26 պատգամավոր միացել է Հաց բերողի համար կազմակերպված ստորագրահավաքին (տեսանյութ)

Ազգային ժողովի պատգամավոր Էդմոն Մարուքյանը ԱԺ քառօրյա նիստի մեկնարկին հայտարարեց, որ ինքն ու ԱԺ պատգամավոր Նիկոլ Փաշինյանն առավոտյան այցելել են «Դատապարտյալների հիվանդանոց» քրեակատարողական հիմնարկում գտնվող Արթուր Սարգսյանին (Հաց բերող), որն արդեն 17 օր է` հացադուլ է հայտարարել:

Էդմոն Մարուքյանը պատգամավորներին տեղեկացրեց, որ Սարգսյանի խափանման միջոցը փոխելու միջնորդություն-երաշխավորագիր է պատրաստել եւ առաջարկեց պատգամավորներին միանալ ստորագրահավաքին:

«Շատ ծանր վիճակի մեջ է: Հիմա նրա կյանքը փրկելու համար միակ տարբերակը խափանման միջոցը փոխելն է, ինչի վերաբերյալ հիմա միջնորդություն ենք ներկայացրել՝ անձնական երաշխավորություն: Եթե պատգամավորները, մեր գործընկերները կցանկանան, կարող են միանալ, ես իմ սենյակում կպահեմ թերթիկը, ընդմիջման ժամին կարող եք միանալ, ներկայացնենք գլխավոր դատախազին` խափանման միջոցը փոխելու համար, որի արդյունքում էդ մարդու կյանքը կփրկվի»,- ասաց Էդմոն Մարուքյանն՝ ընդգծելով, որ բացի այս տարբերակից նրան հացադուլից հանելու այլ տարբերակներ չկան:

Ավելի ուշ ԱԺ պատգամավոր Նիկոլ Փաշինյանն իր ֆեյսբուքյան էջում գրառում կատարեց՝ նշելով, որ Հաց բերող Արթուր Սարգսյանի խափանման միջոցը փոխելու հարցով ԱԺ-ում ընթանում է ստորագրահավաք:

«Այս պահին, բացի Էդմոն Մարուքյանից եւ ինձնից, ստորագրահավաքին միացել են պատգամավորներ «Ժառանգություն», ՀԱԿ, ԲՀԿ, ՕԵԿ, ՀՅԴ խմբակցություններից: Ամբողջական ցանկը կներկայացնենք ավելի ուշ»,- գրել է Նիկոլ Փաշինյանը:

Ավելի ուշ Նիկոլ Փաշինյանն այս խնդրի հետ կապված եւս մեկ գրառում է կատարել՝ նշելով, որ 26 պատգամավոր միացել է ստորագրահավաքին:

Նշենք, որ այսօր Երեւանի Ազատության հրապարակում ժամը 18:00-ին Արթուր Սարգսյանին աջակցելու նպատակով ակցիա է նախատեսված: Միջոցառման մասին ֆեյսբուք սոցիալական ցանցում միջոցառում է ստեղծվել:

Արթուր Սարգսյանը 2016 թվականի հուլիսի 26‐ին սեփական մեքենայով մուտք էր գործել ՀՀ ոստիկանության Երեւան քաղաքի ՊՊԾ գունդ եւ սնունդ փոխանցել գնդում գնվող «Սասնա ծռեր» խմբավորման անդամներին: Վերջիններիս հետ նա հուլիսի 31‐ին դուրս եկավ ՊՊԾ գնդի տարածքից եւ հանձնվեց իրավապահներին: Արթուր Սարգսյանը ձերբակալվեց, ապա՝ կալանավորվեց: Նա մեղադրվում է ՀՀ քրեական օրենսգրքի 218 հոդվածի 3‐րդ մասի 1‐ ին կետով (պատանդ վերցնելը) և 235 հոդվածի 3‐րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը) նախատեսված արարքները կատարելու հատկանիշներով: 2016 թվականի հունվարի 31‐ին նշված քրեական գործի օրինականությունը վերահսկող դատախազի որոշմամբ՝ Արթուր Սարգսյանի կալանքը որպես խափանման միջոց փոխարինվեց ստորագրություն չբացակայելու մասին, սակայն 2017 թվականի փետրվարի 9‐ին կրկին կալանավորվեց, իսկ դատապարտյալների հիվանդանոց տեղափոխվելուց հետո անժամկետ հացադուլ սկսեց: Արթուր Սարգսյանը մասնագիտությամբ մանկավարժ է, սակայն 27 տարի է՝ զբաղվում է փորագրությամբ: Արթուրը տարբեր ոճի գործեր է փորագրում՝ զարդատուփեր, փայտե փորագրությամբ ժամացույցներ, արեւային ժամացույցներ, մրգամաններ, որոնք Վերնիսաժում վաճառվում են: Նա վատառողջ է եւ պատիժը կրելու հետ անհամատեղելի հիվանդություն ունի:

Տպել
19235 դիտում

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ