ՍԱՍ-ի Արտակն աշխատակիցներին ստիպում է գրանցվել Արաբկիրում. ընկերությունում հերքում են

2017 թվականի ԱԺ ընտրություններին ընդառաջ գործարար Արտակ Սարգսյանը (ՍԱՍ-ի Արտակ) սկսել է իրեն պատկանող խանութներում աշխատողներին ստիպել դուրս գալ բնակության հասցեների գրանցումից եւ գրանցվել Արաբկիր համայնքում:

Այս մասին ահազանգով հանդես է եկել «Լուսավոր Հայաստան» կուսակցության անդամ Գեւորգ Գորգիսյանը:

«ՀՀԿ-ն սկսել է իր «քարոզարշավը»:  Քիչ առաջ ահազանգ ստացանք, որ 2017 թվականի ԱԺ ընտրություններին ընդառաջ, ՍԱՍ հոլդինգի բոլոր աշխատակիցներին ստիպում են դուրս գալ իրենց բնակության հասցեների գրանցումից եւ գրանցվել Արաբկիր համայնքի տարբեր հասցեներում, որպեսզի բոլորը մեկ մարդու պես ընտրեն թիվ 2 ընտրատարածքում ՀՀԿ թեկնածու Արտակ Սարգսյանին (Սասի Արտակ): Հիշեցնեմ, որ բացի «ՍԱՍ» սուպերմարկետների ցանցից, ՍԱՍ հոլդինգի կազմում գտնվում են նաեւ Next, Debenhams, Aldo միջազգային բրենդային խանութները, Baldi խանութը եւ «Սանգրիա» ՍՊԸ-ն, որն իրականացնում է ընկերության պատվերով էքսկլյուզիվ ապրանքատեսականու ներմուծում»,- գրել է Գեւորգ Գորգիսյանը:

Արտակ Սարգսյանի հետ խոսել եւ պարզաբանումներ ստանալ չհաջողվեց: SAS group-ից ի պատասխան մեր բազմաթիվ զանգերի ասում էին, որ ընկերության ղեկավարներից որեւէ մեկը տեղում չէ: Ընկերության մենեջերներից Տաթեւն իր անունից ասաց միայն, որ իր իմանալով նման բան չկա, որ իրենց ստիպեն գրանցվել Արաբկիրում:

Թե տեղեկություններից որն է ճիշտ՝ դեռ հավանաբար կպարզվի: Ընդամենը հիշեցնենք, որ սա արդեն համարվում է Արտակ Սարգսյանի ձեռագիրը: 2013-ի մայիսի 5-ին կայանալիք Երեւանի ավագանու ընտրություններից առաջ էլ նա նույն հրահանգով դիմել էր իր ընկերության աշխատակիցներին: Այդ մասին ընկերության աշխատակիցներն իրենք էին ահազանգել լրատվամիջոցներին:

Հ.Գ. Նմանատիպ մեկ այլ ահազանգով հանդես է եկել նաեւ «հայկական վերածնունդ» կուսակցության լրատվական-քարոզչական մասի ղեկավար Էդգար Առաքելյանը: Նա անուններ չնշելով ֆեյսբուքյան իր էջում գրել է հետեւյալը. «Ընտրությունները մոտենալուն զուգահեռ արդեն լուրեր են պտտվում, որ քաղաքացիներին իրենց բնակության վայրերից տեղափոխում եւ գրանցում են այլ վայրերում, որպեսզի ապահովվի կոնկրետ թեկնածուի համապատասխան ձայները: Սա ընտրախախտման կոնկրետ դրսեւորում է եւ պատկան մարմինները պետք է ուշադրություն դարձնեն այս հանգամանքի վրա՝ չթույլատրելով նման մանիպուլյացիաները»:

Տպել
5746 դիտում

Դեռ չեմ կողմնորոշվել․ Քոչարյանը ՀՀԿ-ի հետ, թե՞ այլ ուժով զբաղվելու քաղաքականությամբ

Դասագրքերը քչություն են անում. աշակերտները սովորում են հեռախոսով լուսանկարված գրքի էջերից

Լվացել են ադրբեջանական ու ռուսական ծագման փողեր․ Danske Bank-ի ղեկավարը հրաժարական է ներկայացրել

Մոսկվայում որոշել են կանգնեցնել Կարո Հալաբյանի հուշարձանը

Հայաստանն ու Կոնգոն ցանկանում են զարգացնել բազմակողմ համագործակցությունը

Բռնցքամարտիկ Գոռ Երիցյանը տարվա վերջին գուցե մենամարտի գոտու համար

2,6 միլիոն եվրոյանոց բնակարան Էյֆելյանի մոտ․ Գագիկ Խաչատրյանի որդիները՝ Փարիզում

Ընտրողների թիվը 848 343 է. ոստիկանությունը հրապարակել է Երեւանի ընտրությունների վերջնական ցուցակները

Սա հատուկ լեզու է. փոխվարչապետն ընդունել է ԱՊՀ պետությունների վիճակագրական ծառայությունների ղեկավարներին

Այսօր կմասնակցեմ «Իմ քայլը» դաշինքի հավաքին` Մալաթիա-Սեբաստիա վարչական շրջանում. Փաշինյան

Պուտինն ու Էրդողանը համաձայնության են եկել. կհաստատվի՞ խաղաղություն Սիրիայում

Պուտինը Նեթանյահուին նշել է Իլ-20-ի խոցման պատճառը

Փոխել քաղաքական ստատուս քվոն. ամերիկահայերը մասնակցում են նոյեմբերի ԱՄՆ-ի ընտրություններին

ՆԱՏՕ-ի գլխավոր քարտուղարի տեղակալն այցով կժամանի Վրաստան

Ներգաղթյալների թիվը հասնում է 35 հազարի. ԵՄ միգրացիոն ճգնաժամը բեւեռացրել է Եվրոպան

Վատնվել է շուրջ 900 000 դրամ. ուսանողները պահանջում են «թատերական ինստիտուտի» ռեկտորի հրաժարականը

«Լիվերպուլն» ու «Ինտերը» հաղթեցին դրամատիկ խաղում. Չեմպիոնների լիգայի օրվա արդյունքները

Մահացել է Երեւանի քաղաքապետի թեկնածուի մայրը. Գասպարյանը քարոզարշավին չի մասնակցի

Կեղտոտ քարոզարշավ է, կեղտոտ եւ սեւ PR տեխնոլոգիաների կիրառմամբ. քաղաքագետն՝ ընտրությունների մասին

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին