«ՔԱՔ»-ը չի մասնակցի ԱԺ ընտրություններին, կուսակցությունը չի գրանցվի. Սերգեյ Դանիելյան

Դերասան Սերգեյ Դանիելյանի նախաձեռնությունն իրավական ուժ չի ստանա եւ հետեւապես դերասանը չի մասնակցի 2017 թվականի խորհրդարանական ընտրություններին: «Քաղաքացիական ակտիվ քայլ» կուսակցություն գրանցելու մասին դիմում չի ներկայացվի ՀՀ արդարադատության նախարարության իրավաբանական անձանց ռեգիստր. կուսակցությունը կմնա վիրտուալ տիրույթում: Այս մասին Armtimes.com-ի հետ զրույցում ասաց Սերգեյ Դանիելյանն ու մանրամասնեց, թե որոնք են ընտրություններին չմասնակցելու պատճառները:

- Պարոն Դանիելյան, ո՞ր փուլում է «Քաղաքացիական ակտիվ քայլ» կուսակցության գրանցման գործընթացը:

- Այնքան դժվարություններ կան գրանցման հետ կապված: Բոլոր մարզերում պետք է ունենալ գրասենյակներ եւ այլն: Մենք կմնանք, այսպես ասած, վիրտուալ կուսակցություն, որն իր շուրջը կհամախմբի աննորմալ, լավ, մեր ժողովրդին պետքական եւ չպետքական մարդկանց:

- Փաստորեն, ընտրական գործընթացին մասնակցել չհաջողվեց:

-Ես, իհարկե, շատ կուզեի, բայց դուք պատկերացնում եք, թե ինչ մեծ արշավ էր պետք, կուսակցական արշավ: Ես պետք է գործս, տունս, տեղս, ամեն ինչ թողեմ՝ զբաղվեմ այդ «իդիոտ» գործո՞վ, իսկ ես ինձ ավելի լուրջ մարդ եմ համարում: Համենայնդեպս, այսպես, թե այնպես ցույց տվեցի, որ ինձ ավելի շատ են սիրում եւ հարգում, քան դրանց բոլորին: Այսինքն՝ գաղափարը, ոչ թե ինձ:

- Այս ընթացքում կուսակցությանն անդամակցելու քանի՞ առցանց դիմում էիք ստացել:

- Այս պահին չեմ կարող ասել, մեր կայքում պետք է լինեն թվերը: Առցանց ահագին գրանցված մարդ կա, գրանցումը դեռ շարունակվում է:

- Ընտրություններին չմասնակցելով հանդերձ քաղաքացիական ակտիվությունը պահպանելու՞ եք:

-Ինձ թվում է՝ ոչ մի խոչընդոտ չկա ակտիվությունը չպահելու հարցում, որովհետեւ այսպես, թե այնպես մեր վերաբերմունքը լինելու էր այն ամեն ինչին, որը կատարվում է մեր երկրով մեկ: Հիմա առավել եւս, քանի որ կա արդեն ՔԱՔ կուսակցությունը: Գրանցված է դա, թե՝ ոչ, այսպես, թե այնպես ինքը կա:

- Սկզբում հայտարարեցիք, որ կմասնակցեք ընտրություններին, մարդիկ անդամագրվեցին, հիմա չեք մասնակցելու, հուսախաբ չե՞ք անում մարդկանց, որոնք անդամակցելով ցանկանում էին քաղաքական սատիրայով վերաբերմունք հայտնել:

- Քաղաքական սատիրայով վերաբերմունքն արդեն հայտնված է եւ կշարունակվի հայտնվել: Էդ մասով հուսախաբ լինելն անիմաստ է, որովհետեւ մենք այսպես շարունակելու ենք, դա պարզ է: Ինչ վերաբերում է, որ ես պետք է գնայի Ազգային ժողովում նրանց հետ նստեի կամ 5 հոգով, որ գնայինք նստեինք ինչ-որ բա՞ն էր փոխվելու… իհարկե, կուզեի, որ քվեաթերթիկների մեջ լիներ «ՔԱՔ», դա իսկապես իմ նպատակներից մեկն էր: Դրա համար պետք է ես իմ ողջ կյանքը նվիրեի, որ ստացվեր, բայց դա իմ կյանքի պլանների մեջ չի մտնում, ավելի լուրջ եմ վերաբերվում իմ ժամանակին, իսկ առաջիկայում ավելի հետաքրքիր ակցիաներ կարող են լինել:

- Ճնշումներ եղե՞լ են, որ չեք գրանցում կուսակցությունը:

-Ոչ, կոնկրետ իմ հանդեպ, որ զանգեն ասեն՝ ինչ-որ բան, ոչինչ չի եղել: Գիտեք, Պետրոս Ղազարյանը չի աշխատել, երեւի կվերադառնա, համենայնդեպս՝ հուսանք: Ես լսել եմ, որ լարվածություն ստեղծվել է, լսել եմ զուտ լրագրող իմ ընկերներից տարբեր հեռուստաալիքներից, որոնք շփվում են իշխանության եւ ընդդիմության ներկայացուցիչների հետ: Բավական լարվածություն եղել է, զարմանք է եղել, բայց ինձ կոնկրետ ինչ-որ մեկը, որ ասեմ զանգել ինչ-որ բան է ասել՝ ոչ, չեմ կարող նման բան ասել: Եթե լիներ, հաճույքով ասուլիս կտայի, կխոսեի, կգոռգոռայի, դա ինձ ահագին օգուտ կտար (ծիծաղում է):

Տպել
22472 դիտում

Թշնամին շուրջ 55 անգամ խախտել է հրադադարի պահպանման ռեժիմը

Ջերմաստիճանը կբարձրանա 10-ից 15 աստիճանով, մոտենում է երկար սպասված գարունը. Սուրենյան

Արցախում այսօր սահմանադրական փոփոխությունների հանրաքվե է ընթանում

Զարուհի Փոստանջյանը քիչ առաջ հայտարարեց, որ լքում է «Ժառանգությունը»

Մխիթարյանը ճանաչվել է «Բլեքբերնի» դեմ խաղի լավագույն խաղացող

Սերժ Սարգսյանի ապագան՝ «գենսե՞կ», թե՞ թոշակ

Խոշոր հրդեհ Նոր Արեշում, երկհարկանի առանձնատանը (Լուսանկար)

Իրանը ցանկանում է ռազմավարական դաշինք ունենալ Ռուսաստանի հետ Մերձավոր Արևելքում

Համացանցում հայտնվել է Կիմ Չեն Ընի եղբոր վրա կատարված հարձակման տեսաձայնագրությունը

Հիտլերին պատկանող հեռախոսը վաճառվել է ավելի քան 240,000 դոլարով

Սպիտակ տանը վստահեցրել են Թրամփի թիմի եւ ՌԴ հետախուզության միջեւ կապի բացակայության մասին

««ԵԼՔ»-ը գալիս է՝ խախտելու երկրում հաստատված ստատուս-քվոն». Էդմոն Մարուքյան

Լարիջանի. Թեհրանը ձգտում է Միջին Արեւելքում ՌԴ-ի հետ ռազմավարական դաշինք կազմել

Սաուդյան Արաբիա. Իրանն ահաբեկչության գլոբալ հովանավորն է

«Ժողովրդավարությունը և ազատությունը պետք է առաջին հերթին պաշտպանված լինեն». ԵԽ պատգամավոր

Չավուշօղլու. Սիրիական հակամարտության կարգավորումն անհնար է առանց Ռուսաստանի եւ Իրանի

Երեւան-Ճամբարակ ավտոճանապարհը շարունակում է դժվարանցանելի մնալ (տեսանյութ)

Թրամփ. ՆԱՏՕ-ի շատ անդամներ «չեն վճարում իրենց հաշիվները»

Երևանի Գ. Մահարու փողոցի տներից մեկի տանիքը ձյան ծանրությունից փլուզվել է

ՌԴ ՊՆ. С-500 համակարգերը պատրաստ կլինեն մինչեւ 2020 թ-ը