ՀՀԿ-ական պետը «բեզպրեդել է». սկանդալային իրավիճակ Գյումրու կադաստրում

ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի Գյումրի սպասարկման գրասենյակի պետ Գեղեցիկ Զախարյանը հայտնվել է սկանդալային պատմությունների էպիկենտրոնում:

Գեղեցիկ Զախարյանը, զբաղեցնելով կադաստրի Գյումրու սպասարկման գրասենյակի պետի պաշտոնը, սկսել է բարդացնել քաղաքացիների գործարքները, պահանջում է անհասկանալի փաստաթղթեր, որոնց անհրաժեշտությունը չկա: Այս մասին armtimes.com-ի հետ զրույցում բարձրաձայնեց գյումրեցի իրավաբան Արինա Մեծոյանը:

«Նախկինում կադաստրի աշխատակիցները պատասխանում էին մեր բոլոր հարցերին, բայց հիմա մինչեւ պետը թույլ չի տալիս, ոչ մի աշխատակից չի խոսում: Գյումրու գրասենյակ էի դիմել՝ սեփականությունը հաստատող փաստաթղթի 2-րդ ձեւ ստանալու համար: Գեղեցիկ Զախարյանը ինձ ասել էր, որ դրա համար լիազորագիր է հարկավոր, երբ վստահորդիցս լիազորագիրը վերցրեցի եւ եկա փաստաթուղթը վերցնելու, աշխատակիցը ինձ ասաց, որ լիազորագրի անհրաժեշտություն չկա: Ստացվում է, որ ես անտեղի ժամանակ եմ կորցնում, իսկ վստահորդս՝ ֆինանսական միջոցներ: Գեղեցիկ Զախարյանի կողմից սպասարկումը շատ վատ է: Ես իրեն հարց եմ տալիս, իսկ նա միջանցքով քայլում է, իմիջիայլոց խոսում է»,- armtimes.com-ի հետ զրույցում նշեց իրավաբան Մեծոյանը:

Արինա Մեծոյանը նաեւ նշում է, որ Գեղեցիկ Զախարյանն ստեղծել է այնպիսի մթնոլորտ, որ ինքն ամենակարող է եւ կվարվի այնպես, ինչպես կցանկանա:

«Երբ մի անգամ էլ պատի վրա բան էի կարդում, իրեն թվաց, թե թեժ գծի համարն եմ նայում, բայց ես ուրիշ բան էի կարդում, թեեւ մեր կադաստրում թեժ գծի համարը սխալ տեղ է փակցրած՝ դռան հետեւը: Նա առանց հասկանալու, թե ինչ եմ կարդում ասաց՝ թեժ գծի համարն ես նայու՞մ, եթե թեժ գծին զանգես ինչ-որ բա՞ն է փոխվելու: Նրա մոտ անպատժելիության եւ «բեզպրեդելի» զգացողություն կար: Տպավորություն էր, որ նա շատ անլուրջ է եւ ուզում էր ասել, որ ես եմ էս օֆիսի տերը: Պաշտոնյան, եթե զգոնություն չի դրսեւորում, ուրեմն ժողովրդին վերաբերվում է այնպես, ինչպես պահի տակ ստացվի: Նա չի տիրապետում մարդկանց հետ շփվելու տարրական կանոններին: Ոչ ոք իրավունք չունի ժամերով հերթ կանգնելուց հետո մուննաթով ինձ ասի՝ ի՞նչ ես ուզում, աղջիկ ջան»,- ասում է իրավաբանը եւ ավելացնում, որ զանգահարելով «թեժ գծի» հեռախոսահամարով՝ տեղեկացրել է այն մասին, որ կադաստրի Գյումրու սպասարկման գրասենյակի պետը պահանջում է անհիմն փաստաթղթեր, որոնք գործարքի հետ բացարձակ առնչություն չունեն:

Արինա Մեծոյանն ասում է, որ կադաստրի պետական կոմիտեից իր ահազանգին միանգամից են պատասխանել: Իրավաբանին հրավիրել են ՀՀ կառավարությանն առընթեր անշարժ գույքի կադաստրի պետական կոմիտե, քննարկել ստեղծված իրավիճակը, թեեւ տեղեկացրել են, որ Գեղեցիկ Զախարյանը հրաժարվում է իրավաբանի կողմից իրեն վերագրվածից:
«Ես երբ հանդիպեցի կադաստրի կոմիտեի աշխատակազմի ղեկավարի հետ, ասացի, որ պատրաստ եմ նաեւ առերեսվել Գեղեցիկ Զախարյանի հետ: Եթե ես ունեմ ժամանակ եւ համապատասխան գիտելիքներ այս մասին բարձրաձայնելու համար, բայց կան շատ քաղաքացիներ, ովքեր չեն պայքարում իրենց իրավունքների համար: Իմ նպատակը Գեղեցիկին աշխատանքից ազատելը չէ, այլ եթե զբաղեցնում են պետական պաշտոններ, ուրեմն պետք է ծառայեն ժողովրդին: Ես չգիտեմ, թե կոմիտեն նրան ի՞նչ նկատողություն է տվել, բայց շատ ջղայնացան եւ ասացին, որ կադաստրի ոչ մի գրասենյակում նման բան չի եղել»,- նշեց իրավաբանը:

Մեզ հասած տեղեկություններով՝ ՀՀ ԿԱԱԳԿՊԿ-ից Գեղեցիկ Զախարյանը խիստ նկատողություն է ստացել:  Իրավաբան Արինա Մեծոյանն ասում է, որ Գեղեցիկ Զախարյանը գրասենյակի կնիքը միշտ իր մոտ է պահում, ինչն էլ ավելի է բարդացնում աշխատանքը: «Տարբեր խոսակցություններ են պտտվում, թե նա ինչու է այդ կնիքը իր մոտ պահում, բայց ես չեմ ուզում դրանց մասին բարձրաձայնել, քանի որ հստակ տեղեկություններ չունեմ եւ եթե դրանց մասին խոսեմ՝ կխախտեմ անմեղության կանխավարկածը»,- ասաց իրավաբանը:

Ստեղծված իրավիճակի շուրջ armtimes.com-ը փորձեց պարզաբանում ստանալ Գեղեցիկ Զախարյանից: Կադաստրի Գյումրու սպասարկման գրասենյակ մեր այցելության ժամանակ Զախարյանը, երբ տեղեկացավ հարցազրույցի թեմայի մասին, նշեց. «Կնիքն այնտեղ է, որտեղ պետք է լինի»։ Այսպես ասելուն պես առաջարկեց դուրս գալ իր աշխատասենյակից, ապա մի քանի րոպե հետո, կրկին տեղեկացրեց, որ հարցազրույց տալու ցանկություն չունի:

Նշենք, որ նա Երեւանի նախկին քաղաքապետ, 2009-2014 թվականներին ՀՀ կառավարությանն առընթեր անշարժ գույքի կադաստրի պետական կոմիտեի նախագահի պաշտոնը զբաղեցնող Երվանդ Զախարյանի եղբոր թոռնուհին է, ՀՀԿ կանանց խորհրդի անդամ է։ Ըստ Գյումրիում շրջանառվող տեղեկությունների, նրան աշխատանքի տեղավորել է հորեղբայր Զախարյանը՝ որպես սովորական շարքային աշխատողի, բայց հետագայում այդ նույն համակարգի բարձրաստիճան պաշտոնյաների հովանու ներքո պաշտոնի կտրուկ բարձրացում է տեղի ունեցել։

Դեպքի առնչությամբ armtimes.com-ը պարզաբանում էր խնդրել ՀՀ ԿԱ անշարժ գույքի կադաստրի պետակա կոմիտեի լրատվության բաժնից: Տեղեկատվության և հասարակայնության հետ կապերի բաժնի պետ Լուսինե Նազարյանը հետեւյալ գրավոր պատասխանն է փոխանցել, որը մեջբերում ենք ամբողջությամբ. «Ի պատասխան ՀՀ ԿԱ անշարժ գույքի կադաստրի պետակա կոմիտե ուղարկված Ձեր հարցման՝ հայտնում ենք, որ սույն թվականի փետրվարի 23-ին կոմիտեի էլեկտրոնային փոստին քաղաքացի Արինա Մեծոյանի կողմից ներկայացվել է դիմում-բողոք այն մասին, որ կոմիտեի աշխատակազմի «Գյումրի» սպասարկման գրասենյակի պետ Գեղեցիկ Զախարյանը իր աշխատանքային պարտականությունները կատարում է ոչ պատշաճ, ինչից տուժում է գրասենյակում քաղաքացիների սպասարկման որակը: Կոմիտեի աշխատակազմի վերահսկողության վարչության կողմից իրականացված համակողմանի ուսումնասիրության արդյունքում, ղեկավարվելով «Քաղաքացիական ծառայության մասին» ՀՀ օրենքի 32-րդ հոդվածի 1-ին մասի գ) կետով, ծառայողական պարտականությունները ոչ պատշաճ կատարելու համար սույն թվականի ապրիլի 21-ին «Գյումրի» սպասարկման գրասենյակի պետ Գեղեցիկ Զախարյանին հայտարարվել է խիստ նկատողություն»,-ասված է Նազարյանի պատասխանում:

 

 

 

Տպել
8531 դիտում

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)