Խոստանում էին միայն քաղաքային դպրոցները օպտիմալացնել, բայց սկսում են նաեւ գյուղականներից

Հայաստանյան դպրոցների օպտիմալացման` կառավարության նախաձեռնությունը շոշափելի է դառնում: Արդեն իսկ հնչում են միավորման ենթակա դպրոցների անուններ: Բայց փակվելիք կամ միավորվելիք դպրոցների ամբողջական ցանկ դեռեւս հնարավոր չի եղել ձեռք բերել:  

Շաբաթ ՀՀ կրթության եւ գիտության նախարարություն այցելած վարչապետ Կարեն Կարապետյանին զեկուցվել է, որ վերջին ամիսների ընթացքում հանրապետության դպրոցներում իրականացվել է ծանրաբեռնվածության ուսումնասիրություն եւ կառավարության աշխատակազմին է ներկայացվել օպտիմալացման ծրագիր: ՀՀ  տարածքային կառավարման եւ զարգացման նախարար Դավիթ Լոքյանն էլ նույն օրը լրագրողների հետ հանդիպման ժամանակ որոշ փակագծեր էր բացել:

Ըստ այդմ, օրինակ, Կոտայքի մարզի Զովաշեն համայնքում հանրակրթական հաստատություն այլեւս չի գործի: Գյուղի հիմնական դպրոցը կմիավորվի Հատիսի միջնակարգ դպրոցի հետ:

Այս հեռանկարը դժգոհություն է առաջացրել Զովաշենում: «Որովհետեւ նախ երեխաները փոքր են: Նրանց համար 5 կմ ճանապարհ գնալ-գալը բարդ կլինի: Մեր գյուղը ծովի մակերեւույթից երկու հազար մետր բարձրության վրա է, մեզ մոտ ձմեռը շատ խիստ է լինում` ցուրտ, ձնաբքեր, ճանապարհները հաճախակի փակվում են: Երեխաները տարբեր տարիքի են: Մի երեխան դասը կավարտի ենթադրենք 13:30-ին, մյուսը` 14:30-ին: Բայց պետք է մեկը մյուսին սպասի մինչեւ ավտոբուսի ժամը` մինչեւ վերջին դասի ավարտը: Այդպիսի խնդիրներ»,- մեր զրույցում ասաց Զովաշեն համայնքի ղեկավար Սեդրակ Սաֆարյանը:

Երեխաների տեղափոխության հարցը հոգալու է պետությունը: Նախատեսվում է, որ նշված դպրոցների օպտիմալացման արդյունքում խնայվելու է 13 միլիոն դրամ: Դրա մի մասն էլ կուղղվի տրանսպորտային միջոցի ապահովման նպատակին:

Զովաշեն գյուղի դպրոցը հիմնական է: Այնտեղ սովորում է 9 երեխա: Աշակերտներից երկուսը 9-րդ դասարանցի են, մյուսները` մինչեւ 6-րդ: «Բայց վերջին 6 տարում գյուղում 25 երեխա է ծնվել: 6 տարի հետո դպրոցում կարող էր լինել 25 աշակերտ»,- նկատեց համայնքի ղեկավարը:

Նա միեւնույն ժամանակ խոսեց նախատեսվող օպտիմալացման դրական կողմի մասին: «Հարցի մյուս կողմն էլ կա. Հատիսի դպրոցը տիպային դպրոց է` բավականին նոր: Մեր դպրոցը 1957 թվականին է կառուցվել, իսկ Հատիսինը` 1976-1977 թվականներին»,- ասաց նա:  

Տարածքային կառավարման եւ զարգացման նախարար Դավիթ Լոքյանը վերջին ասուլիսում հայտարարել է, որ օպտիմալացումից հետո մանկավարժները կշարունակեն աշխատել` ի տարբերություն վարչական աշխատողների: Ավելի վաղ էլ թե´ կառավարությունում եւ թե´ կրթության պատասխանատուները հայտարարել էին, որ օպտիմալացման ծրագրերն ու նպատակները վերաբերում են քաղաքային համայնքներում գործող թերբեռնված ու անբարեկարգ դպրոցներին, իսկ գյուղական համայնքների հանրակրթական հաստատությունների համար այլ լուծումներ էին առաջակվելու: Բայց ժամանակը, փաստորեն, ցույց տվեց, որ գյուղերում գործող դպրոցները նույնպես օպտիմալացվելու ճանապարհին են:  

Տպել
3278 դիտում

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը