Հայաստանը պետք է խզի Բելառուսի հետ դիվանագիտական հարաբերությունները. փորձագետ

Ռուս հայտնի բլոգեր Անդրեյ Լապշինի՝ Ադրբեջանին արտահանձնելու վերաբերյալ ՀՀ արտգործնախարարության հայտարարությունը միանգամայն տեղին է, սակայն բավարար չէ: Հայտարարությանը պետք է հետեւեն շատ ավելի հստակ դիվանագիտական քայլեր:

Նախեւառաջ, Բելառուսում ՀՀ դեսպան Արմեն Խաչատրյանը պետք է հետ կանչվի եւ աշխատանքից ազատվի՝ ծառայողական անհամապատասխանության հոդվածով: Այնուհետ՝ Հայաստանում Բելառուսի դեսպան Իգոր Նազարուկը պետք է կանչվի ՀՀ արտգործնախարարություն, նրան պետք է տրվի առավելագույնը 48 ժամ՝ իր եղած-չեղածը հավաքելու եւ երկրի սահմանները լքելու համար: armtimes.com-ի թղթակցի հետ զրույցում նման համոզմունք հայտնեց Միջազգային եւ անվտանգության հարցերի հայկական ինստիտուտի փորձագետ Ռուբեն Մեհրաբյանը:

«Այն, ինչ տարիներ առաջ տեղի ունեցավ Հունգարիայում՝ ադրբեջանցի ոճրագործ Ռամիլ Սաֆարովին Բաքվին արտահանձնելու դեպքում, կրկնվեց նաեւ Բելառուսում: Այս պարագայում Հայաստանը պետք է խզի Բելառուսի հետ դիվանագիտական հարաբերությունները եւ ՀՀ քաղաքացիներին կոչ անի այդ երկիր չայցելել: Ավելին՝ Բելառուսի հայ համայնքին կոչ անի լքել այդ բռնապետության տարածքը եւ վերադառնալ հայրենիք: Ի վերջո, Ալեքսանդր Լուկաշենկոյի նման մի բռնապետը, որի ձեռքից շունն անգամ հաց չի վերցնի, Հայաստանի բարեկամության կարիքն ավելի շատ ունի, քան մենք իրենը»,- նշեց մեր զրուցակիցը:

Ռուբեն Մեհրաբյանի համոզմամբ՝ Հայաստանը պետք է էմբարգո սահմանի բելառուսական արտադրության ապրանքների վրա՝ այսպիսով հիմքեր ստեղծելով, որպեսզի այդպիսիք մեր երկրում չվաճառվեն:

«Մենք բելառուսական աղբի կարիքը չունենք: Եւ, ընդհանրապես, Հայաստանը պետք է վերանայի իր դաշնակիցների ցանկը: Դեռ այն ժամանակից, երբ ՄԱԿ-ում Ղրիմի հարցով քվեարկության ժամանակ Հայաստանը՝ Ռուսաստանի գլխավորությամբ հայտնվեց 11 ամենաբռնատիրական ռեժիմների կողքին, մենք մտածելու բան ունենք»,- նկատեց փորձագետը:

Անդրադառնալով ՌԴ արտգործնախարարության պաշտոնական ներկայացուցիչ Մարիա Զախարովայի՝ օրեր առաջ արած այն հայտարարությանը, թե Մոսկվան դեմ է Ալեքսանդր Լապշինին Ադրբեջանին հանձնելուն, Ռուբեն Մեհրաբյանը նկատեց, որ այդօրինակ հայտարարություններին չարժե լուրջ վերաբերվել: Ավելին՝ Ռուսաստանը հանցագործ պետություն է, որի հետ եւս Հայաստանը պետք է վերանայի իր հարաբերությունները: «Մենք կրկեսի վերածելու պետություն  չունենք: Այս խոսքերը մեկ այլ առիթով Սերժ Սարգսյանն էր ասել, սակայն դրանք հիմա էլ պետք է կրկնել»,- ամփոփեց փորձագետը:

Հիշեցնենք, որ երեկ Բելառուսն Ադրբեջանին է արտահանձնել Արցախ այցելելու համար ձերբակալված հայտնի բլոգեր Ալեքսանդր Լապշինին:

Հիշեցնենք նաեւ, որ Բելառուսի Գերագույն դատարանը երեկ կայացած դռնփակ նիստում օրինական է ճանաչել բլոգեր Ալեքսանդր Լապշինին Ադրբեջանին արտահանձնելու մասին երկրի գլխավոր դատախազության կողմից հունվարի 20-ին կայացված որոշումը:

Տպել
7122 դիտում

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ