Գլխավոր դատախազությունը ստացել է Հաց բերողի հարցով ԱԺ 27 պատգամավորի երաշխավորագիրը

ՀՀ գլխավոր դատախազությունն այսօր ստացել է Ազգային ժողովի պատգամավորների ստորագրություններով անձնական երաշխավորագիրը՝ Հաց բերող Արթուր Սարգսյանի խափանման միջոցը փոխելու վերաբերյալ: Այս մասին Armtimes.com-ը տեղեկացավ դատախազության հանրային կապերի բաժնից, որտեղից խոստացան՝ նամակի քննարկման ընթացքի մասին առաջիկայում հավելյալ կտեղեկացնեն:

Արթուր Սարգսյանն արդեն 18 օր է՝ հացադուլի մեջ է, գտնվում է ՀՀ արդարադատության նախարարության «Դատապարտյալների հիվանդանոց» քրեակատարողական հիմնարկում:

Արթուր Սարգսյանի խափանման միջոցը փոխելու երաշխավորագրի նախաձեռնությունը ԱԺ պատգամավորներ Էդմոն Մարուքյանինն ու Նիկոլ Փաշինյանինն է, որին միացավ եւս 24 պատգամավոր, իսկ ԱԺ անկախ պատգամավոր Խաչատուր Քոքոբելյանը տեխնիկական պատճառներով չհասցրեց ստորագրել այդ ձեւաթղթի տակ եւ առանձին նամակ-երաշխավորագիր ուղարկեց գլխավոր դատախազ Արթուր Դավթյանին: Ստորագրահավաքին մասնակցած պատգամավորները ՀԱԿ, Բարգավաճ Հայաստան, Օրինաց Երկիր, Ժառանգություն եւ Դաշնակցություն խմբակցություններից են:

Այս նախաձեռնությանը զուգահեռ «Քաղաքացիական պայմանագիր» կուսակցության վարչության անդամ Ալեն Սիմոնյանը եւս անձնական երաշխավորության վերաբերալ ստորագրահավաք էր նախաձեռնել: Այդ երաշխավորագրի տակ էլ ստորագրել են հետեւյալ անձինք՝ Հայկ Մարությանը (Կարգին Հայկո), Թագուհի Թովմասյանը (Ժողովուրդ օրաթերթ), Արմինե Օհանյանը (Հրապարակ օրաթերթ), Արամ Հարությունյանը (Asekose.am կայք), Խաչատուր Սուքիասյանը (գործարար), Արթուր Իսպիրյանը (երաժիշտ), Արամ Աբրահամյանը (Առավոտ թերթ), Պետրոս Ղազարյանը (Կենտրոն TV), Անժելա Թովմասյանը (հայելի.ամ), Արմեն Դուլյանը (Կենտրոն TV), Ալեն Սիմոնյանը (ԵԼՔ դաշինք), Վարուժան Բաբաջանյանը (Past.am կայք), Փայլակ Ֆահրդանյանը (Araratnews.am կայք), Հովհաննես Ազոյանը (դերասան), Սաթիկ Սեյրանյանը (168 ժամ թերթ), Հայկ Գեւորգյանը (Հայկական ժամանակ) եւ այլք:

Արթուր Սարգսյանը 2016 թվականի հուլիսի 26‐ին սեփական մեքենայով մուտք էր գործել ՀՀ ոստիկանության Երեւան քաղաքի ՊՊԾ գունդ եւ սնունդ փոխանցել գնդում գնվող «Սասնա ծռեր» խմբավորման անդամներին: Վերջիններիս հետ նա հուլիսի 31‐ին դուրս եկավ ՊՊԾ գնդի տարածքից եւ հանձնվեց իրավապահներին: Արթուր Սարգսյանը ձերբակալվեց, ապա՝ կալանավորվեց: Նա մեղադրվում է ՀՀ քրեական օրենսգրքի 218 հոդվածի 3‐րդ մասի 1‐ ին կետով (պատանդ վերցնելը) և 235 հոդվածի 3‐րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը) նախատեսված արարքները կատարելու հատկանիշներով: 2016 թվականի հունվարի 31‐ին նշված քրեական գործի օրինականությունը վերահսկող դատախազի որոշմամբ՝ Արթուր Սարգսյանի կալանքը որպես խափանման միջոց փոխարինվեց ստորագրություն չբացակայելու մասին, սակայն 2017 թվականի փետրվարի 9‐ին կրկին կալանավորվեց, իսկ դատապարտյալների հիվանդանոց տեղափոխվելուց հետո անժամկետ հացադուլ սկսեց: Արթուր Սարգսյանը մասնագիտությամբ մանկավարժ է, սակայն 27 տարի է՝ զբաղվում է փորագրությամբ: Արթուրը տարբեր ոճի գործեր է փորագրում՝ զարդատուփեր, փայտե փորագրությամբ ժամացույցներ, արեւային ժամացույցներ, մրգամաններ, որոնք Վերնիսաժում վաճառվում են: Նա վատառողջ է եւ պատիժը կրելու հետ անհամատեղելի հիվանդություն ունի:

Տպել
25888 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին