Տանը մուկ կար, որը հիմա չկա, օձն է կերել մկանը. Հանրային հեռուստաընկերության անդրադարձը

Նախկին վարչապետ Հովիկ Աբրահամյանի ՀՀԿ-ից դուրս գալը մեծ իրարանցում առաջացրեց քաղաքական դաշտում: Շրջանառվում են բազմաթիվ վարկածներ, թե  ինչով էր դա պայմանավորված, այսուհետ ինչ կանի նա եւ որ կուսակցությունում կամ քաղաքական պլատֆորմում կշարունակի իր գործունեությունը: Աբրահամյանը հաստատելով լուրը, թե դուրս է գալու ՀՀԿ-ից միաժամանակ հայտնել էր, որ մնալու է քաղաքականության մեջ:

Վարչապետի պաշտոնից նրա հեռանալուց հետո գրել էինք, որ Սերժ Սարգսյանի կողքին մնալու համար «Հովիկ Աբրահամյանը պետք է կոնկրետ կարգավիճակ եւ անելիք ստանա, հակառակ դեպքում ինքը կարող է հեռանալ Սարգսյանից» («Ովքեր կարող են լքել հանրապետականի Գործադիր մարմինը»):

Վաղը տեղի է ունենալու ՀՀԿ խորհրդի նիստը, որը սպասվում է դեռ 2016-ի նոյեմբերի 26-ի ՀՀԿ համագումարից հետո, սակայն  մինչեւ հիմա հետաձգվում էր: Նիստում, վերջապես, ընտրվելու են ՀՀԿ նախագահի առաջին եւ մյուս փոխնախագահները:

Աբրահամյանն ակնհայտորեն մինչեւ վերջին պահը պայքարել է ՀՀԿ-ում մնալու համար: Անցած քաղաքական ճանապարհը նրան իրավունք է տալիս կուսակցությունում բարձր կարգավիճակ ակնկալել, ավելին նա մի գործիչ է, որ կարող է ՀՀԿ-ն համարել իրենը, իրեն համարել ՀՀԿ-ինը: Ըստ ամենայնի, սակայն ընդդիմության հետ հայտնի ընդհատակյա կապերի պատճառով Սերժ Սարգսյանն անդառնալիորեն կորցրել է  վստահությունն Աբրահամյանի նկատմամբ, գուցե նաեւ խորապես վիրավորված է:

Դժվար է ասել, թե այս ընթացքում խնդրի շուրջ ինչ ներքին խմորումներ են եղել: Սակայն որպես վերջին` հուսահատ քայլ, թերեւս պետք է դիտարկել Հովիկ Աբրահամյանի այցը Մոսկվա: Այս այցի հնարավոր քաղաքական ենթատեքստին արդեն անդրադարձել ենք: Սակայն ստեղծված նոր իրավիճակը հուշում է, որ դրանով Աբրահամյանը փորձել է նաեւ շանտաժի ենթարկել Սարգսյանին, թե ինքը կարող է Սարգսյանի դեմ պայմանավորվածություններ ձեռքբերել Ռուսաստանում, հրապարակայնորեն փոխել ճամբարը, միավորել մի մեծ դաշինք Գագիկ Ծառուկյանի, Սեյրան Օհանյանի, ու մյուսների մասնակցությամբ եւ ընտրություններում տապալել Սարգսյանին: Ռոբերտ Քոչարյանին, իհարկե, պետք չէ մոռանալ:

Աբրահամյանի վերջին քայլերի մասին ճշգրտորեն տեղեկացնող կայքը երեկ գրեց, որ նախօրեին տեղի է ունեցել Հովիկ Աբրահամյանի հանդիպումը Սերժ Սարգսյանի հետ: «Հանդիպման ժամանակ քննարկվել են առաջիկա քաղաքական զարգացումների հետ կապված հարցեր, այդ համատեքստում Աբրահամյանը Սերժ Սարգսյանին հայտնել է իր՝ ՀՀԿ-ից դուրս գալու մտադրության մասին: Սերժ Սարգսյանը չի առարկել»,- գրել էր լրատվամիջոցը:

Ստացվում է, որ Աբրահամյան-Սարգսյան հանդիպումը տեղի է ունեցել Հովիկ Աբրահամյանի Մոսկվայից վերադառնալուց անմիջապես հետո: Հիշեցնենք, Մոսկվայում Աբրահամյանը հանդիպել էր Դմիտրի Մեդվեդեւին:

Սերժ Սարգսյանը, փաստորեն, սույն իրադարձության հանդեպ անտարբեր է մնացել, եւ երբ վերադառնալով Աբրահամյանը նրան հայտնել է ՀՀԿ-ն լքելու մասին, չի առարկել, չի փորձել ետ պահել, չի առաջարկել ասենք առաջին փոխնախագահի պաշտոնը, կամ ՀՀԿ նախընտրական շտաբի պետի պաշտոնը, կամ որեւէ այլ փոխընդունելի տարբերակ:

Իսկ Մոսկվա գնալու կոմբինացիան, իհարկե, հանճարեղ էր մտածված: Դա կարելի է համարել մարտավարական առումով win-win քայլ: Կամ շանտաժը կաշխատեր եւ Սերժ Սարգսյանը Հովիկ Աբրահամյանին կպահեր ՀՀԿ-ում: Կամ Մոսկվայից վերադառնալուց հետո հայտարարելով կուսակցությունից դուրս գալու մասին, ամբողջ քաղաքական դաշտին եւ հանրությանը մեսիջ կուղղվեր, թե այդ քայլը պայմանավորված է Ռուսաստանի հետ, ասել է թե, նախկին վարչապետը վայելում է ՌԴ աջակցությունը Սերժ Սարգսյանին տապալելու հարցում:

Առաջինը չստացվեց, երկրորդն էլ, կարծում ենք, բլեֆ է, որը երկար կյանք չի ունենա: Կարեն Կարապետյանի երեկ մեկնարկած պաշտոնական այցը ՌԴ մայրաքաղաք լավագույնս ցույց տվեց, թե Հայաստանում ով է վայելում Ռուսաստանի աջակցությունը:

Ամենաշատ քննարկվող հարցերից է, թե արդյոք Աբրահամյանը կմիանա Գագիկ Ծառուկյանի դաշինքին: Երեկ միանգամից մի քանի քաղաքագետ վերլուծելով այս հեռանկարը, կարծիք էին հայտնել, որ Աբրահամյանն ավելի շուտ կվարկաբեկի այդ դաշինքը, քան օգուտ կտա: Կայքերում էլ լուր հայտնվեց, որ Ծառուկյանը հրաժարվել է Աբրահամյանին ընդգրկել իր դաշինքում: 

Նախկին վարչապետի վիճակն, իհարկե, նախանձելիներից չէ. բոլոր պայմանները ստեղծված են, որպեսզի նա իր մաշկի վրա զգա, թե Հայաստանում ինչպես չեն սիրում «ընկածին», եւ որքան շատ բան է հեռանում պաշտոնի հետ միասին:

Սպասվում է, որ այսօր նախկին վարչապետը ՀՀԿ կներկայացնի իր դիմումը եւ ինչպես ինքն է ասել, հայտարարություն կանի: Ակնկալիքներ կան, որ հայտարարությունը կարող է շատ հարցերի պատասխան տալ: Ավելի հավանական է սակայն, որ առայժմ որեւէ կոնկրետություն չլինի:

Ի դեպ, Հանրային հեռուստաընկերության «Օրակարգ» լրատվական ծառայության հիմնական թողարկումը երկրի թիվ մեկ քաղաքական իրադարձությանը երեկ անդրադարձավ մեկ նախադասությամբ: «ՀՀԿ փոխնախագահ, նախկին վարչապետ Հովիկ Աբրահամյանը հաստատել է լուրը, թե հեռանում է հանրապետական կուսակցությունից»,- ասաց հաղորդավարը, որին հետեւեց տեղեկատվություն եւ ընդարձակ ռեպորտաժ այն մասին, որ Հայաստանի կոմունիստները փորձում են խորհրդարան վերադառնալ:

Մի քանի ռեպորտաժ հետո, սակայն խիստ տարօրինակ տեքստ հնչեց եթերից. «Եթե օձը կերել է մկանը, ուրեմն այն գոյություն ունի»:

Հայտնի հաղորդավար Արտակ Հերիքյանի պրոֆեսիոնալիզմն անգամ բավարար չեղավ սույն նախադասությունն առանց էմոցիաների կարդալու համար, նա շփոթվեց եւ դժվարությամբ շարունակեց խոսքը: Ռեպորտաժը ԱԻՆ «911» փրկարար ծառայության մասին էր: Այստեղ ԱԻ ճգնաժամային կառավարման կենտրոնի պետը պատմում է, թե ինչպես է մի կին զանգել եւ պնդել, որ իր տանը օձ կա, որովհետեւ իր տանը մուկ կար, որը հիմա չկա, ինչը նշանակում է, որ օձն է կերել նրան:  

Վստահ ենք, որ համընկնումներն ու քաղաքական ենթատեքստը զուգադիպություն են, որը ոմանց նույնիսկ զվարճալի կթվա:

Տպել
16801 դիտում

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել