Դպրոցը պետք է արմատախիլ անել քաղաքական պոռնիկներից, ՀՀԿ-ին վռնդել ընտրարշավից. Ն. Փաշինյան

«Ելք» դաշինքը համոզված է, որ դպրոցների տնօրենների եւ մանկապարտեզների վարիչների կողմից ՀՀԿ-ի համար ցուցակ կազմելու գործողությունները ապօրինի են եւ կան բոլոր հիմքերը՝ առաջիկա խորհրդարանական ընտրություններին ՀՀԿ մասնակցության գրանցումը չեղյալ ճանաչելու: Այսօր Արարատի մարզի Արարատ քաղաքի Վազգեն Սարգսյանի անվան հրապարակում հրավիրված նախընտրական հանրահավաքի ընթացքում այս մասին հայտարարեց «Ելք» դաշինքի առաջնորդներից Նիկոլ Փաշինյանը՝ հավելելով, որ իրենց մասնագետները «ՀՀԿ-ին ընտրարշավից վռնդելու մասին» դիմում են պատրաստում եւ վաղը կամ ամենաուշը մյուս օրը այն կներկայացնեն ԿԸՀ:

«Մենք պետք է պայքարենք, որ ՀՀԿ-ն իր ընտրակեղծարարներով, իր քաղաքական մանկուրտներով դուրս շպրտվի խորհրդարանական ընտրություններից, որպեսզի հայ ժողովուրդը ընտրություն անելու հնարավորություն ունենա»,- հավելեց Փաշինյանը:

Ու մինչ դիմումը կներկայացվի ԿԸՀ՝ Փաշինյանն անդրադարձավ տնօրենների վարքին. «Հայաստանի Հանրապետության ժողովուրդն իր սուղ եւ աղքատիկ բյուջեից տարեկան համարյա 200 միլիարդ դրամ է հատկացնում, որ կազմակերպի իր երեխաների, իր զավակների կրթությունը հանրակրթական դպրոցներում: Բայց ահա պարզվում է, որ այդ գումարները տնօրինող հարյուրավոր (առնվազն 114) դպրոցի տնօրեն եւ մանկապարտեզի վարիչ, փոխարենը երեխաների կրթական հարցերով զբաղվելու, փոխարենը նրանց որպես քաղաքացի, որպես մարդ, որպես հայ դաստիարակելու, զբաղված են Հանրապետական կուսակցության անդամների՝ սամվելալեքսանյանների, առաքելմովսիսյանների, միհրանպողոսյանների, ռոբերտսարգսյանների համար ցուցակներ հավաքագրելով: Նրանք, չարաշահելով իրենց դիրքը, դպրոցները վեր են ածել հանրապետական բջիջների եւ դեգրադացնում են մեր զավակներին՝ նրանց դարձնելով սերժսարգսյանական եւ արմենաշոտյանական մանկուրտներ:

Մենք էսօր ասում ենք, որ մեր կրթական համակարգը, այն ինչ իրար հետ ստեղծել են Սերժ Սարգսյանը, Արմեն Աշոտյանը եւ մյուսները, արմատից դեգրադացված է եւ այդ կրթական համակարգի հանրապետական կատարածուներին պետք է արմատախիլ անել, որովհետեւ նրանք մեր երեխաներին արդեն դպրոցում սարքում են ընտրական պրոցեսի անդեմ մասնակիցներ՝ նրանց մտցնելով բոնբաներկաների, մատանիների, մաստիկաների եւ մանր փող հավաքելու հարաբերությունների մեջ»,- հայտարարեց Փաշինյանը:

Անդրադառնալով ՀՀԿ ներկայացուցիչների արդարացումներին, թե դպրոցի տնօրենների կողմից ցուցակներ հավաքելը օրինական է, օրենքին չի հակասում՝ ԱԺ պատգամավորը նկատեց. «Եթե զուտ էդ հարթության մեջ գցենք՝ երեւանյան լճի մոտ կանգնող պոռնիկների գործողությունը նույնպես օրինական է, ի՞նչ եք ասում դուք դրան:

Բայց մենք հայոց դպրոցը պետք է արմատախիլ անենք քաղաքական պոռնիկներից եւ բավական է նրանք ընտրությունից ընտրություն, տարեց տարի փչացնեն մեր երեխաներին՝ նրանց դարձնելով սամվելալեքսանյանների, առաքելմովսիսյանների, սերժսարգսյանների եւ արմենաշոտյանների անդեմ կատարածուներ»:

Նիկոլ Փաշինյանը հրապարակում հավաքված արարատցիներին տեղեկացրեց, որ «Ելք» դաշինքի նախընտրական ծրագրում գրված է, որ իրենց հաղթանակի դեպքում դպրոցի տնօրենները այլեւս իրավունք չեն ունենա լինել կուսակցական, որովհետեւ այն դեգրադացիան, որ կա հանրության մեջ, «էն հուսահատությունը, էն անկարությունը, անողնաշարությունը, որ նրանք ցույց են տալիս բազում ընտրություններում, այդ ամենը արմատավորվում է այն դպրոցներում, որոնք զբաղված են այսպիսի գործունեությամբ»:

«Եվ մենք ասում ենք, որ այո, քաղաքական պոռնիկներին պետք է դուրս շպրտել այս դպրոցներից»,- ընդգծեց պատգամավորը: Ամփոփելով այս թեման՝ Փաշինյանը դպրոցներում աշխատող բազմաթիվ ազնիվ ուսուցիչներին ու մանկավարժներին կոչ արեց տարանջատվել աղտեղությունից, աղբից:

«Արդեն քանի օր է՝ հանրությունը ստացել է տեղեկատվությունը, թե ինչով են զբաղվում դպրոցներում: Այդ ազնիվ մանկավարժները պետք է ցույցեր անեին, գործադուլներ անեին, հրաժարվեին աշխատել քաղաքական պոռնկությամբ զբաղվող տնօրենների հետ, եւ նույնիսկ հրաժարվեին նրանց բարեւել: Էսօր էլ նրանք շանս ունեն, շանս ունեն նաեւ այն քաղաքացիները, որոնք ընդգրկվել են այդ ցուցակներում: Սիրելի քաղաքացիներ, մերժեք այն կուսակցություններին, որոնց համար ձեզ ցուցակագրել են, որովհետեւ դուք ՀՀ հպարտ քաղաքացի եք եւ հնարավորություն ունեք ապրիլի 2-ին ապացուցել ձեր հպարտությունը»,- կոչով դիմեց Նիկոլ Փաշինյանը:

Պատգամավորն անդրադարձավ նաեւ շաբաթ օրը Արցախի ՊԲ զորամասերից մեկում Սերժ Սարգսյանի ելույթին եւ հատկապես «Իսկանդերի» կիրառման մասին հատվածին:

Մանրամասները՝ տեսանյութում.

Տպել
11641 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին