«Ղարաբաղը դառնալու է հայերի գերեզմանոց» ասող ազերին 2 շաբաթ անցկացնելու է ճաղերի հետեւում

20/03/2017 schedule14:30

Նիդեռլանդների Ալմելո քաղաքի դատարանը անցյալ շաբաթ օրը հակահայկական կոչերի համար Հաագայի «Թուրք-ադրբեջանական մշակութային միության» նախագահ Իլհան Աշքընին դատապարտել է երկու շաբաթվա ազատազրկման։ Բացի այդ, ազատազրկումից հետո նա ենթարկվելու է 120 ժամվա հարկադիր հասարակական աշխատանքների։ Իլհան Աշքընը մեղադրվում է հայերի նկատմամբ բռնության կոչեր հնչեցնելու եւ ատելություն սերմանելու մեջ։ 2014 թվականին նա Ալմելո քաղաքում Հայոց ցեղասպանության զոհերի հիշատակին նվիրված հուշակոթողի բացման դեմ բողոքի ցույց էր կազմակերպել: Նախ նա ցույցի ժամանակ լկտիաբար հայտարարել էր, թե իբր 1915 թվականին հայերն են թուրքերին կոտորածի ենթարկել, այլ ոչ հակառակը։ Այնուհետեւ, նա, իր ելույթում, անդրադառնալով Արցախի հիմնախնդրին, հայտարարել էր, թե «Ղարաբաղը դառնալու է հայերի գերեզմանոց»: Սա Նիդեռլանդներում բնակվող հայերի կողմից գնահատվել է որպես հայերի նկատմամբ բռնություն կիրառելու կոչ եւ նախապատրաստական աշխատանքներից հետո որոշվել է քրեական պատասխանատվության ենթարկել Իլհան Աշքընին:

Հարկ է նշել, որ դատարանի վճիռն ավելի խիստ է եղել, քան ի սկզբանե պահանջում էր մեղադրող կողմը։ Մեղադրող կողմը պահանջել էր Աշքընին դատապարտել 80 ժամ հարկադաիր հասարակական աշխատանքների եւ երկու շաբաթվա պայմանական ազատազրկման ու երկու տարվա փորձաշրջանի։ Ինչպես վերը նշվեց, երկու շաբաթվա պայմանական ազատազրկման փոխարեն նա դատապարտվել է երկշաբաթյա ազատազրկման։ Բացի այդ, 80 ժամի փոխարեն նա պարտավոր է կատարել 120 ժամվա հարկադիր հասարակական աշխատանք։ Ավելի, դատարանը նաեւ պայմանական ժամկետ է սահմանել, ըստ որի՝ եթե երկու տարվա ընթացքում Աքշընը կրկնի իր հակահայկական կոչերը, նա ազատազրկվելու է ավելի երկար՝ 1 ամսյա ժամկետով։

Դատարանը սահմանել է, որ Աշքընը խախտել է խոսքի ազատության սահմանները: Աշքընի` «Ղարաբաղը լինելու է հայերի գերեզմանը», ըստ մեղադրական եզրակացության, որակվել է որպես քրեական հանցանք, քանի որ դրանով իսկ նա հրահրում է բռնություն հայերի նկատմամբ` նրանց ցեղային եւ/կամ կրոնական պատկանելության պատճառով։ Որպես ապացույց՝ դատարանում ցուցադրվել է բողոքի ցույցի տեսագրությունը, որում նա մի քանի անգամ վանկարկում է «Ղարաբաղը դառնալու է հայերի գերեզմանոց», իսկ հավաքված մոտ 10 հազար ցուցարարներ նրա հետեւից կրկնում են այն։ Որպես արդարացում՝ դատարանում Աշքընը պնդել է, թե հայերի նկատմամբ բռնության կոչեր չի հնչեցրել, այլ պարզապես ցանկացել է ասել, որ եթե հայերը չլքեն Արցախը, պատերազմն անխուսափելի կդառնա եւ հետեւաբար, այն հայերի գերեզմանոց կդառնա: «Ինչպես մեր նախագահն է ասում, եթե հայերը չեն ուզում մեռնել, պետք է հեռանան մեր հողերից»,- Իլհամ Ալիեւի խոսքերն է մեջբերել հայատյաց գործիչը:

Դատարանի վճիռը Իլհան Աշքընը եւ Նիդեռլանդների թուրք-ադրբեջանական շրջանակները քաղաքական են որակել։ Նա նշել է, թե իբր իր նկատմամբ կայացված վճռի խստացման պատճառը վերջին երկու շաբաթվա ընթացքում սրված թուրք-նիդեռլանդական հարաբերություններն են։ «Թուրք-ադրբեջանական մշակութային միության» նախագահը վճիռը բողոքարկելու նպատակով պատրաստվում է դիմել Նիդեռլանդների Գերագույն դատարան, իսկ եթե վերջինս հօգուտ իրեն չվերանայի որոշումը, նաեւ՝ Մարդու իրավունքների եվրոպական դատարան։

Ճիշտ է, դեռեւս հավանականություն կա, որ Ալմելոյի դատարանի վճիռը վերանայվի, բայցեւայնպես այն չափազանց կարեւոր նշանակություն ունի: Աշքընի ազատազրկումը կարող է նախադեպ դառնալ գոնե Եվրոպայում եւ պետք է ուղերձ հանդիսանա առ այն, որ հայերի հասցեին ատելություն, բռնություն, թշնամություն եւ նման այլ հայտարարություններն ու կոչերն անհետեւանք չեն մնալու: Ալմելոյի դատարանի վճիռը զսպող գործոն կլինի գոնե եվրոպական երկրներում նման փորձ անող ադրբեջանա-թուրքական կառույցների համար: Հակառակ դեպքում, հայատյաց կոչերը անտեսելն ադրբեջանա-թուրքական կառույցների մոտ անպատժելիության զգացում կառաջացնի եւ կդրդի նման նոր հանցանքների:

Տպել
11395 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)