Տարոն Մարգարյանը հերքում է, որ լարված հարաբերություններ ունի Միհրան Պողոսյանի հետ

Ավան համայնքում նախընտրական քարոզարշավի շրջանակներում վարչպետ Կարեն Կարապետյանի եւ քաղաքացիների հանդիպմանը եկել էր նաեւ Երեւանի քաղաքապետ Տարոն Մարգարյանը: Ավանում նորից ռեյտինգային ընտրակարգով առաջադրվել է պատգամավոր Ռոբերտ Սարգսյանը, որը Տ.Մարգարյանի կնոջ եղբայրն է: Եվ քաղաքապետն աջակցում է իր բարեկամին: Երեւանի թիվ մեկ ընտրատարածքում է առաջադրվել նաեւ ԴԱՀԿ նախկին պետ Միհրան Պողոսյանը, որը, սըտ մամուլի հրապարակումների, արդեն հասցրել է լարված հարաբերություններ ձեւավորել թե՛ Տ.Մարգարյանի, թե Ռ.Սարգսյանի հետ: Այս ու այլ թեմաների շուրջ Տարոն Մարգարյանի հետ լրագրողների հարցուպատասխանը:

- Պարոն Մարգարյան, բացառո՞ւմ եք, որ ձեր կուսակցության՝ ռեյտինգային ընտրակարգով առաջադրված թեկնածուններն ընտրողներին ընտրակաշառք կառաջարկեն:

- Բնականաբար, բացառում ենք եւ դատապարտում, դա կլինի մեր թիմակիցը, թե այլ կուսակցության անդամը: Դա օրենքով թույլատրելի չէ:

- Ինչպե՞ս եք գնահատում ապրիլյան պատերազմի զոհերի մայրերին այդ քարոզարշավում օգտագործելու փաստը: Ճի՞շտ եք համարում, որ որդի կորցրած մայրը բեմում շնորհակալություն հայտնի ռեյտինգային ընտրակարգով առաջադրված Միհրան Պողոսյանին:

- Եթե մարդիկ այդ քարոզչությանը մասնակցելու ցանկություն չունենային, որեւէ մեկը նրանց զոռով չէր բերի: Ոչ մեկին ստիպողական չեն բերում եւ շնորհակալություն հայտնել չեն տալիս:

- Ռեյտինգային ընտրակարգի արդյունքում մրցակցություն կա նաեւ Հանրապետական կուսակցության ներսում: Հենց այս թիվ մեկ ընտրատարածքում ՀՀԿ-ի ռեյտինգային թեկնածուների հարաբերությունները բավական լարված են: Դուք այստեղ նախընտրած թեկնածու ունե՞ք:

- Թիվ 1 ընտրատարածքում կա 13 թեկնածու, Ավան վարչական շրջանից էլ՝ երկու թեկնածու: Ավանի բնակիչները երկուսին էլ լավ ճանաչում են եւ ապրիլի 2-ին իրենց քվեն կտան նրան, ում լավ են ճանաչում, ով եղել է բնակչության կողքին:

- Դուք Ռոբերտ Սարգսյանի՞ն եք աջակցելու:

- Ես աջակցելու եմ 13 թեկնածուներին:

- Տեղյա՞կ եք, որ Ռոբերտ Սարգսյանն անցած հինգ տարիներին Ազգային ժողովում որեւէ ելույթ չի ունեցել:

- Պարոն Սարգսյանն ասել է, որ ինքն ավելի շատ աշխատել է, քան թե խոսել:

- Նա օրինագծեր էլ չի ներկայացրել, այդ աշխատանքն ինչպե՞ս է դրսեւորվել:

- Դա իրեն հարցրեք:

- Կարծիք կա, որ դուք էլ լարված հարաբերություններ ունեք Միհրան Պողոսյանի հետ եւ աջակցում եք Ռոբերտ Սարգսյանին:

- Միհրան Պողոսյանը, ինչպես Ռոբերտ Սարգսյանը այս ընտրատարածքի թեկնածուներ են: Իսկ Ռոբերտ Սարգսյանն իմ աջակցության կարիքը չունի: Ավանցիները աջակցում են Ռոբերտ Սարգսյանին:

- Տեղեկություններ են շրջանառվում, թե ՀՀԿ-ի ռեյտինգային թեկնածուները սպասում են, տեսնեն, թե Ծառուկյան դաշինքը որքան ընտրակաշառք կբաժանի, որ իրենք էլ ըստ այդմ իրենց ընտրակաշառքի չափը ճշտեն:

- Կարծում եմ, բոլոր ռեյտինգային թեկնածուներն իրենց քարոզչական տակտիկան ունեն: Դուք տեսնում եք, որ մամուլում եւ սոցցանցերում մեր թեկնածուներն ակտիվ՝ իրենց քարոզչությունն են իրականացնում:

- Շուտով կավարտվեն Երեւանի քաղաքապետի պաշտոնում ձեր լիազորությունները, դուք նորից քաղաքապետ դառնալու ցակնություն ունե՞ք:

- Քաղաքապետարանն ու քաղաքային տնտեսությունը շատ աշխատանք է կատարելու, եւ ոչ մեկ տարում, ոչ չորս տարում, ոչ էլ հինգ տարում հնարավոր չէ ավարտին հասցնել այդ աշխատանքները: Բնականաբար, մենք դեռ կիսատ աշխատանքներ ունենք: Եվ հանրապետականներս ու մենք փորձառու թիմ ենք, ու մենք պատկերացնում ենք Երեւանի խնդիրներն ու գիտենք դրանց լուծումները:

- Դուք պատկերացնո՞ւմ եք ձեզ օրենսդիր աշխատանքում:

- Ես ձեզ ասացի, որ մենք դեռ կիսատ աշխատանքներ ունենք Երեւան քաղաքում:

Տպել
2440 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին