«Օհանյան-Րաֆֆի-Օսկանյան» դաշինքը գնում է իշխանափոխության

«Հերիք է, որ մեր քաղաքացիներն ապրեն անարժանապատիվ, հերիք է, որ անարդարությունը բախի նրանց դռները, հերիք է, որ քաղաքացին աղքատության ճիրաններում ապրի, հերիք է, որ մենք իշխանություններին հնարավորություն տանք գրպանահատությամբ զբաղվել»,- «Մոսկվա» կինոթատրոնում «Օհանյան-Րաֆֆի-Օսկանյան» դաշինքի նախընտրական ծրագրի ներկայացման ժամանակ հայտարարեց «Ժառանգության» փոխնախագահ Արմեն Մարտիրոսյանը՝ հավելելով, որ գալիս են իշխանափոխություն իրականացնելու եւ արժանապատվությունը վերականգնելու համար։

«Օհանյան-Րաֆֆի-Օսկանյան» դաշինքի նախընտրական ծրագիրը ներկայացրեց «Համախմբում» կուսակցության անդամ Ստեփան Մարգարյանը։ Նրա խոսքով՝ այն առաջարկում է լուծումներ՝ երկրի առջեւ ծառացած խնդիրներին, ընդգրկում է երկրի զարգացման մեկ տարվա ծրագիր՝ «365 օր» անվանումով։

Ներկայացնելով ծրագրի առանցքային կետերը Մարգարյանը նշեց, որ պատրաստվում են բարձրացնել բանակի պայմանագրային զինծառայողների աշխատավարձը, դեմոգրաֆիկ խնդիրների լուծման համատեքստում առաջարկում են մայրական կապիտալի գաղափարը, արմատական լուծումներ են առաջարկում փոքր բիզնեսի համար։

«Պետք է վերացնել կարմիր գծերի եւ արագաչափերի հետ կապված արհեստական տույժ տուգանքները: Տաքսի ծառայություններն ու ինտերնետային տաքսի ծառայությունները պետք է ունենան նույն կարգավիճակը եւ գործեն նույն իրավական դաշտում, մինչեւ 60 մլն դրամ տարեկան շրջանառությունը պետք է ազատվի հարկերից: Գյուղերի զարգացումը դարձնելու ենք համազգային նշանակության խնդիր»,-ասաց Մարգարյանը։

Ծրագիրն անդրադառնում է նաեւ բուժաշխատողների, ուսուցիչների պետական աշխատավարձերին, փոքր բիզնեսին եւ այլ խնդիրների։

Ըստ Ստեփան Մարգարյանի՝ այս կետերն իրատեսական են եւ մասնագիտական փորձաքննություն անցած։

ՕՐՕ դաշինքը գլխավորող, պաշտպանության նախկին նախարար Սեյրան Օհանյանն էլ նշեց, որ իրենց շարքերում կանգնած են փորձառու, տարբեր պաշտոններ զբաղեցրած գործիչներ, իրենց կողքին են հազարավոր ազատամարտիկներ, բազմաթիվ կրթված երիտասարդներ, որոնց հետ միասին գնալու են դեպի հաղթանակ:

«Մեր ամենաուժեղ զենքը մեր բոլոր հայրենակիցների մոտ վաղվա նկատմամբ հավատ արթնացնելն է: Իսկ նրանք, ովքեր կփորձեն հասնել իրենց նպատակին կաշառքի, սպառնալիքի եւ կեղծիքի միջոցով, միայն կթեժացնեն հոռետեսության, անհուսության մթնոլորտը բազմապատկելով հասարակության արհամարհանքը, ատելությունն իրենց նկատմամբ»,-ասաց Օհանյանը՝ նույնպես հավելելով, որ գնում են իշխանափոխության։

Տպել
2459 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին