Որոշ դպրոցներում մի քանի տասնյակ տեսախցիկներ են հայտնաբերվել, այդ թվում` ուսուցչանոցում

Պարզվում է Երեւանում կան դպրոցներ, որտեղ տեղադրված տեսախցիկները տասնյակներով են հաշվվում: Ընդ որում, երբեմն դրանք նախատեսված են եղել նաեւ դասասենյակներն ու ուսուցչանոցները հսկելու համար:  

ՀՀ արդարադատության նախարարության աշխատակազմի անձնական տվյալների պաշտպանության գործակալությունից մեր խնդրանքով տրամադրվեց այն դպրոցների ցանկը, որոնց հետ կապված վարույթ է հարուցվել եւ իրականացվել են համապատասխան ուսումնասիրություններ: Այդպիսի հաստատությունների թիվը 20-նն է եւ դրանք բոլորը գործում են մայրաքաղաքում:

Նշված գործակալության վարչական վարույթների իրականացման բաժնի պետ Գեւորգ Հայրապետյանը տեղեկացրեց, որ դպրոցներից մի քանիսի դեպքում գործը կարճվել է, մյուսների դեպքում արձանագրվել է համաչափության սկզբունքի խախտում: Այսինքն` օրինակ հաստատությունում չեն կարողացել հիմնավորել, որ եթե դասասենյակներում տեղադրված տեսանկարահանող սարքի գոյության նպատակն է գույքն ու նյութերը պաշտպանելը, ապա ինչու են սարքի տեսադաշտում ամբողջ դասարանն ու երեխաները:

Առավել մեծ թվով տեսախցիկներ, ըստ բաժնի պետի տրամադրած տվյալների, առկա է եղել հետեւյալ հանրակրթական հաստատություններում` համար 89 դպրոցում` 23 տեսախցիկ, համար 90-ում` 22, համար 162-ում` 26 տեսախցիկ: Ուշագրավ է, որ բոլոր այս դպրոցները գտնվում են Մալաթիա-Սեբաստիա վարչական շրջանում:

Ուսուցչանոցում տեսախցիկ է եղել համար 188 հանրակրթական հաստատությունում:

Տեսանկարահանող սարքերի անհրաժեշտության շուրջ զրուցեցինք Սիամանթոյի անվան համար 162 եւ Գ. Չաուշի անվան համար 188 հիմնական դպրոցների տնօրենների հետ:

«Այդ սարքերը տեղադրված են միջանցքներում, ֆիզկուլտային դահլիճում, այն լաբորատոր դասասենյակներում, որտեղ կարելի է վտանգ զգալ: Միայն այդտեղ»,- ասաց 26 տեսախցիկ ունեցող համար 162 դպրոցի տնօրեն Աննա Ստեփանյանը: Նա նշեց, որ դպրոցը բավական մեծ է եւ ունի 9 մասնաշենք:

«Դպրոցը հիմնավորել է, պատասխանը հղել է, մեկնաբանությունը արված է: Կա նաեւ ծնողական համայնքի, դպրոցի խորհրդի համաձայնությունը եւ այդ ամբողջը արձանագրված է փաստերով: Տեսախցիկներ տեղադրվել են այն լաբորատորիաներում, որտեղ կարող ենք վտանգ տեսնել: Օրինակ` դրանցի մեկը էլեկտրոնային դասասենյակ է, որտեղ բավական թանկ գույք է դրված, որը, ինչու չէ, պաշտպանվում է նաեւ այս տեսադաշտից»,- նշեց Աննա Ստեփանյանը:

Ինչ վերաբերում է նկատված օրինաչափությանը, որ մեծ թվով տեսանկարահանող սարքեր տեղադրված են Մալաթիա-Սեբաստիա վարչական շրջանում գտնվող դպրոցներում, մեր զրուցակից տնօրենը պատասխանեց, որ նախաձեռնությունը չի եկել տեղի իշխանություններից. «Վարչական շրջանի կողմից որեւէ նախաձեռնություն չի եղել, դա ընդամենը դպրոցի խորհրդի նախաձեռնությունն է եղել»:

Համար 188 դպրոցի տնօրեն Վարդիթեր Խաչատրյանն էլ իր ղեկավարած հաստատությունում տեսանկարահանող 16 սարքերի առկայությունը բացատրեց անվտանգության նկատառումով:  «Հիմնականում անհրաժեշտությունը զգացել ենք դպրոցի անվտանգության պահպանման համար: Այլ նպատակ բացարձակապես չի եղել, դասասենյակներում էլ արդեն հանված են, ժամանակին ամեն ինչ արվել է»: Նա նույնպես ասաց, որ դպրոցի տարածքը շատ մեծ եւ տեսախցիկների մեծ մասը հսկում են բակը եւ միջանցքները:

«Ինչ վերաբերում է դասասենյակներին` սարքը դրված է եղել նոր վերանորոգված համակարգչային կաբինետում` շատ համակարգիչներով, որն էլ ֆիքսված է եղել դեպի պատուհան, որպեսզի հետագա ոչ մի խնդիր չունենանք: Գողություն եւ այլն, շատ է տարածված, բոլորս էլ գիտենք»,- նշեց Վարդիթեր Խաչատրյանը:  

Ուսուցչանոցում տեսախցիկ լինելու փաստին անդրադառնալով նույնպես տնօրենը վստահեցրեց, թե դրա «հայացքն» ուղղված է եղել միայն պատուհանին: «Ուսուցչանոցը առաջին հարկում է, երկու կողմից էլ բակ կա, տարածքը, նորից ասեմ, մեծ է, տեսախցիկը ֆիքսված է պատուհանի վրա: Չնայած չհրկիզվող պահարանում, բայց ամեն դեպքում մատյաններ կան դրված»,- պատճառաբանեց Վարդիթեր Խաչատրյանը:

Տպել
3832 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան