ԿԽՄԿ-ն դիվերսանտի մարմնի վերադարձի շուրջ բանակցում է հայկական և ադրբեջանական կողմերի հետ

Կարմիր խաչի միջազգային կոմիտեն ադրբեջանցի զինծառայող Չինգիզ Ղուրբանով Սալմանօղլուի մարմնի վերադարձի հարցի շուրջ բանակցություններ է վարում հայկական եւ ադրբեջանական կողմերի հետ: Armtimes.com-ի թղթակցի հետ զրույցում այս մասին տեղեկացրեց ԿԽՄԿ լուսաբանման բաժնի աշխատակից Հասմիկ Գալստյանը:

Հարցին՝ մինչ այս Ադրբեջանը դիմե՞լ է դին վերադարձնելու խնդրանքով, նա կրկին ընդգծեց, որ Կարմիր Խաչի միջազգային կոմիտեն ներկայումս երկխոսության մեջ է երկու կողմերի հետ էլ, բանակցությունները տարվում են գաղտնիության սկզբունքով, հետեւաբար դրանց բովանդակության մասին ոչինչ ասել հնարավոր չէ:

Հասմիկ Գալստյանի խոսքով, Կարմիր խաչի միջազգային կոմիտեն տեղյակ է, որ դիվերսիայի միջադեպի կապակցությամբ հայկական կողմը հետաքննություն է վարում: Միեւնույն  ժամանակ, գտնում է, որ ադրբեջանցի զինծառայողի մարմինը հնարավորինս շուտ պետք է վերադարձնել ընտանիքին: «Մենք պատրաստ ենք որպես չեզոք միջնորդ՝ աջակցել մարմնի հայրենադարձման գործընթացին»,- հավելեց ԿԽՄԿ լուսաբանման բաժնի աշխատակիցը:

Հարցին՝ մինչ ԵԱՀԿ Մինսկի խմբի կոչը՝ անհապաղ վերադարձնել զոհվածի մարմինը, կողմերի միջեւ երկխոսություն կա՞ր, եւ արդյոք վերոնշյալ կոչից հետո ինչ-որ բան փոխվել է, Հասմիկ Գալստյանը նշեց, որ երկխոսության կոչը հենց սկզբից է եղել: «Մենք աշխատում ենք մեր ստանդարտ գործելաոճով, եւ այդ ամենը պրոցեսի մեջ է»,- հավելեց նա:

Այլ մանրամասներ մեր զրուցակիցը հրաժարվեց հայտնել:

Հիշեցնենք, որ մեր տեղեկություններով, Կարմիր խաչի միջազգային կոմիտեն դիմել է հայկական կողմին՝ խնդրելով վերադարձնել դեկտեմբերի 29-ին Տավուշի մարզի Չինարի գյուղում ադրբեջանական հատուկջոկատայինների կողմից իրականացրած դիվերսիոն գործողությունների ընթացքում զոհված ադրբեջանցի զինվոր Չինգիզ Ղուրբանով Սալմանօղլուի մարմինը:

Հայկական կողմը, սակայն հայտնել է, որ քանի դեռ փորձաքննությունները չեն ավարտվել, դիակի վերադարձի մասին խոսք լինել չի կարող: Բացի այդ՝ հայկական կողմը, ըստ մեր տեղեկությունների, հստակ հասկացնել է տվել, որ եթե Ադրբեջանն ընդունի նախահարձակ լինելու հանգամանքը եւ հանդես գա մեղայականով, դրանով միայն կարագացնի իր զինվորի մարմնի վերադարձի գործընթացը:

Հիշեցնենք նաեւ, որ 2016 թ. դեկտեմբերի 29-ի վաղ առավոտյան ադրբեջանական զորքերը Հայաստանի Տավուշի մարզի Չինարի գյուղի մոտակայքում ձեռնարկել են դիվերսիոն ներթափանցման փորձ: Հարձակման հետեւանքով սպանվել են երկու շարքային զինծառայող եւ մեկ սպա: Ադրբեջանական կողմը, ՀՀ ՊՆ հաղորդմամբ, կորցրել է 7 զինծառայող: Նրանցից մեկի դին մնացել է ՀՀ տարածքում: 

Տպել
4342 դիտում

Մոուրինյոն ասել է, որ Մխիթարյանը հեռանում է

Երեւանում երթուղայինների վարորդները գործադուլ են հայտարարել (լուսանկարներ)

Սերժ Սարգսյանն ինձ էլ էր հրավիրել. Գ. Ծառուկյանը՝ իր Բաղրամյան 26 գնալու մասին (տեսանյութ)

Ողբերգական վթար Մյասնիկյան պողոտայում. մահացել է ՀՀ ԶՈՒ ԳՇ պետի տեղակալի որդին

Անգամ, եթե ԵԼՔ դաշինքի հետ միանանք, միեւնույն է, ՀՀԿ-ն մեծամասնություն է․ Գագիկ Ծառուկյան

Ջրաշենի բժշկիչ համարվող Սուրբ Կարմիր Ավետարան մատուռ-եկեղեցին օծվել ու նորից գործում է

Էջմիածնի քաղաքապետարանը հերքում է, թե «մահացածներից հարկ է հավաքում»

Հանրապետության որոշ ավտոճանապարհներին տեղ-տեղ մերկասառույց է. Լարսը բաց է

Մովսես Հակոբյանը Վիգեն Սարգսյանի դեմ արշավ է սկսել. խմբագրական

Վրաստանի նախագահը երկրորդ անգամ հայր է դարձել. ծնվել է երկրորդ որդին

Չինաստանում Ֆրանսիայի նախագահին պատվել են Ազնավուրի երաժտությամբ

«Ես ինչ որոշում` անում եմ». Արփինե Հովհաննիսյանը՝ Նաղդալյանի հեռացման խորհրդատու. Իրատես

Նաղդալյանին փոխարինելու որոշումը կայացվել է նախագահականում. պատճառը հայտնի է. Հրապարակ

Վաղեմի երազանք. Վազգեն Մանուկյանը՝ ՀՀ նախագա՞հ. Հրապարակ

Սիսիան-Կապան ճանապարհին մերկասառույց է, Վարդենյաց լեռնանցքը, Սոթք-Քարվաճառը՝ դժվարանցանելի

Լոնդոնում մահացել է The Cranberries խմբի մեներգչուհի Դոլորես Օրիորդանը

Առաջիկա 4 օրերին դադարներով տեղումներ են սպասվում եւ ուժգին քամի

Հայկ Կասպարովին իսպանացի երաժիշտներն են առաջարկել մասնակցել «Դեպի Եվրատեսիլ»-ին

Պուչդեմոնի կուսակցությունը կոռուպցիոն շրջանակով 6,6 միլիոն եվրո է յուրացրել. նոր մեղադրանք

Վրաստանում սպանվել է Ռուսթավելի Ստամբուլյան շուկայի սեփականատեր նախկին գեներալը