանտ Թոխատյան

Գյումրի. իր ծավալներով աննախադեպ բազմամարդ երթ եւ ավտոերթ է մեկնարկել, միացել են գյուղերը

ՀՀԿ կուսակցության անդամը հրաժարվում է կուսակցության անդամակցությունից ու աշխատանքից

Հայ ազգային կոնգրեսն անվերապահ աջակցություն է հայտնում ցուցարարներին

«Դատապարտյալների հիվանդանոց» ՔԿՀ գլխավոր մասնագետը դուրս է գալիս ՀՀԿ-ից, պաշտոնից

Անգամ հանրահավաքից հետո Վանաձորում ավտոերթը շարունակվում է

Սերժ Սարգսյանը բացահայտ սպառնում է ժողովրդին. նրան պետք է պաշտոնանկ անել. Սերժ Թանկյան

Անահիտ Բախշյանը հրաժարվում է Սերժ Սարգսյանի շնորհած «Մխիթար Գոշ» մեդալից

Երբ հանդիպումը լինում է ուլտիմատիվ, դա երկխոսություն չէ. Կարեն Կարապետյան

Վանաձորցիները կաթվածահար են արել ամենաբանուկ փողոցը (լուսանկար)

Ձեր մեջ շատ են նորմալ մարդիկ և քչերը տականք, վայրենի. Ռաֆայել Հովհաննիսյանը՝ ոստիկաններին

Ակտիվիստը զգուշացնում է, որ իշխանությունները փորձելու են սադրանք կազմակերպել (տեսանյութ)

Վանաձորում հանրահավաքը մեկնարկել է (լուսանկարներ)

Արման Թաթոյանը գիշերն այցելել է Դավիթ Սանասարյանին

Սերժ Թանկյանն ամոթանք է տվել Փաշինյանին տանելու համար