Խոնարհվեցի Հաց բերողի աճյունի առաջ, ամոքում չկա այս վշտին. Նիկոլ Փաշինյան

16/03/2017 schedule18:49

«Խոնարհվեցի Հաց բերողի աճյունի առաջ, խոսեցի բժիշկների հետ, տեսա սգավոր հարազատներին: Ամոքում չկա այս վշտին։ Սա բոլորիս վիշտն է։ Հաց բերողը չկա»,- անդրադառնալով ՊՊԾ գնդի գրավման օրերին «Սասնա ծռեր» խմբին հաց հասցրած Արթուր Սարգսյանի մահվանը՝  ֆեյսբուքյան իր էջում այս մասին գրել է ԱԺ պատգամավոր Նիկոլ Փաշինյանը:

Նրա կարծիքով՝ իշխանությունը, ըստ էության, խոշտանգելով սպանեց Հաց բերողին: 

«Արմենիա» հանրապետական հիվանդանոցում, որտեղ այսօր մահացել է Սարգսյանը, Նիկոլ Փաշինյանը լրագրողների հետ զրույցում նաեւ խոսել է Հաց բերողի մահվան հանգամանքների մասին: Նա հիշեցրել է, որ ինքն ու պատգամավոր Էդմոն Մարուքյանը բազմիցս բարձրաձայնել էին, որ Արթւոր Սարգսյանի կյանքին վտանգ է սպառնում «Դատապարտյալների հիվանդանոցում»:

«Գլխավոր դատախազի հետ հանդիպման ընթացքում մենք ասել ենք, որ այս իրավիճակում մենք կարծում ենք, որ նրա կյանքին վտանգ է սպառնում, եւ եթե որեւէ մեկը հույս ունի, որ Արթուր Սարգսյանը հացադուլ է անելու 1-2 օր եւ դադարեցնի, դա այդպես չի: Այսինքն՝ իրավիճակը բոլորս գիտակցել ենք եւ դա է պատճառը, որ բոլոր հնարավոր ջանքերը գործադրեցինք, որ Հաց բերողի խափանման միջոցը փոխվի: Եվ անկեղծ ասած, մենք հույս ունեինք, որ դրանով փրկեցինք Հաց բերողին, բայց մեր հույսերը չարդարացան»,- ասել է Փաշինյանը:

Լրագրողի հարցին, թե արդյոք իշխանություններն իրենց մեղքի բաժինն ունեն Արթուր Սարգսյանի մահվան մեջ՝ Փաշինյանը պատասխանել է. «Եվ կալանքից ազատելու, նորից կալանավորելու, այդ բոլոր որոշումները կայացվեցին ամենաբարձր մակարդակով. այստեղ տարակարծություն լինել չի կարող»:

Նա նաեւ հիշեցրել է, որ այն հիվանդությունը, որով տառապում էր Արթուր Սարգսյանը, ըստ Կառավարության սահմանած ցանկի՝ համատեղելի չէր կալանքի ռեժիմի հետ: Թե ինչու փետրվարին նրան նորից կալանավորեցին այս պարագայում՝ ըստ Փաշինյանի, դա չի բացատրվել:

«Այո, իշխանությունը, այո համակարգը, այո Քննչական կոմիտեն, այո, գլխավոր դատախազությունը, այո գլխավոր դատախազը, այո ՀՔԾ քննիչը, այո ՀՔԾ պետը, իհարկե մեղավոր են. կներեք, մեղավոր են բոլոր այն մարդիկ, որ ոչինչ չարեցին, որ այդ մարդը ազատության մեջ հայտնվի»,- ընդգծել է ԱԺ պատգամավորը:

Խոսելով «Հաց բերող» երեւույթի մասին՝ Փաշինյանը հավելել է, որ «սա շատ դաժան, շատ տխուր եւ սոսկալի իրավիճակ է եւ Հայաստանի պատմության մեջ այսպիսի էջ չպետք է լիներ»:

«Սա վատ էջ է Հայաստանի պատմության համար, որովհետեւ սա ցույց է տալիս, որ ՀՀ-ում իրավիճակն այնպիսի է, որ արժեքները ոտնատակ են արվում ամեն օր: Ինչո՞ւ են այսքան մարդիկ այստեղ հավաքված, որովհետեւ Արթուր Սարգսյանին մենք բոլորս ընկալում ենք որպես մեր ազգային արժեքների կրող մարդ, որը ինչ-որ իրավիճակում կանգնել է մեզնից յուրաքանչյուրի արժանապատվության համար: Մենք կարծում ենք, որ հենց այդ արժեքների վրա է ձեւավորվում ժողովրդական իրավական պետությունը: Այդ արժեքները այսօր ոտնահարվել են...Արթուր Սարգսյանը սիմվոլ է եւ Արթուր Սարգսյանը այսօր Հանրապետական հիվանդանոցում մահացել է: Սա է փաստը»,- իր խոսքը եզրափակել է պատգամավորը:

Հիշեցնենք, որ Արթուր Սարգսյանը տառապում էր «Բեխտերեւի» հիվանդությամբ (այս հիվանդությունը ներառված է պատժի կրման հետ անհամատեղելի հիվանդությունների ցանկում (Կառավարության 2006թ. 825-Ն որոշմամբ), ուներ որովայնային գծային ճողվածք, ողնաշարի խնդիր: Նա երկրորդ կարգի զինվորական հաշմանդամ էր։ Կալանքի տակ գտնվելու ընթացքում Արթուր Սարգսյանի մոտ ախտորոշվել էր ստամոքսի եւ կերակրափողի էրոզիաներ եւ կերակրափողի ճաք, որը օրեր շարունակ արնահոսել էր:

Արթուր Սարգսյանը կալանավորվել էր 2016-ի հուլիսին, ազատ էր արձակվել դեկտեմբերի 31-ին, քանի որ ազատազրկման հետ անհամատեղելի հիվանդություն ուներ: Փետրվարի 9-ին, սակայն նա կրկին կալանավորվել էր եւ որպես բողոքի նշան հացադուլ սկսել:

Մարտի 6-ին, մեծ ջանքերի, բանակցությունների արդյունքում  մի քանի տասնյակ պատգամավորների երաշխավորությամբ Արթուր Սարգսյանը կրկին ազատ էր արձակվել ու անմիջապես տեղափոխվել հիվանդանոց: Որոշակի չափով կազդուրվելուց հետո Սարգսյանը դուրս էր գրվել: Երեկ, սակայն նրա ինքնազգացողությունը կրկին վատացել էր եւ տեղափոխել էին հիվանդանոց, որտեղ եւ այսօր մահացել է:  

Արթուր Սարգսյանը 49 տարեկան էր, մասնագիտությամբ քանդակագործ, փայտի փորագրող:

Տպել
12987 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը