Եղիշեն ինքն իրեն ընկավ՝ մեռա՞վ. Մեյթիխանյանը՝ ամուսնու սպանության գործով մեղադրյալներին

Էրեբունի եւ Նուբարաշեն վարչական շրջանների ընդհանուր իրավասության դատարանում այսօր շարունակվեց հայտնի լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության գործով երկրորդ դատական նիստը:

Հիշեցնենք, որ Խաչատրյանը սպանվել է 2016թ. հունիսի 4-ին Նուբարաշենի խճուղում մի խումբ անձանց կողմից դաժան ծեծի հետեւանքով:

Այս նիստին եւս դատարանի դահլիճը բազմամարդ էր. հավաքվել էին հիմնականում գործով հինգ ամբաստանյալների հարազատներն ու բարեկամները: Քանի որ հոսքը դատարան չէր դադարում, կարգադրիչները ստիպված եղան փակել դատարանի դահլիճի դռները, ինչի արդյունքում շատերը դրսում մնացին:

Նիստը սկսվեց ամբաստանյալների պաշտպանների կողմից նախագահող դատավոր Աննա Դանիբեկյանին ինքնաբացարկ հայտնելով: Մասնավորապես ամբաստանյալ Յուրի Հակոբյանի պաշտպան Արմեն Նադիրյանի խոսքով՝ դատարանը կանխակալ վերաբերմունք ունի իր պաշտպանյալի նկատմամբ. «ՀՀ ՔՕ-ի 291-րդ հոդվածի 2-րդ մասի համաձայն՝ գործը վարույթ ընդունելուց ոչ միայն երեք օր անց, այլ նաեւ դրանից հետո իմ պաշտպանյալը չի ծանուցվել»,-նշեց նա: Մյուս պաշտպաններն էլ նշեցին, որ դատական նիստին ներկայանալու մասին ծանուցումները ստացել են դատական նիստից երկու օր անց՝ նկատելով, որ դա ոչ թե պատահականություն է, այլ՝ դիտավորություն: Ամբաստանյալ Խաչիկ Կոսյանի պաշտպան Վաչագան Քոսյանն էլ հավելեց, որ իր պաշտպանյալի խափանման միջոց կալանքը երկարացնելու մասին որոշումը նույն դատավորն է կայացրել. «Դուք այդ որոշումը կայացրել եք 23 վայրկյանում», -ասաց նա:

Տուժող կողմը չմիացավ դատավորին ինքնաբացարկ հայտնելու միջնորդությանը։ Տուժողի իրավահաջորդ Փառանձեմ Մեյթիխանյանն ասաց, թե ցանկանում է, որ գործը շարունակի քննել Աննա Դանիբեկյանը։ Տուժողի իրավահաջորդի ներկայացուցիչ Ինեսսա Պետրոսյանն էլ ասաց, որ դատական նիստերի օրերի մասին կարելի է տեղեկանալ տարբեր միջոցներից եւ ոչ միայն ծանուցումների միջոցով։ Մեղադրող դատախազ Վարդգես Սարգսյանն առարկեց դատավորին ինքնաբացարկ հայտնելու միջնորդությանը՝ ասելով, որ պաշտպանների նշած «պատճառները» տեխնիկական բնույթ ունեն։ Շուրջ մեկ ու կես ժամ խորհրդակցական սենյակում մնալուց հետո նախագահող դատավոր Աննա Դանիբեկյանը որոշեց մերժել պաշտպանական կողմի միջնորդությունը:

Որոշման հրապարակումից հետո ամբաստանյալներ Խաչիկ Կոսյանը նրա աներորդին՝ Արտաշես Չիչոյանը, ընկերները Յուրի Հակոբյանը, Արարատ Նիկողոսյանը եւ Արթուր Զաքարյանը ներկայացրեցին իրենց կենսագրական տվյալները, ինչից հայտնի դարձավ, որ գործով հինգ ամբաստանյալներից երեքը՝ Խաչիկ Կոսյանը, Արարատ Նիկողոսյանն ու Յուրի Հակոբյանը նախկինում դատապարտված են եղել: Հիշեցնենք, որ Խաչիկ Կոսյանն աշխատել է ԴԱՀԿ-ում, նա տարիներ առաջ դատապարտվել էր 4 տարվա ազատազրկման՝ երկու աղջկա կյանք խլած վրաերթը կատարելու համար:

Այս գործով մեղադրանքը պաշտպանում են դատախազներ Վարդգես Սարգսյանն ու Ռաֆայել Երիցյանը: Պաշտպանական կողմը բացարկ հայտնեց մեղադրող դատախազ Վարդգես Սարգսյանին, որը նախաքննության ընթացքում հիշյալ գործի նկատմամբ դատավարական հսկողություն էր կատարել: Մասնավորապես Արտաշես Չիչոյանի պաշտպան Միհրան Պողոսյանը բարձրաձայնեց նախաքննության ընթացքում թույլ տրված ապօրինությունների եւ դատավարական խախտումների մասին, ինչի վրա ըստ նրա՝ վերահսկող դատախազ Սարգսյանն աչք է փակել:

Նրա խոսքով՝ դատախազն անտեսել է նաեւ իր պաշտպանյալի առողջական վիճակի հետ կապված խնդիրները: Մասնավորապես ըստ նրա՝ Չիչոյանի մոտ հոգեբանական ու հոգեբուժական խնդիրներ են ախտորոշվել, սակայն այդ ուղղությամբ՝ դրանք հերքելու կամ հաստատելու համար քննություն չի իրականացվել: Նա նաեւ ապօրինի համարեց քրեական գործի հարուցումը՝ ինքնությունները չպարզված չորս անձանց կողմից Եղիշե Խաչատրյանին սպանելու փաստի առթիվ: Այնուհետեւ «չորս անձինք» դարձել են «մի խումբ անձինք», եւ նախաքննական մարմինը «լծվել է» մեղադրյալների քանակը ապահովելու «անշնորհակալ գործին»՝ այդ «քանակը» հասցնելով վեցի:

Յուրի Հակոբյանի պաշտպան Արմեն Նադիրյանն էլ իր հերթին բարձրաձայնեց իր պաշտպանյալի անմեղության եւ դեպքի օրը նրա այլուրեքության հաստատման մասին: Ըստ նրա՝ նախաքննական մարմինը միայն դեպքից 35 օր անց է ստուգել Հակոբյանի այլուրեքությունն ապացուցող հանգամանքները, մինչդեռ նմանատիպ քննչական գործողությունները պետք է հապճեպ կատարվեին: Գործով պաշտպանները կարծիք հայտնեցին, որ մեղադրող դատախազն ի զորու չէ լինել անշահախնդիր, քանի որ գործի քննության հենց սկզբից կանխակալ վերաբերմունք է դրսեւորել:

Մեղադրող դատախազը, սակայն առարկեց միջնորդության դեմ, նշելով, որ նախաքննության ընթացքում փաստերի՝ մասնավորապես տեսանյութերի միջոցով հերքվել է Հակոբյանի այլուրեքությունը:

Լսելով պաշտպանների պնդումները՝ սպանված Եղիշե Խաչատրյանի կինը՝ տուժողի իրավահաջորդ Փառանձեմ Մեյթիխանյանը, վրդովված արձագանքեց. «Եղիշեն ինքն իրեն ընկավ՝ մեռա՞վ, կեցցե՛ք»: Նա ասաց, որ վստահում է մեղադրող դատախազին՝ հավելելով, որ նախաքննությունը դեռեւս իրեն գոհացնում է:

Դատարանը գնաց խորհրդակցական սենյակ՝ դատախազի դեմ ներկայացված բացարկի վերաբերյալ միջնորդությունը քննելու: Այս գործով հաջորդ դատական նիստը տեղի կունենա մարտի 3-ին:

Հիշեցնենք, որ 2016 թ. հունիսի 4-ին՝ ժամը 23:00-ի սահմաններում, Նուբարաշենի խճուղի 5/1 հասցեի դիմաց, ըստ մեղադրանքի, Խաչիկ Կոսյանն ու իր ընկերները վիճաբանել են 58-ամյա Եղիշե Խաչատրյանի հետ երթեւեկության կանոնները խախտելու համար դիտողություն անելու պատճառով, ապա 75-ամյա մոր ներկայությամբ հայհոյել ու բռնություն գործադրել նրա նկատմամբ՝ բազմաթիվ հարվածներ հասցնելով նրա կենսական կարեւոր օրգանի՝ գլխի, նաեւ՝ կրծքավանդակի եւ որովայնի շրջաններում։ Ստացած մարմնական վնասվածքներից Խաչատրյանը տեղում մահացել է:

Տպել
20283 դիտում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը