Երևան
12 °C
searchclose
menuclose
Երևան
12 °C
ԱԺ փոխխոսնակ Էդուարդ Շարմազանովը Ազգային ժողովում սահմանադրական փոփոխությունների շուրջ քննարկման ժամանակ հայտարարեց, թե «մենք քննարկում ենք շատ կարեւոր փաթեթ, որը կարեւոր է ոչ միայն մեզ համար, այլ նաեւ հասարակության եւ ապագա սերունդների»:
«Միանում եմ տիկին փոխխոսնակի հորդորին: Կարիք չկա այստեղ ցուցամատով խելք ցույց տալ: Դուք դասախոս չեք, մենք էլ ուսանող: Պետք չի, չի կարելի: Մենք մեզ թույլ չենք տալիս քաղաքական փոքրամասնության հետ էդ բառապաշարով, էդ ձեւով խոսել: Սա էդ տեղը չի, մենք գործընկերներ ենք, պետք է փոխադարձ հարգանք պահպանենք»,- դասախոսի ոճով արտասանեց ՀՀԿ մամուլի խոսնակը:
Հակադարձելով ընդդիմադիրների ելույթներին՝ նա նաեւ նշեց, թե վերջին ամիսների իրադարձությունները եւ քննարկումները ցույց տվեցին, որ Հայաստանում սահմանադրական փոփոխությունների հարցը բնական, օրակարգային հարց է, այլ ոչ արհեստական: Ըստ նրա՝ որոշ քաղաքական ուժերի բոյկոտը չստացվեց, քանի որ Սերժ Սարգսյանի հետ տարբեր քաղաքական կուսակցությունների ներկայացուցիչների հանդիպումները ցույց տվեցին, որ սահմամադրական փաթեթի շուրջ կա քաղաքական կոնսոլիդացիա: «Չկա մի խմբակցություն, որի ներկայացուցիչները չեն հանդիպել նախագահի հետ եւ քննարկել այս փաթեթը...Չի կարելի սահմանադրական բարեփոխումների մի ամբողջ փաթեթ կապել մի պետական գործչի քաղաքական ճակատագրի հետ: Սահմանադրական բարեփոխումների փաթեթը Սերժ Սարգսյանի քաղաքական ճակատագրի հետ հեչ կապ չունի: Սերժ Սարգսյանը Հանրապետական կուսակցության նախագահն է եւ մնալու է ՀՀԿ առաջնորդը: Եթե չեք ուզում ՀՀԿ-ին ձայն տալ, գնացեք ՀԱԿ-ին ձայն տվեք...Դուք ձեր ֆրակցիայի անդամներին չեք կարողանում համոզել, որ սրա անհրաժեշտությունը չկա, եկել ստեղից ի՞նչ եք ցույց տալիս մեր ֆրակցիային: Դուք հլը ձերոնց համոզեք, նոր մեզ համոզեք»,- դիմելով ՀԱԿ շարքերին եւ նկատի ունենալով Արամ Մանուկյանի ելույթը՝ նկատեց նա:
Տեսանյութեր
