Ինչպես է բաշխվելու ՀՀԿ-ի ստացած 55 մանդատը թեկնածուների միջեւ

03/04/2017 schedule21:28

Ապրիլի 2-ին կայացած խորհրդարանական ընտրությունների արդյունքում խորհրդարանում մեծամասնություն ստացած Հանրապետական կուսակցությանը նախնական տվյալներով բաժին կհասնի 55 մանդատ: Այս մանդատները պետք է բաշխվեն կուսակցության համամասնական եւ ռեյտինգային կարգով առաջադրված թեկնածուների միջեւ: Նախ ներկայացնենք, թե 13 ընտրատարածքներում ՀՀԿ-ն եւ նրա թեկնածուները ինչ արդյունքներ են գրանցել:

Թիվ 1 ընտրատարածք: Երեւան քաղաքի Նոր Նորք, Ավան, Քանաքեռ-Զեյթուն վարչական շրջաններն ընդգրկող ընտրատարածքում ՀՀԿ-ի ռեյտինգային բոլոր թեկնածուները միասին ստացել են 58 հազար 856 քվե: Այս ընտրատարածքում առաջին երեք ամենաշատ ձայն ստացած թեկնածուներն են՝ Ռոբերտ Սարգսյանը (27.107 քվե), Միհրան Պողոսյանը (19.874 քվե) եւ Ղուկաս Ուլիխանյանը (9.543):

Թիվ 2 ընտրատարածք: Երեւան քաղաքի Արաբկիր, Դավիթաշեն եւ Աջափնյակ վարչական շրջաններն ընդգրկող ընտրատարածքում ՀՀԿ-ի ռեյտինգային թեկնածուները բոլորը միասին վերցրած ստացել են 55 հազար 325 քվե: Թիվ 2 ընտրատարածքում երեք առավել շատ ձայներ ստացած թեկնածուներն են՝ Արման Սահակյանը (18.532 քվե), Արտակ Սարգսյանը (12 հազար 27 քվե) եւ Արթուր Գեւորգյանը (10 հազար 150 քվե)

Թիվ 3 ընտրատարածք: Այս ընտրատարածքն ընդգրկում է Երեւան քաղաքի Մալաթիա-Սեբաստիա եւ Շենգավիթ վարչական շրջանները, որտեղ ՀՀԿ-ի ռեյտինգային թեկնածուների ստացած ձայների հանրագումարը 66 հազար 397 է: Թիվ 3 ընտրատարածքում ՀՀԿ-ի առաջին եռյակն այս տեսքն ունի՝ Սամվել Ալեքսանյան (42 հազար 472 ձայն), Արաիկ Հովհաննիսյան (19 հազար 710) եւ Կորյուն Նահապետյան (1046 ձայն):

Թիվ 4 ընտրատարածք: Երեւան քաղաքի Կենտրոն, Նորք Մարաշ, Էրեբունի եւ Նուբարաշեն վարչական շրջաններն ընդգրկող թիվ 4 ընտրատարածքում ՀՀԿ-ի թեկնածուները ստացել են 50 հազար 781 ձայն: Այս ընտրատարածքում ՀՀԿ-ի առաջին եռյակը գլխավորում է Հակոբ Բեգլարյանը (26 հազար 1 ձայն), Հարություն Կարապողոսյանը (20 հազար 306) եւ Ասատուր Սահակյանը (1726 ձայն):

Թիվ 5 ընտրատարածք: Արարատի մարզն ընդգրկող ընտրատարածքում ՀՀԿ-ի թեկնածուները միասին ստացել են 77 հազար 248 ձայն: Այս ընտրատարածքում առաջին եռյակը հետեւյալ տեսքն ունի՝ Արայիկ Գրիգորյան (45 հազար 339 քվե), Մուրադ Մուրադյան (18 հազար) եւ Ալիկ Սարգսյան (6 հազար 530 քվե):

Թիվ 6 ընտրատարածք: Արմավիրի մարզն ընդգրկող թիվ 6 ընտատարածքում ՀՀԿ-ականները ստացել են 66 հազար 517 ձայն: Ամենաշատ ձայնը ստացել է Նահապետ Գեւորգյանը (22 հազար 64 ձայն), Սեյրան Սարոյանը (21 հազար 937) եւ Ալեքսան Պետրոսյանը (9 հազար 474 ձայն):

Թիվ 7 ընտրատարածք: Այս ընտրատարածքն ընդգրկում է Արագածոտնի մարզը, որտեղ Հանրապետականի թեկնածուները միասին ստացել են 34 հազար 453 ձայն: Այս ընտրատարածքում առաջին եռյակը հետեւյալ պատկերն ունի՝ Նաիրի Սահակյան (14 հազար 166 ձայն), Ռոլանդ Հայրապետյան (7 հազար 439) եւ Մնացական Մնացականյանը (5 հազար 218):

Թիվ 8 ընտրատարածք: Գեղարքունիքի մարզն ընդգրկող այս ընտրատարածքում ՀՀԿ-ականները ստացել են ընդհանուր առմամբ 61 հազար 272 ձայն, իսկ առաջատարն են Կարեն Բոթոյանը (14 հազար 932 քվե), Ռաֆիկ Գրիգորյանը (14 հազար 430 քվե) եւ Հակոբ Հակոբյանը (13 հազար 248 քվե):

Թիվ 9 ընտրատարածք: Լոռու մարզում ՀՀԿ-ն ստացել է 84 հազար 172 ձայն. առավել շատ ստացած երեք թեկնածուներն են՝ Կարեն Կարապետյան (44 հազար 255 ձայն), Վահրամ Բաղդասարյան (17 հազար 637 ձայն) եւ Արկադի Համբարձումյան (16 հազար 402):

Թիվ 10 ընտրատարածք: Կոտայքի մարզն ընդգրկող ընտրատարածքում ՀՀԿ-ի թեկնածուները ստացել են ընդհանուր առմամբ 46 հազար 395 ձայն: Այս ընտրատարածքում առաջին երեք առավելագույն ձայներ ստացած պատգամավորներն են՝ Սամվել Սանամյանը (12 հազար 649 ձայն), Անդրանիկ Հարությունյանը (11 հազար 324 ձայն) եւ Արամ Հարությունյանը (10 հազար 808 ձայն):

Թիվ 11 ընտրատարածք: Այս ընտրատարածքն ընդգրկում է Շիրակի մարզը, որտեղ ՀՀԿ-ի ռեյտինգային թեկնածուների ձայները միասին վերցրած 52 հազար 646 է: Առաջատարները հետեւյալ թեկնածուներն են՝ Արման Սահակյան (14 հազար 510 ձայն), Ֆելիքս Ցոլակյան(11 հազար 796 ձայն) եւ Մարտուն Գրիգորյանը (10 հազար 700 ձայն):

Թիվ 12 ընտրատարածք: Սյունիքի եւ Վայոց Ձորի մարզերն ընդգրկող թիվ 12 ընտրատարածքում ՀՀԿ-ի թեկնածուները ստացել են 56 հազար 914 ձայն: Առաջին եռյակում է Վահե Հակոբյանը (21 հազար 823 ձայն), Աշոտ Արսենյանը (17 հազար 563 ձայն) եւ Առուշ Առուշանյանը (6 հազար 879 ձայն):

Թիվ 13 ընտրատարածքում, որն ընդգրկում է Տավուշի մարզը, ՀՀԿ-ի թեկնածուները բոլորը միասին վերցրած ստացել են 34 հազար 237 ձայն: Այստեղ առաջատարներն են՝ Գրիգոր Ավալյանը (17 հազար 113 ձայն), Հակոբ Հակոբյանը (8 հազար 90) եւ Կարեն Նազարյանը (3 հազար 712):

Մանդատների բաշխման կարգը

Ընտրական օրենսգրքի համաձայն՝ կուսակցության ստացած 55 մանդատից կեսը պետք է ստանան ռեյտինգային թեկնածուները: Քանի որ ՀՀԿ-ի դեպքում թիվը կենտ է եւ 1 ամբողջ մանդատ հնարավոր չէ ստանալ 55-ը հավասար մասերի բաժանելուց, դրա համար պատգամավորական մանդատներից 27-ը կտրվի ռեյտինգային թեկնածուներին, իսկ 28-ը համամասնական ցուցակի առաջին 28 համարին: Ռեյտինգային թեկնածուներին մանդատը տրամադրվում է հետեւալ սկզբունքով՝ առաջին մանդատը ստանում է ընտրատարածքի ստացած առավելագույն ձայների եւ տվյալ ընտրատարածքում առավելագույն ձայն ստացած պատգամավորը: Այսինքն, ռեյտինգայինի համար նախատեսվող 27 մանդատից առաջինը կստանա այն ընտրատարածքը, որտեղ առաջադրված թեկնածուների ձայների հանրագումարը կգերազանցի մյուս բոլոր ընտրատարածքների ձայներին, որից հետո այդ մանդատը կստանա տվյալ ընտրատարածքում առավելագույն ձայներ ստացած պատգամավորության թեկնածուն:

Կարեւոր է նշել, որ ամենաշատ ձայներ ստացած ընտրատարածքի քվեների կեսը եթե գերազանցի այլ ընտրատարածքի թվին, ապա առավելագույն ձայն ստացած ընտրատարածքը եւս մեկ մանդատ է ստանում:

Ամենաշատ ձայներ ստացած ընտրատարածքներին մանդատները հասնում են ստորեւ ներկայացված ցանկին համապատասխան՝

Թիվ 9՝ 85689 ձայն  1+1+1     

Թիվ 5՝ 78421 ձայն  1+1+1

Թիվ 3՝ 69198 ձայն   1+1+1

Թիվ 6՝ 68162 ձայն   1+1

Թիվ 8՝ 67276 ձայն  1+1

Թիվ 1՝ 61074 ձայն    1+1

Թիվ 12՝ 58137 ձայն   1+1

Թիվ 2՝ 57600 ձայն    1+1

Թիվ 11՝ 53823 ձայն  1+1

Թիվ 4՝ 53210 ձայն    1+1

Թիվ 10՝ 48323 ձայն   1+1

Թիվ 13՝ 34950 ձայն 1

Թիվ 7՝ 34855 ձայն    1         

Եւ այսպես՝ ամենաշատ ձայն ստացած թիվ 9 ընտրատարածքին երեք մանդատ է բաժնին հասնում, որոնք ստանում են Կարեն Կարապետյանը, Վահրամ Բաղդասարյանը եւ Արկադի Համբարձումյանը: Թիվ 5 ընտրատարածքը եւս երեք մանդատ է ստանում, որոնք բաշխվում են Արայիկ Գրիգորյանի, Մուրադ Մուրադյանի եւ Ալիկ Սարգսյանի միջեւ: Բացառությամբ թիվ 13 եւ թիվ 7 ընտրատարածքների, մյուս բոլոր ընտրատարածքներին տրվում է երկուական մանդատ: Թիվ 7 ընտրատարածքում մանդատ է ստանում Նաիրի Սահակյանը, թիվ 13-ում՝ Գրիգոր Ավալյանը, թիվ 10-ում՝ Սամվել Սանամյանը եւ Անդրանիկ Հարությունյանը, թիվ 4՝ Հակոբ Բեգլարյան, Հարություն Կարապողոսյան, թիվ 11՝ Արման Սահակյան, Ֆելիքս Ցոլակյան, թիվ 2՝ Արման Սահակյան, Արտակ Սարգսյան, թիվ 12՝ Վահե Հակոբյան, Աշոտ Արսենյան, թիվ 1՝ Ռոբերտ Սարգսյան, Միհրան Պողոսյան, թիվ 3՝ Սամվել Ալեքսանան, Արաիկ Հովհաննիսյան եւ Կորյուն Նահապետյան, թիվ 6՝ Նահապետ Գեւորգյան, Սեյրան Սարոյան, թիվ 8՝ Կարեն Բոթոյան, Ռաֆիկ Գրիգորյան,:

ՀՀԿ-ի համամասնական ցուցակի 1-ից մինչեւ 28 համարում ներառված թեկնածուներից որեւէ մեկը ռեյտինգային ընտրակարգով առաջադրված չէ: Ուստի, ՀՀԿ-ի մյուս 28 մանդատը բաժին է հասնում հետեւյալ անձանց՝ Սարգսյան Վիգեն, Մարգարյան Տարոն, Հովհաննիսյան Արփինե, Բաբլոյան Արա, Ամիրյան Արմեն, Աշոտյան Արմեն, Շարմազանով էդուարդ, Եսայան Մարգարիտ, Ֆարմանյան Սամվել, Ավագյան Կարեն, Սահակյան Գալուստ, Նաղդալյան Հերմինե, Մինասյան Գագիկ, Նիկոյան Սամվել, Թովմասյան Հրայր, Պետրոսյան Շուշան, Գրիգորյան Մանվել, Գեղամյան Արտաշես, Հարությունյան Խոսրով, Սարդարյան Շուշան, Բաբուխանյան Հայկ, Զաքարյան Արտակ, Հարությունյան Վահան, Բաղդասարյան Ջեմմա, Կոստանյան Գևորգ, Հակոբյան Միհրան, Սաղաթելյան Արման, Մուրադյան Ռուզաննա:

Հ.Գ. ՀՀԿ-ի համամասնական ցուցակի առաջին տասնյակում ներկայացված անձինք հիմնականում գործող կառավարության անդամներ են, որոնք, ենթադրվում է, նույնությամբ կլինեն առաջիկայում ձեւավորվելիք կառավարությունում, ուստի նրանց փոխարեն պատգամավորներ կդառնան համամասնական ցուցակում նրանց հաջորդող անձինք:

Տպել
35788 դիտում

«Քաղաքացու որոշում» կուսակցությունը մասնակցելու է արտահերթ խորհրդարանական ընտրություններին

Խոշոր չափի յուրացում «Նուբարաշեն» հոգեբուժարանում․ ՄԻՊ-ի արձագանքից հետո քրգործ է հարուցվել

Տնտեսագետ Բաբկեն Թունյանն «Իմ քայլը» դաշինքի ցուցակով մասնակցելու է ԱԺ ընտրություններին

Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան