Ազատության հրապարակում տրնգի պարողներն են Մարտի 1-ի պատասխանատուները. Արթուր Բաղդասարյան

Վերածնունդն իսկապես պետք է լինի «Հայկական վերածնունդ» կուսակցության պայքարի կիզակետում: Մենք ընդդիմադիր ենք իշխանությանը, մենք ընդդիմադիր ենք Սերժ Սարգսյանին: Պարզ է, որ Հայաստանում կա քաղաքական եւ տնտեսական մենիշխանություն, մինչդեռ մենք խոսում ենք բալանսավորված իշխանության մասին: Լրագրողների հետ այսօր կայացած հանդիպման ժամանակ այս մասին ասաց «Հայկական վերածնունդ» կուսակցության նախագահ Արթուր Բաղդասարյանը՝ միաժամանակ հավելելով, որ կուսակցության նախընտրական շտաբի ղեկավար, որպես այդպիսին, չի լինի: Քարոզչական հարցերով կզբաղվի կուսակցության մամուլի քարտուղար Էդգար Ղազարյանը, կազմակերպչական հարցերով՝ կուսակցության փոխնախագահ Հեղինե Բիշարյանը:

«Մեր ցուցակում մականունավոր անձինք չկան: Բուն ցուցակը ԿԸՀ կներկայացվի մեկ-երկու ժամից: Իսկ եթե մինչ ընտրությունները կամ ընտրություններից հետո ընտրակաշառքներ բաժանվեն, մենք բարձրաձայնելու ենք այդ մասին»,- հայտարարեց Արթուր Բաղդասարյանը:

Հարցին՝ չի՞ վախենում, որ «կաշիներդ կքերթեմ» բառերը կվախեցնեն իր թիմակիցներին (կուսակցության վերջին համագումարում այսպես էր դիմել իր թիմակիցներին Բաղդասարյանը՝ ակնարկելով ընտրությունների օրը վատ աշխատելու հնարավորությունը՝ խմբ.), Բաղդասարյանը նկատեց. «Ես խոսել եմ իմ թիմակիցների հետ եւ ասել ժողովրդական դարձվածք՝ կաշիներդ կքերթեմ, եթե լավ չաշխատեք: Այդ դահլիճում նստած մարդիկ հասկացել ու ծափահարել են ինձ, ես նրանց հետ 20 տարվա ճանապարհ եմ անցել»,- ընդգծեց Արթուր Բաղդասարյանը:

Անդրադառնալով «Հայկական վերածնունդ» կուսակցության փոխնախագահ Հեղինե Բիշարյանի՝ կուսակցությանը վարկաբեկել պատրաստվողների աչքերը սեփական մատներով հանելու հայտարարությանը, Արթուր Բաղդասարյանն ընդգծեց, որ գուցե նրա խոսքը մի քիչ էմոցիոնալ է հնչել: Կուսակցությունում, սակայն այդ հարցին ընդհանրապես անդրադարձ չի եղել:

ՀՎԿ նախագահը նաեւ շեշտեց, որ իշխանություններն ու ընդդիմությունները հավերժական չեն, եւ չբացառեց որեւէ ուժի հետ ապագա գործակցությունը: «Պետք է առուն թռնենք, նոր հոպ ասենք: Նախ՝ պետք է ընտրությունները կայանան: Մենք չենք լինի միայն այն կոալիցիայում, որտեղ չենք ունենա որոշումների վրա ազդելու հնարավորություն: Մենք վստահաբար չենք պայքարում զուտ ԱԺ մուտք գործելու համար, մենք ձգտում ենք ավելի բարձր նշաձողի»,- ընդգծեց նա:

Վերջում Արթուր Բաղդասարյանն անդրադարձավ իր ղեկավարած քաղաքական ուժի՝ Մարտի 1-ի հետ առնչությանը՝ հայտարարելով, որ ՕԵԿ-ը, իսկ հիմա արդեն «Հայկական վերածնունդը», Մարտի 1-ի համար պատասխանատվություն չի կրում: «Եթե Հայաստանում տեղի ունենային նույն ցնցումները, որոնք տեղի ունեցան Ուկրաինայում, ի՞նչ պետք է անեինք: Նրանք, ովքեր Ազատության հրապարակի տերերն էի, հենց նրանք են պատասխանատվություն կրում, նրանք, ովքեր այնտեղ հավաքել էին ժողովրդին եւ տրնգի էին պարում»,- ամփոփեց կուսակցության ղեկավարը:

Հիշեցնենք, որ Արթուր Բաղդասարյանը քիչ առաջ ներկայացրել է կուսակցության նախընտրական ցուցակը:

Տպել
3043 դիտում

Երկրում 3 մլն վարչապետ լինելը ոչ թե թերություն է, այլ առավելություն. Նիկոլ Փաշինյան

Դավիթ Տոնոյանը աշխատանքային այցով ժամանել է Աֆղանստան

Աբրահամ Մանուկյանի որդին ինքնաբացարկ է հայտարարել եւ լքել ԲՀԿ ցուցակը

Արթուր Գեւորգյանը չի մասնակցի ԱԺ ընտրություններին. կենտրոնանում է բռնցքամարտի վրա

«Իմ քայլի» քվեաթերթիկը չորրորդն է, ՀՀԿ-ինը՝ առաջինը, ԲՀԿ-ն՝ 11-րդը. ԿԸՀ-ն համարներ տրամադրեց քաղաքական ուժերին

ՀՀ առաջնությանը սկանդալի պատճառով չմասնակցած բռնցքամարտիկների առաջ արգելքներ չեն լինի

Բակո Սահակյանը՝ Ֆրանսիայում. Բաքվում սրտնեղում են

«Կենտրոնի Կյաժ» մականունով հայտնի Դավիթ Սիմոնյանն իրեն մեղավոր չճանաչեց

«Իմ քայլը» դաշինքի քվեաթերթիկի համարն է 4-ը

Բնակարանային գողությունը բացահայտվել է. երկու անձի մեղադրանք է առաջադրվել

Ucom-ում կտրուկ գնիջեցում է Samsung սմարթֆոնների համար

Արտագնա աշխատանքի մեկնած քաղաքացիների եկամուտների հարկման որեւէ նախագիծ կամ գաղափար առկա չէ. ՊԵԿ-ի պարզաբանումը

Իր լոլիկը վաճառող գյուղացին չի հարկվելու, որովհետեւ օրենսդրությամբ այդ եկամուտն ազատված է հարկումից․ ՊԵԿ նախագահ

Խնածախի այրված 4 տներին 190 միլիոն դրամի փոխհատուցում է հարկավոր՝ Սյունիքի մարզպետարանը չունի

ՀՀԿ ցուցակի 17-րդ համարը` Հովիկ Աբովյանը, 3 թանկարժեք մեքենա եւ մի քանի անշարժ գույք ունի

Առանց հանրային քննարկման հարկային բեռի ավելացում չի լինելու. Արարատ Միրզոյան

Հայաստանի ազգային ագրարային համալսարանում տարեվերջին նոր ռեկտոր կընտրեն

Սխալ եք մեկնաբանում, այդպիսի բան չկա. Փաշինյանը՝ խոպանից եկած փողերը հարկելու մասին

Գյումրու ծննդատունը 49 մլն-ի պարտք ունի. ինչպե՞ս է այն գոյացել

Կաշառք վերցնող պաշտոնյաներին հատ-հատ բռնելու ենք. Նիկոլ Փաշինյան