Հոկտեմբերի 10-ից դեկտեմբերի 28-ը 3 ամիս չէ.կուսակցությունները ստացել են վարչապետի մերժումը

«Լուսավոր Հայաստան», «Բարգավաճ Հայաստան» եւ «Հայկական վերածնունդ» կուսակցություններն այսօր, վերջապես ստացել են Վանաձորի քաղաքապետ Մամիկոն Ասլանյանի եւ քաղաքի ավագանու լիազորությունները դադարեցնելու հարցով դիմումին ՀՀ վարչապետի պատասխանը: Վարչապետը մերժել է դիմումը։ 

«Լուսավոր Հայաստան» կուսակցության ներկայացուցիչ, Վանաձորի ավագանու անդամ Քրիստ Մարուքյանը մեզ հետ զրույցում ասաց, որ այս պահին դեռ չի կարող խոսել վարչապետի պատասխանից բխող իրենց հետագա քայլերի մասին: «Այսօր ենք ստացել պատասխանը, կքննարկենք, մեր դիրքորոշումը կհայտնենք»,- ասաց Մարուքյանը:

Հիշեցնենք, որ դեռեւս հունվարի 26-ին էր սպառվել դիմումին պատասխանելու 15-օրյա ժամկետը: Քրիստ Մարուքյանը մեր նախորդ զրույցում ասել էր, որ Կառավարությունը ստիպված է լինելու պատասխանել նաեւ, թե ինչու վարչապետը 15 օրում չկարողացավ պատասխանել «պրիմիտիվ իրավաբանական հարցին», ինչպես որ ներկայացվում էր իրենց դիմումում բարձրացված խնդիրը:

ՀՀ վարչապետի խորհրդական Շուշան Սարդարյանը, սակայն մեզ հետ զրույցում ասաց, որ դեռեւս հունվարի 26-ին իրենք կուսակցություններին ուղարկել են վարչապետի պատասխանը:

«Տարօրինակ է, եթե դա իմ ձեռքին կար, ուրեմն իրենց էլ էր ուղարկվել»,- ասաց Սարդարյանը՝ չբացառելով, որ ուշացումը պայմանավորված է եղել փոստային ծառայության աշխատանքով:

Նշենք, որ 3 կուսակցությունների դիմումի մերժումը հիմնավորվում է հետեւյալ կերպ. ««Տեղական ինքնակառավարման մասին» օրենքի 62-րդ հոդվածի առաջին մասի համաձայն՝ ավագանու հերթական նստաշրջանները գումարվում են փետրվարի 2-րդ երեքշաբթի օրվանից մինչև հունիսի վերջին չորեքշաբթին եւ սեպտեմբերի 2-րդ երեքշաբթի օրվանից մինչեւ դեկտեմբերի վերջին չորեքշաբթին։ Վանաձոր համայնքի ավագանու ընտրությունները կայացել են 2016թ․ հոկտեմբերի 2-ին, համայնքի ղեկավարն ընտրվել է համայնքի ավագանու 2016թ․ հոկտեմբերի 10-ի նիստում։ Այնուհետեւ քվորում չլինելու պատճառով ավագանու նիստեր չեն կայացել։

Նույն օրենքի 69-րդ հոդվածի առաջին մասի համաձայն կառավարությունը կարող է անժամկետ դադարեցնել ավագանու լիազորությունները, եթե հերթական նստաշրջանի ընթացքում ավագանու նիստերը երեք ամսից ավելի չեն կատարվում։ Հոկտեմբերի 10-ից մինչև դեկտեմբերի 28-ը ընկած ժամանակահատվածը չի բավարարում վերոնշյալ ժամանակային պահանջին՝ երեք ամիս, ուստի գտնում ենք, որ կառավարությունը չունի բավարար իրավական հիմքեր Վանաձոր համայնքի ավագանու լիազորությունները վաղաժամկետ դադարեցնելու համար»,- նշված է պատասխանի մեջ։

Հիշեցնենք. Կառավարությանն ուղղված փաստաթղթով Վանաձորի ավագանու ընտրություններին մասնակցած 3 կուսակցությունները ընդգծում էին, որ 3 ամիս շարունակ ավագանու նիստեր չհրավիրելու հետեւանքով խախտվում են Վանաձոր համայնքի տեղական ինքնակառավարման իրավունքն ու հնարավորությունը: Ուստի նրանք Վանաձորում ստեղծված կառավարման ճգնաժամը հաղթահարելու երկու տարբերակ էին առաջարկում՝ համայնքի ղեկավարի հրաժարական կամ ավագանու լիազորությունների դադարեցում:

2016-ի հոկտեմբերի 2-ին կայացած ընտրությունների արդյունքներով «Լուսավոր Հայաստան»-ը ստացավ 10 մանդատ, ԲՀԿ-ն՝ 3, «Հայկական վերածնունդը»՝ 5, իսկ ՀՅԴ-ն՝ 2: «Լուսավոր Հայաստան», «Բարգավաճ Հայաստան» եւ «Հայկական վերածնունդ» կուսակցությունների միջեւ կնքված համաձայնագրով՝ այս ուժերը քաղաքապետիընտրության ժամանակ պետք է իրենց ձայնը տային «Լուսավոր Հայաստան» կուսակցության ցուցակը գլխավորող Քրիստ Մարուքյանին՝ այդպիսով ՀՀԿ-ինՎանաձորում դարձնելով ընդդիմություն:

Ու չնայած նրան, որ ՀՀԿ-ն ու նրանց կոալիցիոն գործընկեր ՀՅԴ-ն միասինընտրությունների արդյունքում ընդամենը 15 մանդատ էին ստացել Վանաձորում, Մամիկոն Ասլանյանը փակ քվեարկության արդյունքում 19 ձայնով քաղաքապետընտրվեց: 3 ամիս է՝ քվորումից բացակայության պատճառով Ասլանյանին չի հաջողվումավագանու նիստ անցկացնել եւ ընդունել քաղաքի բյուջե: ԼՀ-ն, ԲՀԿ-ն եւ ՀՎԿ-նբոյկոտում են նիստերը: