Սերժ Սարգսյանը ողջունեց դաշինքների ձեւավորումը եւ դաշինքները սկսեցին փլուզվել

Խորհրդարանական ընտրություններին ընդառաջ մոտ 5 ամիս հայաստանյան քաղաքական ուժերը դաշինքներ կազմելու գործընթացների մեջ էին: Փետրվարի 6-ից սկսվել է ԿԸՀ դիմումներ ներկայացնելու փուլը, եւ թվում էր, թե փետրվարի առաջին շաբաթվա մեջ դաշինքների շուրջ բանակցությունները պետք է կլորանային, հերթով պաշտոնապես հայտարարվեր դրանց մասին: Շատ տարօրինակորեն, սակայն, հենց այդ ընթացքում սկսվեց բոլորովին այլ գործընթաց`այս կամ այն դաշինքին միացած կամ միանալու մտադրություն հայտնած ուժեր եւ անհատներ հայտարարեցին, որ մտքափոխվել են:

Այս պրոցեսի ծիծեռնակը եղավ նախկին ՄԻՊ Կարեն Անդրեասյանը: Վերջինս հայտնվել է «Համախմբում» կուսակցության մեջ, որն էլ ձեւավորել էր Սեյրան Օհանյան-Վարդան Օսկանյան-Վիկտոր Դալլաքյան պայմանական անունով դաշինքը: Բայց երբ Սեյրան Օհանյանը սկսեց ընդդիմադիր տեսաուղերձներ տեղադրել իր ֆեյսբուքյան էջում, Անդրեասյանի մոտ հարց առաջացավ`արդյո՞ք պաշտպանության նախկին նախարարը բարոյական իրավունք ունի ընդդիմադիր լինելու, թե՞ ոչ: Անդրեասյանը հայտարարեց, որ չի մասնակցի ընտրական գործընթացներին, եթե ձեւավորվող դաշինքը գլխավորի Սեյրան Օհանյանը:

Սրանից հետո գրեթե ամեն օր ձեւավորվող դաշինքներից այդպիսի մի լուր հրապարակվում էր. Պարույր Հայրիկյանն է մտքափոխվել եւ չի միանում Օհանյանի շուրջ դաշինքին, Արամ Գասպարի Սարգսյանը`նույնպես, Վիկտոր Դալլաքյանը դեռ չի լքել այդ դաշինքը, սակայն Սեյրան Օհանյանին համարում է ուրիշների ձեռքում խաղալիք, եւ չի բացառվում` ինքն էլ հեռանա: Ալեքսանդր Արզումանյանը հայտարարեց ՀՀՇ-ից դուրս գալու մասին, երբ հայտնի դարձավ, որ այս կուսակցությունը ընտրություններին գնալու է «Ծառուկյան դաշինքով»: Հետո լուր եղավ, որ ՀՀՇ-ն էլ չի միանում դաշինքին, այլ միայն Արարատ Զուրաբյանը:

«Ծառուկյան դաշինքի» հետ կատարվածն առհասարակ տարօրինակ էր: ԲՀԿ-ն ամեն ինչ անում էր 5 ուժերով հուշագիր ստորագրելու համար, որոնց մեջ երկու ավանդական կուսակցություններն էին`ՀՌԱԿ-ը եւ ՍԴՀԿ-ն: Պրոցեսն անշրջելի դարձնելու համար անգամ փետրվարի 3-ին ԶԼՄ-ներով լուրեր տարածեցին, թե փետրվարի 5-ին ստորագրման արարողությունը կայանալու է, եւ դաշինքը ձեւավորվելու է ԲՀԿ, «Միասնություն» շարժում, ՀՀՇ, ՍԴՀԿ, ՀՌԱԿ կազմով: Բայց այս քայլը նույնպես չօգնեց, երկու օր անց ՀՌԱԿ-ը մեծ սկանդալով, ՍԴՀԿ-ն ներքին կարգով եւ ավելի աննկատ հրաժարվեցին դաշինքից, ՀՀՇ-ից էլ մնաց Արարատ Զուրաբյանը:

Այս ընթացքում մամուլում գրվում էր, որ «Ծառուկյան դաշինքը» դառնալու է ՀՀԿ-ից հեռացած օդիոզ կերպարների, օլիգարխ պատգամավորների հավաքատեղի, նույնիսկ ակնարկվում էր Հովիկ Աբրահամյանի մասին: Սակայն այն փաստը, որ ԲՀԿ այսօրվա համագումարը զարդարում էին միայն Իշխան Զաքարյանն ու Հովիկ Աբրահամյանի որդին, կասկածելի է դարձնում նաեւ այս հեռանկարը:  

Դժվար է ասել, թե ինչու այսպես ստացվեց, ինչու ամիսներ շարունակ դաշինքների շուրջ օրուգիշեր բանակցողները ամենավերջում սկսեցին իրար չհասկանալ: Բայց ընդամենը 6 օր է մնացել, եւ այդ ընթացքում պետք է որոշումներ կայացնել: 6 օրվա մեջ գրեթե անհնար է հասնել նրան, ինչ չհաջողվեց 5 ամսվա ընթացքում: Բոլորովին զարմանալի չի լինի, եթե ԲՀԿ-ն ի վերջո հայտարարի ընտրություններին միայնակ մասնակցելու մասին: Եթե Դալլաքյանն իր կուսակցությունով լքի Օհանյան դաշինքը, կստացվի, որ «Համախմբում» կուսակցությունը նույնպես ոչ թե դաշինքով, այլ միայնակ է մասնակցելու ընտրություններին: Պարզապես եւ ԲՀԿ-ի եւ «Համախմբման» դեպքում կուսակցության ցուցակում տեղ կզբաղեցնեն այլ կուսակցություններից հրավիրված հայտնի դեմքեր, կամ անկուսակցականներ ու նախկին պաշտոնյաներ:

Ճիշտ է, «Ծառուկյան դաշինքի» համար «Ալյանսը» եւ «Միասնություն» շարժումը, գուցե նաեւ այլ փոքր կուսակցություններ դեռ կարող են իրավիճակից որոշակի ելք լինել: Սակայն հաշվի առնելով ուժային կենտրոն դառնալու, ավանդական կուսակցություններին ընդգրկելու հավակնությունները, պետք է որ ֆորմալ եւ թույլ դաշինքի հեռանկարը ԲՀԿ նախագահի համար գայթակղիչ չլինի: Նույնը վերաբերում է նաեւ Օհանյանի շուրջ ձեւավորվելիք դաշինքին, որի համար փրկօղակի դեր կարող են ստանձնել «Միասնություն Հայաստան» նախաձեռնությունն ու «Ժառանգություն» կուսակցությունը: Բայց այդ դաշինքը նույնպես հավակնությունների համեմատ շատ թույլ կլինի, եւ բացի այդ «Ժառանգություն»-ը այնպիսի վիճակում է, որ դժվար թե միասնաբար որեւէ ուժի միանալու որոշում կայացնի:

«Ազատ դեմոկրատներ»-ի եւ «Ազատություն» կուսակցության հնարավոր դաշինքից նույնպես լուրեր չկան, փոխարենը «ԱԴ»-ն համալրվում է հայտնի մարդկանցով: «Հայկական վերածնունդ» մեծ կուսակցությունից էլ այս օրերին տարբեր կուսակցություններ եւ շարժումներ են շարունակ պոկվում:

Սահմանադրական փոփոխություններից հետո մեծապես պրոպագանդված կուսակցությունների խոշորացման գաղափարը, կարծես, տապալվում է: Ավելին` Սերժ Սարգսյանը ՀՀԿ խորհրդի վերջին նիստում ողջունեց դաշինքների ձեւավորումը. «Ինչ վերաբերում է այս օրերին տեղի ունեցող դաշինքների կազմավորման գործընթացին, ապա շատ առողջ և ողջունելի գործընթաց է...»,-ասաց նա: Հունվարի 26-ին հնչած այս խոսքերից մի քանի օր անց դաշինքները սկսեցին փլուզվել: Մնում է միայն հասկանալ. դա մեկ կենտրոնից կառավարվո՞ղ, թե՞ ինքնաբուխ պրոցես էր:  

Տպել
74207 դիտում

Նիկոլ Փաշինյանը, Սասուն Միքայելյանը, Արարատ Միրզոյանը ուժով հեռացվել են հավաքի վայրից

Գյումրիում ծայրահեղ լարված իրավիճակ է, ցույցին են միացել շուկաների առեւտրականները

Նիկոլ Փաշինյանին ուժայինները տարան, ցույցը ցրելու հատուկ միջոցներ են կիրառում. թարմացվող

Հայաստանի նոր նախագահը հանդիպել է ցուցարարների հետ. BBC-ի անդրադարձը

Եթե Սարգսյանը հրաժարական չտա՝ ժողովուրդը չի դադարեցնի գործողությունները. Սերժ Թանկյան

Վանաձորում բերման ենթարկվածներից մեկը տեղափոխվել է հիվանդանոց (լուսանկարներ)

«Դուք մարտի 1-ից դասեր չեք քաղել, ժողովրդի անունից մի խոսեք». ասաց Ս. Սարգսյանն ու հեռացավ

Ձերբակալել են ՄերժիրՍերժին նախաձեռնության անդամ Դավիթ Սանասարյանին

Գյումրի.«Նիկոլ, դուխով, հավեսով». պայքարը նոր թափ է հավաքում, ոտքի է կանգնել ողջ Գյումրին

Գյումրիում լարված իրավիճակ է, ցույցերի մասնակիցներին բերման են ենթարկում, տանում Երեւան

Հրատապ. Վաղը Նիկոլ Փաշինյանն ու Սերժ Սարգյանը բանակցելու են վարչապետի հրաժարականի շուրջ

Արմեն Սարգսյանը հանդիպել է Սերժ Սարգսյանին

Յուրաքանչյուրը պետք է զիջումների գնա, որպեսզի պահպանի ազգի միասնությունը. Շառլ Ազնավուր

ԹԻՀԿ-ի հայտարարությունը` Լեւոն Բարսեղյանի և Արմեն Գրիգորյանի բերման ենթարկվելու մասին

Վանաձորում ցույցերը շարունակվում են. դարձյալ բերման ենթարկվածներ կան

ՀՀ ԱԻՆ-ի կոչը քաղաքացիներին` լինել զգոն, խուսափել հանրային անվտանգության խաթարումից

Փաշինյանը կբանակցի Սերժ Սարգսյանի հրաժարականից հետո, բայց ոչ կառավարական շենքերում

Արցախա-ադրբեջանական շփման գծում հակառակորդի կողմից խախտվել է հրադադարի ռեժիմը. ԱՀ ՊՆ

Ոստիկանները Վանաձորում փորձեցին ցրել ցույցը, սակայն չհաջողվեց

Բացառել ցանկացած տեսակի բռնություն, ատելության ու բռնության կոչերի տարածում. ՄԻՊ