«Արթուրը բոլորիս մեջ է». Հաց բերողին Եռաբլուրում հուղարկավորելու պահանջով երթ Երեւանում

17/03/2017 schedule20:18

Ազատության հրապարակում այսօր տեղի ունեցավ հավաք՝ ի հիշատակ երեկ «Արմենիա» բժշկական կենտրոնում մահացած «Հաց բերող» Արթուր Սարգսյանի: Ի տարբերություն երեկվա՝ այսօր Ազատության հրապարակն ավելի բազմամարդ էր:

«Մենք պետք է քայլ առ քայլ ներկայացնենք Արթուրի նպատակները, որոնց համար նա զոհ գնաց, որոնց համար սպանեցին նրան: Արթուրն իր անձնական պատճառներով չհայտնվեց բանտում: Երբ որ ասում ենք «Արթուրի գործ»՝ դա մեր գործն է, որի ծանրությունը նա վերցրեց իր վրա եւ սպանվեց: Նա արեց այն, ինչի մասին մենք խոսում էինք տներում: Արթուրը մեր բոլորի մեջ է, նա արժեքների համախմբում է, բարձր բարոյականություն եւ արժանապատվություն»,- հավաքի մեկնարկին Ազատության հրապարակի հարթակից հայտարարեց հավաքի նախաձեռնողներից ակտիվիստ Շահեն Հարությունյանը:

Վերջինս այնուհետեւ թվեց իրենց պահանջները.

1. Արթուրը պիտի հուղարկավորվի Եռաբլուրում,

2. պետք է պատասխանատվության ենթարկվեն բոլոր այն անձինք, որոնք թե՛ ուղղակիորեն եւ թե՛ անուղղակիորեն կապված էին Արթուրի մահվան հետ, այդ թվում՝ Արդարադատության նախարարը, գլխավոր դատախազը, քննիչը,

3. Մարտի 1 սարքած իշխանությունը պետք է հեռանա՝ Սերժ Սարգսյանի գլխավորությամբ:

Շահեն Հարությունյանն ասաց, որ երթ են սկսում դեպի Կառավարության շենք, որտեղ նպատակ ունեն հանձնել Արթուր Սարգսյանին Եռաբլուրում հուղարկավորելու մասին պահանջագիր:

Երթը մեկնարկեց եւ ընթացավ «Արթուր», «Հաց բերողին սպանեցին», «Սերժիկ, մարդասպան» կարգախոսներով: Հասնելով Մաշտոց- Ամիրյան խաչմերուկ՝ երթի մասնակիցները նստեցին գետնին եւ սկսեցին վանկարկել «Սերժիկ, հեռացիր»: Երեւանի փոխոստիկանապետ Վալերի Օսիպյանը հայտարարեց, որ եթե ակցիայի մասնակիցները վեր չկենան եւ երթը շարունակեն՝ համապատասխան միջոցառումներ կձեռնարկեն: Ցուցարարները սկսեցին վանկարկել «Օսիպյան, ս...», եւ երթը շարունակեցին. «Եթե պիտի նստենք՝ պահանջը կտանք Կառավարությանը, նոր կնստենք»,- հայտարարեց Շահեն Հարությունյանը:

Մեկ փոքրիկ միջադեպ էլ տեղի ունեցավ Հանրապետության հրապարակում. երթի մասնակիցներն ուզում էին անցնել հրապարակի կենտրոնով, սակայն ոստիկանները խոչընդոտեցին: Որոշ ակտիվիստներ ճեղքեցին ոստիկանական պատը եւ նստեցին հրապարակի կենտրոնում՝ գորգի վրա: Քիչ անց ակցիան շարունակվեց, նրանք հասան կառավարության մոտ, իրենց պահանջագիրը փոխանցեցին վարչապետի օգնականներից մեկին եւ պայմանավորվելով, որ վաղը պետք է ստանան պատասխանը՝ երթով հետ վերադարձան Ազատության հրապարակ:

Ճանապարհի կեսից ոմանք առաջարկեցին գնալ ոչ թե Ազատության հրապարակ, այլ Բաղրամյան պողոտա: Վալերի Օսիպյանը զգուշացրեց, որ թույլ չեն տա: Բարձրախոսով հայտարարությամբ հանդես եկավ Շահեն Հարությունյանը: Նա ասաց, որ քանի որ ի սկզբանե որոշվել էր երթն ավարտել Ազատության հրապարակում, ինքը գնում է այնտեղ: Իսկ թե ինչ կանեն մյուսները՝ պետք է անձամբ որոշեն՝ հաշվի առնելով, որ բողոքի ակցիան ինքնաբուխ է: «Բաղրամյան գնալուց ես պետք է մնամ, չեմ գնալու, հետ գամ: Իսկ մնալու համար այսքանս քիչ ենք, նախորդ անգամների փորձը հաշվի առնելով ավելի ենք քչանալու: Դա նշանակում է, որ մեզ այնտեղ գիշերը կարող են ջարդել եւ մենք չկարողանանք վաղը գալ Կառավարության մոտ եւ ստանալ մեր պահանջի պատասխանը»,- հայտարարեց ակտիվիստը:

Երթը շարունակվեց դեպի Ազատության հրապարակ: Այնտեղ Շահենը հայտարարեց, որ քանի որ տեղեկություններ կան, որ իշխանություններն ուզում են Արթուր Սարգսյանին Եռաբլուրում հուղարկավորելու պահանջը մերժել՝ ուրեմն պիտի այսօր գիշերը մնան Ազատության հրապարակում: Նրա այդ առաջարկին միացան քչերը: Մյուսներին հորդորվեց գնալ տուն եւ վաղը 18:00-ին կրկին հավաքվել նույն վայրում: «Եթե մեր պահանջը մերժվի՝ կիրականացնենք համապատասխան գործողսւթյուններ: Եռաբլուրը կառավարական տարածք չի, մեր հերոսների տարածքն է»,- եզրափակեց ակտիվիստը:

Տպել
4111 դիտում

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան