Մեզ համար ինքը կորցրել է անաչառ դիտորդի կարգավիճակը. Մարուքյանը՝ Չուլջյանին

Լոռու մարզկենտրոն Վանաձոր քաղաքի ավագանու «Լուսավոր Հայաստան» խմբակցության ղեկավար Քրիստ Մարուքյանը նույնպես մասնակցել է Գուգարաց թեմի առաջնորդ Տեր Սեպուհ արքեպիսկոպոս Չուլջյանի մատուցած պատարագին, որտեղ արքեպիսկոպոսը քաղաքական շեշտադրումներով ելույթ է ունեցել:

Հիշեցնենք, Գուգարաց թեմի առաջնորդը Սուրբ Ծննդյան պատարագի ընթացքում դիմել էր Վանաձոր քաղաքի նորընտիր ավագանուն: Նա անընդունելի էր համարել ավագանու ընդդիմադիր անդամների բոյկոտը: «Եւ այս տարի ուզում եմ, որ մեր քաղաքի քաղաքապետարանում հավաքվի ավագանին եւ վճռական քայլերով մեր քաղաքի կառուցման սուրբ գործին նվիրվի՝ թողնելով արտաքին ուժերը, ովքեր փորձում են այս քաղաքի ներքին կյանքին միջամտել: Սա իբրեւ առաջնորդ, կարծում եմ, իրավունք ունեմ այս պահին մաղթանք անելու»,- ընդգծել էր նա՝ նկատելով, որ խռովությունը որեւէ մեկին վայել չէ:

«Երբ սրբազանը խոսք էր ուղղում հավատավոր ժողովրդին, հոտին, որեւէ մեկը չէր սպասում, որ այդ կոչը կամ այդ ուղերձը պետք է վերաբերվի կոնկրետ քաղաքական, միակողմանի ինչ-որ բանի»,- Armtimes.com-ի հետ զրույցում ասաց Քրիստ Մարուքյանը՝ նկատելով, որ ավագանու իշխող խմբակցության անդամներից բացի պատարագին ներկա են եղել միայն «Լուսավոր Հայաստան» խմբակցության ներկայացուցիչները:

«Ամեն դեպքում, Գուգարաց թեմի առաջնորդն է, մենք էլ նորմալ հարաբերություն ունենք, ուղղակի չէինք սպասում, որ այդ օրն այդ հարթակը կդարձնի նման թեմայի քննարկման տեղ: Զուտ դրա վրա կենտրոնանալով, մենք ընդամենն արձանագրում ենք, որ ինքը մեզ համար կորցրել է անաչառ դիտորդի կարգավիճակը նախ եւ առաջ, եւ երկրորդը՝ եթե ինչ-որ բան կար ասելու, ապա այս ամիսների ընթացքում այնքան բան էր տեղի ունենում Վանաձորում, որ կարելի է այդ նույն հորդորներով նաեւ ՀՀԿ-ականներին ինչ-որ խորհուրդ տալ, ուղենշել: Եթե այս ամբողջ ընթացքում ինքը մնացել է անկախ ու անկողմնակալ, հիմա ինչի՞ համար սուրբ պատարագը պետք է օգտագործվեր նման քննարկման համար, չգիտեմ»,- այս կերպ է մեկնաբանում արքեպիսկոպոս Չուլջյանի ելույթը Քրիստ Մարուքյանը:

Մեր զրուցակիցը չի կարծում, որ թեմի առաջնորդին ինչ-որ մեկն ինչ-որ բան է ասել ելույթից առաջ, քանի որ վերջինիս մղումների ազնվությունը նույնպես կասկածի տակ չի դրվում: Քրիստ Մարուքյանի խոսքով՝ մինչ օրս որեւէ խնդիր չէր եղել, որպեսզի գոնե առանձին խոսակցություն ունենար Չուլջյանի հետ, իսկ դրանից հետո նման մտահոգություններ հայտնելու համար հարմար տեղ չէր ընտրված: Հարցին՝ պատարագին հաջորդած ժամանակահատվածում հանդիպում ունեցե՞լ եք արքեպիսկոպոսի հետ, «Լուսավոր Հայաստան»-ի ներկայացուցիչը բացասական պատասխան տվեց:

Նույն հարցի վերաբերյալ Մայր Աթոռի Տեղեկատվական համակարգից մեր զրույցում առաջարկեցին նախ դիմել հենց Գուգարաց թեմ, իսկ ավելի ուշ խոստացան, որ եթե Մայր Աթոռը որոշի արձագանքել Գուգարաց թեմի առաջնորդ Տեր Սեպուհ արքեպիսկոպոս Չուլջյանի ելույթին, ապա հավելյալ կտեղեկացնեն այդ մասին:

Հիշեցնենք, որ 2016 թվականի հոկտեմբերի 2-ին Վանաձորում կայացած տեղական ինքնակառավարման մարմինների ընտրության արդյունքներում ՀՀԿ-ն չէր ստացել ընտրողների ձայների կեսից ավելին, սակայն ընտրությունների արդյունքում ավագանու մանդատ ստացած կուսակցությունների՝ «Լուսավոր Հայաստան»-ի, ԲՀԿ-ի, ՀՎԿ-ի ավագանու անդամները փակ գաղտնի քվեարկության ժամանակ չկարողացան քաղաքապետ ընտրել «Լուսավոր Հայաստանի» թեկնածու Քրիստ Մարուքյանին: Այս քվեարկությունից հետո Վանաձորի կառավարումը ճգնաժամում հայտնվեց, քանի որ ՀՀԿ-ի թեկնածու, այժմ քաղաքապետի պաշտոնը զբաղեցնող Մամիկոն Ասլանյանի նախաձեռնությամբ մինչ օրս հրավիրված նիստերը տապալվել են՝ քվորում չլինելու պատճառով:

Տպել
1526 դիտում

Իմ շնորհավորանքները հայ ժողովրդին, բրավո՛ Փաշինյան. Սահակաշվիլիի տեսաուղերձը՝ հայերին

Կարեն Կարապետյանն ու Դմիտրի Մեդվեդևը հեռախոսազրույց են ունեցել

Ես այս պայքարում եմ դրել հոգիս, ինձ եմ դրել, մենք հիմա ազատ ենք, քան երբեւէ. Ս. Միքայելյան

«Ես դավաճան կնոպկա չեմ սեղմի, թեկուզ՝ կյանքիս գնով». տոնին միացավ Վարդան Ղուկասյանը

Պուտինը օրենք է ստորագրել, մարդկանց իրավունքների եւ օրինական շահերի պաշտպանության համար

Տոնական, հաղթական Գյումրի

Հանրահավաքին վատացած սրտի արատով տղամարդու կյանքը փրկել չի հաջողվել,4 մարդ հիվանդանոցում է

Այսօր անհավանական օր է արդարությունը տոնելու համար. Սերժ Թանկյան

Արդեն ազատության մեջ է նաեւ Դավիթ Սանասարյանը

Սպիտակի երկրաշարժի դասերը ողջ աշխարհի համար. քննարկում ԱԻՆ-ում

Քիչ առաջ ազատ է արձակվել Արմեն Գրիգորյանը

Ոստիկանությունը խնդրում է դրսևորել փոխադարձ հարգանք և զսպվածություն. հայտարարություն

Աժ պատգամավոր, ԲՀԿ-ական Վարդան Ղուկասյանի անկեղծ հրճվանքը՝ Ս. Սարգսյանի հրաժարականից հետո

Նա տարված է մեր ժողովրդավարությանը միջամտելու գաղափարով. Մակրոնը Պուտինի մասին

Հուզմունքս մեծ է, հիացմունքս՝ անսահման, սերս՝ տիեզերական, դուք իմ ընտանիքն եք. Հայկո

Վանաձորի Հայքի հրապարակում նշում են վարչապետի հրաժարականը (լուսանկարներ, տեսանյութեր)

ԵԱՀԿ Մինսկի խումբը հանդես է եկել հայտարարությամբ տարածաշրջանում առկա իրավիճակի առնչությամբ

Էդվարդ Նալբանդյանը Յուհո Էէրոլայի հետ հանդիպմանը անդրադարձել է Բաքվի գործողություններին

Բակո Սահակյանը հանդիպել է Ռոբերտ Քոչարյանին

Լեւոն Բարսեղյանը չի ընդունում մեղադրանքը. նրան ազատ արձակելու որոշում դեռ չկա