Փոփոխություններ. «Ազգ»-ը ապակուսակցականանում է

17/03/2017 schedule16:25

Տպագրվել է «Հայկական Ժամանակ» օրաթերթի՝ 2004 թվականի մարտի 18-ի համարում

«Ազգ» օրաթերթի հիմնադիր եւ հրատարակիչ «Ազգ օրաթերթ» սահմափակ պատասխանատվությամբ ընկերության բաժնետերերի կազմում լուրջ փոփոխություն է տեղի ունենում: Նշված ՍՊԸ-ն այսօր ունի երեք բաժնետեր՝ Հակոբ Ավետիքյանը, Ռուբեն Միրզախանյանը եւ Միհրան Մինասյանը: Առաջիկա օրերին նրանց կմիանան նաեւ ՌԱԿ ատենապետ Երվանդ Ազատյանը եւ Արմեն Աբրահամյանը: Բաժնետերերի թվի ավելացումը չէ, որ տվյալ դեպքում պետք է սկզբունքային համարել: Խնդիրն այն է, որ իր պատմության մեջ առաջին անգամ օրաթերթի բաժնետերերից մեկի վերահսկողության տակ է անցնում բաժնետոմսերի 50 տոկոսից ավելին: Նախկինում մեկ անձի հսկողության տակ է եղել առավելագույնը 34 տոկոսը:

Սակայն ամենաուշագրավն այն է, որ բաժնետոմսերի հսկիչ փաթեթի սեփականատեր է դառնում Արմեն Աբրահամյանը, որը Արա, Գագիկ եւ Սերյոժա Աբրահամյանների եղբայրն է եւ Ռամկավար ազատական կուսակցության հետ ոչ մի կապ չունի: Իսկ թե ինչքան է նա վճարել թերթի հսկիչ փաթեթի համար, հայտնի չէ: «Ես եւ մեր թերթի հիմնադիրները միշտ էլ համոզված ենք եղել, որ թերթի մեջ պետք է իրական բիզնես մտնի: Այդ դեպքում միայն մամուլը կարող է լինել ազատ, հզոր եւ ազդեցիկ»,-մեզ հետ զրույցում  այսպես մեկնաբանեց բաժնետերերի կատարած այս կտրուկ քայլը օրաթերթի բաժնետեր եւ գլխավոր խմբագիր Հակոբ Ավետիքյանը: Վերջինս տեղեկացրեց, որ երեք տարի առաջ նման մի փորձ ձեռնարկվել է՝ բաժնետեր է դարձել հայաստանցի մի հայտնի գործարար, սակայն շուտով վերջինս ինչ-ինչ պատճառներով հրաժարվել է իր բաժնեմասից:

Այս անգամ, սակայն, Ավետիքյանը համոզված է, որ Արմեն Աբրահամյանին որպես բաժնետեր ներգրավումը հաջողությամբ է պսակվելու: «Արա Աբրահամյանը նախորդ տարի նորոգել է մեր ամբողջ կոմպյուտերային համակարգը, օգնել է վճարել մեր պարտքերը տպարանին եւ հարկայինին, իսկ Գագիկ Աբրահամյանը եղել է մեր թերթի ամենահին հայաստանցի բարերարը»,-ասում է պրն Ավետիքյանը: Եւ Աբրահամյանների ընտանիքի հետ ունեցած այս հարաբերությունները Ավետիքյանին համոզմունք են ներշնչում, որ բաժնետերերի կազմում այս փոփոխության շնորհիվ կհաջողվի իրականացնել թերթի զարգացման ծրագիրը, որը ներկայացրել է ինքը: Ըստ պրն Ավետիքյանի, այդ ծրագրի իրականացումը կարժենա մոտ 100 հազար դոլար, եւ բաժնետերերից յուրաքանչյուրը իր բաժնեմասին համապատասխան ներդրում կկատարի:

Իսկ հիմնադիրները իրենց այս քայլն անելուց առաջ արդյո՞ք խորհրդակցել են կուսակցության հետ եւ պարզե՞լ են արդյոք ՌԱԿ-ի դիրքորոշումը սրա վերաբերյալ: «Բազմիցս ասվել է, որ թերթը կուսակցության օրգանը չէր: Թերթը կուսակցությանն էր այնքանով, որքանով հիմնադիրներն էին կուսակցականներ»,- մեր այս հարցին ի պատասխան ասաց պրն Ավետիքյանը: Եւ թերթի նույնիսկ այդքանով կուսակցական լինելը ակնհայտորեն դուր չի գալիս վերջինիս: «Հատկապես ընտրությունների ժամանակ շեշտվել է թերթի կուսակցականությունը, եւ չէի ասի՝ լավ արդյունք է տվել: Խոստովանեմ, որ ընտրությունների ժամանակ մեր թերթը ամենաքիչն էր վաճառվում»,- ասում է պարոն Ավետիքյանը:

Իսկ ինչպե՞ս է վերաբերվում տեղի ունեցածին ՀՌԱԿ-ը: Կուսակցության ատենապետ Հարություն Առաքելյանը մինչեւ նախորդ օրը տեղյակ չէր «Ազգ»-ի բաժնետերերի փոփոխության մանրամասներին: Գիտեր, որ ինչ-որ փոփոխություն եղել է, եւ՝ ընդամենը: «Հանգիստ եմ տանում, պանիկայի մեջ չեմ: Չեմ կարծում, որ եթե նույնիսկ «Ազգ»-ը կուսակցության անունով լիներ, ՀՌԱԿ-ը կուսակցական գործերը պետք է թողներ ու իր բաժնեմասերի վաճառքով զբաղվեր: Մի խոսքով, բնական եմ համարում թերթի առքուվաճառքը եւ կուսակցության ներկայիս պահվածքը այդ կոնտեքստում»,-մեր հարցին ի պատասխան դիվանագիտորեն ասաց պրն Առաքելյանը:

Վերջինս տեղեկացրեց, որ երբ կուսակցության անունից լուրեր են ուղարկում, դրանք օրաթերթում տպագրվում են, եւ կոնֆլիկտ կարծես թե չկա: Այդուհանդերձ, մեր զրույցի ընթացքում պրն Առաքելյանի խոսքից մի տեսակ տպավորություն էր ստեղծվում, որ անձամբ ինքը, մեղմ ասած, այնքան էլ գոհ չէ տեղի ունեցածից: «Ես չեմ խորացել էդ առուծախի մեջ, ուրիշ բառ չեմ գտնում՝ առուծախ»,- տեղի ունեցածը գնահատեց պրն Առաքելյանը, որը երկար տարիներ աշխատել է թերթում որպես տնօրեն եւ այդ պաշտոնից հեռացել է ամռանը՝ ՀՌԱԿ ատենապետ դառնալուց հետո միայն: Իսկ կփորձի՞ նա որեւէ կերպ միջամտել: ««Ազգ»-ը եւ կոլեկտիվը հոգեհարազատ են ինձ: Այ, եթե փորձեն կոլեկտիվին նեղել չոր կապիտալիզմի օրենքներով, ապա ինքս, ոչ որպես կուսակցության ատենապետ, այլ որպես անձ, իմ հնարավորությունների սահմաններում կփորձեմ պաշտպանել. ի վերջո, այդ կոլեկտիվի հետ երկար ճանապարհ եմ անցել»,-ասաց պրն Առաքելյանը:

Հայկ Գեւորգյան

Տպել
802 դիտում

Ուժեղ եւ հայրենասեր մարդու քայլ. Աշոտյանը Սերժ Սարգսյանի հրաժարականի մասին

Արմեն Սարգսյանը Լեւոն Ալթունյանին վերանշանակել է առողջապահության նախարար

Այս հաղթանակը քո ձեռքից ոչ ոք չի կարող խլել. Նիկոլ Փաշինյան

Վանաձորը ցնծության մեջ է

Գյումրին ցնծում է.

ՀՀ-ում իշխանափոխության ֆոնին ԱԳՆ-ն կոչ է անում ԵԱՀԿ ՄԽ-ին զսպել Բաքվին առաջանագծում

Ոստիկանությանը հավաքի մասնակիցներին զսպվածության կոչ է անում

Սերժ Սարգսյանը հրաժարական տվեց. պաշտոնական

Ավանդական ջահերով երթն այսօր չի լինելու. «Երկիր Մեդիա»

ԲՀԿ-ն միանում է ՀՀ-ում ծավալված համաժողովրդական շարժմանը. քաղխորհուրդ

Հրամանատարը կոչ էր անում թողնել երթը, եւ վերադառնալ զորամաս

18:30-ին հաղթական հանրահավաք Հանրապետության հրապարակում. Նիկոլ Փաշինյան:

Սոցցանցերում չեն նվազում ատելության քարոզն ու բռնության կոչերը. ՄԻՊ-ը մտահոգված է

Գյումրի. ազատ արձակվեց նաեւ գյումրեցի դասախոս, քայլերթի մասնակից Կարեն Պետրոսյանը

Գյումրեցի Արամին բերման են ենթարկել ցուցապաստառի համար

Կրեմլում գտնում են, որ Հայաստանում զարգացումները ՀՀ-ի ներքին գործն են. Պեսկով

Զինվորները երթից առանձնացան. նրանց տանելու են զորամասեր  

Գյումրի. երթին միացել են բուհերը, դպրոցները, Լենտեքսը, Տրիկոտաժի ֆաբրիկան

ՀՐԱՏԱՊ. Քիչ առաջ ազատ արձակվեցին Նիկոլ Փաշինյանը, Սասուն Միքայելյանը եւ Արարատ Միրզոյանը

Արցախի ՊԲ-ն հակառակորդի ուժերի կուտակումների նոր տեսագրություն է հարապարակել