Վահան Շիրխանյանը ցավեր է ունեցել, չի կարողացել անկողնուց վեր կենալ

17/02/2017 schedule20:26

2015 թ. Նորքում ԱԱԾ-ի կողմից մեծ աղմուկով վնասազերծված զինված խմբի գործով արդեն մոտ երկու ամիս է դատաքննություն սկսել չի հաջողվում: Այս գործով այսօր դատավոր Արմեն Բեկթաշյանի նախագահությամբ պետք է տեղի ունենար հերթական դատական նիստը. այսպիսով այս նիստն արդեն հինգերորդ անգամ հետաձգվում է: Եթե նախորդ չորրորդ անգամները նիստը հետաձգվում էր ՀՀ պաշտպանության նախկին փոխնախարար Վահան Շիրխանյանին դատարան չներկայացվելու պատճառով, ապա այս անգամ՝ ամբաստանյալներից մեկի փաստաբանի արձակուրդ գնալու պատճառով:

Ինչ վերաբերում է այս գործով ամբաստանյալ Վահան Շիրխանյանին, ապա նրա առողջական վիճակը ծանր է, դրական փոփոխություն չկա: Այս մասին մեր զրույցում ասաց նրա պաշտպան Հայկ Ալումյանը, որն այսօր է տեսակցել իր պաշտպանյալին: Մեր զրույցում Ալումյանն ասաց, որ Վահան Շիրխանյանին «Երեւան-Կենտրոն» ՔԿՀ-ից «Արմավիր» քրեակատարողական հիմնարկ չեն տեղափոխի, քանի որ հիմքեր չկան: «Ինձ երեկ ՀՀ քրեակատարողական վարչությունից փոխանցել են հետեւյալը. «Ի պատասխան Ձեր գրության հայտնում եմ, որ կալանավորված Վահան Գրիգորի Շիրխանյանին այլ քրեակատարողական հիմնարկ տեղափոխելու համար հիմքեր չկան»,- ասաց Վահան Շիրխանյանի պաշտպան Հայկ Ալումյանը՝ փոխանցելով ՀՀ քրեակատարողական վարչության պատասխանը:

Նշենք, որ մի քանի օր առաջ Ալումյանը բարձրաձայնեց իր պաշտպանյալին «Արմավիր» ՔԿՀ տեղափոխելու խնդիրը, ինչի հետ կապված նաեւ մի շարք բողոքներ էր ներկայացրել: Բացի դա, փետրվարի 11-ին ՔԿՀ աշխատակիցները փաստաբանին թույլ չեն տվել տեսակցել Վահան Շիրխանյանին: Վերջինս առողջական վատ վիճակի պատճառով չի գնացել տեսակցությունների սենյակ, փոխարենը խնդրել է պաշտպանին ուղեկցել իր խուց, սակայն մերժվել է: Մեր զրույցում Ալումյանն ասաց, որ Վահան Շիրխանյանն իրեն փոխանցել է, որ այդ օրն իրեն այնքան վատ է զգացել, ցավեր է ունեցել, որ չի կարողացել անկողնուց վեր կենալ:

Զինված խմբի գործով հաջորդ դատական նիստը տեղի կունենա մարտի 10-ին ժամը 14:30-ին:

Այս գործով մեղադրանք է առաջադրվել մի քանի տասնյակ մարդու, ովքեր մեղադրվում են հանցավոր համագործակցություն ստեղծելու եւ ղեկավարելու (Քրեական օրենսգրքի 223-րդ հոդվածի 1-ին մաս), հանցավոր համագործակցությանը մասնակցելու (Քրեական օրենսգրքի 223-րդ հոդվածի 2-րդ մաս) եւ կազմակերպված խմբի կողմից ապօրինի կերպով հրազեն, ռազմամթերք, պայթուցիկ նյութեր ձեռք բերելու, իրացնելու, պահելու, փոխադրելու եւ կրելու (Քրեական օրենսգրքի 235-րդ հոդվածի 3-րդ մաս) համար: Գործով անցնում են խմբի ղեկավար Արթուր Վարդանյանը, ՀՀ պաշտպանության նախկին փոխնախարար Վահան Շիրխանյանը, Հայր Անտոն Թոթոնջյանը եւ այլք:

Տպել
1028 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)