Փաստաբանները պատրաստ են օգնել Արթուր Աղաբեկյանին դատի տալ պատրաստվող Անահիտ Բախշյանին

Երեւանի քաղաքապետարանի «Բարեւ Երեւան» խմբակցության անդամ Անահիտ Բախշյանը իրավաբաններին է փոխանցել «Մարտիկ» հիմնադրամի դրամական շարժերը գաղտնի պահելու վերաբերյալ ձեռքի տակ եղած նյութերը եւ այժմ սպասում է նրանց խորհրդին՝ ինչպես եւ ինչ գործընթաց սկսել հիմնադրամի նախագահ, ՀՀ պաշտպանության նախկին փոխնախարար, ԼՂՀ փոխվարչապետ Արթուր Աղաբեկյանի դեմ: Սա այն դեպքում, երբ մինչեւ վերջերս իրավունքի ոչ մի մասնագետ հանձն չէր առել օգնել Երեւանի ավագանու անդամին, եւ նրա դիմումները մնացել էին անարձագանք:

armtimes.com-ի թղթակցի հետ զրույցում, սակայն Անահիտ Բախշյանն առայժմ ձեռնպահ մնաց բարձրաձայնել օգնություն ցուցաբերելու պատրաստ փաստաբանների անունները՝ խոստանալով, որ երբ պահը հասունանա, վերջիններիս անձի եւ այլ մանրամասների վերաբերյալ համապատասխան հայտարարություն կանի:

«Ես իրավունքի ոլորտի մասնագետներից հետաքրքրվել եմ՝ ի՞նչ կարող եմ անել, կարո՞ղ եմ Արթուր Աղաբեկյանին դատի տալ: Տոնական օրերին փաստաբաններին չեմ անհանգստացրել՝ արդյոք իմ տված նյութերն ուսումնասիրել են: Օրը կգա, նրանք ինձ կասեն՝ ինչ անեմ, որ ճիշտ լինի»,- նշեց մեր զրուցակիցը:

Երեւանի ավագանու անդամից նաեւ հետաքրքրվեցինք՝ արդյոք այս ամբողջ ընթացքում Արթուր Աղաբեկյանը կապվել է իր հետ՝ պարզելու, թե ինչու է Անահիտ Բախշյանը փորձ անում իր նկատմամբ իրավական գործընթաց սկսել:

Մեր զրուցակիցը տեղեկացրեց, որ Արթուր Աղաբեկյանն ընդամենը մեկ անգամ է խոսել իր հետ եւ հարցրել՝ ինչ իրավունք ունի բարձրաձայնել «Մարտիկ» հիմնադրամի մասին, եթե մի լումա անգամ չի նվիրաբերել նույն այդ հիմնադրամին:

«Դրանից հետո ես փորձեցի հիմնադրամի հաշվեհամարին 100 դոլար փոխանցել, սակայն պարզվեց, որ նման անունով բանկ՝ «Հայխնայբանկ»-ում գոյություն չունի: Բնականաբար, գոյություն չուներ նաեւ հիմնադրամի կայքում նշված հաշվեհամարը: Երբ հրապարակային կերպով բարձրաձայնեցի այս մասին, կայքում բանկի անունն ու հաշվեհամարը փոխվեցին: Դրանից հետո ես կատարեցի փոխանցումը եւ դարձա «Մարտիկ» հիմնադրամի անդամ: Այսուհետ, եթե այլ բան էլ չկարողանամ պահանջել, գոնե որպես «Մարտիկի» անդամ, ներդրող՝ պահանջելու եմ իմ հարցերի պատասխանները»,- եզրափակեց Անահիտ Բախշյանը:  

Հիշեցնենք, որ Անահիտ Բախշյանը, Արթուր Աղաբեկյանին մեղադրում է 2002 թվականին հիմնադրված «Մարտիկ» հիմնադրամի գումարները մսխելու, դրամական շարժերը հասարակությունից կոծկելու մեջ:

Տպել
2027 դիտում

Բրիտանական նավը խորտակվել է կետի հետ բախումից հետո

Ալեքսիս Սանչեսի գործակալը և «Բավարիան» սկսել են բանակցել ֆուտբոլիստի տեղափոխության շուրջ

Գարեգին Բ-ն ցավակցական հեռագիր է հղել Միացյալ Թագավորության վարչապետին

Գերմանացի պատգամավորները չեղարկել են իրենց այցը Թուրքիա

Իշխան Զաքարյանի կինը ակտիվացրել է իր անդամակցությունը ՀՀԿ-ին

Չինաստանում որոշել են աղքատության դեմ պայքարել սարդերի միջոցով

Մայրական մահացության 11 դեպք. հրապարակված փաստերը` մեկ տեղում

Միշել Տեր-Զաքարյանը կգլխավորի ֆրանսիական «Մոնպելյե» ակումբը

Թալիշում ծնունդիս օրը խրամատ էի փորում. գյումրեցի հերոս Ռաֆայելն այսօր դարձավ 21 տարեկան

Զովունի գյուղում փախուստի դիմած ցլին բռնելու համար փրկարարների հատուկ ջոկատ է ժամանել

Բրիտանական ոստիկանությունը հայտարարել է մանչեսթերյան ահաբեկչության մեջ կասկածվողի անունը

Շահեն Հարությունյանը երեք օր կմնա հոգեբուժարանում

«Արաբկիրում» երեխան մահացել է սրտի արատի պատճառով. տնօրենն ասում է` բժիշկը մարդասպան չէ

Մոր կողմից նորածին երեխային սպանելու դեպքի առթիվ հարուցվել է քրեական գործ

«ՒՊ»-ը Մանչեսթերի ահաբեկչությունը անվանել է վրեժ «մուսուլմանների հողեր ներխուժելու համար»

Վարորդները իրավախախտումների մասին որոշումները կստանան SMS հաղորդագրության միջոցով

Նորածնին սպանելու մեջ կասկածվում է մայրը. նա երկու անչափահաս երեխա ունի

Տարոն Մարգարյանի պատգամավոր աներորդին երկու ավտոտնակ եւ մեկ մեքենա է գնել

800 հազար դրամ է հատկացվելու սիրիահայ ձեռագործ վարպետներին

Շիրակի մարզպետը հորդորում է գյուղապետերին դատի տալ գյուղացիներին