Սեյվն էլ դարպասապահների գոլ խփելն է. Գեւորգ Կասպարով

09/01/2017 schedule16:43

Ընդունված է ասել՝ լավ դարպասապահը թիմի կեսն է: Երբ խաղադաշտում գտնվող մյուս ֆուտբոլիստները զգում են, որ թիկունքն ամուր է, իրենց ավելի վստահ են զգում, եւ առջեւում նրանց գործողություններն ավելի լավ են ստացվում: Սակայն հաճախ անգամ այն դեպքերում, երբ դարպասապահի շնորհիվ թիմը հաղթում է տվյալ խաղում կամ մրցաշարում, ծափահարություններն ուղղվում են ռմբարկուներին, իսկ դարպասապահների մասին երկրպագուներն ասում են. «Ահա այս մեկն էլ պետք է հետ մղեր»: ՀՀ ազգային հավաքականի նախկին դարպասապահ Գեւորգ Կասպարովն ընդգծում է, որ իր դիրքում խաղացող ֆուտբոլիստը պետք է պատրաստ լինի, որ նման ճնշման տակ է լինելու ողջ կարիերայի ընթացքում:

«Դարպասապահն իր թիմի կիսադաշտում, առավելեւս տուգանայինի մատույցներում մարզիչ է: Եթե դու ճիշտ ես հուշում խաղացողներիդ, կարդում ես խաղը, արդեն օգուտ է: Եթե թիմն ուժեղ դարպասապահ է ունենում, վստահ է լինում: Բայցեւայնպես ամենաանշնորհակալ գործն է (ժպտում է): Եթե դու ամբողջ հանդիպման ընթացքում լավ ես խաղում, բայց թիմը պարտվում է, անկախ նրանից՝ քո մեղքով է, թե՝ ոչ՝ քեզ են մեղադրում, ասում են՝ պետք է փրկեր: Դարպասապահը պետք է ուժեղ մարդ լինի»,- ասաց նա armtimes.com-ի հետ զրույցում:

Պատմությանը հայտնի են տասնյակ գոլահար-դարպասապահներ, որոնց ցուցակը գլխավորում է բրազիլական «Սան Պաուլոյի» լեգենդ Ռոժերո Սենին: Բրազիլացին կարիերայի ընթացքում տուգանայիններից ու 11-մետրանոցներից 131 գոլ է խփել: Ժամանակին իրենց ռմբարկուական հատկանիշներով աչքի են ընկել նաեւ պարագվայցի Խոսե Լուիս Չիլավերտը (46) եւ դանիացի Պետեր Շմեյհելը (11), սակայն մանուկ հասակում այս դիրքում հայտնվելիս ֆուտբոլիստը գիտակցում է, որ գոլ խփելու հաճույքը հավանաբար երբեք չի զգալու:

«Եթե դու փրկում ես թիմին, արդեն մեծ գործ ես անում: Ամեն մեկը պետք է իր գործն անի խաղադաշտում: Դա էլ մեր գոլ խփելն է»,- ասում ՀՀ գործող չեմպիոն «Ալաշկերտի» դարպասապահը՝ ավելացնելով, որ իր կարիերայում եղել են սեյվեր, որոնք գոլին հավասարազոր են եղել, սակայն դժվարանում է առանձնացնել դրանցից մեկը:

Գեւորգ Կասպարովի մարզումը

Դարպասապահների մարզումները տարբերվում են մյուս օղակներում հանդես եկողների մարզումներից: Ժամանակի մեծ մասը նրանք դարպասապահների մարզչի գլխավորությամբ առանձին վարժություններ են կատարում: Հանդիպումներից առաջ էլ, բացի գլխավոր մարզչի ցուցումներից, նրանք առանձին առաջադրանքներ են ստանում նաեւ դարպասապահների մարզչից:

«Պարապմունքի ուղիղ կեսի ընթացքում թիմի հետ գործ չունենք, առանձին հատուկ վարժություններ ենք կատարում: Խաղից առաջ գլխավոր մարզիչն ընդհանուր ցուցումներ է տալիս, սակայն դարպասապահների մարզիչն իր դերն ունի: Նա հիշեցնում է հակառակորդ թիմի խաղաոճի եւ առանձին խաղացողների առանձնահատկությունների մասին: Ամեն դեպքում, խաղի ընթացքում ինքդ ես որոշումներ կայացնում: Մենք էլ մեր տուգանային հրապարակում ենք մարզիչ (ժպտում է)»,- ասում է Կասպարովը:  

Պրոֆեսիոնալ կարիերայի ընթացքում Գեւորգ Կասպարովը խաղացել է 10-ից ավելի թիմերում, սակայն ամենաուժեղ մրցակիցներին հանդիպել է հավաքականի կազմում անցկացրած խաղերում:

«Դեյան Ստանկովիչ (Սերբիա), Անտուան Գրիզման (Ֆրանսիա), Թոմաշ Ռոսիցկի (Չեխիա), բելգիացի նախկին ֆուտբոլիստ (պաշտպան) Դանիել վան Բյույտեն...», - հիշում է նա:    

Որքան էլ, որ դարպասապահը պատրաստ է, որ անգամ հաղթանակած խաղում կարող է մի քանի գոլ ընդունել սեփական դարպասը, չի համակերպվում բաց թողած ոչ մի գոլի հետ:

«Հատկապես տհաճ է, երբ դիպչում ես գնդակին, ու գոլ է մտնում. քեզ չես ներում (ժպտում է),- ասում է նա:  

Ինչպես արդեն նշեցինք, անգամ հաջող խաղեր անցկացնելու դեպքում դարպասապահներն ավելի շատ արժանանում են քննադատության, քան գովեստի խոսքերի: Նրանք սովորաբար դուրս են մնում նաեւ անհատական մրցանակների պայքարից: Դրանք հիմնականում բաժին են հասնում ռմբարկուներին: Սա ավանդույթ է դարձել ֆուտբոլում. ֆուտբոլիստները համակերպվել են դրա հետ, շատ մասնագետներ էլ դա նորմալ են համարում: Վերջերս «Մանչեստեր Յունայթեդի» գլխավոր մարզիչ Ժոզե Մոուրինյոն, որի թիմում խաղում է ներկայումս աշխարհի լավագույն դարպասապահներից մեկը՝ իսպանացի Դավիդ դե Խեան, կարծիք հայտնեց, որ եթե դարպասապահը տարվա լավագույն խաղացող է ճանաչվում, նշանակում է՝ թիմի հետ ինչ-որ բան այն չէ:

Տպել
1360 դիտում

«Նեմրան», Մգեր Արմենիան եւ «Դեպի Եվրատեսիլի» 1-ին կիսաեզրափակչի մյուս հաղթողները

Բանակցային գործընթացն անարդյունավետ է, պատերազմը կարող է վերսկսվել ցանկացած պահի. Հասանով

Թումոն արժանացել է ՏՏ համաշխարհային համաժողովի գլխավոր մրցանակին

Վթարային ջրանջատում՝ Երեւանի Նոր Նորք վարչական շրջանում՝ փետրվարի 20-ին

Ի՞նչու ԵՄ պաշտոնյաները չեն այցելում Արցախ. Եվրախորհրդի 16 անդամների հարցը Մոգերինիին

Հայաստանի յոթ բռնցքամարտիկ 300 ներկայացուցիչների հետ կմասնակցի «Ստրանջայի» մրցաշարին

ԱԻՆ-ը պարզաբանել է 9-ամյա դստեր հետ կամրջից նետված կնոջ աշխատանքից ազատվելու տեղեկությունը

Մրցույթ՝ «Կայուն դպրոցական սնունդ» հիմնադրամի գործադիր տնօրենի թափուր պաշտոնի համար

Վանաձորում գործազուրկների թիվը նվազել է. ո՞րն է պատճառը

ԱՄՆ-ում աշակերտների ցույցերը արդյունք տվեցին. զենքի ազատ վաճառքը սենատի որոշմամբ կխստացվի

Անառողջ սնունդ Հայաստանում, շուտով. McDonald's-ի բացասական կողմերը

Ի՞նչ է պետք անել Սերժ Սարգսյանի վարչապետացումը կանխելու համար

Մարտի 1-ից սկսած մինչեւ հոկտեմբեր 4 723 դեղից 3 632-ը բաց կթողնվեն միայն դեղատոմսով. ցանկ

Քաղաքացիական պայմանագիրը, Հանրապետությունն ու ԼՀԿ-ն առաջիկայում 1 կուսակցություն կդառնա՞ն

Թուրքիային հանձնված «Սանասարյան հան» շենքը վերադարձվել է Պոլսի Հայոց պատրիարքարանին

Այս ի՞նչ կեղտոտ երգեր եք երգում. Ձախ Հարութ

Արցախյան պատերազմում հաշմանդամ դարձածների բողոքի ձայնը տեղ է հասել  

Թուրքիայում առանց բացատրությունների 2 քուրդ լրագրողների են ձերբակալել

Ինչպես են զինվորները լվանում իրենց համազգեստը

Գորիսի ավտոճանապարհներին մառախուղ է, տեսանելիությունը՝ 60-70 մետր