Արթուր Սարգսյանի մահը վրա է հասել երկարատեւ անմարդկային վերաբերմունքի հետեւանքով.Մարուքյան

«Ակնհայտ է, որ Արթուր Սարգսյանի մահը վրա է հասել երկարատեւ անմարդկային վերաբերմունքի հետեւանքով, ինչը Մարդու իրավուքների եվրոպական կոնվենցիայի, ՀՀ Սահմանադրության խախտում է, որովհետեւ այդ պայմաններում նրան հետեւողականորեն անազատության մեջ պահելը, ըստ էության, կարելի է հավասարազոր համարել նպատակային եւ հետեւողական խոշտանգումների հետ»,- այսօր այս մասին հայտարարել է ԱԺ պատգամավոր Էդմոն Մարուքյանը՝ Նիկոլ Փաշինյանի հետ համատեղ «Ելք» դաշինքի գրասենյակում հրավիրած ասուլիսի ընթացքում:

Մինչ այդ նա ներկայացրել է բոլոր այն քայլերը, որոնք ինքը եւ պատգամավոր Նիկոլ Փաշինյանը ձեռնարկել են՝ Արթուր Սարգսյանին ազատ արձակելու համար: «Մենք ասուլիսը հրավիրել ենք՝ ճշմարտությունը ձեզ հետ կիսվելու նպատակով. մեզ համար շատ կարեւոր է, որ բոլորը իմանան, թե ինչ է տեղի ունեցել, եւ թե որքանով հնարավորություն կար Արթուր Սարգսյանի կյանքը փրկելու առումով:

Մեր կողմից բոլոր գործողությունները կատարվել են, որ Արթուր Սարգսյանի առողջությունը եւ նրա կյանքի իրավունքը պաշտպանված լինի: Ես ուզում եմ մի քանի մանրամասներ բացահայտել»,- ասել է Մարուքյանը եւ շարունակել. «Արթուր Սարգսյանի խափանման միջոցը փոխելուց (կալանավորելուց-խմբ.) հետո մենք պարոն Փաշինյանի հետ այցելեցինք «Դատապարտյալների հիվանդանոց» ՔԿՀ: Ինչպես գիտեք, քննիչը մեխանիկորեն նույն որոշումը կայացրել էր՝ արգելանք կիրառելով նրա տեսակցությունների վրա: Առաջին բանավեճը բացվեց նրան տեսնելու հետ կապված: Մենք հասանաք նրան, որ ծանոթանանք պահման պայմաններին:

Այդտեղ ակնհայտ էր, որ նրա առողջական վիճակը վատ է, նա հայտարարել էր հացադուլ: Ամեն այցելության ժամանակ խոսել ենք բժիշկների հետ, բժիշկները մանրամասն ներկայացրել են, որ Արթուր Սարգսյանի առողջական վիճակը վատ է, հիվանդությունը պրոգրեսիվ բնույթ ունի: Բեխտերեւի հիվանդությամբ էր տառապում, գիտեք, բժիշկներն ասում էին, որ նա հիվանդությունների բուկետ ունի, հիվանդություններից ամեն մեկը մյուսի հետ կապված զարգանում է եւ նրա հացադուլը (իմունիտետը գցելով) նրան ավելի է խոցելի դարձնում»:

Այնուհետեւ Մարուքյանը պատմեց գլխավոր դատախազի հետ հանդիպման մասին, որի ժամանակ էլ իրենք բարձրացրել էին անձնական երաշխավորությամբ հանդես գալու հարցը: «Գլխավոր դատախազին ներկայացվել է ոչ միայն իրավական եւ բարոյական կողմը, այլեւ քաղաքական կողմը, որ Արթուր Սարգսյանի առողջության պատասխանություն իշխանությունն է»,- հավելեց պատգամավորը՝ տարակուսանք հայտնելով այն կապակցությամբ, որ իրենց առաջարկին արձագանք է եղել միայն մեկ շաբաթ անց:

Շարունակելով գլխավոր դատախազի պահվածքի մասին Մարուքյանի խոսքը՝ ԱԺ պատգամավոր Նիկոլ Փաշինյանն էլ նշեց, որ իրենք գլխավոր դատախազին տեղեկացրել-զգուշացրել էին, որ եթե անհապաղ որոշում չկայացնի եւ իրենց անձնական երաշխավորությունները չընդունի՝ կարող է լինել մահվան ելքով իրավիճակ եւ դատախազը անձամբ դառնա պատասխանատու դրա համար: 

Չնայած սրան, ըստ Փաշինյանի՝ Արթուր Դավթյանը փետրավարի 27-ից մինչեւ մարտի 6-ը (շուրջ 1 շաբաթ) խուսափել է իրենց զանգերին պատասխանելուց, իրենց հետ շփվելսւց: «Իմ խորին համոզմամբ այդ ընթացքում նա փորձել է ճշտումներ անել Սերժ Սարգսյանի հետ»,- նկատեց Փաշինյանը:

Վերջինս նաեւ ընդգծեց, որ պետք է մանրամասն քննության առարկա դառնան կալանքի որոշում կայացրած քննիչի, դատավորի, գործը վերահսկող դատախազի, գլխավոր դատախազի գործողությունները: Պետք է մանրամասն հետաքննվի այն հարցը, թե ինչքանով են իրավապահ մարմինները կաշկանդված եղել, եւ ինչքանով են նրանց որոշումների վրա ազդել Բաղրամյան 26-ից:

Նիկոլ Փաշինյանը փորձեց պատասխանել նաեւ հանրությանը մտահոգող աայն հարցին, թե ինչու այսպպես վարվեցին Արթուր Սարգսյանի հետ: «Այսպես վարվել են Հայաստանի Հանրապետությունում հուսահատության վիճակը ավելի խորացնելու համար: Հետեւաբար պետք է ամեն ինչ անենք, որ իշխանությունը այս նպատակին չկարողանա հասնել: Կարեւոր է, որ մենք շարունակենք մեր պայքարը այնպիսի Հայաստան ունենալու համար, որտեղ Արթուր Սարգսյանի նման քաղաքացիները նման ճակատագրի եւ վերաբերմունքի չեն արժանանա»,- եզրափակեց նա:

Տպել
3811 դիտում

Արթուր Գեւորգյանը չի մասնակցի ԱԺ ընտրություններին. կենտրոնանում է բռնցքամարտի վրա

«Իմ քայլի» քվեաթերթիկը չորրորդն է, ՀՀԿ-ինը՝ առաջինը, ԲՀԿ-ն՝ 11-րդը. ԿԸՀ-ն համարներ տրամադրեց քաղաքական ուժերին

ՀՀ առաջնությանը սկանդալի պատճառով չմասնակցած բռնցքամարտիկների առաջ արգելքներ չեն լինի

Բակո Սահակյանը՝ Ֆրանսիայում. Բաքվում սրտնեղում են

«Կենտրոնի Կյաժ» մականունով հայտնի Դավիթ Սիմոնյանն իրեն մեղավոր չճանաչեց

«Իմ քայլը» դաշինքի քվեաթերթիկի համարն է 4-ը

Բնակարանային գողությունը բացահայտվել է. երկու անձի մեղադրանք է առաջադրվել

Ucom-ում կտրուկ գնիջեցում է Samsung սմարթֆոնների համար

Արտագնա աշխատանքի մեկնած քաղաքացիների եկամուտների հարկման որեւէ նախագիծ կամ գաղափար առկա չէ. ՊԵԿ-ի պարզաբանումը

Իր լոլիկը վաճառող գյուղացին չի հարկվելու, որովհետեւ օրենսդրությամբ այդ եկամուտն ազատված է հարկումից․ ՊԵԿ նախագահ

Խնածախի այրված 4 տներին 190 միլիոն դրամի փոխհատուցում է հարկավոր՝ Սյունիքի մարզպետարանը չունի

ՀՀԿ ցուցակի 17-րդ համարը` Հովիկ Աբովյանը, 3 թանկարժեք մեքենա եւ մի քանի անշարժ գույք ունի

Առանց հանրային քննարկման հարկային բեռի ավելացում չի լինելու. Արարատ Միրզոյան

Հայաստանի ազգային ագրարային համալսարանում տարեվերջին նոր ռեկտոր կընտրեն

Սխալ եք մեկնաբանում, այդպիսի բան չկա. Փաշինյանը՝ խոպանից եկած փողերը հարկելու մասին

Գյումրու ծննդատունը 49 մլն-ի պարտք ունի. ինչպե՞ս է այն գոյացել

Կաշառք վերցնող պաշտոնյաներին հատ-հատ բռնելու ենք. Նիկոլ Փաշինյան

Նիկոլ Փաշինյանը սարսափել է Նորատուսցի Ալիկի ռեստորանի մոտ գտնվող աղբակույտերից. մանրամասներ վարչապետի հայտարարությունից

Ես միշտ եղել եմ գաղափարի մարտիկ, միշտ հավատացել եմ Հայկի հաղթանակին Բելի նկատմամբ․ Շարմազանով

Գավառում վերաբացվեց Լեւոն Քալանթարյանի անվան թատրոնը. Փաշինյանը հայտարարություն արեց